Sport

Tërhiqet UEFA, pezullon procedurat disiplinore kundër klubeve të Superligës Evropiane

Published

5 years ago

on

UEFA ka vendosur që t’i lë pezull procedurat kundër Juventusit, Barcelonës dhe Real Madridit, lidhur me formimin e Superligës Evropiane.

Tre gjigantët evropianë janë të vetmit që nuk janë tërhequr nga projekti, i cili ishte braktisur nga nëntë klubet tjera brenda 48 orësh.

Ata ishin kërcënuar se do të përballeshin me pasoja të rënda nga UEFA duke i përfshirë gjobat e rënda dhe madje edhe përjashtimin nga Liga e Kampionëve.

Megjithatë, pasditen e të mërkurës, trupa evropian e futbollit ka lëshuar një deklaratë, përmes të cilës njofton se janë pezulluar procedurat disiplinore kundër Barcës, Juves dhe Realit, lidhur me Superligën Evropiane, deri në një njoftim të radhës.

Ky vendim ka ardhur pasi të shtunën në zyrat e UEFA-s është dorëzuar urdhri i Gjykatës së Madridit i ngritur nga organizatorët e Superligës, përmes autoriteteve zvicerane.

Kjo do të thotë se në rast se UEFA do të ndërmerrte veprime kundër tri klubeve dhe do të dështonte të rrëzonte urdhrin e Gjykatës së Madridit, do të duhej t’ua paguante të gjitha dëmshpërblimet këtyre klubeve.

Related Topics:
Continue Reading

Vendi

Akil Gjakova mbyll garën pa medalje në Abu Dhabi

Published

55 minutes ago

on

October 30, 2026

By

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Continue Reading

Vendi

Laura Fazliu fiton të bronztën në Grand Slam

Published

1 hour ago

on

October 30, 2026

By

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Continue Reading

Vendi

Laura Fazliu kalon në gjysmëfinale të Grand Slam-it në Abu Dhabi

Published

3 hours ago

on

October 30, 2026

By

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/

Continue Reading

Lajmet

Akil Gjakova mposht nënkampionin e botës

Published

4 hours ago

on

October 30, 2026

By

Akil Gjakova ka shënuar fitore në Grand Slamin në Abu Dabi.

Ai në xhiron e tretë e mposhti bartësin e parë dhe nënkampionin në fuqi të botës, Makhmadbek Makhmadbekovin.

Ndaj tij dominoi prej fillimit, ndërsa fitoi me “Ippon” të bukur në kohën shtesë.

Është kjo fitorja më e madhe e Akilit në vitin e fundit. Ai po garon në kategorinë deri 73 kilogramë, dhe po duket në ditë të mirë. /D.L/

Continue Reading

Të kërkuara