Kulturë

The Neighborhood shkarkon bateristin e grupit pas akuzave për sulm seksual

Fied nuk i ka mohuar akuzat e bëra kundër tij.

Published

on

Bateristi i The Neighborhood Brandon Fried u përjashtua nga grupi të dielën pasi u akuzua për sulm seksual nga këngëtarja kryesore e The Marías, María Zardoya.

Në një deklaratë në rrjetet sociale, pas pretendimeve të Zardoya, grupi shkroi, “Ne i jemi mirënjohës Marias që foli për këtë. Ne kemi zero tolerancë për çdo lloj sjelljeje të papërshtatshme ndaj grave. Si rezultat i veprimeve të Brandon, ai nuk do të jetë më anëtar i The Neighbourhood”.

Pretendimet se Fried e kishte prekur në mënyrë të papërshtatshme, u bënë nga María në një Story të saj në Instagram. Ajo kishte deklaruar se abuzimi i Fried ishte “një nga gjërat më të pakëndshme që [ajo] kishte përjetuar ndonjëherë”.

Fied nuk i ka mohuar akuzat e bëra kundër tij. Në llogarinë e tij në Instagram të dielën ai tha se ishte penduar për veprimet e tij dhe shtoi se po kërkonte terapi për problemet e tij me alkoolin dhe drogën./UBTNews/

Continue Reading

Magazinë

Meghan Markle bëri një rrëfim befasues për Princ Harryn që shtangu të ftuarin

Published

on

Meghan Markle zbuloi një ushqim që nuk i pëlqen bashkëshortit të saj, Princit Harry, gjatë një episodi në sezonin e dytë të shout të saj në Netflix, “With Love, Meghan”.

Në episodin e sezonit të dytë me shefin José Andres, Dukesha e Sussex zbuloi se Harry nuk e pëlqen një lloj të caktuar fruti deti.

“E dini kush nuk e pëlqen karavidhen? Burri im”, tha 44-vjeçarja përballë të ftuarit të saj.

“Dhe ti u martove me të gjithsesi?”, u përgjigj me shaka më pas Andres.

Megjithëse Markle nuk tregoi pse Duka i Sussex, 40 vjeç, nuk i pëlqen karavidhja si ushqim, familja mbretërore tradicionalisht shmang konsumimin e frutave të detit me guaskë.

“Kur hanë jashtë, familja mbretërore duhet të jetë e kujdesshme me frutat e detit për shkak të rrezikut nga helmimi me guaskore, për shkak të orareve të tyre të ngjeshura. Është një veprim shumë i arsyeshëm që të heqin dorë nga ushqimet e detit gjatë angazhimeve publike”, ka thënë ish shërbyesi i Mbretit Charles, Grant Harrold, sipas Mirror.

Continue Reading

Magazinë

Sharon Osbourne thyen heshtjen pas vdekjes së Ozzy-t me një gjest të ëmbël

Published

on

Sharon Osbourne, e mbetur me zemër të thyer pas ndarjes nga jeta të bashkëshortit të saj, legjendës së rokut Ozzy Osbourne, ka reaguar për herë të parë me një gjest simbolik dhe prekës.

Ozzy, vokalisti ikonik i Black Sabbath, ndërroi jetë më 22 korrik, në moshën 76-vjeçe, duke lënë pas trashëgimi muzikore. Ai u varros në rezidencën e tij në Buckinghamshire, gjatë një ceremonie private ku morën pjesë familja, miqtë më të afërt dhe figura të njohura të botës së muzikës, përfshirë Marilyn Manson dhe kitaristin Zakk Wylde, shkruan DailyMail.

Në fundjavë, ekipi që menaxhon llogarinë e Ozzy-t në Instagram publikoi një foto të fundit në skenë, me mbishkrimin: “Nuk dua të them lamtumirë. Kur ta bëj, do të jesh mirë. Në fund të fundit, e bëra gjithçka për ty”.

Sharon, 72 vjeç, zgjodhi ta pëlqejë këtë postim si një përshëndetje të ëmbël dhe të heshtur për partnerin e saj të jetës, ndërsa vijon të mbajë zi. Dokumentet zyrtare mbi vdekjen e muzikantit treguan si shkaqe arrestin kardiak, infarktin akut të miokardit dhe sëmundjen e arteries koronare, si edhe komplikacionet e Parkinsonit, sëmundje e diagnostikuar tek ai në vitin 2019.

Vdekja e Ozzy-t shkaktoi reagime të shumta në botën e muzikës dhe showbiz-it, ndërsa familja deklaroi se ai u nda nga jeta “i rrethuar nga dashuria”.

Ndërkohë, për të njëjtën periudhë janë duke u përgatitur dokumentarë nga BBC dhe Paramount+, megjithatë projekti i BBC-së është shtyrë pas shqetësimeve të familjes lidhur me mënyrën e trajtimit dhe tonin e programit.

Continue Reading

Magazinë

Katy Perry thyen parashikimet: turneu “The Lifetimes” sjell fitime marramendëse

Published

on

Katy Perry ka mbyllur gojët e skeptikëve duke publikuar shifrat e para të fitimeve nga turneu botëror The Lifetimes Tour.

Sipas Billboard, këngëtarja ka shitur mbi 1.1 milion bileta, duke gjeneruar më shumë se 80 milionë dollarë (rreth 73.6 milionë euro) vetëm nga shfaqjet në SHBA, Kanada dhe Australi — ndërsa pjesa më e madhe e turneut ende nuk ka nisur.

Superylli i popit e nisi etapën në Amerikën e Veriut më 7 maj në Hjuston, duke vizituar mbi 20 qytete, përpara se të vazhdonte në Kanada dhe Australi, ku 13 koncertet e saj u shitën plotësisht, shkruan DailyMail.

Turneu, i konceptuar si një spektakël teatror rreth figurës së Perry-t si “shpëtimtare e botës” mes një kaleidoskopi fluturash, pritet të përfshijë 91 shfaqje në pesë kontinente. Kërkesa për biletat ka qenë e madhe, sidomos në Azi.

Në Kinë, ku janë planifikuar gjashtë shfaqje, biletat u shitën për vetëm një minutë. Për të përballuar interesin, Perry ka shtuar data shtesë në Paris, Australi dhe Kinë. Turneu do të ndalet në Evropë, me shfaqje në qytete si Londra, Mançesteri, Parisi, Berlini, Roma dhe Barcelona.

Ky sukses i madh vjen vetëm disa muaj pasi mediat britanike raportuan se Perry po përballej me shitje të dobëta në disa qytete.

Të dhënat e reja, tregojnë të kundërtën, duke e pozicionuar The Lifetimes Tour si një nga turnetë më fitimprurëse dhe më të shtrira të karrierës së saj.

Continue Reading

Magazinë

“Më falni, më duhet të shërohem”, Jessie J shtyn turneun botëror pas operacionit të dytë për kancerin e gjirit

Published

on

Këngëtarja britanike Jessie J ka njoftuar se do të shtyjë turneun e saj të ardhshëm për shkak të një ndërhyrjeje të dytë kirurgjikale që duhet të kryejë, pas diagnostikimit me kancer të gjirit.

Në një video të publikuar në Instagram, 37-vjeçarja, emri i vërtetë i së cilës është Jessica Ellen Cornish, tha se operacioni nuk është serioz, por duhet të kryhet brenda këtij viti, pikërisht në mes të datave të turneut.

“Fatkeqësisht, më duhet të bëj operacion të dytë. Nuk është ndonjë gjë erioze, por duhet ta kryej para fundit të vitit e për fat të keq, kjo bie në mes të një turneu që e kisha planifikuar,” tha ajo e cila bëri të ditur në qershor se ishte diagnostikuar me kancer në fazë të hershme, ndërsa operacionin e parë e kreu në fund të atij muaji. Në korrik, tregoi se nuk kishte përhapje të sëmundjes dhe se ndjehej mirë.

Ndërhyrja e dytë është e domosdoshme. Edhe pse nuk dha shumë detaje, kishte shpjeguar se synon një rikuperim estetik pas mastektomisë, për të rregulluar pamjen e gjoksit.

“Po jetoj momentin, po e përqafoj këtë rrugëtim dhe po shkoj me rrjedhën… më vjen keq. Jam e trishtuar… por duhet të shërohem, duhet të jem më mirë – dhe e di që kjo është zgjedhja e duhur,” shtoi ajo në mesazhin e saj.

Jessie J konfirmoi se pjesa evropiane e turneut, e planifikuar për tetor 2025, është shtyrë për prill 2026. Ndërsa turneu në SHBA, i planifikuar për nëntor, është anuluar, për shkak të pamundësisë për të gjetur një periudhë të përshtatshme me sallat koncertale.

“Ju lutem kini durim me ne për pjesën amerikane të turneut. Dua ta realizoj, por vetëm kur të jetë koha e duhur. Mund të ndodhë më vonë këtë vit… ose më herët, nuk e di ende,” u shpreh ajo.

Këngëtarja theksoi se po përpiqet të balancojë të gjitha sfidat që po përjeton, por se shëndeti është përparësia e saj absolute.

“Po mundohem të bëj më të mirën. Po përpiqem të menaxhoj të gjitha gjërat që po ndodhin në jetën time dhe energjinë që duhet të ndaj. Më duhet të shërohem. më falni, më vjen keq…” përfundoi ajo.

Continue Reading

Të kërkuara