Kulturë

Thompson vs Odom, a do ketë fund ky rivalitet?

Published

on

Nuk ka kaluar shumë kohë që kur Tristan Thompson dhe Khloe Kardashian u ndanë, por ai duket se nuk ka mundur të distancohet shumë mirë pasi reagoi ndaj një komenti në Instagramin e Khloe Kardashian.

Lamar Odom, një ish-lojtar i Los Angeles Lakers dhe ish-burri i Khloe Kardashian, doli publikisht me një koment në postimin e ish-gruas së tij në Instagram mbrëmjen e së premtes.

Thompsonit duket se nuk i pëlqeu ky mesazh saqë ia ktheu një përgjigje kërcënuese, duke ia përmendur një rast kur Odom përdori mbidozë të drogës në vitin 2015 në një bordello të Nevada, duke paralajmëruar se ai u kthye nga “vdekja” një herë, por mund të mos ishte aq me fat herën tjetër.

“Zoti ju ktheu herën e parë. Luaj nëse do rezultate të ndryshme”, u përgjigj Thompson.

Megjithatë, ky rivalitet nuk është asgjë e re. Në vitin 2017, Khloe Kardashian u përpoq të bashkonte të dy të famshmit për të rregulluar mosmarrëveshjet e tyre, por përkundrazi një përleshje gati filloi.

Thompson pritet edhe një herë të marrë një sulm kritikash nga tifozët e Kardashians, duke iu lutur që ta lërë atë vetëm dhe të lëvizë, diçka që duket e vështirë në këtë fazë.

Mbetet të shihet nëse do të fitohen gjakrat mes dy protagonistëve, apo gjërat do të ndërlikohen edhe më shumë./UBTNews

Olt Sveçla, student në Media dhe Komunikim në UBT

Magazinë

13 vite nga vdekja e ikonës së muzikës botërore Whitney Houston

Published

on

Continue Reading

Kulturë

​Restaurohet Ura e Zerzebilit në Gjirokastër

Published

on

By

Drejtoria Rajonale e Trashëgimisë Kulturore Gjirokastër bëri të ditur se, ka përfunduar puna për restaurimin e Urës të Mesit (Zerzebilit) në Përroin e Dunavatit. Kjo urë është Monument Kulture, Kategoria I.

Kjo ndërhyrje restauruese u realizua nga DRTK Gjirokastër në bashkëpunim me Institutin Kombëtar të Trashëgimisë Kulturore (IKTK) dhe me mbështetjen e Ministrisë së Ekonomisë, Kulturës dhe Inovacionit, shkruan ATSH.

Mbi përroin e Zerzebilit gjenden tri ura të vogla të shpallura monumente kulture.

Ndërsa Ura e Mesit, që sapo u restaurua është e ndërtuar me gurë të zinj, me një hark guri në mes dhe përdoret nga kalimtarët dhe në ditët e sotme.

Urat në qytetin e Gjirokastrës janë ndërtuar për të lidhur dy lagje të saj. Përrenjtë që përshkojnë qytetin kanë detyruar ndërtimin e një sërë urash të vogla, tre Urat e Vogla mbi Përroin e Dunavatit u ndërtuan nga Aqif Zerzebili, një person i kamur që donte të lidhte lagjet Manalat e Cfakë me pjesën tjetër të qytetit.

Continue Reading

Magazinë

Më e lumtur se kurrë, Selena Gomez ekspozon unazën e fejesës në Festivalin e Filmit në Santa Barbara

Published

on

Selena Gomez tërhoqi vëmendjen në Festivalin e 40-të Ndërkombëtar të Filmit në Santa Barbara, ku u nderua me Çmimin Virtuosos.

Këngëtarja dhe aktorja 32-vjeçare mahniti me një mini fustan elegant të bardhë, duke kombinuar pamjen me taka krem dhe një stil të butë flokësh me onde.

Ajo nuk ngurroi të ekspozonte unazën e saj të fejesës me diamant, me vlerë rreth 1 milion dollarë, dhuratë nga i fejuari i saj, producenti Benny Blanco, shkruan DailyMail.

Eventi mblodhi yje si Ariana Grande, Sebastian Stan dhe Monica Barbaro, ndërsa Gomez doli në skenë për të folur mbi filmin e saj të fundit.

Ndërkohë, Selena dhe Benny u panë duke shijuar një ditë romantike në Disneyland, vetëm pak kohë pas fejesës së tyre.

Aktorja e “Only Murders in the Building” ka qenë në qendër të vëmendjes edhe për postimin e saj emocional mbi politikën e dëbimeve në SHBA, i cili shkaktoi reagime të shumta.

Pavarësisht kritikave, Gomez vazhdon të fokusohet në karrierën dhe jetën e saj personale, duke ndarë momente të lumtura me fansat.

Continue Reading

Kulturë

Bahri Omari, intelektuali i dënuar nga “gjyqi special” i 1945-ës

Published

on

Bahri Omari, një nga personalitetet më të shquara të Shqipërisë në periudhën midis dy luftërave botërore, u kujtua sot në një ceremoni përkujtimore nga Muzeu Kombëtar “Shtëpia me Gjethe”. Lindi më 10 shkurt të vitit 1889 në qytetin e Gjirokastrës, dhe gjatë jetës së tij, ai u angazhua si intelektual, publicist, veprimtar politik dhe ministër i shtetit shqiptar. Bahri Omari është një figurë e njohur për kontributet e tij në zhvillimin e shtetit shqiptar dhe përpjekjet për të mbrojtur territorin e Shqipërisë gjatë periudhës së Luftës së Parë Botërore.

Pasi kreu studimet për Shkenca Politike-Administrative në Stamboll, ai u caktua nënprefekt i Himarës dhe shërbeu me nder në organizimin e çetave për mbrojtjen e territorit shqiptar nga sulmet e andartëve grekë. Puna e tij si veprimtar kombëtar e vendosi në ballë të çështjes shqiptare, duke kontribuar për shpëtimin e integritetit të territorit shqiptar në një periudhë të vështirë historike.

Në vitin 1915, Bahri Omari u largua për në SHBA, ku mori drejtimin e gazetës “Dielli”, organi i shtypit të Federatës Shqiptare “Vatra”, një nga organizatat më të rëndësishme të diasporës shqiptare. Ky angazhim e forcoi ndikimin e tij në arenën ndërkombëtare dhe i dha mundësinë të luftonte për çështjen shqiptare nëpërmjet fjalës dhe shtypit.

Në vitin 1919, ai u kthye në Shqipëri dhe u zgjodh dy herë deputet i prefekturës së Gjirokastrës në Këshillin Kombëtar, organin legjislativ të kohës. Omari mbështeti qeverinë e Fan Nolit në vitin 1924, një periudhë të rëndësishme për historinë e Shqipërisë, por pas kthimit në pushtet të Ahmet Zogut, ai u largua nga Shqipëria dhe iu bashkua opozitës shqiptare në ekzil.

Në vitin 1939, kur Shqipëria u pushtua nga Italia fashiste, Omari u rikthye në atdhe dhe u angazhua në politikën shqiptare. Në vitin 1942, ai u bë pjesë e Ballit Kombëtar dhe u emërua ministër i Punëve të Jashtme në qeverinë e Rexhep Mitrovicës gjatë viteve 1943-44, një periudhë kur Shqipëria ishte nën pushtimin e forcave fashiste.

Pasi erdhi në pushtet regjimi komunist në vitin 1944, Bahri Omari u arrestua dhe, pas një gjyqi të montuar, u dënua me vdekje nga i ashtuquajturi “Gjyqi Special” më 13 prill 1945. Ai u ekzekutua pa asnjë mundësi për t’u mbrojtur në Kodra e Priftit në Tiranë, një ngjarje që tronditi më shumë opinionin publik të kohës.

Bahri Omari u shpall pas vdekjes “Nderi i Kombit” nga shteti shqiptar për kontributet e tij të pazëvendësueshme në historinë dhe luftën për pavarësinë e Shqipërisë. Me vdekjen e tij, ai la një trashëgimi të pasur politike dhe intelektuale, duke qenë një figurë e paharruar në historinë e Shqipërisë./UBTNews/

Continue Reading

Të kërkuara