Sport

Të heshtur lojtarët e Juves, vetëm Cuadrado dhe Morata reaguan pas eliminimit

Published

6 years ago

March 11, 2021

Betim Gashi

Pas eliminimit nga Liga e Kampionëve, lojtarët e Juventusit kanë qenë të qetë në rrjetet sociale, pasi vetëm Juan Cuadrado dhe Alvaro Morata kanë reaguar në profilet e tyre.

Zonja e Vjetër fitoi me rezultat 3-2, mirëpo u eliminua për shkak të golave të pranuar, meqë ekipi portugez kishte triumfuar me rezultat 2-1.

Lojtarët kryesore të Bianconerëve nuk u deklaruan për media pas eliminimit zhgënjyes, por as edhe në rrjetet sociale.

Vetëm Cuadrado dhe Morata kanë reaguar në profilet e tyre në rrjetet sociale pas asaj që ndodhi.

“Pikëllim, zhgënjim dhe jokualifikim, por me besim te Zoti që pikëllimi do të shndërrohet në gëzim. Ishte vullneti i Tij. Tash jemi më të bashkuar se kurrë”, ka shkruar kolumbiani në Instagram, derisa ish-bashkëlojtari Miralem Pjanic i ka komentuar: “Qëndro i fortë, vëlla”.

Në anën tjetër, Morata ka postuar një InstaStory me mbishkrimin: “Në të mirë e në të keq, gjithmonë, forca Juve”.

Related Topics:liga e kampioneve juventus Alvaro Morata UBTSPORT Porto Juan Cuadrado Zonja e Vjeter

Up Next

Michael Owen parashikon rezultatin e ndeshjes Manchester United – Milan

Don't Miss

Klopp i çmendur pas yllit të Liverpoolit: O Zot çfarë lojtari, çfarë bishe

Sport

KV Ulpiana triumfon ndaj KV Forcës

Published

19 minutes ago

October 14, 2026

UBTNews

KV Ulpiana ka shënuar fitore ndaj KV Forcës në kuadër të Superligës A në volejboll, duke e mbyllur përballjen me rezultat 3:0 në sete.

Volejbollistët e Ulpianës treguan paraqitje të mirë që nga fillimi i takimit, duke fituar setin e parë me rezultat 25:17.

Ulpiana vazhdoi me ritëm pozitiv edhe në pjesën tjetër të ndeshjes, ndërsa seti i tretë rezultoi më i luftuar, duke u mbyllur me rezultat të ngushtë 25:23.

Me këtë triumf, Ulpiana regjistron një fitore të rëndësishme në Superligën A.

D.L

Sport

KV Ulpiana e nis fuqishëm ndeshjen ndaj KV Forcës, fiton setin e parë

Published

1 hour ago

October 14, 2026

UBTNews

KV Ulpiana ka nisur me rezultat pozitiv përballjen ndaj KV Forcës, në kuadër të Superligës A në volejboll.

Volejbollistët e Ulpianës kanë treguar lojë të mirë në setin e parë, duke e mbyllur atë me rezultat 25:17.

Ndeshja është duke vazhduar, ndërsa Ulpiana synon të ruajë epërsinë dhe të sigurojë fitoren.

D.L

Sport

Baton Zabërgja në formacionin më të mirë të javës në Ukrainë

Published

5 hours ago

October 14, 2026

UBTNews

Futbollisti i Përfaqësueses së Kosovës, Baton Zabërgja, është përfshirë në formacionin më të mirë të javës së tetë në Premier Leaguen e Ukrainës.

Përzgjedhja është bërë të mërkurën nga faqja zyrtare e kampionatit ukrainas, pas paraqitjeve të futbollistëve në ndeshjet e fundit.

25-vjeçari nga Vushtrria ishte ndër lojtarët më të dalluar në fitoren 2-1 të Kharkivit ndaj Odesas në udhëtim, duke kontribuar me një gol.

Sulmuesi kosovar po kalon një formë të shkëlqyer këtë edicion, duke u shndërruar në një nga lojtarët më produktivë të skuadrës së tij.

Në nëntë paraqitje në të gjitha garat, Zabërgja ka realizuar shtatë gola dhe ka kontribuar me katër asistime, duke konfirmuar formën e tij të mirë në futbollin ukrainas.

D.L

Sport

Albian Hajdari pëson një tjetër lëndim, jashtë fushës për disa javë

Published

6 hours ago

October 14, 2026

UBTNews

Mbrojtësi i Përfaqësueses së Kosovës, Albian Hajdari, ka pësuar një tjetër lëndim, duke u detyruar të qëndrojë jashtë fushës për disa javë.

Lajmin e ka konfirmuar klubi gjerman Hoffenheim, i cili ka bërë të ditur se futbollisti kosovar është lënduar gjatë stërvitjes së fundit, në pjesën e poshtme të shputës së këmbës.

Përmes një njoftimi zyrtar, Hoffenheimi ka konfirmuar mungesën e Hajdarit në javët e ardhshme, duke i uruar shërim të shpejtë dhe rikthim të suksesshëm në fushë.

Ky është lëndimi i dytë brenda një periudhe të shkurtër për mbrojtësin kosovar, i cili kishte pasur probleme fizike edhe gjatë grumbullimit me Përfaqësuesen e Kosovës muajin e kaluar.

Ende nuk është bërë e ditur data e saktë e rikthimit të tij në fushë.

D.L