Automobilizëm elektrikë

Tesla dominon tregun e prodhuesve të automjeteve në botë, markat kineze rrisin konkurrencën

Published

10 months ago

on

Tesla dominon tregun global të prodhuesve të automjeteve, me një kapital tregu prej 1,37 trilion dollarësh, duke u renditur si lider në mesin e 50 prodhuesve më të vlefshëm të automjeteve në botë. Pas Teslës, Toyota është prodhuesi i dytë më i madh me një kapital prej 240 miliardë dollarësh, ndërsa prodhuesit kinezë të makinave, si Xiaomi dhe BYD, kanë shtuar konkurrencën, me vlerë tregu përkatësisht 111,9 miliardë dhe 110,1 miliardë dollarë.

Kompania kineze Xiaomi ka filluar të prodhojë automjete elektrike (EV) që nga viti 2021, duke lançuar modelin e saj të parë sportiv elektrik, SU7. Përveç markave të njohura japoneze dhe kinezë, prodhuesit evropianë si Ferrari, Porsche dhe Mercedes-Benz gjithashtu kanë një pozicion të fortë në tregun global, me kapital tregu të lartë. Kjo ka përmirësuar konkurrencën në industrinë e makinave, sidomos në sektorin e automjeteve elektrike, që ka pasur një rritje të dukshme.

Industria globale e automjeteve po kalon në një fazë tranzicioni masiv, me përparimin e automjeteve elektrike. Në këtë kuadër, Kina ka parë një rritje të shpejtë të prodhuesve të automjeteve, duke përfaqësuar 17 marka në top 50, ndërsa shtetet tradicionale si SHBA, Japonia dhe Gjermania vazhdojnë të ruajnë pozitat e tyre. Ky kalim në makina elektrike ka shtuar konkurrencën dhe ka detyruar prodhuesit tradicionalë të adaptohen për të mbajtur pozitat e tyre në treg.

Related Topics:
Continue Reading

Teknologji

Defekti teknik detyron Toyota-n të tërheq mbi 1 milion vetura nga tregu

Published

2 days ago

on

November 12, 2025

By

Kompania japoneze Toyota ka shpallur një tërheqje masive që prek më shumë se një milion automjete në mbarë botën, për shkak të një defekti në sistemin e kamerës së pasme.

Sipas njoftimit, kamera e pasme mund të mos shfaqet siç duhet në ekran nëse shoferi kryen veprime të caktuara pas ndezjes së automjetit.

Në disa raste, imazhi ngrin ose të mos shfaqet fare. Hetimet për problemin nisën në prill 2024, pasi Toyota mori raportime nga Japonia.

Gjatë testimeve, u konstatua se shkaku ishte një gabim në softuer, çka çoi kompaninë të lëshojë tërheqjen në fund të muajit të kaluar.

Ky problem mund të bëjë që automjetet të mos përmbushin standardet e sigurisë, ndaj Toyota ka vendosur të ndërhyjë menjëherë.

Tërheqja përfshin shumicën e modeleve Toyota dhe Lexus, dhe madje edhe Subaru Solterra, i zhvilluar në bashkëpunim me kompaninë. /A.Z/UBT News/

Continue Reading

Teknologji

Volkswagen Amarok përkohësisht pa versione elektrike

Published

4 days ago

on

November 10, 2025

By

Volkswagen ka vendosur që për momentin të mos zhvillojë versione elektrike apo hibride të modelit global Amarok, duke vazhduar me motorë tradicionalë nafte dhe benzine.

Ndryshe nga varianti për tregun e Amerikës së Jugut, Amarok global ndërtohet mbi të njëjtën platformë si Ford Ranger.

Edhe pse Ford tashmë ofron një version plug-in hibrid me motor 2.3 litra turbo dhe bateri 11.8 kWh, Volkswagen ka zgjedhur të mos ndjekë të njëjtën strategji.

Sipas portalit CarExpert, drejtori i markës, Nathan Johnson, ka bërë të ditur se CEO i Volkswagen, Stefan Mecha, ka konfirmuar që projektet për versionet Amarok PHEV dhe BEV “nuk janë më në plan për këtë gjeneratë”.

Megjithatë, kompania nuk e përjashton mundësinë që gjenerata e ardhshme e Amarok të jetë e elektrifikuar, në varësi të zhvillimeve të tregut dhe kërkesës për modele me energji alternative.

Ndërkohë, në Amerikën e Jugut, Volkswagen po përgatit një Amarok hibrid të ri, i cili pritet të lansohet në vitin 2027. /A.Z/UBT News/

Continue Reading

Teknologji

Këto janë veturat elektrike dhe hibride me bateritë më të qëndrueshme

Published

7 days ago

on

November 7, 2025

By

Platforma suedeze e ankandeve të automjeteve Kvdbil ka kryer një hulumtim mbi gjendjen e baterive të më shumë se 1300 veturave elektrike dhe hibride plug-in të përdorura.

Rezultatet tregojnë se tetë nga dhjetë automjete janë ende në gjendje të shkëlqyer, sipas testimeve të “gjendjes së shëndetit të baterisë” (SOH – State of Health), që mat se sa kapacitet ka mbetur në krahasim me një bateri të re.

Sipas raportit të publikuar nga Göteborgs-Posten, shumica e makinave elektrike të përdorura ruajnë mbi 90% të kapacitetit fillestar të baterisë, edhe pas disa vitesh përdorimi.

Drejtuesi i testimit, Martin Reinholdsson, theksoi se ky rezultat është meritë e teknologjisë së përparuar të ftohjes dhe menaxhimit të temperaturës, që përdoret në paketat moderne të baterive.

Sipas tij, këto të dhëna rrëzojnë mitin se makinat elektrike të përdorura janë të pasigurta apo jo të qëndrueshme.

Për blerësit potencialë të automjeteve elektrike të përdorura, raporti thekson se Kia del si marka më e besueshme, duke arritur rezultatet më të larta si në kategorinë e hibrideve plug-in ashtu edhe në atë të veturave elektrike.

Hulumtimi konkludon se frika për degradimin e shpejtë të baterive është në masë të madhe e pabazuar. Në fakt, makinat elektrike të përdorura mund të jenë një zgjedhje e mençur ekonomike dhe ekologjike.

Reinholdsson shton se, përveç markës dhe modelit, zakonet e drejtuesit, kushtet klimatike dhe mosha e automjetit janë faktorë kyç për jetëgjatësinë e baterisë. Ai këshillon që:

të shmanget karikimi i shpeshtë mbi 80%,

të ruhet automjeti nga temperaturat ekstreme,

dhe të përdoren me kujdes karikuesit e shpejtë.

Nëse këto rregulla respektohen, kapaciteti i baterisë humbet vetëm disa për qind çdo vit.

Kvdbil nuk ka zbuluar listën e plotë të modeleve pas dhjetëshes më të mirë, por ka publikuar renditjet kryesore:

Top 10 hibride plug-in me bateritë më të mira:

Kia Sportage

Kia Optima

Volvo XC60

Kia Ceed

Volvo V60

Peugeot 3008

BMW 530e

Volkswagen Passat GTE

BMW X1

BMW 330e

Top 10 makina elektrike me bateritë më të mira

Kia EV6

Kia e-Niro

Tesla Model Y

Opel Mokka-e

Mazda MX-30

Audi Q4 e-tron

Fiat 500

Volvo XC40 Recharge

Citroën ë-C4

Volkswagen ID.4

Duke u bazuar në këto të dhëna, Kia del si lider i qartë në besueshmëri dhe qëndrueshmëri të baterive, ndërsa rezultatet në përgjithësi tregojnë se automjetet elektrike të përdorura janë shumë më të qëndrueshme sesa mendohej më parë. /A.Z/UBT News/

 

 

Continue Reading

Automobilizëm elektrikë

Trump i godet prodhuesit japonezë, Toyota regjistron rënie fitimi

Published

1 week ago

on

November 5, 2025

By

Toyota njoftoi të mërkurën një rënie prej 7% të fitimit vjetor për periudhën prill-shtator, për shkak të tarifave të vendosura nga presidenti amerikan Donald Trump, të cilat kanë prekur prodhuesit japonezë të makinave.

Megjithatë, kompania rriti parashikimin e saj për të gjithë vitin fiskal.

Fitimi neto për periudhën prill-shtator arriti në 1.77 bilion yen (rreth 11.5 miliardë dollarë), nga 1.9 bilion yen një vit më parë.

Prodhuesit e modeleve Camry dhe Lexus e rritën parashikimin e fitimeve për të gjithë vitin fiskal, që përfundon në mars 2026, në 2.93 bilion yen (rreth 19 miliardë dollarë).

Pavarësisht ndikimit të tarifave, Toyota raportoi rritje të shitjeve në Shtetet e Bashkuara dhe në tregun japonez.

Gjatë gjashtë muajve deri në shtator, kompania ka shitur 1.5 milionë makina në Amerikën e Veriut dhe 970,000 makina në Japoni. /A.Z/UBT News/

Continue Reading

Të kërkuara