Sport

Tenisti më i vjetër në botë qëndron në zonën e luftës në Ukrainë

Stanislavskyi, i cili mban Rekordin Botëror Guinness si tenisti më i vjetër në botë.

Published

3 years ago

March 9, 2022

Betim Gashi

Katër muaj pasi ëndrrat e amatorit 97-vjeçar Leonid Stanislavskyi u realizuan kur ai luajti me 21 herë kampionin e Grand Slam, Rafa Nadal, ukrainasi po përballet me makthin e tij më të keq në Kharkiv, ndërsa forcat ruse bombardojnë qytetin. Stanislavskyi, i cili mban Rekordin Botëror Guinness si tenisti më i vjetër në botë, gjithashtu kishte ëndërr të luante me të madhin zviceran Roger Federer, por tani ai ka vetëm një dëshirë të thjeshtë, mbijetesën.

“Shpresoj të jetoj 100 vjet. Më duhet t’i mbijetoj kësaj situate të frikshme. Lufta filloi më 24 shkurt. Prej datës 24 e deri më tani praktikisht nuk kam dalë. Kam qëndruar në shtëpi, kam furnizime, frigoriferi është mbushur, jam ulur në shtëpi, nuk shkoj askund. Vajza ime Tanya është në Poloni, ajo dëshiron të më çojë atje. Por unë vendosa të qëndroj këtu. Kam dëgjim të keq kështu që fle natën dhe nuk dëgjoj asgjë. Mbrëmë ka pasur bomba, në mëngjes ka pasur përsëri sirena”, tha ai.

Stanislavskyi i mbijetoi Luftës së Dytë Botërore. Atëkohë ishte inxhinier që ndihmoi në ndërtimin e avionëve luftarakë sovjetikë për të luftuar nazistët.

“Kurrë nuk e kam menduar se do të më duhej të jetoja një luftë tjetër, më të frikshme, ku njerëzit nga të dyja palët po vdesin, nënat po humbasin fëmijët e tyre, gratë po humbasin djemtë dhe burrat e tyre. Çfarë është kjo? Çfarë dobie ka? Në shekullin e 21-të nuk mund të ketë luftë. Lufta duhet të ndalet, duhet të arrihet një marrëveshje”, shtoi ai.

Për Stanislavskyin, një fund i konfliktit do të nënkuptonte gjithashtu mundësinë për të rifilluar lojën e tenisit dhe ndoshta për t’u paraqitur në Kampionatin Botëror të ardhshëm për të moshuarit, në Florida muajin e ardhshëm. Ai ishte 30-vjeçar kur u njoh me këtë sport dhe stërvitej tre herë në javë.

“Tenisi është jeta ime, fati im. Unë kam luajtur tenis në një nivel serioz edhe në moshën 90-vjeçare, kam luajtur jashtë vendit, kam luajtur në kampionatet botërore, kam luajtur në Kampionatin Evropian. Unë nuk kam frikë nga askush. Unë shpresoj se lufta do të përfundojë dhe unë do të jem në gjendje të luaj tenis. Nëse do shkoja në Poloni do të luaja atje, por vendosa të qëndroj në shtëpi dhe po pres fundin e luftës”, përfundoi Stanislavskyi./UBTNews/

Lajmet

Superliga e Kosovës: Ballkani barazon 1-1 me Feronikelin

Published

1 day ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

1 day ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

1 day ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

1 day ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.