Lajmet

Tetë problemet shëndetësore që shfaqin simptomat e tyre në sy

Prandaj doktorët e syve janë zakonisht të parët që pikasin probleme të caktuara në trup.

Published

5 years ago

on

Sytë pasqyrojnë gjendjen tonë emocionale e shpirtërore e jo vetëm. Sipas ekspertëve më shumë se 30 gjendje shëndetësore shfaqin simptoma në sy.

Prandaj doktorët e syve janë zakonisht të parët që pikasin probleme të caktuara në trup.

Ja cilat janë ato:

1. Njollat e kuqe – Të shkaktuara nga pikat e gjakut në sy, mund të jenë shenjë e diabetit, një sëmundje që po përhapet gjithmonë e më shumë tek njerëzit. Kur rriten nivelet e sheqerit në gjak, enët e gjakut fillojnë të bllokohen dhe të ënjten. Kështu mund të plasin enët e vogla të gjakut në retinë, duke shkaktuar gjakderdhje. Nëse nuk trajtohet, ajo mund të shkaktojë probleme me shikimin, madje dhe verbim.

2. Sytë e përgjakur – Mund të shkaktohen edhe nga shumë gjendje të tjera shëndetësore, duke filluar nga një kollë intensive deri tek infeksioni fungal.

3. Sytë e skuqur, të acaruar apo të ënjtur – Janë shpesh simptoma të alergjive, të shkaktuara nga ajrit i ndotur, pluhuri ose grimcat e ngurta.

4. Sytë e tharë – Janë efekt anësor si të përdorimit të kompjuterit ashtu edhe të disa ilaçeve, si pilulat e gjumit, ato për lehtësimin e dhimbjeve, depresionit etj. Sëmundjet autoimune mund të shkaktojnë gjithashtu tharje të syve, sidomos sindroma Sjögren, që dëmton gjëndrat zbutëse dhe prekin më shumë të moshuarat.

5. Të shohësh vetëm larg – Shumë njerëz me kalimin e moshës e humbasin aftësinë për t’u fokusuar në gjërat që i kanë afër, si tek menytë në restorant, megjithatë, edhe disa ilaçe të caktuara, si antidepresantët, mund ta shkaktojnë këtë gjendje, të quajtur largpamësi, në moshë më të hershme.

6. Vizioni i turbullt – Mund të shkaktohet nga një listë e gjatë problemesh shëndetësore, megjithatë, për ata që janë të rrezikuar nga tensioni i lartë i gjakut, mund të jetë një shenjë që duhet të kontrollohen menjëherë tek mjeku. Në rastet kur shikimi fillon të errësohet nga efektet anësore të hipertensionit, duhet të merret menjëherë një trajtim mjekësor, pasi rrezikohet shikimi.

7. Melanoma – Okulistët mund të jenë të parët që mund të zbulojnë disa lloje kanceri. Një okulist mund të kontrollojë për melanomën okulare, një formë e rrallë e melanomës që zakonisht nuk mund të zbulohet duke u parë në pasqyrë. Nëse përjashtohen shkaktarët e tjerë të presionit ose dhimbjeve në sy, ekspertët thonë se okulistët mund të vërejnë për një tumor të mundshëm në tru.

8. Kolesteroli i lartë – Mund të shkaktojnë shpesh unaza të bardha përreth syve, si dhe njolla të verdha tek qepallat. Këto shenja shfaqen më shumë tek të moshuarit, megjithatë, në çdo rast, ata mund të paralajmërojnë se duhet të bëhet një kontroll i niveleve të kolesterolit.

Mjeku endokrinolog pediatër, shpjegon dëmet që mund të shkaktojë mungesa e kësaj vitamine në organizëm. Një rëndësi të veçantë është ushqyerja e fëmijëve me gji dhe ekspozimi i gjatë në diell.

Related Topics:
Continue Reading

Lajmet

Kontrabandim në pejë, sekuestrohen mallra rreth 30 mijë euro

Published

7 minutes ago

on

June 10, 2026

By

Sipas raportit policor, të martën në pejë  rreth orës 10:00, njësitë relevante të policisë në bashkëpunim me prokurorinë themelore në pejë, inspektorët e administratës tatimore të kosovës dhe njësinë anti-kontrabandë të doganës së kosovës kanë realizuar një kontroll në objektin dhe veturën e një të dyshuari mashkull kosovar.

Gjatë kontrollit janë gjetur dhe sekuestruar mallra të ndryshme elektronike të dyshuara si të kontrabanduara, përfshirë pajisje samsung, një ipad, 160 koka mbushëse të tipit apple 20, 13 telefona iphone modele të ndryshme, 13 telefona celularë të tjerë, si dhe 2 apple watch.

Sipas vlerësimit, mallrat e sekuestruara kapin vlerën rreth 30,000 euro.

I dyshuari, pas intervistimit dhe me udhëzim të prokurorit, është liruar në procedurë të rregullt, ndërsa lënda do të trajtohet nga organet kompetente./A.K/

Continue Reading

Lajmet

Arratisje nga qendra korrektuese në lipjan – dy të arrestuar, njëri i mitur

Published

19 minutes ago

on

June 10, 2026

By

Sipas raportit policor, në lipjan më 09.06.2026 rreth orës 09:15 janë arrestuar dy të dyshuar meshkuj kosovarë, njëri prej tyre i mitur, nën dyshimin se janë arratisur nga qendra korrektuese në lipjan.

Sipas të njëjtit raport, të dyshuarit dyshohet se janë larguar derisa ishin duke e shfrytëzuar kohën e shëtitjes brenda oborrit të qendrës korrektuese.

Pas arrestimit dhe intervistimit, të dyshuarit janë dërguar sërish në qendrën korrektuese, ndërsa për rastin është njoftuar prokurori kompetent./A.K/

Continue Reading

Lajmet

Luca Parmitano, hyn në histori si evropiani i parë në ekuipazhin ‘Artemis’ të NASA-s

Published

25 minutes ago

on

June 10, 2026

By

Astronauti italian i Agjencisë Evropiane të Hapësirës (ESA), Luca Parmitano, do të jetë evropiani i parë që merr pjesë në programin hënor “Artemis” të NASA-s, ka njoftuar administratori i agjencisë amerikane të hapësirës, Jared Isaacman.

Parmitano, 49 vjeç, do të jetë një nga katër astronautët e misionit “Artemis III”, i cili pritet të nisë në vitin 2027.

Megjithatë, ndryshe nga planet fillestare, misioni nuk pritet të shkojë drejt Hënës, por do të zhvillohet vetëm në orbitën e Tokës për kryerjen e testeve.

Sipas Isaacman, ekuipazhi do të përfshijë gjithashtu astronautët amerikanë Andre Douglas, Frank Rubio dhe Randy Bresnik, ndërsa Bob Hines do të jetë në gatishmëri si rezervë në rast emergjence.

Në vend të uljes në sipërfaqen hënore, misioni “Artemis III” do të fokusohet në testimin e lidhjes (docking) të anijes kozmike “Orion” me sistemet e uljes hënore.

Përmes këtij programi, NASA synon të vendosë një prani të përhershme njerëzore në Hënë, si hap drejt misioneve të ardhshme në hapësirën e thellë/A.K/

Continue Reading

Lajmet

Kosova shënon 148-vjetorin e Lidhjes së Prizrenit dhe 27-vjetorin e Çlirimit me aktivitete përkujtimore

Published

30 minutes ago

on

June 10, 2026

By

Kosova do të shënojë 148-vjetorin e Lidhjes Shqiptare të Prizrenit dhe 27-vjetorin e Çlirimit të vendit me një agjendë të gjerë aktivitetesh përkujtimore dhe festive, që përfshijnë homazhe, ekspozita, koncerte dhe veprimtari shkencore.

Aktivitetet kanë nisur me ceremoninë për Lidhjen Shqiptare të Prizrenit në kompleksin historik në Prizren, ndërsa programi qendror do të zhvillohet më 12 qershor me homazhe në Prekaz, te varret e figurave të njohura kombëtare dhe në monumentet e dëshmorëve në Prishtinë.

Në kuadër të shënimeve do të hapet edhe ekspozita “KFOR and Kosova 25+” në Bibliotekën Kombëtare, do të mbahet pritja shtetërore dhe koncerti festiv “Liria na Bashkon” në Gjakovë me ansamble nga Kosova, Shqipëria dhe Maqedonia e Veriut.

Më 25 qershor parashihet edhe një ligjëratë përkujtimore për akademikun Rexhep Qosja në Bibliotekën Kombëtare, me rastin e 90-vjetorit të lindjes së tij.

Institucionet e Kosovës theksojnë se përmes këtyre aktiviteteve synohet nderimi i ngjarjeve dhe figurave që kanë shënuar historinë kombëtare dhe rrugëtimin drejt lirisë./A.K/

Continue Reading

Të kërkuara