Lajmet

Tendencat kryesore të TikTok 2023

Aplikacioni ka zbuluar tendencat më të shikuara ku disa prej të cilave arrijnë miliarda shikime.

Published

on

Nga të fiksuar pas Perandorisë Romake për të shijuar ‘darkën e vajzave’, tendencat kryesore të TikTok të vitit 2023 zbulojnë atë që përdoruesit e mediave sociale në botë kanë parë gjatë 12 muajve të fundit.

Aplikacioni ka publikuar raportin e tij vjetor të njohur si Viti në TikTok, duke zbuluar tendencat më të shikuara me disa prej të cilave arrijnë miliarda shikime.

– Wes Anderson

Trendi Wes Anderson, i emëruar sipas regjisorit amerikan, i sheh përdoruesit që tregojnë aftësitë e tyre të redaktimit të videove përmes klasifikimit të ngjyrave, kompozicionit dhe shkrepjeve të gjata statike.

Videot përshkruajnë skena të zakonshme duke filluar nga rutina ee përgatitjes së një kafeje në mëngjes e deri te momentet intime, si p.sh. mirëpritja e fëmijës së parë të një çifti në stilin e filmit Wes Anderson.

Përpjekje të tjera të njohura përfshijnë një grua që merr trenin e parë të ditës dhe një burrë që shkon për drekë me të dashurën e tij të gjitha të shoqëruara me muzikë dhe të stilit Anderson. Trendi kinematografik fitoi 2.6 miliardë shikime në TikTok.

– Perandoria Romake

Këtë vit, komuniteti TikTok ndau një zbulim kolektiv se burrat mendojnë rregullisht për Perandorinë Romake. Gratë në TikTok shpërndanë video që tregojnë veten duke pyetur burrat në jetën e tyre se sa shpesh mendojnë për periudhën historike, ndërsa disa përgjigjen se mendojnë për të çdo ditë.

– Flamuri bezhë, flamuri i kuq, flamuri jeshil

Trendi i flamurit ngjyrë bezhë, të kuq dhe jeshil, i cili tërhoqi 8.52 miliardë shikime, është një treshe filtrash që nxjerrin në pah atë që përdoruesit i konsiderojnë tiparet më të mira dhe më të këqija të personalitetit – flamujt e kuq i referohen sjelljes jo tërheqëse ndërsa flamujt e gjelbër tregojnë tipare të dëshirueshme.

Flamujt ngjyrë bezhë u përfshinë më vonë për çdo gjë që konsiderohet paksa e bezdisshme, e pazakontë apo edhe e mërzitshme. Përdoruesi zgjedh filtrin në TikTok ku tre flamuj shfaqen në krye të videos përpara se secili të zbuloi tiparin e personalitetit. Sipas TikTok, influencuesja franceze-kanadeze Laura Gouillon, e cila ka më shumë se 980,000 ndjekës, prezantoi fillimisht filtrin ngjyrë bezhë.

– Girl Summer

Girl Summer i referohet vajzave që shijojnë më së shumti muajt e verës, dhe është një trend që grumbulloi katër miliardë shikime. Trendi u krijua nga krijuesi Lolaokola, i cili shpjegoi termin në një video të postuar në qershor, e cila fitoi më shumë se katër milionë shikime.

– Darka e vajzave/Darka e djemve

Trendi i darkës së vajzave filloi pasi përdoruesi i TikTok Olivia Maher ndau një video të darkës së saj në maj, e cila tërhoqi vëmendjen e më shumë se 1.6 milion përdoruesve. Video tregon gjithashtu gratë duke shijuar ushqime të lehta si një vakt kryesor tradicional, gjë që i shtyu burrat e TikTok të zbulojnë zakonet e tyre të të ngrënit të njohura si Darka e Djemve.

-Age Filter

Ky filtër i lejon përdoruesit të ndryshojnë fytyrat e tyre, duke u dhënë atyre flokë gri dhe rrudha, për të ofruar një vizion tmerrësisht realist se si mund të duken në të ardhmen. Filtri, i cili përdor inteligjencën artificiale për të ndryshuar pamjen e përdoruesve, është parë më shumë se 816 milionë herë./Lapsi.al

Aktualitet

Valë e të nxehtit ekstrem godet Spanjën

Published

on

Continue Reading

Aktualitet

Estonia nis revolucionin digjital në shkolla: Inteligjenca Artificiale, pjesë e çdo klase

Published

on

Përderisa shumë vende në Evropë e kanë ndaluar përdorimin e “smartphone”-ve në shkolla, Estonia e konsideruar fuqia e re arsimore e Evropës – është duke udhëzuar nxënësit të përdorin pajisjet në klasë, ndërsa që nga shtatori do marrin llogaritë personale të Inteligjencës Artificiale.

Estonia po nis iniciativë kombëtare AI Leap, që do t’i pajisë nxënësit dhe mësuesit me “mjete dhe aftësi botërore në fushën e inteligjencës artificiale”.

U bë e ditur se po negociohen licenca me OpenAI, që do shndërrojë Estoninë në laborator eksperimental për përdorimin e Inteligjencës Artificale në shkolla.

Qëllimi është të ofrohet qasje falas në mjetet më të avancuara të të mësuarit me IA për 58,000 nxënës e 5,000 mësues deri më 2027, duke filluar me 16- dhe 17-vjeçarët këtë shtator. Sipas zyrtarëve, mësuesit do trajnohen në teknologji, duke vënë prioritet barazinë arsimore dhe aftësitë për përdorimin e IA-së. Ata kanë thënë se kjo do ta bëjë Estoninë “një nga kombet më të mençura në përdorimin e IA-së.”

Ministrja estoneze e arsimit, Kristina Kallas, gjatë një vizite në Londër  ëshë shprehur me fjalët: “E di se shumica e vendeve evropiane janë skeptike dhe të kujdesshme ndaj ekraneve, telefonave mobilë dhe teknologjisë. Por në rastin e Estonisë, shoqëria në përgjithësi është shumë më e hapur dhe e prirë për të përdorur mjete dhe shërbime dixhitale. Mësuesit nuk bëjnë përjashtim.”

Continue Reading

Lajmet

Hetimet ndaj Faton Pecit, prokurorët i përgjigjen akuzave politike

Published

on

By

Shoqata e Prokurorëve të Kosovës ka reaguar me shqetësim ndaj deklarimeve publike të bëra nga përfaqësues të subjektit politik GUXO dhe nga zyrtarë të Qeverisë së Kosovës, pas veprimeve procedurale të ndërmarra nga Prokuroria Speciale, që përfshijnë intervistimin e ministrit në detyrë të Bujqësisë, Faton Peci, në cilësinë e të dyshuarit.

“Në mënyrë të veçantë, Shoqata e konsideron të papranueshme gjuhën denigruese dhe akuzat publike të drejtuara ndaj kryeprokurorit të Prokurorisë Speciale, Blerim Isufaj, si dhe ndaj prokurorit të çështjes, Admir Shala, për shkak të ushtrimit të detyrës së tyre ligjore dhe kushtetuese”, thuhet në reagim.

Shoqata thekson se të gjithë prokurorët në Kosovë, përfshirë edhe ata të Prokurorisë Speciale, veprojnë në përputhje me Kushtetutën, ligjet në fuqi dhe provat që rezultojnë nga hetimet.

“Akuzat politike, tentativat për diskreditim personal dhe përmendja e përkatësive të mëhershme partiake nuk mund dhe nuk guxojnë të përdoren si mjete për të ndikuar në vendimmarrjen apo integritetin e prokurorëve. Kriteri i vetëm për vlerësimin e një prokurori është performanca profesionale, respektimi i ligjit dhe standardeve etike”, thuhet më tej në reagim.

Shoqata u bën thirrje të gjithë aktorëve publikë që të respektojnë pavarësinë institucionale të sistemit prokurorial dhe të përmbahen nga deklaratat që përbëjnë presion të drejtpërdrejtë ose të tërthortë ndaj punës së prokurorëve.

Kujtojmë se të martën, me urdhër të Prokurorisë Speciale të Republikës së Kosovës, Policia e Kosovës zhvilloi bastisje në Ministrinë e Bujqësisë, në Agjencinë e Ushqimit dhe Veterinarisë, Agjencinë për Zhvillimin e Bujqësisë dhe në zyrat e një kompanie private.

Sipas prokurorit të rastit, Admir Shala, hetimet lidhen me dhënien në shfrytëzim të fabrikës për përpunimin e nënprodukteve shtazore. Ministri në detyrë i Bujqësisë, Faton Peci, u intervistua në cilësinë e të dyshuarit.

Pas intervistimit të tij, reaguan disa zyrtarë të lartë të Qeverisë. Ministrja e Jashtme në detyrë dhe bashkëkryetare e GUXO, Donika Gërvalla, e cilësoi intervistimin e Pecit si “inskenim të gërditshëm” nga ana e kryeprokurorit Blerim Isufaj. Edhe vetë subjekti politik GUXO lëshoi një deklaratë ku ngriti dyshime mbi paanshmërinë e hetimeve. Në mbështetje të ministrit Peci doli gjithashtu edhe ministrja në detyrë e Drejtësisë, Albulena Haxhiu.

Continue Reading

Lajmet

Ndoqi nga afër koncertin e Beyoncé: Selena Gomez vihet në qendër të kritikave

Published

on

Selena Gomez ka zemëruar ndjekësit në rrjet pasi zbuloi se po ndiqte ndeshje të “New York Knicks” ndërkohë që ndodhej në koncertin e Beyoncé gjatë fundjavës.

Ajo ishte pjesë në koncertin “Cowboy Carter” të Beyoncé-s në New Jersey, duke iu bashkuar personazheve të njohur që kanë ndjekur turin e fundit.

E veshur me një kapele kauboji me logon e albumit, Selena publikoi disa foto nga koncerti, por një imazh i veçantë bëri bujë në rrjet. Nga një suitë VIP, ajo publikoi në Instagram Story një foto të telefonit të saj, ku shfaqej ndeshja e basketbollit mes Knicks dhe Pacers.

“Një sy e kam te loja,” shkroi ajo krahas fotos.

Kjo nuk u prit mirë, u kritikua për mungesë respekti ndaj koncertit të Beyoncé dhe pretenduan se ajo nuk donte të ishte aty. Në Reddit, një përdorues shkroi:

“Nuk jam i befasuar. Të pasurit nuk i vlerësojnë gjërat sepse janë mësuar t’i kenë të gjitha. Selena nuk do ta përjetojë kurrë lumturinë që unë ndjeva në vendet më të lira të stadiumit.”

Një tjetër shtoi:

“Hera e vetme që kam parë diçka në telefon gjatë një shfaqjeje ka qenë kur s’kam dashur fare të jem aty.”

Shumë të tjerë dolën në mbrojtje, duke thënë se një ndeshje si ajo e Knicks, që nuk kanë qenë në finalet e NBA që nga 1999, është arsye e vlefshme për të parë telefonin gjatë koncertit. Një komentues thoshte: “Kur Knicks fituan titullin e fundit, Beyoncé nuk kishte lindur ende. Lërini fansat të shijojnë të dyja gjërat.”

Ndërkohë, Beyoncé vazhdoi me sukses turneun e saj “Cowboy Carter”, të cilin e nisi më 28 prill, ndërsa Knicks fituan ndaj Indiana Pacers.

Continue Reading

Të kërkuara