

Lajmet
Temperatura e lartë – Çfarë po përpiqet t’ju tregojë trupi?
Published
4 years agoon
By
UBT newsNjë temperaturë më e lartë se mesatarja jo gjithmonë do të thotë se diçka e keqe po ndodh.
Por nëse temperatura është një simptomë e re dhe ndikon në cilësinë e jetës tuaj, mund të jetë një tregues se diçka nuk po shkon siç duhet.
AgroWeb.org në këtë artikull ju njeh me disa nga shkaqet më të zakonshme se pse ndjeni të nxehtë.
Tiroidet
Nëse shpesh ndjeni të nxehtë, mund të keni hipertireozë. Një gjendje ku trupi juaj prodhon me tepri hormonin e tiroides.
Simptomat përfshijnë nxehtësi, pamundësi për t’i bërë ballë temperaturave të ngrohta ose djersitje të shtuar. Arsyeja e saktë pse sekretimi i tepërt i hormonit të tiroides çon në këto simptoma është ende i paqartë.
Megjithatë mund të ketë lidhje me një rritje të hormoneve të quajtura katekolamina. Këto hormone shkaktojnë një zgjerim të enëve të gjakut, duke bërë që gjaku të rrjedhë më shpejt dhe të shkaktojë ndjesinë e nxehtësisë.
Stresi
Kur përjetoni një ngjarje stresuese, gjëndra juaj mbiveshkore sekreton katekolamina (specifikisht epinefrina dhe norepinefrina).
Katekolaminat, jo vetëm që rrisin vigjilencën mendore dhe forcën e muskujve, por gjithashtu rrisin rrahjet e zemrës, presionin e gjakut dhe frymëmarrjen. Kjo gjë bën që temperatura e trupit tuaj të rritet.
Ovulimi
Gjatë periudhës së ovulimit, rritet prodhimi i hormonit të quajtur progesteron, i cili shakaton rritje të temperaturës.
Edhe pse temperatura juaj mund të rritet në një shkallë të vogël, ajo është e mjaftueshme që ju të ndjeni parehati.
Menopauza
Afshet e nxehta dhe djersitja gjatë natës ndodhin para dhe gjatë menopauzës, për shkak të ndryshimit të niveleve të hormoneve, si estrogjeni dhe progesteroni. Çekuilibri midis këtyre hormoneve çon në rritje të nxehtësisë trupore.
Kafeina
Konsumi i tepërt i kafeinës, stimulon çlirimin e katekolaminave, të cilat shtojnë rrahjet e zemrës, presionin e gjakut dhe frymëmarrjen. Ky mund të jetë një nga shkaqet që mund të rrisin temperaturën e trupit tuaj.
Shtatëzania
Ndjenja e nxehtësisë është një simptomë e zakonshme kur prisni një fëmijë.
Gjatë shtatëzanisë, estrogjeni arrin nivelet e tij më të larta. Ai zgjeron enët e gjakut dhe gjeneron më shumë rrjedhje të gjakut nëpër to, gjë që rrit teperaturën e trupit.
Shtatzënia gjithashtu çon në një rritje të vëllimit të gjakut, gjë që e bën zemrën të punojë edhe më shumë. Me këtë impuls të përshpejtuar temperatura e trupit rritet.
Gjithashtu trupi juaj thith edhe nxehtësinë që prodhon foshnja.
Jeni duke marrë ilaçe të caktuara
Shumë lloje ilaçesh si ato kundër depresionit, antihistaminikët, antipsikotikët dhe diuretikët, mund të rrisin ndjesinë e nxehtësisë në trupin tuaj.
Kjo sepse ilaçet mund të ndërhyjnë në procesin normal që trupi juaj ndjek për të rregulluar temperaturën.
Çfarë mund të bëni ?
Nëse rritja e temperaturës është një simptomë e re që po ju pengon në jetën tuaj të përditshme, është e mundur që ju mund të jeni duke përjetuar një nga faktorët e renditur më sipër.
Por në vend që të vetë-diagnostikoheni, konsultohuni me mjekun, i cili mund t’ju ndihmojë të adresoni shqetësimet tuaja./AgroWeb.org
Aktualitet
Regjistrohu tani në Gjuha Angleze në UBT dhe përfito bursë 20%
Published
12 hours agoon
August 29, 2025By
Driton Iseni
UBT njofton se kanë mbetur edhe pak vende të lira për regjistrim në programin Bachelor Gjuha Angleze, një drejtim studimor që hap mundësi të shumta karriere në arsim, përkthim, diplomaci, media dhe organizata ndërkombëtare.
Përmes këtij programi, studentët përgatiten jo vetëm në aspektin gjuhësor dhe kulturor, por edhe në atë profesional, duke u bërë të aftë të kontribuojnë në tregun vendor dhe global.
UBT ofron bursë prej 20% për të gjithë ata që regjistrohen në këtë program, duke i dhënë mundësinë studentëve të sigurojnë arsimim cilësor dhe të përballueshëm financiarisht.
Studentët e interesuar mund të aplikojnë online përmes platformës: APLIKO TANI ONLINE!
Aktualitet
Në zyrën e Ivica Daçiqit mbërrin një zarf me tre plumba
Published
13 hours agoon
August 29, 2025By
UBT News
Në Qeverinë e Serbisë ka mbërritur një zarf i adresuar për ministrin e Brendshëm, Ivica Daçiq, brenda të cilit janë gjetur tre plumba, njoftoi më 29 gusht Ministria e Punëve të Brendshme (MUP).
Sipas njoftimit, zarfi është vërejtur të enjten gjatë procesit të rregullt të ndarjes së postës.
“Gjatë kontrollit të sigurisë me pajisje me rreze X, në zarf u gjetën tre plumba”, thuhet në komunikatën e MUP-it.
Autoritetet shtuan se policia ka identifikuar dhe gjetur personin që më 26 gusht kishte dorëzuar dërgesën në një degë të Postës së Serbisë në Pozharevc.
Nuk është bërë i ditur identiteti i të dyshuarit.
Aktualitet
U përurua çerdhja e re për 60 fëmijë në Fushë Kosovë
Published
13 hours agoon
August 29, 2025By
UBT News
Në Fushë Kosovë u përurua një çerdhe e fëmijëve në Fushë Kosovë, investim ky i Ministrisë së Arsimit , në vlerë prej rreth 415 mijë euro.
Kjo çerdhe për 60 fëmijë me një hapësirë prej 750 m² u tha është e pajisur me të gjitha mjetet e nevojshme për kujdesin dhe zhvillimin e fëmijëve tanë të gjithë hapësirat në këtë çerdhe të re.
Kryeministri në detyrë, Albin Kurti, tha se vetëm gjatë këtij mandati qeverisës në komunën e Fushë Kosovës, në fushën e arsimit janë bërë investime kapitale me vlerë prej 5.6 milionë euro, duke shtuar se treguan kështu përkushtimin për gjeneratat e reja, të cilat duhet të kenë arsim cilësor dhe mirëqenie të garantuar.
“Të investosh në çerdhe për fëmijë dhe edukim të hershëm, do të thotë të investosh në të ardhmen e shtetit. Pikërisht në vitet e para të jetës aty ku hidhen themelet për zhvillimin, lumturinë dhe suksesin e fëmijëve të Kosovës, nesër profesionistë e kuadro, që do të udhëheqin institucionet, ekonominë, shoqërinë, politikën e kështu me radhë”, tha Kurti.
Në përurim mori pjesë edhe ministrja në detyrë e Arsimit, Arbërie Nagavci.
Kurti njoftoi se për ndërtimin edhe të një çerdhe tjetër publike, me vlerë mbi 1.2 milionë euro, po në Fushë Kosovë.
Pas përurimit të Çerdhes së fëmijëvë, kryeministri në detyrë Kurti vizitën e tij e vazhdoi me vënien e gurthemelit të Shkollës Fillore dhe të Mesme të Ulët, po ashtu në Fushë Kosovë, investim i Ministrisë së Arsimit, me një sipërfaqe prej 8,000 metra katror, për 1500 nxënës, me vlerë të investimit prej 3.8 milionë euro.
Aktualitet
Kurti për akuzat ndaj UÇK-së: Manipulohet një kapitull për të cilin Basha s’ka faj
Published
13 hours agoon
August 29, 2025By
UBT News
Kryeministri në detyrë, Albin Kurti, foli lidhur me zhurmën publike rreth artikullit ku bashkautor është kryetari i zgjedhur i Kuvendit të Kosovës, Dimal Basha kundër UÇK-së.
Ai kritikoi qeveritë e kaluara, duke thënë se janë vendimet e atyre qeverive i kanë shkaktuar probleme Kosovës dhe se të tilla s’po i shkakton artikulli me bashkautor Bashën.
“Unë besoj që problemet që i kemi sot në Kosovë nuk i kemi nga një deformim e keqinterpretim i një artikulli me bashkautorësi ku ky nuk është autor i atij kapitulli të para më shumë se një dekade. Problemet i kemi kur është nënshkruar ‘Zajednica’ në 2013-tën, problemet i kemi kur janë amnistuar kriminelët serbë në veri, po astu në 2013-tën, problemet i kemi kur është votuar Gjykata Speciale në 2015-n, problemet i kemi kur është themeluar Lista Serbe në bashkëpunim me Beogradin në vitin 2013, problemet i kemi politikanët e Kosovës kanë bërë qeveri duke u varur nga Lista Serbe, problemet i kemi kur kanë hyrë në pazare për ndarje të Kosovës – jo te ky farë artikulli ku manipulohet një kre, në të cilin ky s’ka fare autorësi”, tha Kurti .
Kryeministri në detyrë tha se buja që bëri ky shkrim është keqinterpretim dhe deformim.
“Dimal Basha e ka dhënë sqarimin për atë publikim që është bërë para më shumë se një dekade. Ai ka thënë se kapitulli që e ka shkruar nuk ka të bëjë me UÇK-në. Edhe në fjalimin e tij pas zgjedhjes si kryetar Kuvendi, ai shprehu vlerësimet më të larta për këtë vlerë të kombit shqiptar”, tha Kurti.
Kryeministri në detyrë këto deklarata i bëri në komunikim me gazetarë në Fushë Kosovë, ku mori pjesë në përurimin e një Çerdheje për fëmijë.

Regjistrohu tani në Gjuha Angleze në UBT dhe përfito bursë 20%

Në zyrën e Ivica Daçiqit mbërrin një zarf me tre plumba

U përurua çerdhja e re për 60 fëmijë në Fushë Kosovë

Kurti për akuzat ndaj UÇK-së: Manipulohet një kapitull për të cilin Basha s’ka faj

Supremja hodhi poshtë ankesën e VV-së kundër vendimit të PZAP-së për Listën Serbe

Presidentja Osmani kërkon zgjidhje urgjente për konstituimin e Kuvendit

FSK-ja realizon ushtrimin fushor “Ujku shigjetë” pesë ditë

Hoti: Janë gjetur mbetjet mortore të nëntë personave të zhdukur, pesë lokacione pritën të hapen

Një vdekje e dyshimtë në Skenderaj
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA