Lajmet
Thirrje grupit G7: Shpërndaji vaksinat
Udhëheqësit e G7-ës pritet të mblidhen më 11 qershor në Britani.
Published
4 years agoon
By
Betim GashiMiliona vaksina kundër koronavirusit mund të humbasin, nëse vendet e pasura dërgojnë përnjëherë sasi të mëdha dozash në vendet e varfra, paralajmëroi Fondacioni për Fëmijë i Kombeve të Bashkuara, UNICEF.
Sipas tij, furnizimi duhet të jetë i vazhdueshëm gjatë gjithë vitit, sepse vendet e varfra nuk kanë burime për t’i përdorur të gjitha menjëherë.
Shtetet e Bashkuara, Mbretëria e Bashkuar e vende të tjera kanë premtuar se do t’i dhurojnë dozat e tyre të tepërta në vendet me të ardhura të ulëta.
Yje të muzikës dhe sportit, si Billie Eilish dhe David Beckham, janë duke mbështetur thirrjet e UNICEF-it.
Ato kanë nënshkruar një letër për grupin e vendeve më të pasura të botës, G7, duke u kërkuar atyre që të dhurojnë 20 për qind të vaksinave deri në muajin gusht.
“Pandemia nuk do të mbarojë askund derisa të mbarojë kudo”, tha Beckham.
Lily Caprani, përgjegjëse për vaksinat në UNICEF, tha se vendet me të ardhura të ulëta kanë nevojë për furnizim të qëndrueshëm.
Nëse vaksinat kursehen deri në Krishtlindje, vendet nuk do të jenë në gjendje t’i absorbojnë ato, tha Caprani.
“Mund të shohim miliona doza të vaksinave që nuk përdoren dhe skadojnë. Kjo do të ishte një tragjedi”, tha ajo.
Në letrën dërguar G7-ës, të famshmit thanë se UNICEF-i po shpërndan vaksina në vendet e varfra, porse organizatës i mungojnë rreth 190 milionë doza.
Sipas letrës, vendet e G7-ës së shpejti do të kenë mjaftueshëm për të dhuruar 20% të dozave të tyre.
“Virusi është duke u përhapur ende në shumë vende dhe duke prodhuar variante të reja, me potencialin për të na kthyer të gjithëve atje ku kemi filluar”, thuhet në letrën dërguar grupit G7.
Disa vende, si Mbretëria e Bashkuar, e cila ka porositur 400 milionë doza të vaksinave të ndryshme, tashmë kanë vaksinuar një pjesë të madhe të qytetarëve të tyre.
Por, vendet e tjera janë ende duke pritur mbërritjen e dërgesave. Shumë vende të varfra po mbështeten në dërgesat nga programi i Organizatës Botërore të Shëndetësisë – COVAX.
Disa vende kanë premtuar doza deri në fund të vitit, por edhe Organizata Botërore e Shëndetësisë u ka kërkuar atyre që të nisin me shpërndarjen tani.
“Gjithnjë e më shumë, ne po shohim një pandemi me dy drejtime”, tha drejtori i përgjithshëm i OBSH-së, Tedros Adhanom Ghebreyesus.
“Gjashtë muaj prejse ka nisur dhënia e vaksinave të para kundër koronavirusit, vendet me të ardhura të larta kanë dhënë gati 44 për qind të dozave në botë. Vendet me të ardhura të ulëta kanë dhënë vetëm 0.4 për qind. Gjëja më zhgënjyese në lidhje me këtë statistikë është se ajo nuk ka ndryshuar tash e sa muaj”, tha Tedros.
Michael Ryan, shef i urgjencave në OBSH, tha se “nivelet e larta të mbulimit me vaksina janë rruga për të dalë nga kjo pandemi”.
Ai tha se mbulimi, me gjasë, duhet të arrijë 80 për qind të një popullate, për të zvogëluar rrezikun që variantet e reja të koronavirusit “të importohen” dhe të shkaktojnë shpërthime të reja.
Ekspertët e shëndetit janë veçanërisht të shqetësuar për katër të ashtuquajtura variante shqetësuese.
Maria Van Kerkhove, epidemiologe në OBSH, tha se varianti Delta, që goditi rëndë Indinë, po përhapet në më shumë se 60 vende dhe është më i transmetueshëm se varianti Alfa, i cili u shfaq për herë të parë në Britani.
Udhëheqësit e G7-ës pritet të mblidhen më 11 qershor në Britani. Në krye të agjendës së tyre pritet të jenë përgjigjja e koordinuar ndaj pandemisë dhe qasja në vaksina e vendeve më pak të zhvilluara.
Sipas Universitetit Johns Hopkins, që gjurmon të dhënat për pandeminë, koronavirusi ka prekur mbi 173 milionë njerëz në të gjithë botën. Prej tyre, mbi 3.7 milionë kanë vdekur.
Numri i vaksinave të dhëna deri më tash ka kaluar 2.1 miliardë. Shumica e vaksinave kundër koronavirusit duhet të jepen në dy doza për të arritur efektin maksimal.
You may like
Lajmet
Transporti ajror, Shqipëria shënon rritje të numrit të pasagjerëve
Published
1 hour agoon
October 29, 2025By
UBTnews
Transporti ajror vijoi tendencën pozitive edhe gjatë tremujorit të tretë të vitit 2025, duke regjistruar rritje si në numrin e pasagjerëve ashtu edhe në volumin e mallrave të transportuara.
Sipas të dhënave zyrtare të INSTAT-it numri i pasagjerëve ka vijuar të rritet, duke arritur në 3.892.761 gjatë tremujorit të tretë të këtij viti, nga 3.534.751 që ishin në të njëjtën periudhë të vitit të kaluar, një rritje prej 10,1%, raporton ATSH.
Volumi i mallrave, përfshirë postën, që është trajtuar nëpërmjet transportit ajror, ka arritur në 714,3 tonë, prej të cilëve 78,5% janë mallra të hyrë dhe 21,5% mallra të dalë.
Ky tregues ka shënuar rritje 25,1% krahasuar me të njëjtin tremujor 2024, duke reflektuar zgjerimin e aktivitetit ekonomik dhe rritjen e kërkesës për transport ajror të mallrave. Në këtë periudhë kanë operuar gjithsej 31 shoqëri ajrore, nga të cilat 30 janë të huaja dhe vetëm një shqiptare.
Në hapësirën ajrore shqiptare janë realizuar gjithsej 139.923 fluturime, ku 83,6% e tyre përbëhen nga mbikalime./KP
Lajmet
Kurti i ftuar i nderit në darkën e shtruar nga Qarku Diplomatik i Parisit
Published
2 hours agoon
October 29, 2025By
UBTnews
Kryeministri në detyrë i Republikës së Kosovës, Albin Kurti, ishte mbrëmë i ftuar nderi në darkën e shtruar nga Qarku Diplomatik i Parisit, ku të pranishëm ishin personalitete të larta të hallkave diplomatike, politike dhe ekonomike të Francës, njoftojnë përmes komunikatës për media zyra e kryeministrisë.
Në adresimin e tij para të pranishmëve, Kurti thuhet të ketë folur për rëndësinë e solidaritetit dhe bashkëpunimit ndërmjet vendeve demokratike në avancimin e mëtejmë të shoqërive tona dhe në përballje me sfidat e përbashkëta. Ai theksoi nevojën, si dhe rëndësinë, që në rrugëtimin përpara të vendeve evropiane vlerat dhe interesat të ecin gjithmonë bashkë.
“Gjithashtu foli për angazhimin dhe vlerën e shtuar të anëtarësimit të Kosovës dhe gjithë Ballkanit Perëndimor në Bashkimin Evropian dhe NATO. Ai tha se anëtarësimi i Ballkanit Perëndimor në Bashkimin Evropian është në vetë interesin ekonomik dhe të sigurisë të Bashkimit Evropian dhe shteteve anëtare të tij. Në këtë drejtim, ai shtoi se u përket atyre që besojnë se zgjerimi i jashtëm i Bashkimit Evropian dhe reformat e brendshme të tij shkojnë krah për krah. Vetëm një Evropë që dëshiron të reformohet nga brenda mund të zgjerohet nga jashtë, dhe vetëm një Evropë që dëshiron të zgjerohet nga jashtë mund të reformohet suksesshëm nga brenda; zgjerimi i jashtëm dhe reformat e brendshme janë njëkohësisht mundësi dhe kushte të njëra-tjetrës”, citohet të ketë thënë Kurti.
Kurti sot merr pjesë në edicionin e tetë të Forumit të Paqes në Paris, me ftesë të Presidentit të Republikës së Francës, Emmanuel Macron./EO
Lajmet
Rritja e konsumit të energjisë, KEDS-i ankohet për mbingarkesë në rrjet
Published
2 hours agoon
October 29, 2025By
UBTnews
Kompania për Distribuimin e Energjisë Elektrike në Kosovë (KEDS) ka njoftuar se konsumi i energjisë elektrike në vend ka shënuar rritje prej 18.5% gjatë tetorit, krahasuar me të njëjtën periudhë të vitit të kaluar.
KEDS-i nëpërmjet një njoftimi vlerëson se arsyeja kryesore për këtë rritje është përdorimi masiv i energjisë elektrike për ngrohje, me rënien e temperaturave.
Kësisoj, në njoftim thuhet se kërkesa më e lartë sesa kapacitetet e rrjetit po shkakton mbingarkesa, sidomos në orët e ngarkesës së lartë.
Mes tjerash, KEDS-i u ka bërë apel qytetarëve për përdorim racional dhe të kujdesshëm të energjisë, në mënyrë që të zvogëlohet presioni mbi rrjet dhe të sigurohet furnizim i qëndrueshëm për të gjithë./EO
Lajmet
Supremja hedh poshtë padinë për mbulesën islame në shkolla, MASHTI është kompetente për rregullat e uniformës
Published
2 hours agoon
October 29, 2025By
UBTnews
Gjykata Supreme e Kosovës ka refuzuar si të pabazuar padinë e Rrjetit të Femrave për Zhvillim Profesional “Arrita” kundër Ministrisë së Arsimit, Shkencës, Teknologjisë dhe Inovacionit MASHTI për mbulesën në shkolla, duke konfirmuar njëherësh kompetencën e MASHTI-t për rregullat e uniformës.
Rrjeti i Femrave për Zhvillim Profesional “Arrita” ka kërkuar që të shpallet i paligjshëm dhe të shfuqizohet neni 3 paragraf 1, nën paragraf 1.13 i Udhëzimit Administrativ nr.06/2014, që është një akt administrativ i përgjithshëm, duke thënë se nuk mund të ndalohet ushtrimi i të drejtave dhe lirive kushtetuese të vajzave që mbajnë mbulesën islame.
E njëjta ka theksuar se me nenin 55.1 të Kushtetutës, saktësohet qartë se “të drejtat dhe liritë themelore të garantuara me këtë Kushtetutë, mund të kufizohen vetëm me ligj”, duke shtuar se në katër vjetët e fundit kanë pranuar ankesa të shumta nga vajzat që janë përjashtuar nga shkollat publike për shkak të bartjes së shamisë.
Gjykata Supreme e Kosovës ka shqyrtuar me kujdes bazën ligjore të aktit nënligjor normativ të kontestuar dhe ka vlerësuar se dispozita nga neni 3 paragraf 1, nën paragraf 1.13, gjen mbështetje në Ligjin nr. 04/L-032 për Arsimin Parauniversitar dhe në Ligjin nr. 04/L-138 për Arsimin dhe Aftësimin Profesional.
Nga këto dispozita rezulton se MASHTI ka autorizim të qartë ligjor për të përcaktuar rregulla për sjelljen e nxënësve, përfshirë edhe rregullat për veshjen – uniformën dhe se akti nënligjor është në përputhje me autorizimin e shprehur ligjor të dhënë nga ligjvënësi.
“Përcaktimi sikurse në aktin e kontestuar, me të cilin ndalohet bartja e uniformës fetare në shkolla, gjen mbështetje në një akt më të lartë ligjor për nga fuqia hierarkike, andaj si i tillë nuk mund të shfuqizohet”, ka bërë të ditur Gjykata Supreme.
Gjykata Supreme çmon se rregullat e miratuara nga Ministria e Arsimit, Shkencës dhe Teknologjisë, të cilat ndalojnë bartjen e çdo veshjeje tjetër përveç uniformës shkollore, janë në përputhje me ligjin dhe me kompetencën e deleguar ligjore, dhe si të tilla nuk përbëjnë tejkalim të autorizimeve të dhëna nga ligjdhënësi./KP
Galeria Kombëtare fton publikun në një mbrëmje plot ngjyra dhe krijimtari
Uragani Melissa godet Kubën, skena të tmerrshme në Xhamajka
Demi Moore: Të jesh nënë dhe aktore nuk është kompromis
Transporti ajror, Shqipëria shënon rritje të numrit të pasagjerëve
Koreja e Jugut njofton uljen e tarifave si pjesë e marrëveshjes së re tregtare me SHBA-në
Nvidia afër vlerës 5 trilionë dollarë pas rezervimeve rekord për AI
Kurti i ftuar i nderit në darkën e shtruar nga Qarku Diplomatik i Parisit
Rritja e konsumit të energjisë, KEDS-i ankohet për mbingarkesë në rrjet
Beteja për kujdestarinë, Sia dhe ish-bashkëshorti përballen për djalin e tyre 19-muajsh
Të kërkuara
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Aktualitet6 days agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
