Lajmet

Tensioni i lartë i gjakut, ushqimet dhe pijet që duhet t’i shmangni

Disa ushqime dhe pije mund të kenë efekt negativ.

Published

4 years ago

on

Nëse keni tension të lartë të gjakut, mund ta ulni atë duke konsumuar një dietë të shëndetshme ushqimore. Por duhet të keni kujdes, pasi disa ushqime dhe pije të ndryshme mund t’ju pengojnë uljen e tensionit të gjakut.

Këto ushqime të cilat duhet t’i limitoni ose shmangni janë:

Kripa dhe natriumi janë “armiq” për personat me tension të lartë të gjakut apo sëmundje të zemrës. Në çdo 100 gram(g) kripë ka 38 758 miligram(mg) natrium.

Sipas specialistëve, personat me tension të lartë të gjakut duhet ta limitojnë marrjen e natriumit në 1,500 miligram (mg) në ditë apo vetëm një lugë çaji kripë.

Disa nga ushqimet më të kripura janë:

pica e ngrirë
lëngjet e perimeve
mishi i procesuar
produktet e paketuara të domates
supat e gatshme
turshitë

Konsumimi i tepërt i sheqerit është lidhur gjithmonë me rritjen në peshë dhe obezitetin. Por sheqeri lidhet gjithashtu edhe me tensionin e lartë të gjakut.

Sheqeri, sidomos pijet e ëmbëlsuara me sheqer, kontribuojnë në rritjen e obezitetit në njerëz nga të gjitha moshat. Tensioni i lartë i gjakut është më i shpeshtë në personat që janë mbipeshë ose obezë.

Shoqata Amerikane e Zemrës rekomandon që femrat mos të konsumojnë më shumë sheqer se 6 lugë çaji ose 24 gram(g) në ditë, ndërsa burrat deri në 9 lugë çaji apo 36 gram(g) në ditë.

Lëkura e pulës dhe ushqimet e paketuara

Personat me tension të lartë të gjakut duhet të reduktojnë yndyrnat e ngopura dhe të shmangin yndyrnat trans. Përbërje të lartë yndyrnash të ngopura kanë:

– lëkura e pulës
– prodhimet e bylmetit
– mishi i kuq
– gjalpi

Yndyrnat trans gjenden në sasi të vogla mishi të dhjamosur dhe produkte bulmeti. Por përmajtjen më të lartë të yndyrave trans e kanë ushqimet e paketuara, të procesuara. Këto ushqime zakonisht përmbajnë dhe nivele të larta sheqeri dhe karbohidrate të tjera me sasi të ulëta fibre.

Sasi të vogla apo të moderuara alkooli mund ta ulin tensionin e gjakut, por konsumimi i tepërt i alkoolit mund të shkaktojë të kundërtën. Konsumimi i tepërt i alkoolit mund të rrise dhe riskun për kancere të ndryshme, edhe nëse e pini vetëm me raste.

Gjithashtu alkooli mund të shkaktojë që ilaçet që po merrni për tensionin e lartë të gjakut të mos japin efektin e duhur. Për më tepër, alkooli ka shumë kalori dhe mund të shkaktojë shtim në peshë, duke shtuar gjasat për tension të lartë të gjakut./sot.com.al

Related Topics:
Continue Reading

Lajmet

Përfitoni nga zbritja 40% në Shkollën Fillore UBT – Regjistrojini fëmijët tuaj në shkollën me teknologji dhe edukim të avancuar

Published

4 minutes ago

on

April 29, 2025

By

Keni dëshirë që fëmijët tuaj të kenë mundësi të shkëlqyer arsimimi? Shkolla Fillore dhe e Mesme e Ulët UBT është aty për t’ju ofruar mundësinë më të mirë për edukim të nivelit të lartë dhe zhvillim të qëndrueshëm. Dhe tani, me zbritje 40% për regjistrimet deri në muajin qershor, kjo është mundësia perfekte për të siguruar një arsim të shkëlqyer për fëmijët tuaj!

Pse të regjistroheni në Shkollën Fillore UBT?

Mësim bazuar në STEAM: Shkolla UBT është pionier në implementimin e sistemit edukativ të bazuar në STEAM (Shkencë, Teknologji, Inxhinieri, Art dhe Matematikë), duke mundësuar që nxënësit të zhvillojnë aftësi të rëndësishme për të ardhmen.

Mësim kreativ dhe interaktiv: Me Classroom 3.0, nxënësit do të kenë mundësinë të mësojnë në një mjedis modern dhe interaktiv, duke u angazhuar në aktivitete që stimulojnë mendimin kritik dhe kreativitetin.

Gjuhë të huaja: Gjuhët sikurse, ajo: angleze, gjermane dhe italiane, janë të integruara në çdo aspekt të mësimit, për t’u siguruar që nxënësit janë të përgatitur për tregun global.

Vlerat edukative: Përveç njohurive akademike, Shkolla Fillore UBT fokusohet në zhvillimin e kompetencave personale, sociale dhe qytetare, duke formuar individë të përgjegjshëm dhe liderë të ardhshëm.

Shfrytëzo mundësinë tani! Deri në muajin qershor, regjistrojeni fëmijët tuaj në Shkollën Fillore dhe të Mesme të Ulët UBT dhe përfitoni nga zbritja prej 40% për tarifat e regjistrimit. Kjo është një mundësi që nuk duhet humbur për të investuar në të ardhmen e fëmijëve tuaj me një arsim të klasit të parë!

Për më shumë informacione dhe për t’u regjistruar, vizitoni https://ubt.school/ ose kontaktoni me ne në: +383 46 332 233 | [email protected]

Continue Reading

Lajmet

Murati: Ka deputetë të opozitës që do të votonin për, qëndrimet partiake s’i lejojnë

Published

34 minutes ago

on

April 29, 2025

By

Ministri në detyrë i Financave, Hekuran Murati, tha se ka deputetë nga ana e opozitës që dëshirojnë që të votojnë pro Albulena Haxhiut për kryeparlamentare, por që kjo, sipas tij, nuk po iu lejohet nga partitë e tyre.

“Siç e patë kemi një përsëritje të seancave të kaluara. Kjo vjen si rezulatat për shkak se një pjesë e deputetëve refuzon që të votojë për Albulena Haxhiun. Konsideroj që një situatë e tillë po vjen për shkak të atyre që nuk po votojnë për dhe të njëjtit po ankohen që po ka bllokadë. Ka akuza që po kërkohet që të votohet me zor. Ne kemi dëgjuar se deputetë individualë kanë shprehur dëshirë që të votojnë për, por jam qëndrimet partiake që nuk po i lejojnë”, tha Murati.

Continue Reading

Lajmet

Limaj: Nuk ka lëvizje që të presim diçka ndryshe, qëndrimi ynë është i njëjtë

Published

36 minutes ago

on

April 29, 2025

By

Deputeti i Nismës, Fatmir Limaj ka deklaruar se nuk sheh ndonjë ndryshim në zhvillimet politike krahasuar me seancat e kaluara dhe se situata mbetet e njëjtë.

Ai theksoi se partia e tij do të japë kontributin maksimal për të shmangur zgjedhjet, por nuk i përjashtoi ato si opsion të fundit në mungesë të një zgjidhjeje tjetër.

“Unë nuk kam parë ndonjë lëvizje që të na bëjë të presim diçka ndryshe nga seancat e mëparshme. Siç duket, gjithçka do të zhvillohet njësoj si herën e kaluar. Edhe qëndrimi ynë është i njëjtë si më parë. Nisma do të japë kontributin e saj maksimal për të shmangur procesin e zgjedhjeve, por jo me çdo kusht. Çdo proces e ka përfundimin e vet, dhe nëse nuk ka zgjidhje tjetër, zgjedhjet janë të pashmangshme”, theksoi Limaj.

Continue Reading

Lajmet

Krasniqi: Demokracia funksionon me shumicë dhe jo me imponim

Published

38 minutes ago

on

April 29, 2025

By

Kryetari i PDK-së Memli Krasniqi, tha se demokracia funksionon me shumicë dhe jo me imponim. Deklaratën e bëri pas dështimit të përpjekjes së tetë për zgjedhjen e kryetarit të Kuvendit të Kosovës.  

“Shpreh keqardhje për këtë tallje që po bëhet nga ana e partisë së parë, e cila për të tetën herë na mbledh në Kuvend dhe sillet me mentalitetin e njëjtë. Demokracia funksionon me shumicë e jo me imponim. Institucionet janë të popullit dhe jo të një partie politike. Duhet të kuptohet se ka shkuar koha e udheheqjes së një partie. Shpreh keqardhje”, tha Krasniqi.

Continue Reading

Të kërkuara