Film & TV

“The Kissing Booth 3” së shpejti vjen në Netflix

Publikuar

Është publikuar traileri i vazhdimit të radhës së komedisë romantike të titulluar “The Kissing Booth 3”, me ç’rast kryepersonazhet si: Elle, Noah dhe Lee, e huazojnë shtëpinë e pushimeve të prindërve të tyre për të organizuar një ndejë verore me shoqëri, që njëkohësisht do të jetë hera e fundit që tre do të jenë së bashku, shkruan KultPlus.

Elle e cila sapo ka diplomuar nga shkolla e mesme, ndihet në presion për të vendosur se ku dëshiron t’i vazhdojë studimet tutje, në Harvard me të dashurin e saj Noah, apo në UC Barkley me mikun e saj të ngushtë Lee.

Ndërsa, në këtë film pjesë janë edhe dy personazhet e reja nga vazhdimi i dytë, Chloe, vjen në rolin e mikeshës së afërt së cilës Noah ia beson të gjitha sekretet, dhe Marko, djaloshi i cili bie në dashuri me protagonisten Elle dhe i cili është i sigurt se ai është personi i duhur për të.

Në këtë vazhdim rolet e përsëritura vijnë nga aktorët: Joey King, Jacob Elordi, Joel Courtney, Maisie Richardson-Sellers dhe Taylor Zakhar-Perez.

“The Kissing Booth 3”, do të lansohet në platformën Netflix më 11 gusht të këtij viti. /KultPlus

Film & TV

Vdiq aktori Willie Garson

Vdekjen e aktorit e konfirmuan familjarët e tij.

Publikuar

nga

Ka vdekur në moshën 57-vjeçare aktori Willie Garson, i njohur për rolin e tij në “Sex and the City”. Vdekjen e aktorit e konfirmuan familjarët e tij.

Deri më tani nuk janë zbuluar hollësi rreth shkaktarit të vdekjes, dhe zëdhënësit e aktorit nuk kanë pranuar të deklarohen për media. Por besohet se ai ka vdekur nga shkaqe natyrale pas një sëmundjeje të shkurtër.

Në “Sex and the City” aktori luajti rolin e Stanford Blatch, një agjent i talentuar dhe miku i përkushtuar dhe me shumë stil i protagonistes Carrie Bradshaw (Sarah Jessica Parker), në gjashtë sezone. 

Hapat e tij të parë ishin në shfaqjet televizive “Cheers” dhe “Family Lies”./UBTNews

Vazhdo të lexosh

Film & TV

Terapistët kishin një rritje të madhe në klientelën mashkullore falë “The Sopranos”

Së fundi shkrimtari i “The Sopranos” ka dhënë disa detaje për serinë.

Publikuar

nga

Edhe pse e njohur si një nga këngët më të këqija karaoke që mund të interpretoni, “Don’t Stop Believin” nga Journey gjithashtu do të shoqërohet përgjithmonë me momentet e fundit, të fuqishme të “The Sopranos”, transmeton UBT News.

“Love and Happines” e Al Green ishte një nga pretendentët për momentet e fundit të shfaqjes, por Chase zgjodhi Journey për shkak të mënyrës se si iu përgjigj ekipa. Ata menjëherë thanë: ‘Oh, Jezu Krisht, jo. Mos e bëj këtë!’ Dhe unë thashë, ‘Epo, kjo është ajo. Kjo është ajo”, tha Chase.

“Unë nuk e thashë këtë vetëm për t’ua hedhur në fytyrë. Ishte një lloj i preferuari im dhe mori një reagim të një lloji. Kështu që unë mund ta bëj këtë këngë të dashur [përsëri], siç kishte qenë”.

Skena e fundit e shfaqjes zgjat për gati pesë minuta dhe shënohet plotësisht në “Don’t Stop Believin”.

Në podkast, Chase gjithashtu përmendi se përfundime të ndryshme për serinë ishin xhiruar për të dekurajuar çdo rrjedhje, por nuk hyri në detaje në lidhje me këto përfundime alternative.

“The Many Saints of Newark: A Sopranos Story”, është planifikuar të dalë në kinematë në Mbretërinë e Bashkuar më 22 tetor.

Në lajme të tjera të Sopranos, David Chase kohët e fundit e lidhi popullaritetin e shfaqjes me rritjen e terapisë, duke zbuluar se “terapistët kishin një rritje të madhe në klientelën mashkullore” falë serisë.

Vazhdo të lexosh

Film & TV

Ndahen çmimet “Emmy”

Publikuar

nga

Edicioni i 73-të i “Emmy Awards” u mbajt të dielën mbrëma. “Ted Lasso” mori katër çmime ndonëse ishte nominuar në 13 kategori. “The Crown” ishte nominuar në 11 kategori dhe mori shtatë çmime.

Lista e plotë e fituesve:

Aktori kryesor në seriale dhe filma televiziv

Ewan McGregor, “Halston”

Aktorja kryesore në seriale dhe filma televiziv

Kate Winslet, “Mare Of Easttown”

Aktori dytësor në seriale dhe filma

Evan Peters, “Mare Of Easttown”

Aktorja dytësore në seriale dhe filma

Julianne Nicholso, “Mare Of Easttown”

Aktori kryesor në serinë komedi

Jason Sudeikis, “Ted Lasso”

Aktorja kryesore në serinë komedi

Jean Smart, “Hacks”

Aktori dytësor në serinë komedi

Brett Goldstein, “Ted Lasson”

Aktorja dytësore në serinë komedi

Hannah Waddingham, “Ted Lasso”

Aktori kryesor në serinë dramë

Josh O’Connor, “The Crown”

Aktorja në serinë dramë

Olivia Colman, “The Crown”

Aktori dytësor në serinë dramë

Tobias Menzies, “The Crown”

Aktorja dytësore në serinë dramë

Gilliam Anderson, “The Crown”

“Shou” më i mirë

“RuPaul’s Drag Race”

Serialet e jashtëzakonshme me biseda

“Last Week Tonight With John Oliver”

Seri të jashtëzakonshme të kufizuara

“The Queen’s Gambit”

Seria më e mirë komedi

“Ted Lasso”

Seria më e mirë dramë

“The Crown”./UBTNews

Vazhdo të lexosh

Film & TV

“Pa vend” merr çmimin kryesor në Toronto dhe kualifikohet për Oscar

Publikuar

nga

Filmi i shkurtër “Pa vend”, i regjisorit Samir Karahoda, ka arritur të merr çmimin kryesor IMDB Pro Short Cuts, në njërin ndër festivalet më të rëndësishëm në botë Toronto International Film Festival. Me këtë çmim, “Pa vend”, zyrtarisht kualifikohet për kategorinë e filmit të shkurtër për Oscars 2022.

Regjisori Karahoda në një video dërguar festivalit dhe audiencës, ndër të tjera tha që këtë çmim ia dedikon atyre filmi për të cilët u punua, pra për të gjithë sportistët dhe talentët e rinjë të Kosovës.

Sipas jurisë së Festivalit gara u dallua nga një përzgjedhje e fortë e filmave.

Filmi ‘Pa Vend’ nga Samir Karahoda na mahniti me pamjen, vendndodhjet dhe personazhet e tij unike e sollën në jetë një përkushtim kishotian, por të vendosur, ndaj një sporti – dhe një vendi – që është e vështirë të artikulohet, madje edhe ndaj vetëvetës”.

TIFF njihet si festivali më i madh publik në botë dhe festivali më i rëndësishëm në Amerikën Veriore. Këtë vit u organizua edicioni i 46’të ndërsa Pa Vend ishte në programin e filmave të shkurtër Short-Cuts ku konkuruan gjithsej 38 filma nga 23 shtete.

Rrugëtimi i Pa vend deri më tani duket mjaft mbresëlënës, deri në fund të Nëntorit filmi do të udhëtoj në 17 festivale dhe ku do të shfaqet si premierë në të gjitha këto shtete. Pa vend, premierën botërore e kishte në festivalin e Kanës ku edhe u nominua si filmi më i mirë Evropian për ceremoninë Europian Film Aëards i cili njihet edhe si Oscari Evropian”, thuhet në një njoftim të producentit Eroll Bilibani.

Vazhdo të lexosh

Të kërkuara