Sport

Tifozët e Crvena Zvezdës shpalosin parulla anti-Kosovë në sfidën me Barcelonën

Published

on

Tifozët e Crvena Zvezdës kanë shkaktuar një tjetër skandal gjatë ndeshjes së Ligës së Kampionëve kundër Barcelonës, duke shpalosur parulla anti-Kosovë dhe duke paraqitur Kosovën me flamurin serb në stadiumin e Beogradit. Gjatë ndeshjes, tifozët serbë kanë kënduar këngë nacionaliste në kor, duke krijuar një atmosferë të tensionuar dhe provokuese.

Ky incident nuk është një rast i izoluar, pasi tifozët e Zvezdës janë të njohur për qëndrimet e tyre nacionaliste dhe provokative në ndeshjet ndërkombëtare, ku shpesh shfaqin simbole dhe mesazhe që synojnë të mohojnë pavarësinë e Kosovës. Edhe në të kaluarën, ata kanë shfrytëzuar garat europiane për të promovuar mesazhe politike dhe për të shprehur qëndrimet e tyre në lidhje me çështjen e Kosovës.

Pavarësisht thirrjeve për neutralitet në ngjarjet sportive dhe për ndalimin e mesazheve politike në stadiume, duket se tifozët serbë vazhdojnë me sjelljet e tyre të përsëritura, duke provokuar reagime dhe tensione në ndeshjet ndërkombëtare të futbollit./UBTNews/

Lajmet

​Spektakël në Ligën e Kampionëve, sonte zhvillohen përballje të zjarrta

Published

on

Liga e Kampionëve rikthehet sonte me një seri supersfidash, ku në total janë dhjetë ndeshje që do të luhen në kuadër të fazës së grupeve, të ndara në dy orare.

Nga ora 18:45, Atalanta do të përballet me Club Brugge, ndërsa kampionët rekord të kësaj gare, Real Madrid, udhëtojnë drejt Kazakistanit për sfidën kundër Kairat Almaty.

Në orën 21:00, vëmendja zhvendoset tek përballjet gjigante ku Atlético Madrid pret Eintracht Frankfurt në “Civitas Metropolitano”, Bodo/Glimt synon të surprizojë Tottenhamin, Chelsea ndeshet me Benficën në “Stamford Bridge”, Galatasaray përballet me Liverpoolin në një duel të zjarrtë mes dy tifozërive të njohura për atmosferën elektrizuese, si dhe Interi sfidon Slavia Pragën në “San Siro”.

Përballja mes vazhdon ku Marseille pret Ajaxin në një klasike europiane, dhe Pafos nga Qiproja synon të bëjë historinë kundër Bayern Munichut.

Këto sfida janë shumë të rëndësishme në luftën për kualifikim në fazën e eliminimit direkt, ndërkohë që klubet më të mëdha të kontinentit kërkojnë të tregojnë forcën e tyre./S.K/KP/

Continue Reading

Lajmet

​Zyrtare: Merret vendimi për stadiumin ikonik “Giuseppe Meazza”

Published

on

Në mëngjesin e hershëm, Këshilli i Qytetit të Milanos miratoi rezolutën për shitjen e zonës së San Siros te AC Milan dhe Inter për 197 milionë euro. Vendimi u mor pas një seance maratonë me tensione të shumta dhe protesta brenda e jashtë sallës.

Rezultati i votimit ishte 24 pro, 20 kundër dhe 2 abstenime, ndërsa rolin vendimtar e luajti abstenimi i këshilltarëve të Forza Italia.

Investimi i parashikuar për projektin arrin në mbi 1.2 miliardë euro, duke përfshirë ndërtimin e stadiumeve të reja dhe rigjenerimin urban të zonës.

Ky vendim i hap rrugën një epoke të re për futbollin milanez, ndërsa San Siro historik do të hyjë në proces transformimi./S.K/KP/

Continue Reading

Lajmet

Dinamo Zagreb mposht Slaven Belupon, shkëlqen Arbër Hoxha

Published

on

Dinamo Zagreb e mposhti Slaven Belupon me rezultatin 4-1 dje në kampionatin kroat, ku protagonist ishte Arbër Hoxha, i cili në minutat e fundit të pjesës së parë shënoi dhe më pas asistoi për t’i dhënë avantazhin e dyfishtë Dinamos së Zagrebit.

Tashmë asgjë nuk është rastësi për sulmuesin e Kombëtares, që në javën e kaluar shënoi ndaj Hajduk Splitdhe se trajneri aktual i klubit kroat, por edhe i mëparshmi, kanë folur për Arbër Hoxhën.

“Pas stërvitjeve të para në fazën përgatitore i thashë të ishte i duruar se do të luante, dhe më vjen mirë që kisha të drejtë për të. Ka shpërthim, di të shënojë, të dalë në kundërsulm”, u shpreh pas fitores trajneri i Dinamo Zagreb, Mario Kovaçeviç.

Ndërkohë ish-trajneri i klubit kroat, Sergej Jakiroviç, ishte ai që këmbënguli për ta transferuar sulmuesin shqiptar te Dinamo Zagreb.

“Çfarëdo që të them për Arbërin është si të harxhoj fjalët, sepse e njoh shumë mirë atë djalë dhe ishte iniciativa ime që erdhi te Dinamo Zagreb. Sa herë më kanë tallur kur e kam quajtur ‘raketë’, por unë e di mirë çfarë kam thënë dhe qëndroj pas çdo fjale. Dua të theksoj se ai vetë kishte dëshirë të madhe për të ardhur te Dinamo Zagreb, më tha se do të vinte për fazën përgatitore sidoqoftë dhe do të nënshkruante çfarëdo të ishte, vetëm që të bëhej pjesë e jona. Do të veçoja edhe faktin se një pjesë të madhe të punës e ka bërë Robert Markulin nga Slaven Belupo, të cilin e falenderoj edhe në këtë rast, sepse Dinamo Zagreb sot ka një lojtar me karakter dhe cilësi të shkëlqyera”, tha ai.

“Personalisht doja ta sillja Arbërin te Hull Siti këtë verë, por për shkak të bllokimit të merkatos nuk ishte e mundur. Kjo ju tregon mjaftueshëm se çfarë mendoj për të”, vazhdoi ai./S.K/KP/

 

Continue Reading

Lajmet

Ismajli ulet në fushë dhe kërkon zëvendësim në Kombëtaren e Shqipërisë

Published

on

Ardian Ismajli ka shfaqur shqetësim në ndeshjen që Torino po luante ndaj Parmës. Mbrojtësi i Kombëtares kërkoi menjëherë zëvendësim në minutën e 75-të, pasi e kishte të pamundur të vazhdonte.

Torino ishte në disavantazh 2 me 1, pikërisht në transfertën e Parmës që ka vlerë për javën e pestë të Seria A.

Ismajli mungoi në fillimin e kampionatit për shkak të njëdëmtimi, ndërsa tashmë fati i keq duket se po e ndjek sërish.

Përpara kujtojmë se është edhe sfida delikate e Kombëtares me Serbinë, ku në tetor do të vendoset, nëse Shqipëria do të vazhdojë të arrijë për t’u kualifikuar në Botërorin 2026./S.K/KP/

Continue Reading

Të kërkuara