

Kulturë
Tom Cruise kërcënohet me jetë, aktori detyrohet të punësojë një ekip sigurie
Kjo për shkak të një ish-punonjësi.
Published
3 years agoon
By
UBT newsAktori i njohur Tom Cruise së fundmi ka punësuar një ekip sigurie pasi ai dhe regjisori Christopher McQuarrie morën një sërë kërcënimesh nga një ish-punonjës.
Ylli i filmave dhe regjisori i “Mission: Impossible” morën shërbime të ekipit të sigurisë pasi një producent u largua nga ekipi gjë që çoi në ‘protesta të zemëruara’ dhe frikë për hakmarrje të mëtejshme.
Një burim brenda ekipit të filmit tha se: Tom dhe Chris janë ende duke punuar në “Mission: Impossible 8”, kryesisht në Mbretërinë e Bashkuar, por gjërat janë bërë gjithnjë e më të pakëndshme me një ish-anëtar të ekuipazhit dhe tani është rasti të mos rrezikojnë. Po rrezikohet jeta e Tom dhe Chris edhe prapa kamerave”.
Sipas mediumit, punonjësi ishte caktuar të gjente lokacione xhirimesh për skenat duke përfshirë një që përshkruan një përplasje treni por planet e tij nuk u vunë në lëvizje në film.
Një burim tjetër tha se: Aktori krysor i “Top Gun: Maverick” është mësuar të ketë ekipe sigurie rreth tij shumicën e kohës për shkak të famës së tij, por për Chris është një gjë shumë e re”.
Punonjësi që u largua ka nisur një proces gjyqësor ndaj Cruise, McQuarrie dhe Paramount Studios dhe ka akuzuar oligarkët rusë që financonin punën e aktorit dhe një hetim të lidhur të FBI ndaj Paramount mbi financimin. Burimi vuri në dukje se ndërsa gjithçka është duke shkuar keq ata që janë përfshirë në filma janë të sigurt se gjithçka është plotësisht në rregull, ai është thjesht një ish-anëtar i inatosur i stafit.
McQuarrie ndërkaq ka punuar gjerësisht me Cruise, duke drejtuar filmat e tij përfshirë “Jack Reacher” të vitit 2012, “Mission: Impossible-Rogue Nation” të 2015 dhe “Mission: Impossible-Fallout” 2018. Ata aktualisht janë duke punuar në serinë e filmave me dy pjesë “Mission: Impossible-Dead Reckoning”, i cili do të shfaqet në kinema në 2023 dhe 2024.
Rikujtojmë gjithashtu se Cruise do të bashkëpunojë me regjisorin Doug Lyman për një projekt të ri në hapësirë. 60-vjeçari filloi përgatitjen e projektit pak para pandemisë. Sipas mediave amerikane, ai dhe regjisori kontaktuan me ‘Universal Filmed Entertainment Group’ (UFEG) për të paraqitur idenë e tyre për një raketë që do ta dërgonte aktorin në Stacionin Ndërkombëtar të Hapësirës./TopChannel/
Magazinë
Hailey Bieber flet hapur për problemin e saj shëndetësor
Published
10 hours agoon
April 22, 2025
Modelja Hailey Bieber ka folur për problemin shëndetësor me të cilin po përballet.
Në një foto të publikuar në Instastory ajo ka bërë të ditur se po vuan nga cistet në vezore.
Themeluesja e brendit “Rhode” në fotografi shihet me barkun zbuluar. Ajo ka shkruar se kushdo që është duke u përballur me një gjendje të ngjashme, e ka mbështetjen e saj, ka shkruar PageSix.
“Nëse edhe ju përballeni me ciste në vezore, jemi bashkë në këtë!”, ka thënë ajo.
Magazinë
“Pallati” prej 11 milionë eurosh i Mbappes, askush nuk afrohet pa ftesë
Published
13 hours agoon
April 22, 2025
Kalimi i Kylian Mbappe nga Parisi te Real Madridi verën e kaluar, si lojtar i lirë, ishte një nga transferimet më të përfolura në futbollin evropian.
Skuadra madrilene kishte disa vite që “flirtonin” me të, arritën ta bënin të tyren dhe që në momentin që Mbappe veshi fanellën e Merengues ishte e logjikshme dhe e natyrshme që të bëhej lojtari më i paguar në kampionatet europiane.
Francezi paguhet 31.2 milionë euro në vit ose nëse preferoni shumën mujore arrin në 2 670 000 milionë euro dhe jeta e tij magjepsëse në Madrid, ishte logjike dhe e pritshme që do të kombinohej me një shtëpi luksoze përkatësisht.
Mbappe mund të kishte zgjedhur çdo zonë të Madridit për të jetuar, por ai zgjodhi lagjen ku jeton edhe Jude Bellingham. E famshmja La Finca, e cila në thelb është një zonë private në lagjen Pozuelo de Alarcón, që quhet Beverly Hills e kryeqytetit spanjoll…
Në fakt, kjo zgjedhje konsiderohet e mençur, pasi sulmuesi 25-vjeçar, pas eliminimit nga Arsenali në Champions League dhe përjashtimit të tij së fundmi, po shahet vazhdimisht nga momentet e pakta të tifozëve që ai priste për personin e tij. Të paktën në La Finca ai ka qetësinë dhe qetësinë e tij…
Kjo zonë ka qenë streha e banorëve të pasur të Madridit që në mesjetë për shkak të afërsisë me vendgjuetitë mbretërore. Më 1989, La Finca u ble nga zhvilluesi spanjoll Luis Garcia Sereda i cili e shndërroi në rezidenca luksoze e blerësit e parë ishin aristokratë, aktorë e këngëtarë, të ndjekur nga futbollistët.
Dhe zgjedhja e tyre nuk ishte e rastësishme pasi La Finca ofron sigurinë më të lartë të mundshme pasi hyrja është e ndaluar për këdo pa ftesë nga një banor, ndërkohë që ka roje sigurie 24 orë në ditë dhe sigurisht është e pajisur me teknologjinë më të fundit për sa i përket sistemeve të monitorimit.
Magazinë
Van Damme thotë se ka simpati për Putinin: Dua të shkoj në Rusi dhe të bëhem ambasador i paqes atje
Published
4 days agoon
April 18, 2025
Në një video të publikuar në Telegram nga gazetarja pro-ruse me origjinë nga Ukraina, Diana Panchenko, aktori dhe ish-bodybuilderi Jean-Claude Van Damme i është drejtuar presidentit rus Vladimir Putin me një mesazh të pazakontë, duke shprehur dëshirën për të vizituar Rusinë si një “ambasador i paqes”.
Panchenko, e cila më 2023 u akuzua për tradhti nga Shërbimi i Sigurisë së Ukrainës, ndau videon ku Van Damme shprehet se është i gatshëm të shkojë në Rusi për të përçuar mesazhe paqeje.
“Ne duam të vijmë në Rusi. Do të përpiqemi ta bëjmë këtë ashtu siç dëshironi ju, si një ambasador i paqes. Do ta doja shumë këtë… Do të ishte nder për mua të mbaja një titull të tillë”, – tha aktori belg.
Më tej, ylli i filmave aksion rrëfen një histori disi të çuditshme për një takim të mëparshëm me Putinin në një ngjarje të arteve marciale në Sochi, ku, sipas tij, “këpucët e tyre u prekën”. Van Damme ka vizituar më parë Rusinë në vitet 2007 dhe 2010, duke marrë pjesë në aktivitete të ndryshme kulturore dhe sportive.
Në fund të videos, i njohur si “Muskujt nga Brukseli”, ai përmbyll mesazhin me fjalët: “Le ta bëjmë këtë. Ambasador i paqes. Nuk do të flasim për politikë – vetëm për paqe, sport dhe lumturi. Ju duam shumë”.
Van Damme mbyll mesazhin duke dërguar një puthje drejt Rusisë dhe një tjetër “të madhe për Putinin dhe familjen e tij”.
Përtej deklaratave të shprehura me adhurim, Jean-Claude Van Damme është përfshirë në një skandal që ka tërhequr vëmendjen e mediave. Fillim këtij muaji, aktori u përfol se kishte pasur një takim me disa persona të dyshuar për trafikim seksual që i ofruan “dhuratë” pesë modele rumune për marrëdhënie seksuale. Ish-kryeministri italian Silvio Berlusconi, Jean Claude Van Damme dhe Vladimir Putin në Shën Petersburg, Rusi – 14 prill 2007 (Foto: AP)
Drejtoria për Hetimin e Krimit të Organizuar dhe Terrorizmit në Rumani thuhet se ka dorëzuar një kallëzim penal ndaj Van Damme, duke pretenduar se ngjarja ka ndodhur në Kanë, ndonëse pa specifikuar një datë të saktë. Sipas avokatit Adrian Cuculis, i cili përfaqëson një prej viktimave të supozuara:
“Në një ngjarje të organizuar nga Jean-Claude Van Damme në Kanë, disa shtetas rumunë – aktualisht nën hetim për krijimin e një grupi kriminal dhe shfrytëzim prostitucioni – dyshohet se i kanë ofruar Van Damme pesë gra rumune, modele të njohura në vendin e tyre, për marrëdhënie seksuale”.
Ai shtoi se “personi që i ka marrë këto ‘shërbime’ ka qenë në dijeni të gjendjes së tyre”.
Van Damme ka mohuar çdo përfshirje të qëllimshme në këtë çështje, duke deklaruar përmes agjentit të tij, Patrick Goavec, se akuzat janë “të pabazuara”.
“Jemi informuar për disa artikuj që flasin për një lidhje të supozuar në Kanë që përfshin zotin Jean-Claude Van Damme”, thuhet në deklaratë. “Faktet e raportuara janë qesharake dhe të pavërteta. Z. Van Damme nuk dëshiron të komentojë apo të ushqejë këtë thashethem, i cili është po aq absurd sa edhe i pabazë”.
Magazinë
Jennifer Lopez pas divorcit bleu rezidencë 18 milionë dollarë?
Published
5 days agoon
April 18, 2025
Pasi finalizoi divorcin e saj me aktorin Ben Affleck, Jennifer Lopez bleu një shtëpi të re prej 18 milionë dollarësh, shkruan Page Six.
Burimet raportuan se 55-vjeçarja ka blerë një vilë në ndërtesat e reja pranë Los Anxhelosit.
Këngëtarja e “Let’s Get Loud” ka qenë duke kërkuar një shtëpi që pranverën e kaluar, pikërisht në momentin kur martesa e saj me Ben u shkatërrua.
Lopez dhe fituesi i Oscar, 52 vjeç, e finalizuan divorcin e tyre në janar, më pak se pesë muaj pasi ajo paraqiti kërkesën për t’i dhënë fund martesës së tyre dyvjeçare.

Në UBT shënohet Dita e Tokës: Prof. Dr. Balaj flet për rëndësinë e kësaj dite

Pse nuk është e sigurt të vozisni me goma dimri gjatë verës

Rubio: Administrata Trump po riorganizon DASH-in

Zëvendëspresidenti i SHBA-ve: Trump synon ribalancimin e tregtisë globale

Kosova U16 fiton ndaj Andorrës

Hailey Bieber flet hapur për problemin e saj shëndetësor

Si të ngrini produktet e qumështit pa humbur shijen?

OKB: Gaza në prag të kolapsit pas 50 ditësh bllokadë të Izraelit

Kurti dhe Rizvanolli vizituan banesat sociale në Hajvali në të cilat po investohet për efiçiencë të energjisë
Të kërkuara
-
Bota3 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Fluturimet e dëbimit kanë filluar, thotë Shtëpia e Bardhë
-
Bota3 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT