Sport

Top dhjetë futbollistët më të shtrenjtë nën moshën 21-vjeçare në Premier League

Published

2 years ago

on

Premier League konsiderohet si liga më e fortë dhe më konkurruese në futbollin botëror aktualisht. Duke pasur parasysh presionin e menaxherëve për rezultate më të mira, nganjëherë mundësitë për lojtarët e rinj janë të kufizuara, por në anën tjetër ka një numër talentësh të cilët dita-ditës po zhvillohen mjaft shumë.

Në njoftimin e fundit të ‘Transfermarkt’, vlera e Premier League u rrit për 10.30 milionë euro, kështu duke e bërë kampionatin anglez më të shtrenjtin në botë momentalisht me një vlerë prej 11.15 miliardë eurosh në treg.

Por cilët janë dhjetë lojtarët më të vlefshëm nën moshën 21-vjeçare në Premier League?

  1. Jérémy Doku – Manchester City – 21 vjeç – 65 milionë euro:

Jérémy Doku u përshtat me stilin e lojës së Pep Guardiolas, duke fituar minuta direkt në krahun e majtë të sulmit te Manchester City, shpeshherë edhe para Jack Grealish. Ai madje barazoi një rekord në Premier League, duke regjistruar katër asistime në një ndeshje (6-1 kundër Bournemouth). Performanca e tij ka rënë paksa që nga fillimi i vitit, por kujtojmë që ai është në moshën 21-vjeçare dhe gjithmonë ka hapësirë për përmirësim në të ardhmen.

  1. Rasmus Højlund – Manchester United – 21 vjeç – 65 milionë euro:

Sulmuesi danez nuk arriti të shënonte në 11 ndeshjet e para të Premier League në vitin 2023, por forma e tij hasi ngritje në vitin 2024. Goli i tij i parë në kampionat erdhi pikërisht në fund të dhjetorit kundër Aston Villa-s, para se një dëmtim të pengonte rritjen dhe zhvillimin e tij. Højlund shënoi shtatë gola në gjashtë ndeshje kështu duke e mbyllur fuqishëm sezonin me ‘djajtë e kuq’ duke triumfuar në finalen e ‘FA Cup’ ndaj Manchester Cityt.

  1. Kobbie Mainoo – Manchester United – 19 vjeç – 50 milionë euro:

Në një sezon mjaft të dobët për Man United, padyshim një nga gjërat pozitive ishte sezoni i jashtëzakonshëm i mesfushorit të talentuar, Kobbie Mainoo. 19-vjeçari shënoi disa gola të rëndësishme gjatë këtij edicioni si dhe u ftua në skuadrën provizore të Anglisë për EURO 2024.

  1. Evan Ferguson – Brighton – 19 vjeç – 50 milionë euro:

Evan Ferguson doli në skenë sezonin e kaluar dhe shënoi gjashtë gola në Premier League në sezonin e tij debutues për Brighton. Në fillim të këtij sezoni, ai pati ngritje si dhe shënoi gjashtë gola në 11 paraqitje. Talenti irlandez ka tërhequr vëmendjen e shumë nga klubeve kryesore të Evropës. Megjithatë mungesa e minutazhës ka pësuar një rënie prej 10 milionë euro në tregun e transferimeve.

  1. Levi Colwill – Chelsea – 21 vjeç – 50 milionë euro:

Pavarësisht një sezoni tjetër të dobët për Chelsean, ku ‘Blutë’ përfunduan në vendin e gjashtë në Premier League duke pranuar 63 gola, Levi Colwill ka pasur një sezon pozitiv në aspektin profesional. Pas huazimit te Brighton, ai arriti të siguronte minuta në mbrojtjen e Chelseat ku bëri 23 paraqitje në ligë për Blues këtë sezon, si dhe bëri debutimin e tij për Kombëtaren e Anglisë në muajin tetor ndaj Australisë.

  1. Alejandro Garnacho – Manchester United – 19 vjeç – 45 milionë euro:

Kur Alejandro Garnacho shënoi golin e jashtëzakonshëm ndaj Evertonit në muajin nëntor, të gjithë te Manchesteri si dhe tifozët e futbolldashësit mbetën të habitur. Argjentinasi ashmë ka fituar çmimin e golit të muajit dhe është shpallur si një pretendent i fortë për golin e sezonit. Që atëherë, ai ka qenë një titullar i rregullt për skuadrën Ten Hag, dhe ka qenë një nga pikat e forta të Manchester Unitedit.

  1. Destiny Udogie – Tottenham – 21 vjeç – 45 milionë euro:

Pas huazimit të tij te Fiorentina sezonin e kaluar, jo shumë prisnin që Udogie të kishte një ndikim kaq të madh në ekipin e parë të Tottenhamit këtë sezon. Megjithatë mbrojtësi italian kontribuoi me dy gola dhe tri asistime gjatë këtij sezoni. Vlera e 21-vjeçarit në tregun e transferimeve u rrit për 5 milionë euro në muajin mars, por pas dëmtimit të tij ndaj Newcastle në prill të këtij viti, ai e mbylli sezonin më herët sesa që pritej.

  1. Jarrad Branthwaite – Everton – 21 vjeç – 42 milionë euro:

Evertoni e përfundoi sezonin 23/24 me mbrojtjen e katërt më të mirë në Premier League. Një nga meritorët për këtë statistikë ka qenë edhe Jarrad Branthwaite, i cili ka dhënë kontributin e tij në vijën e mbrojtjes. Ai është përfshirë në skuadrën provizore të Anglisë për EURO 2024 dhe shumë skuadra evropiane kanë shprehur interes për shërbimet e tij. Në njoftimin e fundit të ‘Transfermarkt’, shtatlarti anglez pati një rritje prej 12 milionë € në tregun e transferimeve.

  1. Pape Matar Sarr – Tottenham – 21 vjeç – 40 milionë euro:

Një tjetër lojtar me cilësi të mira në skuadrën e Tottenhamit këtë sezon. Mesfushori i talentuar senegalez ka shënuar tri gola dhe tri asistime në Premier League këtë sezon, dhe vlera e tij në tregun e transferimeve u rrit për 5 milionë euro, sipas njoftimit të fundit.

  1. Rico Lewis – Manchester City – 19 vjeç – 38 milionë euro:

Rico Lewis bëri debutimin e tij në kampionatin anglez në moshën 18-vjeçare në nëntor të vitit të kaluar kështu duke hasur në ngritje, falë pjesëmarrjes së vazhdueshme me ekipin e parë të Manchester Cityt. Lewis është futbollist i cili mund të mbulojë edhe pozitën e mesfushës përveç krahut të djtathtë të mbrojtjes. Ai është njëri ndër lojtarët e rinj më të vlerësuar në Evropë dhe shënoi një rritje prej 18 milionë € në përditësimin e vlerës së tij në treg në muajin dhjetor të vitit të kaluar./UBTNews/

Related Topics:
Continue Reading

Sport

Kosovare Asllani rinovon kontratën me London City Lionesses deri në vitin 2027

Published

7 hours ago

on

July 14, 2026

By

Kosovare Asllani do të vazhdojë të jetë pjesë e London City Lionesses edhe për dy sezone të tjera. Klubi anglez ka konfirmuar këtë të martë se ka rinovuar kontratën me futbollisten me përvojë deri në verën e vitit 2027.

36-vjeçarja, e cila iu bashkua skuadrës në vitin 2024, ka qenë një nga figurat kyçe në suksesin e klubit, duke ndihmuar London City Lionesses të sigurojë ngjitjen në elitën e futbollit anglez dhe më pas të zhvillojë një sezon konkurrues në nivelin më të lartë.

Aktualisht, Asllani është në fazën e rikuperimit pas një lëndimi serioz, ndërsa rikthimi i saj në fushë pritet gjatë edicionit të ardhshëm.

London City e mbylli sezonin e kaluar në vendin e gjashtë të kampionatit anglez, por ambiciet e klubit janë rritur ndjeshëm. Së fundmi, skuadra ka siguruar transferimin e fitueses së shumëfishtë të “Topit të Artë”, Alexia Putellas, duke synuar luftën për titull në sezonin e ri.

Asllani ka ndërtuar një karrierë të jashtëzakonshme në futbollin evropian, duke veshur fanellat e klubeve të njohura si Milan, Real Madrid, Manchester City dhe Paris Saint-Germain. Me kombëtaren e Suedisë, ajo ka regjistruar 209 paraqitje, ndërsa mban shiritin e kapitenes si te përfaqësuesja suedeze, ashtu edhe te London City Lionesses.

D.L

Continue Reading

Sport

Olise në radarët e Real Madridit, Bayerni nuk pranon negociata

Published

8 hours ago

on

July 14, 2026

By

Real Madridi po monitoron me kujdes situatën e Michael Olises, por deri në këtë fazë nuk ka paraqitur asnjë ofertë zyrtare për sulmuesin francez. Sipas gazetarit të njohur të merkatos, Fabrizio Romano, arsyeja kryesore është qëndrimi i Bayernit të Mynihut, i cili e konsideron 24-vjeçarin të paprekshëm në merkato.

Burimet bëjnë të ditur se drejtuesit e klubit madrilen janë të gatshëm të reagojnë menjëherë nëse situata ndryshon gjatë afatit kalimtar dhe krijohet mundësia për të nisur negociatat. Megjithatë, Bayerni vazhdon të mbajë një qëndrim të prerë, duke e cilësuar Olisen si një nga shtyllat kryesore të projektit afatgjatë të klubit.

Ndërkohë, në “Santiago Bernabéu” besohet se presidenti Florentino Pérez e vlerëson shumë profilin e reprezentuesit francez. Sipas raportimeve, ai e sheh Olisen si një nga “Galaktikët” e ardhshëm të Real Madridit, pasi cilësitë dhe potenciali i tij përputhen me strategjinë e klubit për të ndërtuar një skuadër konkurruese për vitet në vazhdim.

Për momentin, gjithçka mbetet në fazën e vëzhgimit, ndërsa Real Madridi pret të shohë nëse Bayerni do të ndryshojë qëndrim përpara fundit të merkatos.

D.L

Continue Reading

Sport

Sonte luhet gjysmëfinalja e parë e Kupës së Botës mes Francës dhe Spanjës

Published

11 hours ago

on

July 14, 2026

By

Sonte nga ora 21:00 do të luhet ndeshja e parë gjysmëfinale e Kupës së Botës 2026, ku Franca dhe Spanja do të përballen me synimin për të siguruar një vend në finalen e madhe.

Të dyja kombëtaret pritet t’i kenë të gjithë lojtarët kryesorë të gatshëm për këtë përballje. Te Franca, sulmuesi Kylian Mbappe dhe mesfushori Manu Kone pritet të luajnë nga fillimi pasi kanë kaluar shqetësimet e lehta fizike nga ndeshja e kaluar, ndërsa skuadrës i rikthehet edhe Aurelien Tchouameni. Në anën tjetër, te Spanja pritet rikthimi i mesfushorit Pedri në formacionin bazë pasi pushoi në çerekfinale, si dhe i Mikel Merinos, ndërsa sulmi do të udhëhiqet nga Mikel Oyarzabal.

Për sa u përket formacioneve të mundshme, Franca pritet të zbresë në fushë me Maignan në portë, Digne, Saliba, Upamecano dhe Kounde në mbrojtje, Kone dhe Rabiot në mesfushë, ndërsa Barcola, Olise, Dembele dhe Mbappe do të rreshtohen në fazën sulmuese. Spanja pritet të startojë me portierin Simon, të mbrojtur nga Porro, Cubarsi, Laporte dhe Cucurella, në mesfushë do të jenë Rodri dhe Pedri, ndërsa Yamal, Merino dhe Baena do të mbështesin sulmuesin Oyarzabal.

Franca hyn në këtë gjysmëfinale pas gjashtë fitoreve radhazi në këtë turne, ku ka shënuar 16 gola, tetë prej të cilëve nga Kylian Mbappe. Megjithatë, Spanja ka një bilanc më të mirë në përballjet e fundit direkte, duke fituar shtatë nga dhjetë ndeshjet e fundit kundër francezëve. Ndeshja parashikohet të jetë e ngushtë, por përvoja e Francës në këtë fazë dhe thellësia e skuadrës mund të bëjnë diferencën për një fitore të mundshme 2-1 të tyre. /E.A/

Continue Reading

Sport

Slaven Biliq rikthehet në stolin e Kroacisë, zëvendëson Zlatko Daliqin

Published

1 day ago

on

July 13, 2026

By

Slaven Biliq është emëruar selektor i ri i Përfaqësueses së Kroacisë, duke rikthyer një emër të njohur në krye të kombëtares.

Lajmin e ka konfirmuar Federata e Futbollit e Kroacisë, ndërsa Biliq do ta zëvendësojë Zlatko Daliqin, i cili u largua nga posti pas eliminimit të Kroacisë nga Kupa e Botës dhe pas një periudhe nëntëvjeçare në drejtimin e skuadrës.

Kroacia u eliminua nga Portugalia në fazën e 1/16-tës së finales së Botërorit, çka solli fundin e epokës së Daliqit në bankinën kroate.

Për Biliqin, ky është një rikthim në një rol që e ka mbajtur edhe më herët. Trajneri 57-vjeçar ka qenë selektor i Kroacisë nga viti 2006 deri në vitin 2012, periudhë në të cilën krijoi një identitet të fortë për ekipin kombëtar.

“Dua të falënderoj presidentin Kustiq dhe drejtuesit e Federatës për besimin. Jam jashtëzakonisht i emocionuar për këtë sfidë. Tani jam një trajner më i pjekur dhe me më shumë përvojë, por motivimi dhe dëshira për ta parë Kroacinë të fuqishme, të guximshme dhe të suksesshme janë të njëjta”, ka deklaruar Biliq.

Gjatë karrierës së tij, Biliq ka drejtuar edhe klube të njohura si Beşiktaş J.K., Watford F.C. dhe Al-Ittihad Club.

Tashmë, sfida e tij e radhës është të udhëheqë Kroacinë drejt një kapitulli të ri dhe të ruajë statusin e saj si një nga kombëtaret më konkurruese në futbollin evropian.

D.L

Continue Reading

Të kërkuara