Teknologji

TikTok sërish probleme me përdoruesit

Publikuar

TikTok po përballet me një sfidë ligjore nga ish-komisionerja e fëmijëve për Anglinë, Anne Longfield, mbi mënyrën se si i mbledh dhe përdor të dhënat e fëmijëve.

Pretendimi po depozitohet në emër të miliona fëmijëve në Britaninë e Madhe dhe BE të cilët kanë përdorur aplikacionin e famshëm. Nëse pretendimi rezulton i vërtetë, fëmijëve të prekur TikTok mund t’u detyrohet mijëra paundë.

Avokatët pretendojnë se TikTok merr informacione personale të fëmijëve, duke përfshirë numrat e telefonit, videot, vendndodhjen e saktë dhe të dhënat biometrike, pa paralajmërim të mjaftueshëm, transparencë ose pëlqimin e nevojshëm të kërkuar nga ligji, dhe pa e ditur fëmijët ose prindërit se çfarë po bëhet me ato informacione.

Si përgjigje, aplikacioni tha:

“Privatësia dhe siguria janë përparësitë kryesore për TikTok dhe ne kemi politika të fuqishme, procese dhe teknologji të vendosura për të ndihmuar në mbrojtjen e të gjithë përdoruesve, dhe veçanërisht të përdoruesve tanë adoleshentë. Ne besojmë se pretendimet nuk kanë baza dhe do t’i shkojmë kësaj çështjeje deri në fund”.

Pretendimi është ngritur në emër të të gjithë fëmijëve që kanë përdorur TikTok që nga 25 maji i vitit 2018.

Longfield tha pët BBC se ajo ishte përqëndruar te TikTok sepse, ndërsa të gjitha platformat e mediave sociale mblidhnin informacion, TikTok kishte politika “të tepërta” të mbledhjes së të dhënave.

“TikTok është një platformë jashtëzakonisht e popullarizuar e mediave sociale që ka ndihmuar fëmijët të mbajnë lidhje me miqtë e tyre gjatë një viti tepër të vështirë. Sidoqoftë, prapa këngëve argëtuese, sfidave të vallëzimit dhe trendeve të sinkronizimit të buzëve qëndron diçka shumë më e keqe.”

Ajo pretendon se firma është “një shërbim i mbledhjes së të dhënave që është mbuluar si një rrjet social” i cili ka “mashtruar qëllimisht dhe me sukses prindërit”.

Ajo shtoi se ata prindër kanë të drejtën të dinë se çfarë informacioni privat po mblidhet përmes TikTok.

Çështja po përfaqësohet nga firma ligjore “Scott and Scott”. Partneri Tom Southwell tha se ai besonte se informacioni i mbledhur nga TikTok përfaqëson “një shkelje të rëndë të ligjit për mbrojtjen e të dhënave në Mbretërinë e Bashkuar dhe BE”.

“Të ardhurat nga reklamat e TikTok dhe ByteDance janë të bazuara në informacionin personal të përdoruesve të saj, përfshirë fëmijët. Të përfitosh nga ky informacion pa përmbushur detyrimet e tij ligjore dhe detyrën e tij morale për të mbrojtur fëmijët në internet, është e papranueshme”, -tha ai.

Kjo nuk është hera e parë që ndaj TikTok ngrihen pretendime për problemin e sigurisë së përdoruesve.

Vazhdo të lexosh

Teknologji

Apple Watches do të masë glukozën dhe alkoolin në gjak

Publikuar

nga

Modelet e ardhshme të Apple Watch mund të jenë në gjendje të gjurmojnë presionin e gjakut dhe nivelin e glukozës, shkruan MacRumors.

Teknologjia e zhvilluar nga Rockley bazohet në sensorë optikë, të cilët zbulojnë nivelin e substancave përmes lëkurës.

Apple siguron shumicën e të ardhurave të kompanisë ”Rockley Photonics”, që prodhon sensorë optikë.

Brezi i ardhshëm i sensorëve Rockley, pritet të mbërrijë vitin e ardhshëm, që përkon me prezantimin e modeleve të Apple Watch Series 8. \atsh

Vazhdo të lexosh

Teknologji

YouTube teston përkthimin automatik të videove

Publikuar

nga

Është një ndryshim në anën e serverit dhe përdoruesit nuk duhen të bëjnë asgjë.

Google është duke testuar një veçori të re në YouTube i cili automatikisht përkthen videot, përshkrimin dhe mbishkrimet nga gjuha Angleze në gjuhën e shikuesit.

Një numër i kufizuar përdoruesish filluan të shohin opsionin e ri në aplikacionin mobil të YouTube dhe ndërfaqen ueb në desktop. Është një eksperiment nga ana e Google por nuk dihet nëse është planifikuar lançimi i shpejtë i saj.

Është një ndryshim në anën e serverit dhe përdoruesit nuk duhen të bëjnë asgjë. Android Police raportoi se përdoruesit në Portugali dhe Turqi kishin parë përkthimin automatik nga gjuha angleze në gjuhën e tyre të titujve të videove, përshkrimeve dhe mbishkrimeve.

Shanset janë që ky funksion të jetë i disponueshëm edhe për vende të ndryshme të botës. Aktualisht ndërfaqe e YouTube përshtatet për mëse 100 vende të botës ndërsa Google Translate ka suport për 109 gjuhë të botës. /PCWorld Albanian

Vazhdo të lexosh

Teknologji

Qindra modele Dell nën rrezik nga hakerët

Publikuar

nga

Nëse keni një kompjuter Dell, edhe nëse i ka mbaruar suporti, ekziston mundësia që të jetë në listën e kompjuterëve të prekur.

Dell ka lëshuar përditësimin e parë të firmware që prej 2009 i cili përmban adresimin e pesë problemeve të sigurisë sipas hulumtuesve të sigurisë.

Këto probleme sigurie shumë serioze mendohet të prekin miliona kompjuterë.

Bëhet fjalë për pesë dobësi sigurie të cilat kolektivisht njihen si CVE-2021-21551. Katër prej tyre mund të përdoreshin për të marrë nën kontroll kompjuterët ndërsa një prej tyre mund të shfrytëzohej për sulme DDoS.

Raportohet për të paktën 380 probleme sigurie nga modelet e fundit Alienware tek Dell. Nëse keni një kompjuter Dell, edhe nëse i ka mbaruar suporti, ekziston mundësia që të jetë në listën e kompjuterëve të prekur.

Ende nuk ka prova se problemet e sigurisë po shfrytëzohen nga hakerët. Sipas udhëzimeve dhe informacioneve të Dell, një haker duhet të ketë akses lokal në kompjuter për të realizuar sulmin.

Detajet e plota po mbahen të fshehura në mënyrë që përdoruesit të përditësojnë dhe informacionet të mos vien në duar të gabuar. Për të mësuar nëse kompjuteri juaj preket ndiqni këtë lidhje. /PCWorld Albanian

Vazhdo të lexosh

Teknologji

24% e njerëzve besojnë teoritë konspirative për 5G

Publikuar

nga

5G është gjenerata më e fundit e teknologjisë celulare e cila premton shpejtësi më të lartë internetit dhe vonesa më të ulëta transmetimi.

Nuk përbën sekret fakti se interneti është plot teori konspiracioni. Nga muzikantët e vdekur tek teoritë se njeriu nuk ka zbritur kurrë në Hënë, çudi të tilla dëgjon pafund.

Një trend shumë popullor për momentin janë teoritë rreth teknologjisë 5G. Një anketë e fundit tregon se 24% e njerëzve i besojnë teoritë konspirative rreth 5G.

5G është gjenerata më e fundit e teknologjisë celulare e cila premton shpejtësi më të lartë internetit dhe vonesa më të ulëta transmetimi.

Nga të pyeturit, 66% e njerëzve kishin dëgjuar rreth teknologjisë 5G dhe 24% i besonin teoritë, një shifër në të vërtetë shumë e lartë.

50% e njerëzve kishin dëgjuar se 5G shkakton kancer, por vetëm 10% e besonin.

Viti i kaluar ishte momenti kur teoritë konspirative shpërthyen nisur edhe nga pandemia e Covid-19. /PCWorld Albanian

Vazhdo të lexosh

Të kërkuara