Lajmet

Të lutem vendose maskën – marketet në Prishtinë po respektojnë masat anti covid

Published

on

Ministria e Shëndetësisë dhe Instituti Kombëtar i Shëndetit Publik kanë njoftuar që respektimi i masave anti-covid duhet të jetë i pranishëm në secilin dyqan, përfshirë edhe markete e vogla ushqimore.

Në kuadër të marketeve duhet të respektohen këto masa të higjienës : dezinfektimi dhe ventilimi i shpeshtë i ambienteve të punës, pajisja e punëtorëve me mjete personale mbrojtëse (maska , doreza, dezinfektues), marrja e masave për distancimin shoqëror dhe shmangien e kontakteve si për punonjësit ashtu edhe për klientët dhe lejimi në market i një numri të kufizuar të kilientëve (varësisht nga hapësira e marketit).

Në “Merdian Express” në Prishtinë janë të vendosura shenjat dhe udhëzimet për masat mbrojtëse.

Menaxheri i këtij marketi thotë se stafi i tyre e kanë rregull vendosjen e maskave dhe respektimin e rregullave të tjera.

“Ne si staf e kemi rregull respektimin e masave kundër Covid 19. Çdo punojnës është i obliguar ta mbajë maskën dhe t’i respektoj masat. Disa nga klientët i respektojnë masat duke mbajtur maskat mbrojtëse e duke e ruajur distancën, ndërsa disa të tjerë jo. Mbi 70 % i respektojnë masat”’, thotë ai.

“Sa i përket numrit të klientëve, në market lejohen të hynë 50 klientë”.

Dyqanet ushqimore respektojnë në masë të madhe këto masa.

Në hyrje të marketit “Ersa” kërkohet që të mbahet distancë 1m-1.5m. Po ashtu në bazë të udhëzimeve të nxjerra nga Ministria e Shëndetësisë kërkohet që të hyhet me maska dhe doreza.

Shitësi i marketit thotë se masat po respektohen në masë të madhe. Një numër nuk po i respekton masat, sipas tij.

 “Punojnësit e marketit mundohen t’i respektojnë masat anti-covid, edhe pse ndonjëherë nuk i mbajnë maskat në mënyrën e duhur. Edhe tek klientët është njësoj, disa i respektojnë e disa jo”.

Në marketin “BBK Freeshop” shitësja thotë se masat kundër Covid 19 në përgjithësi respektohen.

“Masat anti-covid respektohen, por jo edhe aq shumë. Një pjesë e mirë e klientëve, thuajse të gjithë janë të pajisur me maska”, thotë ajo.

Për dallim nga marketet paraprake, në këtë market nuk janë të vendosura shenja dhe udhëzime te hyrja e lokalit për respektimin e masave, pavarësisht se klientët i respektojnë.

Megjithëse kontrollet janë të vogla në mungesë të inskeptorëve të mjaftueshëm pë rinspektim, respektimi i masave anti-covid të paktën në kryeqytet është në nivel të kënaqshëm./UBNEWS

(Florinda Kelmendi, studente Media dhe Komunikim UBT)

Lajmet

Pesë kadetë nga Kosova diplomojnë në Akademinë e Forcave të Armatosura të Shqipërisë

Published

on

By

Pesë kadetë nga Kosova kanë diplomuan në Akademinë e Forcave të Armatosura të Shqipërisë.

Ata do të vazhdojnë shërbimin e tyre si oficerë në radhët e Forcës së Sigurisë së Kosovës.

Kjo u bë e ditur nga ministri në detyrë i Mbrojtjes, Ejup Maqedonci i cili mori pjesë në ceremoninë e diplomimit me ftesë të homologut të tij nga Shqipëria, Pirro Vengu.

Me mbështetjen e ministrit Pirro Vengu dhe të Shefit të Shtabit të Përgjithshëm, gjeneral Arben Kingji, është bërë e mundur që për vitin e ardhshëm të katërfishohet numri i kadetëve nga Kosova që do të ndjekin studimet në këtë akademi prestigjioze”, shkruan Maqedonci në Facebook

Continue Reading

Lajmet

​IPK-ja identifikon dobësi në pasqyrimin e gjobave dhe shkeljeve

Published

on

By

Inspektorati Policor i Kosovës thotë se ka të meta në pasqyrimin e të dhënave në gjoba në raport me shkeljet dhe që këto “sjellin dyshime se mund të abuzohet gjatë kryerjes së detyrës zyrtare”. Kjo është theksuar me një inspektim që IPK-ja e ka bërë rreth përdorimit të teknologjisë për matjen e shpejtësisë së lëvizjes së mjeteve në trafik.

Përmes një njoftimi për media, IPK-ja tha se inspektimi është realizuar me kërkesë të kryeshefit ekzekutiv, ndër të tjera, bazuar në informacionet që IPK kishte pranuar se zyrtarët policorë për arsye të ndryshme nuk i gjobisin kundërvajtësit për shkeljet që i kanë kryer.

Inspektimi ka vënë në pah se ka dobësi/të meta në pasqyrimin e të dhënave në gjoba në raport me shkeljet dhe që këto sjellin dyshime se mund të abuzohet gjatë kryerjes së detyrës zyrtare”.

Sipas IPK-së. gjatë krahasimit të të dhënave në gjoba dhe atyre të regjistruara në radar gjatë inspektimit janë hasur katër natyra të mospërputhjeve: Shpejtësia e lëvizjes së mjetit e përshkruar në gjobë është më e ulët se ajo e regjistruar në radar (në 55 nga 84 mostra/gjoba); Shpejtësia e kufizuar në radar ndryshon nga ajo e regjistruar në gjobë (në 23 nga 84 mostra); Lloji i shkeljes në gjobë ndryshon nga ajo e matur me radar (në 3 nga 84 mostra); Shqiptohet gjobë për tejkalim të shpejtësisë në bazë të një neni (paragrafi) jo adekuat të ligjit (në 3 nga 84 mostra).

IPK-ja në kuadër të Raportit ka dhënë shtatë rekomandime, që kanë të bëjnë me nevojën e nxjerrjes së një udhëzuesi lidhur me përdorimin e pajisjeve për matjen e shpejtësisë së lëvizjes, mbajtjen e një trajnimi shtesë për të pajisur personelin me njohuri të mjaftueshme, ushtrimit të kontrolleve në drejtim të eliminimit të dobësive sa i përket vendosjes së të dhënave në pajisjet e matjes, ushtrimit të kontrolleve në drejtim të eliminimit të praktikave të dëmshme gjatë shqiptimit të gjobave për kundërvajtje, përdorimit efektiv të automjeteve me pajisje inteligjente, monitorimit të procesit të shkarkimit dhe ruajtjes së materialeve të regjistruara nga pajisjet, aplikimit të praktikës së printimit të kundërvajtjeve.

Continue Reading

Lajmet

Një aksident me fatalitet, Policia e Kosovës shqipton mbi 2 mijë e 200 gjoba trafiku brenda 24 orëve të fundit

Published

on

By

Policia e Kosovës ka shqiptuar 2289 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 70 aksidente trafiku me dëme materiale, 35 aksidente trafiku me të lënduar kurse një aksident përfundoi me fatalitet.

Policia e Kosovës ka arrestuar 20 persona, 10 janë dërguar në mbajtje kurse një person është në vuajtje të dënimit.

Continue Reading

Lajmet

Konfiskohen nëntë armë në formë stilolapsi, arrestohet i dyshuari

Published

on

By

Një person është arrestuar pasi të njëjtit i janë gjetur nëntë armë në formë stilolapsi dhe katër fishek.

Policia në Pejë njoftoi se pas informacionit për një përleshje fizike në fshatin Carrabreg-Deçan njësitet policore kanë dalë në vendin e ngjarjes ku edhe i janë gjetur dhe i janë konfiskuar armë të dyshuarit.

Nё koordinim me prokurorin e Shtetit, ёshtё kryer kontroll/bastisje ne shtёpinё e personit tё dyshuar mirёpo nuk ёshtё gjetur diçka e kundёrligjshme.I dyshuari ёshtё arrestuar dhe pas intervistimit nga hetuesit, me urdhёr tё prokurorit tё Shtetit, ёshtё dёrguar nё mbajtje pёr 48- orё“, thuhet në njoftim.

Continue Reading

Të kërkuara