Lajmet
Tërheqja nga Afganistani acaron marrëdhëniet SHBA-Gjermani
Goditje në marrëdhëniet transatlantike.
Tërheqja e SHBA nga Afganistani pas 20 vitesh i ka bërë vitet e çrregullta të Trump-it të duken më shumë se një copëz e njëanshmërisë amerikane. Marrëdhëniet gjermano-amerikane kanë histori ulje-ngritjesh.
Pasi talibanët morën Kabulin dhe afganët e dëshpëruar vërshuan në aeroport duke u përpjekur të iknin nga vendi, kancelarja në largim Angela Merkel shprehu shqetësimin e saj: “Zhvillimet janë të hidhura, dramatike dhe të tmerrshme,” tha ajo në një konferencë shtypi më 16 gusht. “Tani të duket sikur gjithçka ishte e kotë “.
Për Gjermaninë, ushtria e së cilës ka kaluar gati 20 vjet në Afganistan, kostoja njerëzore dhe financiare ka qenë e rëndësishme. Bundeswehr-i, ushtria gjermane, hyri në Afganistan për të mbështetur SHBA pas sulmeve të 11 shtatorit në 2001 – në atë që do të bëhej dislokimi më i madh dhe më i gjatë ushtarak gjermane jashtë vendit. Gjatë kësaj kohe, Gjermania u angazhua për projektin e ndërtimit të kombit. Tani ato shpresa janë shuar.
Kandidati për kancelar për kristjandemokratët e Merkelit, Armin Laschet, foli për një goditje të madhe në marrëdhëniet transatlantike dhe tronditje nga veprimet e Presidentit amerikan Joe Biden: “Unë u zhgënjeva nga njoftimi i tij në 14 Prill, se ai do të zbatonte urdhrin e tërheqjes së Donald Trump nga Afganistani një me një, pa përfshirë plotësisht aleatët në këtë vendim të rëndësishëm “, tha Laschet-i për gazetën Frankfurter Allgemeine Zeitung në mes të gushtit.
“Është një humbje e madhe e besimit. Në veçanti në kompetencën e Amerikës si fuqi ushtarake,” thotë analisti politik Stephan Bierling nga Universiteti Regensburg. “Pas katër vitesh katastrofike nën Trumpin, ne kishim një pikëpamje shumë pozitive për Joe Biden. Tani kjo gjendje shpirtërore po ndryshon.”
Një marrëdhënie e pabarabartë
Pas Luftës së Dytë Botërore, SHBA luajti rolin kryesor në krijimin e Gjermanisë Perëndimore si një demokraci liberale, krijimin e institucioneve demokratike dhe të një shtypi të lirë. SHBA garantoi më tej sigurinë gjatë Luftës së Ftohtë, që Gjermania Perëndimore të vazhdonte të ekzistonte së bashku me Gjermaninë Lindore komuniste.
“SHBA e mundi Gjermaninë në Luftën e Dytë Botërore dhe më pas si një fuqi pushtuese ishte pjesë e ristrukturimit të shoqërisë gjermane,” shpjegon Ruth Hatlapa, një historiane e specializuar në atë se si Gjermania i sheh SHBA.
Kishte një pro-amerikanizëm në shoqërinë gjermane perëndimore që mbështeste lidhje më të thella, thotë ajo, por edhe pakënaqësi – veçanërisht në lidhje me varësinë e sigurisë së Gjermanisë Perëndimore nga SHBA, duke krijuar një “marrëdhënie kontradiktore”, sipas Hatlapas.
Vietnami ishte ndryshe për Gjermaninë
Marrëdhënia ka parë momentet e saj të ulëta. Lufta e Vietnamit ishte një rast i tillë. 12.000 protestues kundër luftës dolën në rrugët e Berlinit Perëndimor në vitin 1968. Njëri prej tyre ishte autori Friedrich Christian Delius.
“Ky zhgënjim që amerikanët, të cilët ne i admironim, po hynin në një luftë që ishte, të themi, krejtësisht në kundërshtim me parimet e tyre, na nxiti dhe na shqetësoi, ashtu siç shqetësoi qindra mijëra studentë amerikanë në kohë, “i tha ai transmetuesit publik Deutschlandfunk, 50 vjet pasi u zhvilluan ngjarjet.
Gjermania i kishte refuzuar thirrjet amerikane për të marrë pjesë ushtarakisht në Vietnam. Në vend të kësaj, ajo nisi një mision humanitar, duke dërguar një anije spitalore në zonën e luftës në vitin 1966, e koordinuar dhe e pajisur me personel nga Kryqi i Kuq Gjerman (DRK).
Ndarja gjermano-amerikane mbi Irakun
Një goditje tjetër ndaj imazhit amerikan në Gjermani erdhi në vitin 2003. Edhe pse SHBA, nën Presidentin George W. Bush i kërkoi qeverisë gjermane të merrte pjesë në luftën kundër regjimit të Sadam Huseinit në Irak, ministri i Jashtëm i atëhershëm Joschka Fischer nga Partia e Gjelbër iu përmbajt frazës së tij legjendare: “Unë nuk jam i bindur”.
Dyshimet se pushtimi i Irakut qe i justifikuar bazoheshin në përfundimet e kundërzbulimit gjerman. “Sipas informacioneve tona në atë kohë, arsyet që Colin Powell dha para Këshillit të Sigurimit të Kombeve të Bashkuara nuk qenë të bazuara, qenë në kundërshtim me tregimin e tij, dhe rezultuan të ishin të rreme,” i tha August Hanning, atëherë president i Shërbimit Informativ Federal(BND)gazetës Die Welt.
“Gabimet e bëra nga SHBA-të kanë ende sot një efekt: konflikti midis sunitëve dhe shiitëve, ngritja e organizatave terroriste al-Kaida dhe IS, paqëndrueshmëria politike,” i tha analisti i terrorizmit dhe sigurisë Rolf Tophoven i Institutit për Parandalimin e Krizave Iftus transmetuesit gjerman ntv, duke vështruar pas, pas 15 vjetësh. “Ne gjithashtu nuk do ta kishim problemin e refugjatëve, po të kishte paqe në rajon. Atëherë njerëzve nuk do t’u duhej të ikin në Evropë.”
Sidoqoftë, situata aktuale është pa precedent. “Dallimi kryesor është i qartë: në Afganistan ne kemi pasur ushtarë për aq kohë sa Amerika ka pasur ushtarë atje,” thotë historiani Klaus Schwabe, profesor në Universitetin RWTH Aachen.
Gjermania u pozicionua shumë pozitivisht ndaj Bidenit pas katër vitesh marrëdhënie të tendosura me Trumpin.
Goditje në marrëdhëniet transatlantike
“Afganistani është një kontakt me realitetin për ata që kishin plane të mëdha për një ringjallje të marrëdhënieve transatlantike,” thotë Bastian Giegerich nga Instituti Ndërkombëtar për Studime Strategjike.
“Përfshirja e drejtpërdrejtë e Gjermanisë i ka bërë ngjarjet e fundit shumë më të dhimbshme. Përzier ndjenjën e dështimit, zhgënjimit dhe poshtërimit,” thotë ai. “Rënia e Kabulit tregon qartë se Gjermania dhe fuqitë e tjera evropiane nuk kanë mjete për të ndjekur një strategji të pavarur.”
Pas ngjarjeve në Afganistan, thirrjet për pavarësi më të madhe ushtarake gjermane dhe evropiane po bëhen më të forta. “BE duhet të jetë në gjendje të veprojë pa partnerin e saj amerikan. Ne duhet të jemi në gjendje të sigurojmë vetë një aeroport si ai në Kabul,” tha Lascheti në intervistën e tij me Frankfurter Allgemeine Zeitung.
Kur administrata e Biden-it nisi mandatin, ajo i bëri thirrje Gjermanisë dhe partnerëve të tjerë evropianë që të marrin qëndrime më të ashpra ndaj Kinës dhe Rusisë, duke shpresuar të mobilizojnë BE për të marrë një qëndrim më të fortë në mbrojtjen e demokracive liberale.
Ngjarjet e fundit në Afganistan mund të kenë qenë kundërproduktive, thotë analisti politik Giegerich. “Afganistani ishte një mision që nga pikëpamja gjermane dhe evropiane u ndërmor nga solidariteti me SHBA. Shumë këtu do të ndiejnë se”ne e bëmë këtë për SHBA dhe shikojmë se si përfundoi”./ DW
Themeluesi dhe Rektori i UBT-së, Prof. Dr. Edmond Hajrizi, është nderuar me çmimin European Quality Leader First Finalist nga Organizata Evropiane për Cilësi (EOQ), një njohje e jashtëzakonshme që e bën atë personalitetin e parë nga rajoni shqipfolës që merr këtë çmim prestigjioz. Ky çmim vlerëson kontributin e jashtëzakonshëm të Rektorit Hajrizi në avancimin dhe promovimin e menaxhimit të cilësisë, jo vetëm në Kosovë, por edhe në nivel global.
Çmimi i dhënë nga EOQ vlerëson individët që kanë udhëhequr me sukses organizata dhe kanë kontribuar në mënyrë të jashtëzakonshme për përmirësimin e cilësisë dhe menaxhimit të saj, si dhe zhvillimin e qëndrueshëm të shoqërisë. Ky çmim është një dëshmi për përkushtimin e Prof. Hajrizit ndaj cilësisë, inovacionit dhe zhvillimit të qëndrueshëm, duke krijuar mundësi për rritjen dhe zhvillimin e mëtejshëm të sektorëve të ndryshëm që lidhen me menaxhimin e cilësisë.
Rektori Hajrizi shprehu emocionet e tij për çmimin e fituar, duke theksuar rëndësinë e tij jo vetëm për të, por edhe për vendin e tij, Kosovën. Ai theksoi se çmimi është një vlerësim për përkushtimin dhe punën e tij të gjatë në fushën e cilësisë, dhe gjithashtu një njohje për përpjekjet që kanë ndikim në rritjen e standardeve të cilësisë.
“Ky është çmimi më i lartë që Organizata Evropiane për Cilësi e jep për një angazhim dhe ndikim të thellë në fushën e cilësisë, standardeve dhe cilësisë së jetës. Këtë herë, komisioni e ka ndarë këtë çmim për mua, duke vlerësuar përkushtimin tim prej 30 vjetësh në fushën e cilësisë dhe ndikimin e tij, jo vetëm në Kosovë, por edhe në të gjithë Evropën,” u shpreh Rektori Hajrizi.
Çmimi është një simbol i rëndësishëm për UBT-në dhe për zhvillimin e tij në përputhje me praktikat dhe standardet më të larta të cilësisë ndërkombëtare. Si udhëheqës i një institucioni të tillë, Rektori Hajrizi është i bindur se ky çmim është një përmbushje e mundësisë për të promovuar vlerat e cilësisë dhe standardeve ndërkombëtare për të gjithë sektorët e shoqërisë kosovare.
“Për mua dhe për vendin tim, marrja e këtij çmimi është një arritje e veçantë dhe e paharrueshme. Ky çmim nuk është thjesht një nderim personal, por një njohje për gjithë punën që kemi bërë në avancimin e cilësisë dhe në përmirësimin e standardeve të jetesës.”
Rektori Hajrizi e përshkroi këtë çmim si një vlerësim të gjithë ekipit të UBT-së, i cili ka kontribuar në ndërtimin e një kulture të cilësisë dhe inovacionit, që ka pasur ndikim të drejtpërdrejtë në formimin dhe zhvillimin e studentëve, stafit akademik, si dhe në ngritjen e standardeve të menaxhimit të cilësisë në vend.
Rektori i UBT-së theksoi se ky çmim është gjithashtu një konfirmim se puna e tij dhe e ekipit të tij është në përputhje me standardet më të larta të cilësisë në nivel global. “Ky çmim është një dëshmi se puna jonë është në harmoni me standardet më të larta të cilësisë në Evropë dhe në botë. Kjo është një vlerësim për arritjet tona dhe një sinjal se jemi të përputhur me vlerat dhe praktikat më të mira ndërkombëtare,” theksoi ai, duke shtuar se ky është një mesazh i fuqishëm për të gjithë ata që punojnë në fushën e menaxhimit të cilësisë.
Në lidhje me zhvillimin e UBT-së dhe implementimin e standardeve të cilësisë, Prof. Hajrizi ndau arritjet e rëndësishme të institucionit që ai drejton. UBT ka arritur të zbatojë praktikat më të larta të cilësisë, duke fituar çmimin “Excellence” në vitin 2022 dhe duke u renditur ndër 9 kompanitë më të mira në botë për cilësi.
“UBT ka arritur të zbatojë standardet më të larta të cilësisë, duke fituar çmimin e Excellence në vitin 2022. Sot, jemi një nga 9 kompanitë më të mira në botë për cilësi, dhe kjo është një dëshmi e forcës dhe angazhimit të palodhur të ekipit tonë.” Prof. Hajrizi e konsideron këtë sukses një vlerësim të rëndësishëm për UBT-në dhe një mesazh të qartë për të gjithë sektorët që angazhohen në zhvillimin e cilësisë dhe inovacionit.
Përveç kontributit të tij si lider dhe udhëheqës, Prof. Hajrizi është një autor i njohur shkencor në fushën e cilësisë dhe ka realizuar një numër të konsiderueshëm publikimesh shkencore. Ai gjithashtu është i certifikuar në të gjitha nivelet e menaxhimit të cilësisë, si auditor, menaxher, dhe ekzaminer. Ai ka themeluar gjithashtu organizatën “Quality Kosova” dhe ka mundësuar anëtarësimin e saj në Organizatën Evropiane për Cilësi, si individ dhe si organizatë.
“Kam realizuar një numër të konsiderueshëm publikimesh shkencore në fushën e cilësisë dhe jam i certifikuar në të gjitha nivelet e menaxhimit të cilësisë, qoftë si auditor, menaxher, apo ekzaminer. Gjithashtu, kam themeluar organizatën ‘Quality Kosova’ dhe e kemi anëtarësuar në Organizatën Evropiane për Cilësi, si individ dhe si organizatë.”
Në një periudhë kur Kosova ende mund të perceptohet nga disa si një vend që nuk ka arritur ende nivelet më të larta të cilësisë, Prof. Hajrizi theksoi se ky çmim është një dëshmi që fakti po ndryshon. “Kosova ende mund të perceptohet si një vend ku nuk gjenden standardet më të larta të cilësisë, por tashmë faktet flasin ndryshe. Ne kemi arritur rezultate të prekshme, dhe këto rezultate do të vazhdojnë të jenë një dëshmi e suksesit tonë,” tha ai, duke e konsideruar këtë çmim si një hap të madh përpara në përputhje me standardet ndërkombëtare.
Në fund, Prof. Hajrizi ia dedikoi këtë çmim të madh Kosovës, stafit të tij, kolegëve dhe familjes, duke e konsideruar këtë çmim si një arritje të përbashkët. “Ky çmim është një nderim që ia dedikoj Kosovës, stafit tim, kolegëve dhe familjes time. Motivimi më i madh për mua është ta prezantoj këtë arritje si një sukses të Kosovës. Ky çmim konfirmon se Kosova ka kaluar fazën e tranzicionit dhe ka hyrë në zhvillimin e saj të qëndrueshëm.”
Ai gjithashtu theksoi se ky është një moment i veçantë për gjithë shqiptarët, pasi UBT është institucion i parë në rajonin e Evropës Juglindore që fiton këtë çmim prestigjioz. “Ne jemi të parët në rajonin e Evropës Juglindore që marrim këtë çmim, dhe kjo është një mundësi e shkëlqyer për të pasur një vend të nderuar në nivel ndërkombëtar. Është një pozicion shumë i rëndësishëm për ne dhe për të gjithë shqiptarët, dhe një arritje që e vlerësojmë me shumë krenari,” përfundoi Prof. Hajrizi.
Ky çmim jo vetëm që nderon individin dhe përpjekjet e tij, por është gjithashtu një njohje e forcës dhe potencialit të Kosovës në arenën ndërkombëtare të cilësisë./UBTNews/©D.E
Lajmet
Nga Franca për Kosovën: Rektori i UBT-së nderohet me çmimin “European Quality Leader First Finalist” nga Organizata Evropiane për Cilësi
Në Kongresin e 65-të të European Quality Congress, i cili u mbajt në Francë, themeluesi dhe Rektori i UBT-së, Prof. Dr. Edmond Hajrizi, është nderuar me çmimin European Quality Leader First Finalist nga Organizata Evropiane për Cilësi (EOQ).
Në mesin e personaliteteve të shumta nga Evropa, ShBA, Kina, India, Kanada dhe shumë shtete të tjera, Rektori Hajrizi u nderua për kontributin e jashtëzakonshëm në avancimin dhe promovimin e menaxhimit të cilësisë, jo vetëm në Kosovë, por edhe në nivel global. Ky çmim është një vlerësim për përkushtimin dhe punën e tij të gjatë në fushën e cilësisë dhe përpjekjet që kanë ndikuar në ngritjen e standardeve të cilësisë dhe zhvillimin e shoqërisë.
“Për mua dhe për vendin tim, marrja e këtij çmimi është një arritje e veçantë dhe e paharrueshme. Ky çmim nuk është thjesht një nderim personal, por një njohje për gjithë punën që kemi bërë në avancimin e cilësisë dhe në përmirësimin e standardeve të jetesës”, u shpreh Rektori Hajrizi.
Çmimi i dhënë nga EOQ vlerëson individët që kanë udhëhequr me sukses organizata dhe kanë kontribuar në mënyrë të jashtëzakonshme për përmirësimin e cilësisë dhe menaxhimit të saj, si dhe zhvillimin e qëndrueshëm të shoqërisë.
Ky çmim është një dëshmi për përkushtimin e Rektorit Hajrizi ndaj cilësisë, inovacionit dhe zhvillimit të qëndrueshëm, duke krijuar mundësi për rritjen dhe zhvillimin e mëtejshëm të sektorëve të ndryshëm që lidhen me menaxhimin e cilësisë. Rektori Hajrizi është personaliteti i parë në mbarë trojet shqiptare, dhe ndër personalitetet e pakta në Evropë, që është nderuar me çmim të tillë.
Në fjalën e tij, Rektori Hajrizi theksoi se ky çmim është një nderim i madh për Kosovën. Ai e konsideroi këtë çmim si një arritje të përbashkët dhe ia dedikoi atë Kosovës, kolegëve dhe familjes.
“Ky çmim është një nderim që ia dedikoj Kosovës, stafit tim, kolegëve dhe familjes time. Motivimi më i madh për mua është ta prezantoj këtë arritje si një sukses të Kosovës në arenën ndërkombëtare. Ky çmim konfirmon se Kosova ka kaluar fazën e tranzicionit dhe ka hyrë në zhvillimin e saj të qëndrueshëm,” theksoi Rektori Hajrizi.
Organizata Evropiane për Cilësi (EOQ) përfshin më shumë se 70,000 anëtarë dhe 500,000 kompani brenda organizatave anëtare dhe partnere të saj në Evropë dhe në mbarë botën.
Çmimi “European Quality Leader First Finalist” jepet çdo vit nga EOQ për personalitete të njohura që kanë arritur të udhëheqin organizatat e tyre drejt suksesit, si dhe për ata që kushtojnë kohën, energjinë dhe njohuritë e tyre duke ndarë bindjet për të mirën e shoqërisë evropiane!/UBT News/©D.E
Rektori Hajrizi: Çdo sukses i joni është një sukses për Kosovën!
Nga Franca për Kosovën: Rektori i UBT-së nderohet me çmimin “European Quality Leader First Finalist” nga Organizata Evropiane për Cilësi
BE: Çështjet e arsimit dhe shëndetësisë në veri të Kosovës të adresohen në dialog
Jetëgjatësia, shtoni 9 vjet të jetën suaj me vetëm një lëvizje
Kuvendi me seancë të hënën, Osmani pritet tu adresohet deputetëve
Kurti: Qeveria është për familjen, synojmë barazinë dhe nxitjen e punësimit
Studentët e Media dhe Komunikimit në UBT vizitojnë bibliotekën, radion dhe shtypshkronjën e kampusit për praktikën gazetareske
Federata rumune u tregon tifozëve se si të sillen në ndeshjen me Kosovën
FFK ka një njoftim të rëndësishëm për tifozët para ndeshje Rumani-Kosovë
-
Bota2 weeks agoTrump premton paqe në Liban nëse rikthehet në Shtëpinë e Bardhë
-
Lajmet2 months agoKurti: Përdhunimi është mjeti që përdori Serbia në Kosovë në mënyrë që të lë pasoja të përhershme në familje
-
Lajmet3 months agoZgjedh Menaxhment, Biznes dhe Ekonomi në UBT – Ferizaj dhe bëhuni liderët e së ardhmes
-
Kulturë2 months agoMarigona Ferati, profesoresha e UBT-së, zëri i artit në jurinë ndërkombëtare në festivalin e teatrove në Oman