Shëndet

Temperaturat e ulta apo të larta, si përfiton më shumë trupi juaj?

I ftohti mund të rrisë cilësinë e gjumit.

Published

2 years ago

June 12, 2023

UBT news

Gjithçka që duam të bëjmë në ditët e ftohta të dimrit është të pushojmë dhe të qëndrojmë ngrohtë në ambiente të mbyllura, e pse jo të shijojmë një filxhan çaji të nxehtë.

Por, a jeni bërë ndonjëherë kurioz të dini nëse temperaturat e ftohta na sjellin ndonjë përfitim shëndetësor? Nëse po, cilat janë ato? AgroWeb.org ju fton t’i zbuloni përgjigjet më poshtë.

A mund të përfitojë shëndeti juaj nga temperaturat e ulta?

Studimet në të cilat AgroWeb.org mbështetet tregojnë se temperaturat e ftohta mund të sjellin një sërë përfitimesh shëndetësore dhe se nuk duhet ta shmangim gjithmonë ekspozimin ndaj të ftohtit. Disa prej tyre janë:

I ftohti mund të rrisë cilësinë e gjumit

Studiuesit kanë zbuluar se nëse prishet ritmi cirkadian, përgegjës për ciklin e gjumit dhe të zgjimit, rreziku për shfaqjen e problemeve të ndryshme shëndetësore rritet.

Kur biem në gjumë, temperatura e trupit fillon të bjerë. Ata që vuajnë nga problemet me gjumin, duket se nuk janë në gjendje të rregullojnë siç duhet nxehtësinë e trupit, gjë që e bën më të vështirë rënien në gjumë. Këtu hyjnë në lojë temperaturat e jashtme.

Studimi në të cilin AgroWeb.org mbëshetet, gjatë një eksperimenti me personat që vuanin nga pagjumësia, zbuloi se ekspozimi ndaj të ftohtit i lejoi ata të bënin një gjumë më të mirë. Nga kërkimet ekzistuese, studiuesit sugjerojnë që temperatura ideale në dhomat e gjumit duhet të jetë diku midis 15.5 deri në 19 gradë Celsius.

I ftohti të hap oreksin

Ndoshta edhe ju e keni vënë se në dimër shtohet oreksi. Ky nuk është vetëm një mendim, por mbështetet edhe nga studime të tjera në mbarë botën. Dhe nëse po përpiqeni të konsumoni vakte të bollshme, kjo mund të jetë periudha më e mirë për ta bërë këtë.

Mos u shqetësoni nëse yndyra në turpin tuaj është në nivelet më të larta.

Nëse jeni të shqetësuar se tendenca për të ngrënë më shumë gjatë sezonit të dimrit mund të çojë në shtim në peshë, mos u shqetësoni! I ftohti mund të përdoret edhe si një katalizator për të humbur peshë.

Në mënyrë që trupi të ngrohet gjatë ditëve të ftohta, ai vë në përdorim yndyrën e grumbulluar. Prandaj edhe disa studime të kryera, të cilave AgroWeb.org iu referohet, kanë dalë në përfundimin se ekspozimi ndaj temperaturave të ftohta mund të aktivizojë procesin e djegies së yndyrës. Me sa duket, mjaftojnë vetëm 15 minuta në një mjedis të ftohtë duke u “dridhur”, për të marrë të njëjtin efekt si ushtrimet për gjatë një ore.

Mund të ulë inflamacionin dhe dhimbjen

A ju kujtohen rastet kur ishit të vegjël dhe prindërit iu thonin të vendosnit një kompresë të ftohtë me akull në zonën ku ishit vrarë? Akulli ose kompresa e ftohtë janë përdorur shpesh për të trajtuar një sërë dëmtimesh fizike, po ashtu besohet se edhe ekspozimi ndaj të ftohtit mund të ketë përfititme të ngjashme kundër inflamacionit në trup.

Efektet psikologjike

Për shumë njerëz, stina e ftohtë shoqërohet me humor të keq dhe ndjesi lodhjeje, pasi bien pre e depresionit sezonal, që shfaqet zakonisht në dimër. Megjithatë, hulumtimet kanë treguar se moti i ftohtë ka gjithashtu edhe disa avantazhe befasuese.

Kur moti na largon nga aktivitetet e tjera, ne priremi të qëndrojmë në shtëpi dhe duam të rilidhemi me njerëzit që kanë më shumë rëndësi për ne. Një studim tjetër sugjeron se ditët e ftohta mund të nxisin një lloj krijimtarie, e cila na bën të dalim nga e zakonshma dhe të mendojmë për mëyrë të tjera se si të argëtohemi./AgroWeb.org

Shëndet

Kafeina kundër migrenës, sa funksionon dhe çfarë duhet të dini?

Published

13 hours ago

November 19, 2025

UBT News

Kafeina, e cila gjendet natyrshëm në kafe, çaj dhe disa medikamente, njihet gjerësisht për efektin e saj stimulues.

Megjithatë, pak njerëz e dinë se ajo mund të ndihmojë edhe në lehtësimin e dhimbjeve të kokës.

Studimet tregojnë se kafeina zvogëlon dhimbjen e kokës duke ngushtuar enët e gjakut në tru duke rritur efektin e analgjezikëve si paracetamoli dhe aspirina. Konsumimi i një sasie të moderuar, 100–150 mg, që i korrespondon një filxhani kafe mund të jetë i dobishëm veçanërisht në dhimbjet e tensionit ose në fazat e para të migrenës.

Kafeina duhet përdorur me kujdes. Marrja e tepërt shkakton dhimbje koke, sidomos si pasojë e varësisë ose e ndërprerjes së papritur.

Për këtë arsye, ekspertët këshillojnë personat që vuajnë nga migrena të vëzhgojnë reagimin e trupit të tyre ndaj kafeinës dhe ta përdorin atë në mënyrë të kontrolluar. Efekti i saj është më i fortë kur kombinohet me qetësues, por gjithmonë nën këshillimin e mjekut ose farmacistit.

Për të parandaluar dhimbjet e kokës, krahas konsumit të kujdesshëm të kafeinës, është e rëndësishme të ruani gjumin, hidratimin dhe një dietë të shëndetshme. Nëse dhimbjet janë të shpeshta, kërkoni patjetër ndihmë mjekësore për trajtim të duhur. /A.Z/UBT News/

Shëndet

Çfarë e bën lëngun e shegës kaq të shëndetshëm?

Published

15 hours ago

November 19, 2025

UBT News

Lëngu i freskët nuk ka pse të kufizohet vetëm te variantet jeshile apo të pasura me spinaq.

Shega është përdorur si ilaç natyral që nga lashtësia dhe edhe sot po studiohet për përfitimet e saj të shumta shëndetësore.

Ky frut mund të ndihmojë në parandalimin e kancerit dhe në forcimin e sistemit imunitar.

Më poshtë janë disa nga përfitimet kryesore të shegës:

Antioksidant i fuqishëm

Kokrrat e shegës marrin ngjyrën karakteristike të kuqe nga polifenolët, kimikale që veprojnë si antioksidantë shumë potentë. Lëngu i shegës përmban një sasi më të lartë antioksidantësh se shumica e lëngjeve të tjera të frutave, madje tre herë më shumë se vera e kuqe dhe çaji i gjelbër. Këta antioksidantë mbrojnë qelizat nga dëmtimet dhe reduktojnë inflamacionin.

I pasur me vitaminë C

Një gotë lëng shege siguron mbi 40% të sasisë ditore të rekomanduar të vitaminës C, duke e bërë atë një burim të shkëlqyer të kësaj vitamine të rëndësishme.

Mund të ndihmojë në parandalimin e kancerit

Lëngu mori vëmendje të madhe pasi një studim tregoi se ngadalëson rritjen e qelizave të kancerit të prostatës. Megjithatë, kërkimet shkencore për këtë përfitim vazhdojnë.

I dobishëm për shëndetin e zemrës

Shega konsiderohet si një nga lëngjet më të mira për zemrën, ndihmon në mbrojtjen e zemrës dhe arterieve, duke kontribuar në qarkullim më të shëndetshëm të gjakut.

Përfitime të tjera

Lëngu përmirëson memorien, i pasur me vitamina të ndryshme dhe ndihmon në uljen e shtypjes së lartë të gjakut. /A.Z/UBT News/

Shëndet

Arsyet për të ngrënë vezë çdo mëngjes

Published

2 days ago

November 18, 2025

UBT News

Shumë njerëz mendojnë se tërshëra dhe produkte të ngjashme janë zgjedhja më e mirë për mëngjes, por kjo nuk është gjithmonë e vërtetë.

Vezët janë një alternativë fantastike, jo vetëm të shijshme, por edhe shumë të dobishme për shëndetin. Ato përmbajnë proteina të larta që ndihmojnë në kontrollin e peshës dhe ju bëjnë të ndiheni të ngopur për më gjatë.

Përfitimet kryesore të vezëve:

1. Ju mbajnë të ngopur më gjatë

Proteina e yndyra që gjenden tek vezët ndihmojnë në ruajtjen e energjisë dhe frenimin e urisë, duke ju mbajtur të ngopur për më shumë orë.

2. Ndihmojnë në humbjen e peshës

Ata që konsumojnë vezë për mëngjes kanë më shumë gjasa të humbin peshë krahasuar me ata që hanë bukë ose ushqime të tjera.

3. Burim i shkëlqyer proteinash

Vezët përmbajnë të gjitha aminoacidet thelbësore, duke i bërë një nga burimet më të mira të proteinave në dietë. Rekomandohet të konsumoni të paktën një vezë në ditë për një regjimi ushqimor të ekuilibruar.

4. Çmimi i tyre i përballueshëm

Krahasuar me burime të tjera proteinash si mishi i kuq, vezët janë më të lira dhe lehtësisht të disponueshme.

5. Nuk dëmtojnë kolesterolin

Edhe pse përmbajnë kolesterol, studimet e fundit tregojnë se konsumi i vezëve nuk e rrit nivelin e kolesterolit në mënyrë të dëmshme.

6. Përmirësojnë funksionin e trurit dhe kujtesën

Vezët përmbajnë kolinë, lëndë ushqyese që mbështet zhvillimin dhe funksionin e trurit, duke përmirësuar kujtesën dhe vigjilencën.

7. Mbrojnë shikimin

Antioksidantët luteinë dhe zeaxanthin që gjenden tek vezët ndihmojnë në mbrojtjen e syve nga dëmtimet e shkaktuara nga rrezet UV dhe mund të ulin rrezikun e kataraktit në pleqëri. /A.Z/UBT News/

Shëndet

Nga tërshëra te avokado, super-ushqimet që pastrojnë arteriet

Published

2 days ago

November 17, 2025

UBT News

Tërshëra është e njohur për aftësinë e saj për të ulur kolesterolin për shkak të përmbajtjes së lartë të fibrave të tretshme, veçanërisht beta-glukanit.

Këto fibra reduktojnë përthithjen e kolesterolit nga trupi.

Ruajtja e niveleve të shëndetshme të kolesterolit është çelësi për një zemër të fortë. Nëse kolesteroli është më i lartë se normalja, mos u shqetësoni, është e rëndësishme të dini se mund të bëni ndryshime në dietë për ta kontrolluar atë.

Më poshtë kemi listuar 7 ushqimet që mund t’ju ndihmojnë të ulni kolesterolin dhe të përmirësoni shëndetin e zemrës.

Tërshërë

E njohur për aftësinë për të ulur kolesterolin për shkak të përmbajtjes së lartë të fibrave të tretshme, veçanërisht beta-glukanit. Këto fibra reduktojnë përthithjen e kolesterolit nga trupi.

Peshk i yndyror

Peshqit yndyrorë si salmoni, sardelet dhe skumbri janë të pasur me acide yndyrore omega-3, ato ulin trigliceridet dhe të ndihmojnë në rritjen e kolesterolit “të mirë” HDL.

Arra

Bajamet, arrat dhe kikirikët përmbajnë yndyrna të pangopura, që ndihmojnë në uljen e kolesterolit LDL, të pasura me fibra e antioksidantë.

Vaj ulliri

Veçanërisht vaji i ullirit ekstra i virgjër, është i njohur për aftësinë për të ulur kolesterolin LDL duke ruajtur ose rritur kolesterolin HDL. Gjithashtu përmban antioksidantë që mbrojnë zemrën.

Bishtajoret

Thjerrëzat, qiqrat dhe bishtajoret e tjera janë të pasura me fibra të tretshme që ulin kolesterolin LDL. Ato përmbajnë proteina dhe janë të ulëta në yndyrna të ngopura.

Ushqimet me soje

Të tilla si tou, qumështi i sojës, të pasura me proteina e të ulëta në yndyrna të ngopura. Proteina e sojës është treguar se ul kolesterolin LDL.

Avokado

Me yndyra të pangopura e fibra që ul kolesterolin LDL, përmban beta-sitosterol, që redukton përthithjen e kolesterolit. /A.Z/UBT News/