Internet

Tërmetet në Turqi dhe Siri: Si ka ndihmuar Twitter në gjetjen e të mbijetuarve të bllokuar nën rrënoja?

“Ju lutemi dërgoni ndihmë, ne jemi gjallë, ja ku është adresa jonë”, kanë shkruar disa të mbijetuar.

Publikuar

1 vit më parë

më

Qindra mijëra mesazhe për ndihmë vërshuan në platformat e rrjeteve sociale si pasojë e tërmetit që ndodhi mëngjesin e të hënës së javës së kaluar që tronditi Turqinë dhe Sirinë.

“Ju lutemi dërgoni ndihmë, ne jemi gjallë, ja ku është adresa jonë”, kanë shkruar disa të mbijetuar, si dhe mesazhe të tjera u postuan në emër të atyre që janë ende nën rrënoja.

Sipas të dhënave online të platformës Statista, 16.1 milionë njerëz përdorën Twitterin në Turqi që nga janari i vitit 2022. Turqia është vendi i shtatë më i madh me numrin e përdoruesve aktiv në këtë platformë.

Në periudhën kur tërmeti i dytë i fuqishëm goditi të njëjtën zonë në orët e para të pasdites, qindra zhvillues turq, kodues dhe vullnetarë në internet ishin organizuar tashmë në Discord për të ngritur projekte me burim të hapur duke përdorur të dhëna nga platformat e mediave sociale si Twitter dhe Instagram.

“Menaxhimi i fatkeqësive nuk duhet të jetë kaq i varur nga sektori privat, por mangësitë në menaxhimin e krizave i kanë detyruar njerëzit ta bëjnë këtë”, tha Sedat Kapanoğlu, një nga koduesit më të njohur të Turqisë dhe një mbështetës i Açık Yazılım Ağı (Rrjeti i Open Software), grup i cili tani numëron mbi 21 mijë vullnetarë.

Një nga projektet të cilës vullnetarët e teknologjisë iu bashkuan është Afetharita.com, fjalë për fjalë “harta e fatkeqësive”, e cila përdor inteligjencën artificiale për të vizualizuar kërkesat për ndihmë që u publikuan në rrjetet sociale.

“Nuk e dimë sa jetë u shpëtuan”

Përderisa disa dërguan ankesa në rrjetet sociale për reagimin e ngadaltë të agjencisë së shpëtimit të qeverisë, afetharita.com ndau të dhënat e saj me OJQ-të në mënyrë që ato të mund të ofronin ndihmë në vendet e duhura.

“Këto të dhëna mund të ndahen edhe me institucionet shtetërore nëse ata kërkojnë”, thotë Kılıç.

Por ai është i vetëdijshëm se vetëm një hartë nuk mund të shpëtojë jetë.

“Ne nuk e dimë se sa jetë u shpëtuan me këtë hartë, por ajo çfarë mund të bëjë është t’u tregojë informacionin e vendndodhjes ekipeve të shpëtimit”, tha ai për Euronews Next.

“Prandaj, ne nuk mendojmë se është e drejtë të thuhet se kemi shpëtuar X numër njerëzish. Qëllimi ynë, ashtu si gjithë të tjerët, është të përpiqemi t’i ndihmojmë njerëzit që kanë nevojë për ndihmë atje sa të mundemi”, deklaroi ai tutje.

Vendimi i qeverisë turke për të bllokuar përkohësisht Twitterin të mërkurën për shkak të “shqetësimeve të dezinformimit” s’u prit mirë nga përdoruesit e platformës./UBTNews/

Etiketa
Vazhdo të lexosh

Internet

​Google pushon 28 punonjës për protesta kundër kontratës së kompanisë me Izraelin

“Sjelljet e tilla nuk kanë vend në vendin tonë të punës dhe ne nuk do ta tolerojmë atë”, thuhet në deklaratë.

Publikuar

5 orë më parë

më

18 Prill, 2024

nga

Google pushoi 28 punonjës për përfshirjen e tyre në një protestë 10-orëshe në dy nga zyrat e gjigantit të teknologjisë në Kaliforni dhe New York City, për protesta ndaj lidhjeve të kompanisë me Izraelin.

Në përgjigje të protestave të së martës të udhëhequr nga një grup i quajtur No Tech For Apartheid kundër Projektit Nimbus, një kontratë “cloud” 1.2 miliardë dollarësh me Izraelin, Google të mërkurën shkarkoi 28 punonjës të akuzuar për pjesëmarrje në protesta.

Chris Rackow, kreu i sigurisë globale i Google, theksoi politikën e tolerancës zero të kompanisë ndaj sjelljes së protestuesve në një mesazh dërguar të gjithë punonjësve që qarkulloi gjithashtu në mediat sociale.

“Sjelljet e tilla nuk kanë vend në vendin tonë të punës dhe ne nuk do ta tolerojmë atë”, thuhet në deklaratë.

“Pas hetimit, sot ne ndërpremë punësimin e njëzet e tetë punonjësve që u gjetën të përfshirë. Ne do të vazhdojmë të hetojmë dhe të marrim masa sipas nevojës”, shtoi ai.

Rreth 10 orë pas protestave, policia arrestoi grupe punonjësish në New York dhe Kaliforni, raportoi grupi në X.

Pushimet, të cilat ndodhën vetëm disa orë pasi nëntë punonjës u arrestuan nga policia gjatë protestave kanë nxitur një valë polemikash brenda kompanisë dhe më gjerë./AA/

Vazhdo të lexosh

Internet

Gjykata braziliane urdhëron hetimin e Elon Muskut mes dezinformatave në X

Kjo pasi Musk tha se do të kundërshtojë një urdhër të gjykatës përmes së cilit kërkohet të hiqen llogaritë në X të cilat akuzohen për përhapje të dezinformatave. 

Publikuar

1 javë më parë

më

10 Prill, 2024

nga

Një gjykatë në Brazil ka nisur hetimet ndaj Elon Muskut për pengim të drejtësisë pasi manjati i teknologjisë tha se do të kundërshtojë një urdhër të gjykatës përmes së cilit kërkohet të hiqen llogaritë në X të cilat akuzohen për përhapje të dezinformatave. 

Sipas vendimit, gjyqtari i Gjykatës së Lartë, Alexandre de Moraes tha se hetimi do të shqyrtojë nëse Musk, i cili zotëron X, është i përfshirë në pengim, organizatë kriminale dhe nxitje.

“Sjellja flagrante e pengimit të drejtësisë braziliane, nxitja e krimit, kërcënimi publik i mosbindjes ndaj urdhrave të gjykatës dhe mungesa e bashkëpunimit në të ardhmen nga platforma janë fakte që nuk respektojnë sovranitetin e Brazilit”, shkroi de Moraes, duke urdhëruar X të “përmbahet nga mosbindja ndaj urdhrave gjyqësorë, përfshirë edhe riaktivizimin e një llogarie që Gjykata e Lartë urdhëroi bllokimin”./UBTNews/

Vazhdo të lexosh

Internet

​Meta përballet me reagime për mesazhet private të Facebook me Netflix

Kompania dyshohet se i ka dhënë Netflix-it qasje në mesazhet private të përdoruesve të Facebook-ut për rreth një dekadë.

Publikuar

2 javë më parë

më

7 Prill, 2024

nga

Kompania mëmë e Facebook-ut, Meta, po përballet me reagime të forta përmes mediave sociale mes pretendimeve se ka ndarë mesazhet private të përdoruesve me Netflix.

Dokumentet në një padi të ngritur kundër Metës në SHBA thanë se kompania dyshohet se i ka dhënë Netflix-it qasje në mesazhet private të përdoruesve të Facebook-ut për rreth një dekadë.

Zbulimi shkaktoi zemërim në internet për ndarjen e mesazheve të përdoruesve të Facebook-ut me Netflix, pas raportimeve për një marrëveshje me vlerë disa qindra milionë dollarë mes Meta dhe kompanisë së transmetimit.

Elon Musk, CEO i Tesla dhe SpaceX, u shpreh i habitur për X. Por drejtori i komunikimit të Metës, Andy Stone, sqaroi në X se mesazhet private nuk u ndanë me Netflix.

Stone tha se marrëveshja midis Netflix dhe Meta i lejoi përdoruesit të ndajnë përmbajtjen që shikonin drejtpërdrejt nga aplikacioni Netflix me miqtë e tyre në Facebook dhe ai theksoi se marrëveshje të tilla janë të zakonshme në industri.

Vazhdo të lexosh

Internet

Amazon shkurton qindra vende pune

Shërbimet në internet të Amazon (AWS) janë rritur dhe tani përfaqësojnë 14% të të ardhurave totale të Amazon, sipas raportit të fundit financiar.

Publikuar

2 javë më parë

më

4 Prill, 2024

nga

Gjiganti i teknologjisë Amazon ka njoftuar shkurtime të vendeve të punës që prekin qindra staf në biznesin e informatikës cloud.

Shërbimet në internet të Amazon (AWS) janë rritur dhe tani përfaqësojnë 14% të të ardhurave totale të Amazon, sipas raportit të fundit financiar.

Kompania ka ndryshuar strategjinë e saj me dyqanet fizike, Amazon Fresh, të cilat u lansuan në vitin 2020.

Të martën, ajo tha se do të heqë sistemin e saj të vetëpagesës të quajtur Just Walk Out nga të gjitha dyqanet.

Firma tha se shkurtimet e fundit të vendeve të punës ndikojnë në disa qindra role në shitje, marketing dhe shërbime globale dhe disa qindra role në ekipin e saj të teknologjisë së dyqaneve fizike.

“Këto vendime janë të vështira, por të nevojshme pasi ne vazhdojmë të investojmë, punësojmë dhe optimizojmë burimet për të ofruar risi për klientët tanë”, tha një zëdhënës i AWS-së për BBC./UBTNews/

Vazhdo të lexosh

Të kërkuara