Sport

“Tifozat Kuq e Zi” kërkojnë t’i lejojnë në stadium për mbështetjen e Kombëtares së Shqipërisë në ndeshjet kualifikuese

Published

on

Tifozët zyrtar të Kombëtares së Shqipërisë të njohur ndryshe si “Tifozat Kuq e Zi” kanë lëshuar një komunikatë publike gjatë ditës së sotme (e mërkurë).

Shqipëria do të zhvillojë ndeshje kualifikuese në këtë muaj dhe “Tifozat Kuq e Zi” duan të jenë në mbështetje të tyre në shkallët e stadium, edhe përkundër probleme me COVID-19.

“Tifozat Kuq e Zi” i kanë bërë thirrje Qeverisë së Shqipërisë ta bëjë të mundur pjesëmarrjen e tifozëve, pasi sipas tyre shumë vende i kanë lejuar tifozët në shkallën e 30 për qind të kapacitetit të stadiumit.

Komunikatë publike

Duke marrë parasysh që Kombëtarja jonë është pranë një cikli kualifikues mjaftë të rëndësishëm, gjithashtu duke pasur parasysh fillimin e vaksinimit kundër COVID-19.

Kërkojmë nga Qeveria Shqiptare të bëjë të mundur lejimin e pjesëmarrjes së tifozëve nëpër ngjarje sportive.

Jemi të vetëdijshëm për situatën me pandeminë, por poashtu jemi dëshmitarë të shumë vendeve me statistika më të rënduara me COVID-19, që kanë lejuar pjesëmarrjen e tifozëve në masën 30% të kapacitetit të stadiumit (sipas udhëzimeve dhe protokollove të UEFA-së dhe autoriteteve shëndetësore).

Me këtë rast kërkojmë nga FSHF që të shtoj presionin tek autoritetet shtetërore, që ndeshjet e ardhshme të Kombëtares të luhen me praninë e lojtarit të 12-të.

Sport

​Dy përballje interesante sot në Superligë

Published

on

By

Xhiro e 25-të e Superligës së Kosovës në futboll u hap të enjten me derbin Drita-Gjilani që i takoi “intelektualëve” pasi triumfuan me rezultat të thellë 4-0.

Sot, kjo xhiro do të vazhdojë edhe me dy ndeshje të tjera mjaftë interesante.

Nga ora 14:00 Malisheva udhëton në Suharekë për t’u përballur me Suharekën dhe kërkon të kthehet te fitorja pas barazimit të papritur me Feronikelin 74’.

Ndërsa nga ora 20:00, në stadiumin “Fadil Vokrri” do të ndizen reflektorët për ndeshjen ndërmjet Prishtinës dhe Feronikelit. Skuadra nga kryeqyteti është e detyruar të fitojë për të vazhduar kështu luftën për një vend që dërgon në garat evropiane sezonin e ardhshëm, shkruan KosovaPress.

Ndërkohë, dy ndeshjet e fundit të kësaj xhiroje zhvillohen të shtunën ku ballafaqohen Ferizaj-Dukagjini dhe Llapi-Ballkani.

Continue Reading

Sport

UEFA nis hetimet ndaj Realit të Madridit

Published

on

UEFA ka njoftuar se ka nisur hetimet ndaj Real Madridit në lidhje me incidentet që ndodhën pas ndeshjes së dytë të 16-të të Ligës së Kampionëve kundër Atletico Madridit, zhvilluar më 12 mars 2025. Real Madrid kaloi në çerekfinale pas një fitoreje në penallti kundër rivalëve të tij të kryeqytetit, por mbrëmja u shoqërua me polemika dhe akuza për sjellje të pahijshme të disa lojtarëve.

Në një deklaratë të lëshuar në uebsajtin e saj, UEFA bëri të ditur se një Inspektor i Etikës dhe Disiplinës është emëruar për të hetuar akuzat kundër pesë lojtarëve të Real Madridit – Antonio Rudiger, Kylian Mbappe, Jude Bellingham, Daniel Ceballos dhe Vinicius Junior – për sjellje të pahijshme pas përfundimit të ndeshjes.

Sipas raporteve të mediave, “MARCA” ka publikuar detaje mbi hetimet. Rudiger dyshohet për një gjest të “vënies së dorës rreth qafës”, Mbappe për një “prekje të organeve gjenitale”, ndërsa Vinicius Jr akuzohet për një “konfrontim me turmën” gjatë dhe pas ndeshjes. Po ashtu, është raportuar se Ceballos dhe Bellingham gjithashtu janë të përfshirë në polemikat që ndodhën pas ndeshjes, ku Ceballos u pa duke kërcyer pranë Bellingham, çka mund të jetë konsideruar si sjellje e pahijshme.

Kjo ngjarje nuk është hera e parë që ndodhin polemika në ndeshjet e Ligës së Kampionëve në fushën e Atletico Madridit, pasi edhe Cristiano Ronaldo u gjobit në vitin 2019 për sjellje të ngjashme pas një ndeshjeje të ngjashme kundër ekipit madrilen.

Hetimet e UEFA-s do të vazhdojnë dhe më shumë informacione priten të publikohen në një kohë të mëvonshme. Ndërkohë, Real Madrid do të kthehet në aksion më 8 prill kur do të përballet me Arsenalin në ndeshjen e parë të çerekfinaleve të Ligës së Kampionëve në “Emirates”.

Continue Reading

Sport

Nis puna për ndërtimin e stadiumit të ri të Milanos, do të shpenzohen 1.2 miliardë euro

Published

on

Ndërtimi i stadiumit të ri të Milanos, që do të zëvendësojë “San Siro”-n, ka nisur dhe operacioni ka një kosto totale prej 1.2 miliardë eurosh. Stadiumi do të ketë një kapacitet prej rreth 71,500 vendesh dhe pritet të funksionojë gjatë gjithë vitit, duke u shndërruar në një qendër multifunksionale. Sipas projektit, ndërtimi i stadiumit pritet të përfundojë deri në vitin 2031, ndërsa zonat shtesë si restorantet, dyqanet dhe palestrat pritet të hapen nga viti 2033 deri në 2035.

Pjesa kryesore e ndërtimit do të kushtojë rreth 700 milionë euro, ndërsa zhvillimi i zonës përreth do të shfrytëzojë një pjesë të “San Siro”-s aktuale, e cila do të ripërdoret. Kjo do të përfshijë heqjen e çatisë, ndryshime në tribunat e niveleve të ndryshme dhe rreth 70% të rampave që formojnë fasadën ekzistuese.

Për sa i përket Milanit, mbetet për t’u parë se çfarë do të ndodhë me pronën që klubi bleu disa muaj më parë për 15 milionë euro, pasi kjo mund të kishte lidhje me ndërtimin e impiantit të ri, në rast se nuk arrihet një marrëveshje me Bashkinë e qytetit.

Ky projekt ka tërhequr vëmendje të madhe për transformimin që do të sjellë në qytet, duke ofruar një impiant modern dhe të pajisur me mundësi të ndryshme përdorimi për shikuesit dhe vizitorët.

Continue Reading

Sport

​Ademi shpreson që derbi tjetër Drita-Gjilani të luhet në stadiumin e ri

Published

on

By

Presidenti i Federatës së Futbollit të Kosovës, Agim Ademi e ka ndjekur nga afër derbin lokal të Gjilanit ndërmjet Dritës dhe Gjilanit, i vlefshëm për xhiron e 26 të Superligës së Kosovës.

Ai ka shkruar në Facebook duke thënë se uron që derbi i radhës ndërmjet këtyre dy skuadrave të zhvillohet në stadiumin e ri të këtij qyteti.

“Sot po qëndroj në Gjilan për të ndjekur nga afër derbin Drita-Gjilani. Kënaqësi që Albi Mall Superliga ka një derbi të tillë të qytetit. Uroj që sa më shpejt ky derbi të zhvillohet në stadiumin e qytetit, nën brohorimat e Intelektualëve dhe Skifterave! Këtë e meritojnë të dyja ekipet dhe tifozeritë, por edhe qytetarët gjilanas”, ka shkruar Ademi.

Continue Reading

Të kërkuara