

Lajmet
Tërnava uron Fitër Bajramin: Masat do të respektohen nëpër xhami
Published
4 years agoon
By
Betim GashiMyftiu të Kosovës, Naim Tërnava u ka uruar të gjithë besimtarëve festën e Fitër Bajramit, raporton Ekonomia Online.
Ai ka thënë se festa e Fitër Bajramit është ndër festat më të dashura, më familjare e më popullore, e shtresuar thellë në identitetin e kulturën e popullit tonë.
Sipas tij, kjo festë sjellë gëzim, ngrohtësi e qetësi shpirtërore, për të gjitha kategoritë e shoqërisë pa marrë parasysh moshën, gjininë, statusin social e shoqërorë.
“Është festë që ofron prindërit më fëmijët, fëmijët me prindërit, të rinjtë me të moshuarit, të pasurit më të varfrit, festë që e ndien dhe e përjeton e gjithë shoqëria”, tha ai.
“Edhe këtë Ramazan, si edhe Ramazanin e vitit të shkuar, e rrjedhimisht edhe këtë Bajram, po e presim të përballuar me pandeminë Covid-19, e cila ka shkaktuar pasoja të mëdha në të gjitha rrafshet. Në këtë natë të madhe, e në vigjilje të festës së Fitër-Bajramit kujtojmë me rahmet të gjithë ata që kaluan në Ahiret, duke lutur Krijuesin që t’i marrë në mëshirën e Tij, ndërsa të infektuarit të gjejnë shërim sa më parë”.
Me këtë rast ai ka garantuar se në të gjitha xhamitë në vend ku do të falet Fitër Bajrami do të respektohen masat.
Por ai ka kërkuar nga qytetarët që të kenë kujdes të shtuar gjatë vizitave, raporton EO.
“Ne, nesër kemi festë dhe bashkërisht do të jemi në xhamitë për ta falur namazin e Fitër-Bajramit, por të kemi kujdes se virusi ende është në mesin tonë, andaj për ta ruajtur vetën e shëndetin publik, ne kemi hequr dorë nga ana ceremoniale e manifestimit tradicional të Bajramit. Në xhami do të jemi duke i respektuar protokollet anti-covid dhe për ta falur vetëm namazin e Fitër-Bajramit”.
“Ju ftoj që të bëni kujdes edhe me vizitat tradicionale të Bajramit, do ta ruajmë karakterin e festës, do të jemi pranë njëri-tjetrit, por do të kemi kujdes për shëndetin publik sepse rreziku nga pandemia nuk ka kaluar”.
Urimi i plotë i Tërrnavës:
Me emrin e Zotit Mëshiruesit, Mëshirëplotit!
Falënderimi i takon Zotit të botëve, Atë e madhëron çfarë ka në tokë e çfarë ka në qiej, Ai është i Gjithëpushtetshmi, Absoluti.
Salatet e selamet tona ia dërgojmë më të mirit të njerëzisë, Muhamed Mustafasë, familjes së tij të pastër dhe shokëve të tij besnikë.
Të dashur besimtarë,
Të nderuar qytetarë të Kosovës,
Vëllezër e motra!
Sonte është natë e madhe, Nata e Fitër-Bajramit, me iftarin e së cilës besimtarët myslimanë përfundojnë agjërimin e muajit të madhëruar Ramazan dhe bëhen gati për të shënuar festën e Fitër-Bajramit, si një ndër festat më të rëndësishme në kalendarin mysliman.
Agjërimi në islam është ibadet që kryhet në kohë të caktuar e me orar të caktuar, me norma e rregulla të caktuara, të cilin besimtarët e kryejnë vetëm për hir dhe kënaqësi të Krijuesit të Gjithësisë.
Përmes agjërimit, besimtari u afrua te Krijuesi, u bë edhe më i ndjeshëm ndaj familjes, rrethit e shoqërisë, më dorëlirë e solidar, si dhe më human e tolerant me familjen, nevojtarin e shoqërinë.
Muaji Ramazan në vete ka bartur momente e ibadete të veçanta, të cilat na kanë shoqëruar duke na fisnikëruar e urtësuar më nimetet e iftairit, syfyrit, namazit të teravive, pastaj lutjet e duatë si dhe veprat e hajrit që bëhen vetëm për Krijuesin.
Po ashtu, gjatë muajit Ramazan i kemi shtuar ibadetet e adhurimet, si dhe jemi kujdesur për tjetrin. Ishim më shumë pranë me të dashurve tanë, pranë njëri-tjetrit me ndjesinë për të dëgjuar e ndihmuar tjetrin.
Pas një muaji agjërimi, sakrifice e përkushtimi, nesër myslimanët kudo që gjenden festojnë festën e Fitër-Bajramit, të bindur që kanë kryer një nga kushtet që i ka obliguar Zoti i Madhëruar, e për të cilin ka premtuar që Ai do ta shpërblejë me shpërblim të veçantë.
Vëllezër e motra!
Festa e Fitër-Bajramit edhe te ne, si në tërë botën myslimane, është ndër festat më të dashura, më familjare e më popullore, e shtresuar thellë në identitetin e kulturën e popullit tonë.
Festa e Bajramit si asnjë festë tjetër, sjellë gëzim, ngrohtësi e qetësi shpirtërore, për të gjitha kategoritë e shoqërisë pa marrë parasysh moshën, gjininë, statusin social e shoqërorë.
Është festë që ofron prindërit më fëmijët, fëmijët me prindërit, të rinjtë me të moshuarit, të pasurit më të varfrit, festë që e ndien dhe e përjeton e gjithë shoqëria.
Vëllezër e motra
Edhe këtë Ramazan, si edhe Ramazanin e vitit të shkuar, e rrjedhimisht edhe këtë Bajram, po e presim të përballuar me pandeminë Covid-19, e cila ka shkaktuar pasoja të mëdha në të gjitha rrafshet.
Në këtë natë të madhe, e në vigjilje të festës së Fitër-Bajramit kujtojmë me rahmet të gjithë ata që kaluan në Ahiret, duke lutur Krijuesin që t’i marrë në mëshirën e Tij, ndërsa të infektuarit të gjejnë shërim sa më parë.
Ne, nesër kemi festë dhe bashkërisht do të jemi në xhamitë për ta falur namazin e Fitër-Bajramit, por të kemi kujdes se virusi ende është në mesin tonë, andaj për ta ruajtur vetën e shëndetin publik, ne kemi hequr dorë nga ana ceremoniale e manifestimit tradicional të Bajramit. Në xhami do të jemi duke i respektuar protokollet anti-covid dhe për ta falur vetëm namazin e Fitër-Bajramit.
Ju ftoj që të bëni kujdes edhe me vizitat tradicionale të Bajramit, do ta ruajmë karakterin e festës, do të jemi pranë njëri-tjetrit, por do të kemi kujdes për shëndetin publik sepse rreziku nga pandemia nuk ka kaluar.
Vëllezër e motra
Duke lutur Zotin që ta ketë pranuar agjërimin, lutjet, ibadetet e punët tona të mira, kudo që jeni ju përgëzoj e ju uroj të gjithëve Festën e Fitër-Bajramit.
Me hajr e me të mira na qoftë Fitër-Bajrami!

You may like
Aktualitet
Lidership, strategji dhe politika publike në një program të vetëm në Master në UBT
Published
14 hours agoon
August 23, 2025By
Driton Iseni
Aftësimin analitik në bërjen e politikave publike dhe përgatitjen tuaj në rolet e lidershipit në rrafshin kombëtar dhe ndërkombëtar për një karrierë të bujshme, ua bën të mundur UBT përmes programit të nivelit master, Politika Publike dhe Menaxhim.
Ky program studimi iu ofron të gjitha mundësitë për të përmbushur synimet tuaja në vlerësimin e opsioneve dhe politikave për shërbimet publike, duke ndërthurur analizën e politikave publike, menaxhimin e financave publike, teknologjinë e informacionit, zhvillimin e lidershipit, menaxhimin e burimeve njerëzore dhe analizimin e të dhënave.
Studentët e nivelit master të programit Politika Publike dhe Menaxhim në UBT, do të kenë mundësi të përfitojnë praktikat më të njohura ndërkombëtare nga ekspertët dhe profesionistët më të mirë që ka vendi nga kjo fushë, e që gjenden në UBT.

Sekretari i përgjithshëm i NATO-s Mark Rutte ka siguruar presidentin Volodomyr Zelensky se Aleanca Veri-Atlantike do të vazhdojë të mbështesë Kievin zyrtar në përballje me agresionin ushtarak rus.
Ai në një konferencë për media në Kiev me presidentin e Ukrainës theksoi se ndihma e NATO-së do të vazhdojë të rritet.
“Tri vjet e gjysmë pas pushtimit në shkallë të plotë të Rusisë, Ukraina vazhdon të qëndrojë e fortë. Dhe miqtë dhe partnerët tuaj në NATO vazhdojnë të qëndrojnë me ju. Mbështetja jonë është e palëkundur dhe vazhdon të rritet. Përfshirë, siç thatë edhe ju, përmes Listës së re të Kërkesave me Prioritet për Ukrainën- PURL- që mbështet një rrjedhë të rëndësishme të armëve vdekjeprurëse amerikane në Ukrainë përmes financimit të ofruar nga Aleatët e NATO-s. Në më pak se një muaj, kjo tashmë ka nënkuptuar 1.5 miliardë dollarë shtesë në pajisje thelbësore, mbrojtje ajrore. Municione. Dhe më shumë. Paketa të mëtejshme do të pasojnë”, tha Rutte.
Ai shtoi se po punojnë së bashku në NSATU, komandën e NATO-s në Gjermani – për të siguruar që forcat ukrainase të kenë atë që u nevojitet.
Rutte ka folur edhe mbi takimin e së hënës në Uashington, së bashku me presidentin e SHBA-së dhe shumë udhëheqës evropianë, për të shfrytëzuar mundësinë për t’i dhënë fund kësaj lufte të tmerrshme dhe për të sjellë paqe dhe siguri pas kaq shumë vuajtjesh.
“Presidenti Trump e ka bërë këtë një përparësi – jo vetëm duke thyer bllokimin me Putin, por duke e bërë të qartë se Shtetet e Bashkuara do të përfshihen në ofrimin e garancive të sigurisë për Ukrainën. Garancitë e forta të sigurisë do të jenë thelbësore – dhe kjo është ajo që po punojmë tani për ta përcaktuar. Në mënyrë që kur të vijë koha që ju të hyni në atë takim dypalësh – të keni forcën e padyshimtë të miqve të Ukrainës pas jush. Duke siguruar që Rusia do të mbështesë çdo marrëveshje. Dhe kurrë, kurrë më nuk do të përpiqet të marrë një kilometër katror të Ukrainës”, tha Rutte.
Bota
Pekini kundërshton tarifat e SHBA-së për tarifat 50% ndaj Indisë
Published
1 day agoon
August 22, 2025By
UBT News
Ambasadori kinez në Indi, Xu Feihong, tha se Pekini kundërshton fuqimisht tarifat e larta të Uashingtonit ndaj Delhit dhe bëri thirrje për bashkëpunim më të madh midis Indisë dhe Kinës.
Xu e krahasoi SHBA-në me një ngacmues, duke thënë se ajo kishte përfituar prej kohësh nga tregtia e lirë, por tani po përdor tarifat si një “kartolinë negociuese” për të kërkuar çmime të tepruara nga vendet e tjera.
“SHBA-të kanë vendosur tarifa deri në 50% ndaj Indisë dhe madje kanë kërcënuar për më shumë. Kina e kundërshton fuqimisht këtë. Heshtja vetëm sa e trimëron ngacmuesin”, tha Xu të enjten, shkruan BBC.
Më parë këtë muaj, Trump vendosi një gjobë prej 25% ndaj Indisë, përveç tarifave prej 25% për blerjen e naftës dhe armëve nga Rusia. Shkalla e re do të hyjë në fuqi më 27 gusht.
Importet e shtuara të naftës së papërpunuar ruse të lirë nga Delhi që nga lufta në Ukrainë kanë shkaktuar një tendosje në lidhjet e saj me SHBA-në dhe kanë ndikuar në negociatat për një marrëveshje tregtare.
India ka mbrojtur blerjet e saj të naftës ruse, duke argumentuar se si një importuese e madhe e energjisë, duhet të blejë naftën më të lirë të disponueshme për të mbrojtur miliona indianë të varfër nga rritja e kostove. Ajo gjithashtu ka theksuar se administrata Biden i kishte thënë Indisë të blinte naftë ruse për të krijuar tregje botërore të energjisë.
Aktualitet
73 raste të dhunës në familje për një javë
Published
1 day agoon
August 22, 2025By
UBT News
Zyra për Mbrojtje dhe Ndihmë të Viktimave, që funksionon në kuadër të Zyrës së Kryeprokurorit të Shtetit, ka trajtuar gjithsej 78 raste të reja gjatë periudhës 15 – 22 gusht 2025, në të gjitha regjionet e Republikës së Kosovës.
Sipas të dhënave zyrtare, pjesa më e madhe e rasteve, konkretisht 73 kanë të bëjnë me dhunën në familje, duke reflektuar edhe njëherë përmasat shqetësuese të këtij fenomeni në shoqëri.
“Përveç rasteve të dhunës në familje, janë trajtuar edhe dy raste të dhunimit, një rast i ngacmimit seksual, një rast i sulmit seksual, një rast i lëndimit të lehtë trupor”, thuhet në njoftim.

Nuk dini çfarë të bëni në fundjavë? Ja disa sugjerime për ju!

Insta360 ka një kamerë të re aksioni Go Ultra

Një vit pas divorcit, ç’po ndodh me Jennifer Lopez?

Ekspertët tregojnë pse natyra e forcon përqendrimin

Zakoni i mëngjesit që ju ndihmon të reduktoni dhjamin rreth barkut

Zhvillohet pajisja e re me bazë diamanti që detekton më lehtë kancerin

Lidership, strategji dhe politika publike në një program të vetëm në Master në UBT

Taylor Swift nuk shkëlqen vetëm në skenë, Zoë Kravitz zbulon “dhuntinë e fshehtë” të saj

Nga Serie A te Liga e Kampionëve, Allegri zbulon objektivat e Milanit këtë sezon
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit