Sport

Tetë lojtarët të cilët nuk e arritën potencialin e tyre

Published

3 years ago

on

  1. Ibrahim Afellay

Afellay filloi të luaj si i ri për PSV-në, talenti i tij u afirmua kur Barcelona e solli atë në Camp Nou në vitin 2011. Sidoqoftë, u bë shumë shpejt e dukshme se ai nuk ishte aq sa katalunasit shpresonin në krahasim me ish-lojtaret e rinj të mëparshëm holandez të tyre. Afellay përfundoi në Stoke në vitin 2015 dhe nuk mundi të arrinte as atje potencialin e tij.

  1. Adnan Januzaj

Januzaj ishte një dritë shprese në një sezon të dobët te Manchester United, paraqitja në debutimin e tij e shndërroi atë në yll. Anësori belg ngriti nivelet e tij me paraqitjet mbresëlënëse sezonin 2013/14. Debutimi i tij i premtoi United një të ardhme të ndritur, por për fat të keq ai nuk i përmbushi pritshmëritë dhe u largua në huazim në vitin 2017, me shpresën se do të rigjente formën e tij më të mirë.

  1. Bojan Krkic

Duke thyer një rekord të vendosur nga Lionel Messi për t’u bërë debutuesi më i ri i Barcelonës, Bojan dukej i vendosur për të qenë mrekullia e ardhshme e Barcelonës. Spanjolli lunate në pozitën sulmuesit, por që kishte dhunti të pafundme dhe kishte impresionuar në ditët e tij të para në Camp Nou. Lojtari nuk bindi drejtuesit e Barcelonës dhe kështu në vitin 2011 filluan ta huazonin në klube të ndryshme. Pavarësisht se ata më vonë i dhanë një shans të dytë, u bë e qartë se ai nuk po ia dilte dot. Bojan u transferua te Stoke në vitin 2014 dhe historia përsëritej. Që atëherë ai provoi aventura në Gjermani, Amerikë e Japoni.

  1. Alexandre Pato

Duke dalë në skenë me një nga skuadrat ikonë të Milanit, adoleshenti Pato kishte gjithçka për t’u bërë më i miri. Shpejtësi, vizion, driblime, saktësi ishin vetëm disa nga aftësitë e brazilianit. Mirëpo lëndimet filluan ta shkatërronin atë dhe potenciali u zhduk. ‘Golden Boy’ i 2009 u kthye në Brazil në vitin 2013 në mënyrë që t’i kapte majat, por pa sukses. Më pas provoi edhe një huazim te Chelsea në vitin 2016, i cili as ai nuk funksionoi.

  1. Hachim Mastur

Hachim Mastur u bë një sensacion në botë gjatë verës së vitit 2014. Ai u ndoq nga disa prej klubeve më të mëdha në botë, duke përfshirë Real Madrid, Barcelona e Bayern Munchen, por përfundoi duke nënshkruar për AC Milan. Rossonerët e morën atë në vitin 2012 për rreth 500 mijë euro, por marokeni nuk arriti të bëjë asnjë paraqitje me gjigantin e Serie A. Më vonë ai u transferua në huazim te Malaga dhe PEC Zwolle për të rifituar besimin dhe kohën e lojës. Por Mastur nuk arriti kurrë në maksimumin e tij dhe përfundimisht ‘talenti’ po luan në kategorinë e dytë marokene.

  1. Theo Walcott

Theo Walcott e filloi karrierën “e ndritshme” me debutimin e tij në Arsenal në moshën 17-vjeçare. Ai ishte produkt i Akademisë së Southampton dhe vlerësohej mjaft shumë për sukseset e tij. Në vitet e para në Arsenal, Walcott ishte i jashtëzakonshëm, por problemet me lëndimet e penguan rritjen e tij. Ai e përfundoi aventurën e tij në Arsenal me 101 gola dhe 80 asistime në 398 paraqitje. Më pas, anësori anglez kaloi te Everton për një shifër prej 20 milionë funtesh, mirëpo as aty nuk arriti ta realizonte potencialin e tij.

  1. Jack Wilshere

Anglezi ishte lojtari më i ri që luajti për Arsenalin dhe u vlerësua si një nga talentët më të mirë në të gjithë Evropën në vitin 2008. Wilshere u emërua lojtar më i mirë i të rinjve të PFA dhe duke marrë pjesë në ekipin më të mirë të PFA-së gjatë sezonit 2010-11. Por Wilshere nuk mund të luante as 20 ndeshje në atë sezon për shkak të lëndimeve. Fatkeqësisht, talenti i jashtëzakonshëm i anglezit nuk arriti kurrë t’i përmbushte pritshmëritë e tij për shkak të lëndimeve dhe ai njoftoi pensionimin në verën e vitit 2022.

  1. Alen Halilovic

Në 2014, 17-vjeçari Alen Halilovic u transferua nga Dinamo Zagreb te Barcelona për 2.2 milionë euro. Ai kishte thyer pothuajse çdo rekord në klubin e tij të fëmijërisë. Kroati shtatshkurtër, posedonte cilësi të jashtëzakonshme, me lëvizje mahnitëse dhe driblime të magjishme. Që në moshën 14-vjeçare, ai njihej si ‘Luka Modric i ardhshëm’.

Fillimisht Halilovic luajti te Barcelona B mirëpo nuk arriti asnjëherë t’i bindte katalunasit për cilësitë e tij dhe kështu ata i hapën derën kroatit, ku më pas ai provoi të rigjente veten edhe në vende të tjera si Itali, Gjermani, Angli e Holandë. Së fundmi ai u aktivizua te Fortuna Sittard në Eredivisie./UBTNews/

Realizoi: Arti Haziraj

Related Topics:
Continue Reading

Sport

Zhegrova “E dua Juventusin dhe dua të bëj gjëra të mëdha me këtë klub”

Published

1 day ago

on

October 2, 2026

By

Edon Zhegrova luajti vetëm rreth 15 minuta në fund të ndeshjes së Kosovës ndaj Izraelit, e cila përfundoi me rezultat 0-0 në kuadër të Ligës së Kombeve. Në një intervistë ekskluzive për “Sportmediaset”, anësori kosovar foli për përballjen e fundit me Dardanët, të ardhmen e tij te Juventusi dhe objektivat e klubit italian.

“Fakti që nisa nga stoli ishte vendim i trajnerit. Mezi pres ndeshjen tjetër, shpresoj të startoj dhe të luaj”, deklaroi Zhegrova për “Sportmediaset”.

Kosova në ndeshjen e radhës do të përballet me Austrinë, e cila aktualisht kryeson grupin.

“Unë besoj te kombëtarja ime. Kemi lojtarë cilësorë, do të luajmë në shtëpi dhe mendoj se kemi një shans të mirë për të fituar. E njëjta gjë vlen edhe për grupin. Do të bëjmë gjithçka për të përfunduar të parët”, u shpreh ai.

Zhegrova foli edhe për eksperiencën e tij te Juventusi, duke theksuar se ndihet shumë i lumtur që është pjesë e klubit torinez.

“Jam shumë i lumtur që jam te Juventusi. Është një klub i shkëlqyer dhe nuk mund të mos jem i lumtur me shokët e mi të skuadrës, trajnerin, stafin dhe të gjithë ekipin. Është një privilegj për mua të jem pjesë e këtij klubi dhe do të jap më të mirën time sa herë që të zgjidhem për të luajtur”, tha Zhegrova.

Gjatë verës, emri i tij ishte lidhur me një largim të mundshëm nga Juventusi, por kosovari vendosi të qëndrojë në Torino.

“Qëndrova sepse e dua këtë klub dhe dua të arrij diçka të madhe me të. Kur më blenë, isha vërtet i lumtur dhe nuk doja të largohesha nga Juventusi në këtë mënyrë, pa lënë gjurmën time. Kështu që doja të qëndroja dhe tani dua të bëj gjëra të mëdha për këtë klub”, deklaroi ai për “Sportmediaset”.

Zhegrova nuk është përfshirë në listën e Juventusit për Europa League, një vendim që sipas tij i takon trajnerit Luciano Spalletti.

“Është zgjedhja e Spallettit. Çfarëdo që të vendoset, unë do të bëj më të mirën time për klubin dhe respektoj çdo vendim”, u shpreh reprezentuesi i Kosovës.

I pyetur nëse Juventusi mund ta fitojë Scudetton, Zhegrova u shfaq optimist për potencialin e skuadrës.

“Kemi një ekip të shkëlqyer dhe një skuadër shumë të mirë. Do ta marrim ndeshje pas ndeshjeje, me synimin për të fituar çdo ndeshje që luajmë. Mendoj se kemi cilësinë e nevojshme. Në fund do t’i nxjerrim përfundimet”, tha ai.

Në fund, Zhegrova u pyet edhe për rivalitetin me Interin, kampionin në fuqi të Italisë, duke e mbyllur intervistën me një përgjigje me humor.

“A jemi më të fortë se ata? Nuk dua të flas për këtë, por Juventusi është gjithmonë më i mirë”, tha Zhegrova me buzëqeshje.

D.L

Continue Reading

Lajmet

Deputetët e PDK-së lëshojnë mbledhjen e Komisionit: Ligji për Specialen të jetë prioritet absolut

Published

1 day ago

on

October 2, 2026

By

Deputetët e Partisë Demokratike të Kosovës, Ganimete Musliu dhe Fadil Demaku, kanë lëshuar mbledhjen e Komisionit për Administratë Publike, Digjitalizim, Pushtet Lokal, Media dhe Zhvillim Rajonal.

Kjo lëvizje vjen si pjesë e bojkotit të PDK-së në komisionet parlamentare, e cila kërkon që Kuvendi të mos vazhdojë me punë rutinore pa u proceduar paraprakisht ndryshimi i Ligjit për Dhomat e Specializuara.

Deputetja Musliu theksoi se Kuvendi nuk guxon të jetë indiferent ndaj kërkesave të qytetarëve në të gjithë vendin dhe në mërgatë, duke nëvizuar se asnjë çështje tjetër nuk duhet të ketë përparësi para këtij ligji.

Këtë qëndrim e mbështeti edhe deputeti Demaku, i cili u shpreh se projektligji për Dhomat e Specializuara është prioriteti numër një dhe se të gjitha temat e tjera mund të presin. /E.A/

Continue Reading

Sport

Muric ende në dyshim për ndeshjen ndaj Milanit, Sassuolo pret rikthimin e tij

Published

1 day ago

on

October 2, 2026

By

Portieri i Kosovës, Arijanet Muric, vazhdon të jetë në qendër të vëmendjes te Sassuolo, me klubin italian që po e përcjell me shqetësim gjendjen e tij fizike dhe rikthimin në dispozicion.

Muric u dëmtua në minutën e 65-të të ndeshjes mes Kosovës dhe Austrisë, të cilën Dardanët e humbën me rezultat 3-1. Që nga atëherë, gjendja e tij është monitoruar vazhdimisht nga stafi mjekësor i Kosovës.

Sipas “SassuoloNews”, portieri kosovar ende nuk është rikuperuar plotësisht, megjithëse nuk përjashtohet mundësia që ai të jetë i gatshëm për ndeshjet e ardhshme.

Për gjendjen e Muricit kishte folur edhe përzgjedhësi i Kosovës, Franco Foda, para ndeshjes ndaj Izraelit.

“Ai pësoi një goditje në ndeshjen kundër Austrisë. Nuk mendoj se do të jetë në gjendje të luajë kundër Izraelit, por do të shohim se si është për momentin”, kishte deklaruar Foda.

Muric më pas nuk ishte në formacion për përballjen ndaj Izraelit, ndërsa tani vëmendja është kthyer te rikthimi i tij në kampionat.

Sassuolo do të përballet me Milanin të dielën, më 11 tetor, në një ndeshje që nis nga ora 18:00. Megjithatë, Muric aktualisht mbetet në dyshim për këtë sfidë.

Trajneri Alberto Aquilani po e përcjell nga afër situatën dhe, nëse portieri kosovar nuk arrin të rikuperohet në kohë, në portë pritet të aktivizohet Turati.

Për Sassuolon, rikthimi i Muricit do të ishte i rëndësishëm para një përballjeje të vështirë ndaj Milanit. Ditët në vijim pritet të sjellin më shumë qartësi për gjendjen e portierit të Kosovës dhe mundësinë e aktivizimit të tij.

D.L

Continue Reading

Lajmet

Zhegrova pas barazimit me Izraelin: Shpresoj të luaj nga minuta e parë ndaj Austrisë

Published

1 day ago

on

October 2, 2026

By

Edon Zhegrova ka komentuar barazimin pa gola të Kosovës kundër Izraelit, duke shprehur hapur dëshirën për të qenë titullar në sfidën e ardhshme. Sulmuesi kosovar u inkuadrua në fushë vetëm në minutën e 77-të, por në minutat e pakta në dispozicion nuk arriti të ndryshojë rrjedhën e ndeshjes që përfundoi 0-0.

Në një deklaratë për mediumin italian SportMediaset, Zhegrova theksoi se aktivizimi nga stoli matcheshte vendim i trajnerit, ndërsa vëmendjen e ka kthyer nga përballja e radhës.

“Të nisja nga stoli ishte vendim i trajnerit. Mezi pres ndeshjen tjetër, shpresoj të filloj dhe të luaj,” u shpreh ai.

Kosova do të përballet me Austrinë, e cila aktualisht udhëheq grupin. Pavarësisht sfidës së vështirë, 25-vjeçari ka besim të plotë te forca e “Dardanëve” për të kërkuar tre pikët në shtëpi.

“Unë besoj te kombëtarja ime, kemi lojtarë cilësorë. Do të luajmë në shtëpi dhe mendoj se kemi një shans të mirë për të fituar. Do të bëjmë gjithçka edhe për të përfunduar të parët në grup,” shtoi sulmuesi.

Zhegrova kishte shënuar gol nga pika e bardhë në përballjen e kaluar ndaj austriakëve në Vjenë, ku Kosova u mposht me rezultatin 3-1. /D.L/

Continue Reading

Të kërkuara