Lajmet

Të mirat që i sjell dushi i ftohtë

Dushi i ftohtë ndihmon në qarkullimin e gjakut.

Published

on

Bërja e një dushi me ujë të ftohtë mund të mos jetë shumë e këndshme për shumë prej jush, por nëse e bëni herë pas here, mund t’ju sjellë shumë benefite

Lexojini më poshtë ato:

Dushet e ftohta ndihmojnë në qarkullimin e gjakut

Dushet e ftohta nxisin rrjedhën e gjakut në organet vitale. Kjo mund të jetë shumë e dobishme për sistemin kardiovaskular dhe personat që vuajnë nga tensioni i ulët, parandalojnë ngurtërsimin e arterieve dhe shfaqjen e venave varikoze.

Uji i ftohtë mund të jetë një antidepresant i mirë

Kur bëni banjë me ujë të ftohtë, përjetoni një rritje të adrenalinës falë shumëfishimit të impulseve elektrike nga nervat tuaja periferike drejt trurit. Kjo gjë mund t’ju sigurojë një efekt të dobishëm anti-depresiv.

Uji i ftohtë u bën shumë mirë flokëve dhe lëkurës

Për të reduktuar elektrizimin e flokëve dhe ruajtur shkëlqimin e tyre, lajini herë pas here me ujë të ftohtë. Uji i nxehtë ka tendencë t’i thajë ato, kurse uji i ftohtë i lë të drejtë, pa forma dhe të fortë.Uji i ftohtë përmirëson aftësitë atletike

Disa studime të fundit të publikuara në American Journal of Physiology kanë konstatuar se atletët që zhyten në ujë të ftohtë pas një stërvitjeje intensive, kanë provuar se janë më rezistentë në stërvitje.

Uji i ftohtë përmirëson aftësitë mendore

Duhet të pranoni që kur bëni dushe me ujë të ftohë ose kur zhyteni në një pishinë me ujë të ftohtë, duhet një nxitje mendore për të mos ndezur ngrohjen më pas. Është provuar se sa më shumë t’u nënshtroheni stresorëve të trupit tuaj, aq më të adaptuar bëheni ndaj stresorëve të ardhshëm. Me fjalë të tjera, bërja e një dushi të ftohtë ju bën më të fortë dhe kjo është një gjë vërtet e mirë.

Bota

Administrata Trump miraton shitjen e armëve prej 825 milionë dollarësh për Ukrainën

Published

on

Administrata Trump ka miratuar një shitje armësh me vlerë 825 milionë dollarë për Ukrainën, e cila do të përfshijë raketa me rreze të gjatë veprimi dhe pajisje të ngjashme për të rritur aftësitë e saj mbrojtëse.

Përpjekjet e ShBA-së për të ndërmjetësuar paqen midis Ukrainës dhe Rusisë duket se kanë ngecur.

Departamenti i Shtetit njoftoi të enjten se kishte njoftuar Kongresin për shitjen e raketave me municion sulmi me rreze të gjatë veprimi dhe sistemeve të navigimit për Ukrainën. Shitja do të mbulojë 3,350 raketa ERAM, 3,350 njësi GPS, së bashku me komponentë, pjesë këmbimi dhe aksesorë të tjerë, si dhe trajnim dhe mbështetje teknike, shkruan AP.

Ai tha se Ukraina do të përdorte fonde nga aleatët e NATO-s, Danimarka dhe Holanda.

Continue Reading

Aktualitet

Tiranë: Sekuestrohen mbi 26 milionë euro pasuri në pronësi të një të dënuari për vrasje

Published

on

Policia në Tiranë ka sekuestruar pasuri me vlerë prej 26 milionë e 500 mijë euro, nën pronësi të një 45-vjeçari të dënuar për vrasje dhe për pjesëmarrje në grup kriminal për trafikim të lëndëve narkotike, nga autoritetet italiane.

Sipas njoftimit të policisë, pasuritë e sekuestruara janë konkretisht: 19 prona, 2 automjete dhe 20 llogari bankare, të regjistruara në emër të 45-vjeçarit ose të familjarëve të tij, me vlerë tregu rreth 26 milionë e 500 mijë euro.

“Vijon puna për gjurmimin dhe sekuestrimin e pasurive të tjera që dyshohet se kanë burim nga veprimtaritë kriminale të këtij shtetasi. Materialet procedurale iu referuan Prokurorisë së Tiranës, për veprime të mëtejshme”, thuhet tutje në njoftim.

Continue Reading

Aktualitet

Kosova e Shqipëria forcojnë partneritetin ushtarak, trajnime të përbashkëta për operacione ujore

Published

on

Bazuar në marrëveshjen bilaterale të bashkëpunimit ndërmjet Forcës së Sigurisë së Kosovës dhe Forcave të Armatosura të Republikës së Shqipërisë (FARSH), Kompania e Kërkim-Shpëtimit e Regjimentit të Mbrojtjes Civile (RMC) realizoi trajnim të përbashkët në fushën e zhytjes.

Trajnimi i përbashkët u realizua në Qendrën e Zhytjes në Pashaliman, Vlorë, Republika e Shqipërisë.

Sipas FSK-së qëllimi i këtij trajnimi ishte ruajtja, zhvillimi dhe avancimi i njohurive dhe aftësive profesionale në fushën e zhytjes, në thellësi dhe kushte të ndryshme operative si dhe shkëmbimin e përvojës dhe praktikave më të mira ndërmjet pjesëtarëve të të dy forcave ushtarake.

FSK po ashtu thotë se ky aktivitet i përbashkët dëshmon për rëndësinë e thellimit të bashkëpunimit ndërmjet institucioneve ushtarake të Kosovës dhe Shqipërisë, si dhe përkushtimin e ndërsjellë për ngritjen dhe përmirësimin e kapaciteteve specialistike në realizimin e operacioneve ujore me standarde të larta ndërkombëtare.

Continue Reading

Aktualitet

Behramaj: VV-ja po e shtyn qëllimisht Listën Serbe që t’i drejtohet Kushtetueses

Published

on

Deputeti i PDK-së, Artan Behrami, ka akuzuar Lëvizjen Vetëvendosje se me qëllim po e nxit Listën Serbe që t’i drejtohet Gjykatës Kushtetuese, me synimin për të krijuar precedent që forcon pozitën e këtij subjekti në formimin e institucioneve.

“Dërgimi në Gjykatën Kushtetuese mund të krijojë precedent të rrezikshëm, se pa pjesëmarrjen e subjektit serb, i cili përfaqëson shumicën në komunitetin serb, nuk mund të krijohen institucionet e vendit,” shkroi Behrami në një reagim publik.

Sipas tij, kjo lëvizje është pjesë e një strategjie të VV-së për të paraqitur pjesëmarrjen e Listës Serbe në Kuvend si detyrim kushtetues, në një kohë kur Kurti nuk i ka numrat për të formuar Qeverinë.

“Po përpiqet ta ‘paketojë’ si detyrim kushtetues dhe jo si marrëveshje politike,” shtoi ai.

Behrami paralajmëron se një vendim i tillë nga Kushtetuesja do të shtrëngonte edhe më tej hapësirën kushtetuese për përfaqësuesit serbë, duke lënë pasoja afatgjata për rendin institucional në vend.

Continue Reading

Të kërkuara