

Lajmet
Thënie të urta nga Islanda
Published
4 years agoon
By
UBT newsMos pyet “sa vjeç je”, por “çfarë shëndeti ke”.
Armët e grave janë: gjuha, thonjtë dhe lotët.
Në demokraci shteti dhe qytetari barazohen, janë një dhe kanë një fat, kurse në diktaturë shteti është një vegël e pushtetarëve politikë dhe armik i popullit.
Nëse i veni një çmim të vogël vetes, të jeni të sigurtë se bota nuk do ta rrisë çmimin.
Mënyra më e mirë të dalësh me sukses në këtë botë, është të veprosh sipas këshillave që u jep të tjerëve.
Nga deti më e madhja pasojë është dielli, nga dielli më e madhja pasojë është shpirti, nga dashuria më e madhja pasojë është vuajtja shpirtërore.
Nuk është e bukur gruaja e bukur, por ajo që na pëlqen.
Kur qesh, të gjithë të shohin, kur qan, asnjë s’të vë re.
Kur vdes një plak, bota ka humbur një biblotekë.
Marinari i mirë njihet në kohë fortune.
Jeta është një shkollë ku janë shumë të pakët ata që marrin nota të mira.
Jetoni bashkë si vëllezër dhe bëni biznes si të panjohur.
Natyra, koha dhe durimi janë tre mjekët e mëdhenj.
Ju lutem, vëreni trurin tuaj në veprim përpara se të filloni të veni gojën në funksionim.
Kam qenë fatkeq në të dy martesat e mia: gruaja e parë është shkurorëzuar nga unë, kurse e dyta, nuk dëshiron ta bëjë këtë.
Këmbana fton për në kishë, por vetë s’shkon kurrë.
Kujdesuni për tokën, dhe ajo do të kujdeset për ju.
Kulmi i marrëzisë është kur babai yt të shpjegon se prejardhjen e ke nga majmuni.
Kur ligji s’është më ligj, shteti s’është më shtet.
Kur linde ti qave, por qeshën të tjerët. Jeto në mënyrë të tillë që, kur të të vijë vdekja, të shkosh i qeshur dhe të tjerët të qajnë për ty.
Fundin e kuletës e fundin e mendjes mos e trego kurrë.
Gjërat që prindërit nuk i kanë mësuar nga përvoja, mund t’i mësojnë nga fëmijët e tyre.
I dituri nuk pranon asgjë të paprovuar.
I maturi në të ngrënë është mjek i vetvetes.
I mençuri nuk i thotë të birit mos gabo, por gabo sa më pak.
Jeta është një gjë e madhe e përbërë prej gjërash të vogla.
Drejtoje drurin sa është i njomë.
Është më e lehtë të zësh miza me mjaltë se me uthull.
Fjalët e njëjta, kanë kuptime të ndryshme, te njerëzit e ndryshëm, te njerëzit e njëjtë, në kohë të ndryshme.
Fjalët gushëlluese të përdorura me vend dhe në çastin e duhur, janë ilaçi më i vjetër i njerëzimit.
Francezët kanë pasion për revolucionin, por apati për ndryshim.
Çdo vit e më tepër nevojitet më pak kohë për të kapërcyer Atlantikun dhe, më shumë kohë për të vajtur në punë.
Dallimi në mes të të mençurve dhe budallenjve nuk qëndron aty, se te mençurit nuk gabojnë., – ata vetëm nuk i përsërisin të njëjtat gabime.
Dashuro për të jetuar dhe urre për të mbijetuar.
Defektet janë si aromat: i ndien vetëm ai që është afër, jo ai që i bart.
Dobësitë e të rriturve varen nga ndërtimi i gabuar i marrëdhënieve nënë-fëmijë.
Arsimimi është që ju të mësoni mjaft rreth asaj sesa pak ju dini.
Atyre që ndërtojnë kështjella në ajër, jeta u merr qira të madhe.
Besimi dhe nderimi janë dy shtylla themelore të dashurisë, pa të cilat ajo nuk mund të qëndrojë; sepse pa nderim dahsuria s’ka asnjë vlerë dhe pa besimin dashuria s’është e lumtur.
Besimi i tepruar ndonjëherë mund të jetë marrëzi, mirëpo mosbesimi i tepruar gjithnjë është fatkeqësi.
Bëhu më i mirë nëse nuk bëhesh dot më i ditur.
Çfarë fiton një njeri që fiton botën, por humb shpirtin?!
Ai që me lot i njomë ndjenjat, mund ta ruajë dinjitetin.
Ai që pikturon lulen, nuk pikturon aromën.
Ajo që flitet – i dedikohet momentit aktual. Ajo që shkruhet – i dedikohet ardhmërisë.
Ajo që kërkohet e thuhet në gjuhën zyrtare në vendet diktatoriale, të deklaruara e të maskuara, është aq në kundërshtim me atë që ekziston në të vërtetë, sa që njeriun me ndjenja e shpirt një gjendje e tillë e torturon.
Aktualitet
KEK thirrje bizneseve që kanë dalë në treg të hapur
Published
14 hours agoon
June 3, 2025
Korporata Energjetike e Kosovës ka lëshuar një njoftim duke thënë se inkurajojnë të gjithë konsumatorët që ende nuk kanë siguruar furnizues të energjisë elektrike të lidhin kontrata komerciale me KEK.
“Korporata Energjetike e Kosovës (KEK sh.a.) inkurajon të gjithë konsumatorët që ende nuk kanë siguruar furnizues të energjisë elektrike, që të lidhin kontrata komerciale të drejtpërdrejta me KEK, për të siguruar furnizim të qëndrueshëm.”
KEK thotë se deri tani ka lidhur 15 marrëveshje komerciale.
“Sipas vendimit të Zyrës së Rregullatorit për Energji (ZRRE), KEK është e licencuar për furnizim në treg të hapur dhe deri më tani ka lidhur me sukses 15 marrëveshje komerciale, duke përfshirë edhe ndërmarrje publike strategjike.”
KEK ka listuar disa arsye se pse duhet të zgjidhet KEK’u si furnizues.
“Pse të zgjidhni furnizimin komercial direkt nga KEK?
· Furnizimi nga Furnizuesi i Mundësisë së Fundit është një zgjidhje e përkohshme, me periudhë 60-ditore dhe çmime më të larta nga tregu.
· Sipas udhëzimeve të ZRRE-së, konsumatorët që nuk zgjedhin furnizues kalojnë automatikisht te FMF për 60 ditë, ku çmimet janë më të larta se në tregun e lirë. Pas afatit, kontratat me furnizues të rregullt është e detyrueshme.
· Marrëveshjet komerciale me KEK ofrojnë çmime konkurruese, furnizim të qëndrueshëm dhe transparencë.
· KEK siguron furnizim referuar në çmimet e tregut të publikuara në bursën zyrtare të energjisë ALPEX.”
“Veproni tani! Lidhja e kontratës komerciale është hapi më i sigurt për të shmangur pasigurinë dhe kostot e larta të furnizimit përmes FMF-së.”
Lajmet
Osmani fton në takim partitë për dekretimin e datës së zgjedhjeve lokale
Published
16 hours agoon
June 3, 2025By
UBTNews
Presidentja e Republikës së Kosovës ka ftuar në takim partitë politike, ku pritet të diskutohet data e zgjedhjeve të reja lokale.
Këshilltari për media i presidentes Vjosa Osmani, Bekim Kupina bëri të ditur për KosovaPress se takimi do të mbahet të mërkurën.
“Në bazë të kompetencave kushtetuese, Presidentja Osmani ka ftuar subjektet politike në takim të mërkurën, më 4 qershor 2025, për konsultime për caktimin e datës së zgjedhjeve lokale. Menjëherë pas konsultimeve, Presidentja do të caktojë datën e zgjedhjeve”, ka thënë ai.
Ende nuk dihet ora se kur do të mbahet takimi.
Lajmet
Global UBT Fest 2025 – Festivali veror i dijes po vjen së shpejti
Published
16 hours agoon
June 3, 2025By
UBTNews
Jeni të ftuar të bëheni pjesë e ngjarjes më të madhe dhe më emocionuese të verës në botën e dijes dhe inovacionit! Global UBT Fest 2025 është festivali veror i dijes që mbledh në një vend mbi 30 shkolla verore të ndryshme, me mbi 300 folës kombëtarë dhe ndërkombëtarë nga fusha të ndryshme të shkencës, teknologjisë, artit, kulturës dhe zhvillimit personal.
Ky festival unik zhvillohet gjatë gjithë muajit Korrik 2025, duke ju ofruar një program të pasur dhe shumëdimensional që synon të zgjojë kuriozitetin, të frymëzojë dhe të lidhë njerëz nga e gjithë bota.
Çfarë do të përjetoni në Global UBT Fest 2025?
- Forume të dedikuara me diskutime dhe debate mbi temat më të rëndësishme dhe aktuale të kohës;
- Punëtori praktike që ju japin mundësi të mësoni aftësi të reja dhe të zhvilloni potencialin tuaj në fusha të ndryshme;
- Gara të ndryshme që sfidojnë kreativitetin dhe dijen tuaj, me mundësi për çmime dhe njohje;
- Koncerte dhe aktivitete kulturore që sjellin argëtim dhe një atmosferë festive për të gjithë pjesëmarrësit;
- Eksperienca unike që vetëm Global UBT Fest mund t’ju ofrojë — një mundësi për rrjetëzim, shkëmbim ideje dhe krijim lidhjesh të reja në një mjedis stimulues.
Ky festival është projektuar për të ofruar një eksperiencë gjithëpërfshirëse dhe të paharrueshme për çdo pjesëmarrës, qoftë student, profesionist apo thjesht një person që kërkon të zhvillojë veten dhe të zgjojë pasionin për dijen.
Regjistrimi është tashmë i hapur: REGJISTROHU TANI
Mos e humbisni shansin për t’u bërë pjesë e kësaj ngjarje të jashtëzakonshëm.
Për më shumë informacion dhe për të siguruar vendin tuaj, vizitoni: https://forms.office.com/e/kwSSxXfsq0
Bashkohuni me ne këtë verë në Global UBT Fest 2025 dhe përjetoni verën më të pasur me dije, inspirim dhe argëtim!
Lajmet
Takimi i radhës me Dr. Tanja Tamminen: Studentët e UBT-së thellojnë njohuritë mbi sigurinë evropiane dhe diplomacinë ndërkombëtare
Published
16 hours agoon
June 3, 2025By
UBTNews
Në vazhdën e aktiviteteve ndërkombëtare akademike dhe angazhimit të UBT-së për të sjellë ekspertizë globale në auditorë, studentët e Studimeve të Sigurisë zhvilluan me sukses takimin e radhës me Dr. Tanja Tamminen, eksperte e njohur në fushën e politikës së jashtme dhe sigurisë së Bashkimit Evropian.
Ky takim u zhvillua si vazhdim i ligjëratës së mëparshme dhe dëshmon interesimin e ndërsjellë për thellimin e bashkëpunimit ndërmjet UBT-së dhe ekspertëve ndërkombëtarë. Temë qendrore e diskutimit ishte dinamika e përfshirjes së Bashkimit Evropian në misionet civile të menaxhimit të krizave, si dhe ndikimi i tyre në vendet e Ballkanit Perëndimor, përfshirë Kosovën.
Studentët patën mundësinë të ngrenë pyetje më të thelluara dhe të diskutojnë çështje praktike që lidhen me sfidat dhe rolin strategjik të BE-së në garantimin e sigurisë në rajonet me ndjeshmëri politike dhe institucionale. Diskutimi u pasurua me përvoja të drejtpërdrejta nga misionet EULEX në Kosovë dhe EUAM në Ukrainë, të cilat Dr. Tamminen i ndau me pjesëmarrësit me shumë transparencë dhe profesionalizëm.
Ky takim u mundësua falë përkushtimit të Profesor Naim Dedushaj, i cili ka luajtur një rol kyç në ndërtimin e urave të komunikimit me profesionistë të profilit të lartë në nivel evropian. Për më tepër, u diskutuan edhe hapa konkretë për praktika studentore në institucionet evropiane, duke hapur mundësi të reja për studentët që synojnë karrierë ndërkombëtare në fushën e diplomacisë dhe sigurisë.

Ford Motor po tërheq gati 1.1 milionë automjete, shkak problemi me kamerën e pasme

Diskutim i thelluar për kritikën e artit në kuadër të Javës së Artit dhe Dizajnit në UBT

Historia frymëzuese e Sydney Sweeney, si u bë yll Holliwoodi nga falimentimi i familjes së saj

Vritet aktori i njohur para shtëpisë së tij

De Biasi flet para Serbisë: Bëni luftë futbolli, jo politike

Toyota lanson SUV-in elektrik

Këto janë ushqimet më të mira për shëndetin e kockave

KEK thirrje bizneseve që kanë dalë në treg të hapur

“Tifozat Kuq e Zi” njoftojnë se nuk do të jenë prezent në stadium për ndeshjen ndaj Serbisë
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur