Klubi anglez Liverpool, ka reaguar përmes një komunikate zyrtare në lidhje me vdekjen e futbollistit të tyre, Diogo Jota ne një aksident trafiku, përcjellë KosovaPress.

“Klubi i Futbollit Liverpool është i shkatërruar nga ndarja tragjike e Diogo Jotës. Klubi është informuar se 28-vjeçari ka ndërruar jetë pas një aksidenti rrugor në Spanjë së bashku me vëllain e tij, Andre. Liverpool FC nuk do të bëjë asnjë koment të mëtejshëm në këtë kohë dhe kërkon që privatësia e familjes, miqve, shokëve të ekipit dhe stafit të Diogos dhe Andres të respektohet, ndërsa ata përpiqen të përballen me një humbje të paimagjinueshme. Ne do të vazhdojmë t’u ofrojmë atyre mbështetjen tonë të plotë”, thhet në komunikatën e Liverpoolit.

Bota e futbollit është tronditur sot. Ylli i Liverpoolit, Diogo Jota ka vdekur pas një aksidenti trafiku në provincën e Zamorës, njofton mediumi spanjoll “Marca”.

Aksidenti ndodhi në kilometrin e 65-të të autostradës A-52, pranë komunës së Palacios de Sanabria.

Futbollisti portugez, i cili ishte martuar vetëm pak ditë më parë, më saktësisht më 22 qershor, vdiq kur automjeti me të cilin udhëtonte me vëllain e tij, André, 26 vjeç, gjithashtu një futbollist profesionist në ekipin Penafiel, doli nga rruga, duke shkaktuar zjarr.

Sipas dëshmitarëve që telefonuan në numrin 112, makina u përfshi nga flakët, të cilat u përhapën edhe në bimësinë aty pranë.

Kush ishte Diego Jota?

Diogo Jota, 28 vjeç, ishte pjesë e Liverpoolit nga viti 2020 kur ishte transferuar nga Wolverhampton për 44,7 milionë euro.

Me “Reds” i zhvilloi 182 ndeshje, i ka realizuar 65 gola, ndërsa i kishte bërë 26 asistime. Në këtë periudhë i kishte fituar tre trofe me “Të Kuqtë”: Një Premierligë (2024/25), FA Cup (2021/22) një Kupë të Ligës (2021/22). Përfaqësuesi portugez e kishte një eksperiencë të shkurtër edhe në Atletico Madrid.

“Los Rojiblancos” e kishin transferuar atë nga Paços Ferreira në vitin 2016 për 7 milionë euro. Kishte shënuar në një ndeshje miqësore kundër Crotones (0:2), por nuk kishte debutuar asnjëherë në një ndeshje zyrtare. Në të njëjtën verë ishte huazuar në Porto.

Atje e kishte treguar veten për t’u shitur më pas në vitin 2018 për 14 milionë euro në Wolverhampton, prej nga më pas kishte shkuar në Liverpool.

Futbollisti i Liverpoolit, Diogo Jota ka vdekur në një aksident trafiku në provincën Zamora, shkruan gazeta spanjolle Marca.

Fatkeqësia ndodhi në kilometrin 65 të A-52, në lartësinë e terminalit komunal të Palacios de Sanabria.

Lojtari i Liverpool vdiq kur automjeti me të cilin udhëtonte përkrah vëllait të tij Andre, 26 vjeç, i cili është gjithashtu futbollist profesionist, pësoi një dalje nga rruga që shkaktoi zjarr.

Anton Cena po vazhdon ta bëjë krenare Policinë e Kosovës, por edhe vetë shtetin e Kosovës dhe shqiptarët në përgjithësi.

Pasi e fitoi medaljen e artë në xhudo, veterani i këtij sporti ia solli një tjetër medalje atdheut të tij, të argjendtë në Lojërat Botërore për Policë, Doganierë, Korrektues dhe Zjarrfikës. Përkundër lëndimit në krahëror e dhimbjeve që i ndjeu, Cena nuk u dorëzua.

Ky lëndim mund t’ia pamundësojë pjesëmarrjen në garë, por që e ka ndërmend ta provojë e ta sfidojë trupin në Birmingham, Alabama, në Shtetet e Bashkuara të Amerikës, atje ku po mbahen garat. Anton Cena ia ka sjell dhjetëra medalje Kosovës, duke qenë po ashtu lobues dhe ambasador i vendit tonë.

Më poshtë mund ta lexoni postimin në rrjetet sociale të kampionit Anton Cena.

“Në Birmingham, Alabama, në Lojërat Botërore për Policë, Doganierë, Korrektues dhe Zjarrfikës – një arenë ku guximi takon përkushtimin, dhe forca shpërthen në artin e disiplinës.

Në këtë skenë madhështore, përveç medaljes së artë në Judo, arrita të prek edhe një tjetër yll – medaljen e argjendtë në BJJ-Jujitsu, duke shkruar një kapitull tjetër krenarie për Policinë e Kosovës.

Megjithëse krahërori më dhimbte dhe zëri i lëndimit më paralajmëronte të tërhiqesha, unë zgjodha të luftoj me çdo atom të qenies sime, sepse fitoret e mëdha nuk vijnë nga komoditeti, por nga sfidat që thyhen me vendosmëri.

Noti, ku ëndërroja të shkëlqej, po duket u la pas, edhe pse neser do e bëjë të pamunduren, po duket do ngelë një ëndërr e përkohshme e ndërprerë nga dhimbja, por flaka e ambicies mbeti e ndezur.

Që nga viti 2012 në Irlanden e Veriut , unë kam hedhur gurët e parë të një ure krenarie, ura që lidh Policinë e Kosovës me botën, përmes medaljeve dhe rezultateve
që dëshmojnë se jemi më shumë se një emër në hartë.

Në këtë rrugë sfidash, edhe rrëzimi nga biçikleta, vetëm një javë para garës, u bë një motiv shtesë, një thirrje për të treguar se kur zemra është e vendosur, dhimbja bëhet një shok i heshtur.

Ne, si një forcë e re, jemi një feniks në ngritje, me flatrat e zjarrta të inteligjencës, punës dhe emancipimit, duke fluturuar mbi paragjykimet dhe kufizimet.

Këto gara janë skena ku ne shkëlqejmë, ku emri ynë bëhet simbol i forcës dhe dinjitetit.

E bëra këtë edhe për Kosovën, për atë tokë që më rriti, që më frymëzoi, dhe që kërkon nga ne të jemi drita e shpresës në errësirën e sfidave.

Faleminderit ish-kadetëve nga Shkolla Policore dhe miqve që me besuan dhe më mbështetën, duke më mundësuar qëndrimin dhe luftën për medaljet si Shkelqim Tmava, Shemsedin Balaj, Arben Kelmendi, Vedat Ademi, Jeton Shabani, Nexhmedin Laçi, Izet Peci dhe Dashmir Deda.

Tani, syri im është drejtuar nga Evropa, në Kampionatin Evropian të Policisë në Spanjë, një vend ku politika s’mund të mposhtë fuqinë e sportit dhe vlerave tona. Atje, në ato tri gara ku tashmë kam fituar shtatë medalje të arta dhe një argjendtë, do të shkoj jo për udhëtim qejfi, por për t’i dhënë një tjetër goditje krenarie Policisë së Kosovës.

Le të kujtojmë: Atdhedashuria është një zjarr që ndezet në zemër dhe shfaqet në veprat tona.

Sporti është ambasadori më i fuqishëm i identitetit tonë në botë, një gjuhë universale që i lidh zemrat e njerëzve.

Çdo njeri mund të jetë një hero në fushën ku gjendet, dhe së bashku, bashkë me pasion dhe përkushtim, ne krijojmë një shtet të fortë dhe të pathyeshëm.

Falenderimi i veçantë dhe i fundit shkon për Drejtorin e Përgjithshëm, z. Gazmend Hoxha, dhe Shoqatën Sportive të Policisë, pjesë e së cilës jam edhe unë si Kryetar i Klubut të Judos “Policia e Kosovës”.

Kjo është një mbështetje e çmuar që më fuqizon edhe më shumë në rrugën time për të bërë të dukshëm emrin e Policisë së Kosovës në skenën globale.

Ju dua dhe ju përqafoj nga zemra,

Shemsedin Balaj, Izet Peci, Negjmedin Laçi Vedat Ademi, Arben Kelmendi, Jeton Shabani dhe Dashmir Dedes e Shkelqim Tmaves.

Kampioni që nuk ndalet kurrë, që jep gjithçka nga vetja për atdheun, sepse për mua çdo fitore është një poezi e shkruar me djersë dhe zemër ! Kampioni.”