Kronikë e zezë

Të shtëna me armë, drogë dhe disa arrestime në Kosovë, Policia sekuestron armë e substanca narkotike

Published

2 weeks ago

on

Policia e Kosovës ka raportuar disa raste të përdorimit të armëve dhe posedimit të paautorizuar të narkotikëve në rajone të ndryshme të vendit gjatë 24 orëve të fundit, ku janë arrestuar disa persona dhe janë sekuestruar armë, municion e substanca narkotike.

Në Podujevë, pas të shtënave me armë zjarri në një aheng familjar, policia arrestoi një të dyshuar, të cilit i konfiskoi një pistoletë me gas dhe tre fishekë. Pas intervistimit, ai u lirua në procedurë të rregullt.

Një rast i ngjashëm u raportua edhe në Malishevë, ku një person dyshohet se kishte shtënë me armë gjatë një ahengu familjar. Gjatë bastisjes në shtëpinë e tij u gjet një pistoletë me gas, karikator dhe dy gëzhoja. Me vendim të prokurorit, i dyshuari u lirua në procedurë të rregullt. Edhe në Vushtrri, pas të shtënave në një aheng familjar, policia konfiskoi dy pistoleta, njëra prej tyre me gas, si dhe gjashtë gëzhoja. I dyshuari u intervistua dhe më pas u lirua në procedurë të rregullt.

Në Brezovicë, një person u arrestua pasi dyshohet se kishte kanosur me armë zjarri tre persona pas një mosmarrëveshjeje. Gjatë kontrollit, policia i konfiskoi një pistoletë me 18 fishekë, ndërsa me urdhër të prokurorit ai u dërgua në mbajtje.

Sa i përket rasteve që lidhen me narkotikët, në Qendrën e Paraburgimit në Prishtinë, gjatë një kontrolli rutinë, u gjetën 1.2 gramë kokainë, 0.7 gramë ekstazi dhe 32.4 gramë hashash. Substancat u sekuestruan, ndërsa rasti është iniciuar dhe po hetohet.

Në Fushë Kosovë, policia arrestoi dy persona, pasi gjatë kontrollit u gjetën 2.28 gramë kokainë. Gjatë bastisjes në banesën e njërit prej tyre u sekuestruan edhe 2.28 gramë të tjera kokainë, 29.7 gramë heroinë dhe një peshore digjitale. Me vendim të prokurorit, të dyshuarit u dërguan në mbajtje.

Ndërkohë, në rrugën “Luan Haradinaj” në Prishtinë, një shtetas i huaj u arrestua pasi në bagazhin e veturës së tij u gjetën 2.6 gramë marihuanë. Ai u dërgua në mbajtje për 48 orë.

Një tjetër rast u regjistrua në Suharekë, ku katër persona u arrestuan pasi gjatë kontrollit policor u sekuestruan 25.39 gramë marihuanë, një telefon celular, një shufër metalike dhe një pako rizlla. Pas intervistimit, njëri nga të dyshuarit u dërgua në mbajtje, ndërsa tre të tjerët u liruan në procedurë të rregullt.

Policia e Kosovës njoftoi se të gjitha rastet janë duke u trajtuar në koordinim me prokuroritë kompetente.

D.L

Related Topics:
Continue Reading

Lajmet

Tre të vrarë, mes tyre një grua shtatzënë, pas sulmit me armë në Spanjë

Published

16 hours ago

on

August 17, 2026

By

Tre persona, përfshirë një grua shtatzënë, janë vrarë dhe një tjetër është plagosur rëndë pas një sulmi me armë në Isla Cristina të Spanjës.

Sipas autoriteteve, autori dyshohet se mbërriti me motor në një banesë në lagjen Rocío dhe hapi zjarr ndaj familjarëve, para se të largohej nga vendi i ngjarjes.

Në mesin e viktimave janë gruaja shtatzënë, njëri prej fëmijëve të saj dhe nëna e saj. Personi i katërt është dërguar në spital dhe ndodhet në gjendje kritike.

Hetuesit dyshojnë se sulmi mund të jetë i lidhur me një konflikt të mëhershëm mes dy familjeve dhe po hetohet si akt i mundshëm hakmarrjeje.

Policia ka rrethuar zonën dhe ka nisur kërkimet për autorin, i cili vazhdon të jetë në arrati./A.K/

Continue Reading

Lajmet

Aksident i rëndë në Unazën e Madhe në Tiranë, përmbyset kamioni dhe karrotreci – lëndohet një person

Published

16 hours ago

on

August 17, 2026

By

Një aksident i frikshëm ka ndodhur sot në Unazën e Madhe, në afërsi të Farkës, ku janë përplasur dhe më pas përmbysur një mjet i tonazhit të rëndë, një karrotrec dhe fadroma që ky i fundit po transportonte.

Në aksident lëndimet trupore ka marrë një person i cili po merr mjekim dhe raportohet se është jashtë rrezikut për jetën.

Si pasojë e aksidentit, për disa minuta është bllokuar qarkullimi në këtë aks në kryeqytet. /Tch/A.K/

Continue Reading

Lajmet

21 armë zjarri të sekuestruara dhe mbi 4 mijë gjoba në Rajonin e Prishtinës

Published

18 hours ago

on

August 17, 2026

By

Policia e Kosovës në Rajonin e Prishtinës ka realizuar gjatë javës së kaluar një sërë aktivitetesh në kuadër të sigurisë dhe zbatimit të urdhëresave gjyqësore.

Sipas Policisë, janë realizuar 125 urdhëresa të gjykatës, prej të cilave 45 kanë qenë për vepra penale, ndërsa pjesa tjetër për kundërvajtje, seanca dhe verifikime të ndryshme.

Gjatë kësaj periudhe janë sekuestruar 21 armë zjarri, ndërsa 8 prej tyre janë konfiskuar gjatë ahengjeve familjare.

Policia ka shqiptuar gjithashtu 4,179 masa administrative me gjobë për kundërvajtje dhe shkelje të rregullave të trafikut. Prej tyre, 566 janë evidentuar përmes veturave inteligjente dhe radarëve mobilë.

Personat e dënuar me burgim, pas përfundimit të procedurave policore, janë dërguar për vuajtje të dënimit, ndërsa personat e dënuar me gjobë janë liruar pas përmbushjes së obligimeve të përcaktuara në urdhëresat gjyqësore./A.K/

Continue Reading

Lajmet

12 armë të konfiskuara dhe 15 të arrestuar gjatë një jave në Mitrovicë

Published

21 hours ago

on

August 17, 2026

By

Policia e Kosovës në Mitrovicën e Jugut ka zhvilluar gjatë javës së fundit aktivitete të shtuara operative dhe parandaluese për ruajtjen e rendit dhe sigurisë publike.

Sipas Policisë, gjatë kësaj periudhe janë konfiskuar 12 armë zjarri dhe janë arrestuar 15 persona të dyshuar për vepra të ndryshme penale.

Në kuadër të aktiviteteve në trafik, Policia ka shqiptuar gjithsej 1,390 gjoba, ndërsa janë vendosur edhe 9 masa mbrojtëse – ndalim i drejtimit të mjeteve motorike, për kundërvajtje të ndryshme.

Policia e Mitrovicës së Jugut ka bërë të ditur se do të vazhdojë me veprimet operative dhe parandaluese, me synim rritjen e sigurisë dhe mbrojtjen e qytetarëve./A.K/

Continue Reading

Të kërkuara