Lajmet

Të gjitha rrugët në Kosovë janë të qarkullueshme

Published

on

Ministria e Infrastrukturës njofton se po vazhdon mirëmbajtja e të gjitha rrugëve dhe autoudhëve.

Sipas njoftimit të MI-së, në rajonin Prishtina 1 dhe 2, të gjitha rrugët e mirëmbajtura nga MI janë të lira për qarkullim, por shkaku i mjegullës së dendur dhe temperaturave nën zero (-0), është aplikuar hedhja e kripës dhe e rërës në rrugët N9 Prishtinë-Mutidovë (segmenti Keqekoll-Mutidovë), N25 QMI-Carralevë (segmenti Shtime-Carralevë) dhe R102 Komoran-Carralevë (segmenti Pjetershticë-Carralevë).

“Edhe rrugët në rajonin e Pejës, që të gjitha janë të kalueshme, duke cekur punimet në sanimin e deformimit në kilometrin e 12-të të rrugës N9 Pejë-Kuçishtë-Bogë. Infrastruktura rrugore e rajonit të Gjilanit është poashtu krejtësisht e lirë për qarkullim, përfshirë pastrimit permanent të disa pjesëve të rrugëve, në ta cilat ka erodime të dheut dhe gurëve. Krejtësisht të lira për qarkullim dhe pa ndonjë intervenim shtesë, janë edhe rrugët në rajonin e Ferizajt”, thuhet më tej në njoftimin e Ministrisë.

Bëhet e ditur se rrugët e rajonit të Gjakovës gjithashtu po mirëmbahen sipas parametrave normale, pa u penguar qarkullimi i lirë i automjeteve.

 “Në drejtimin Prizren-Carralevë të rajonit të Prizreit po intervenohet me kripë. Përndryshe, të gjitha rrugët në këtë rajon janë të lira për qarkullim. Ekipet e mirëmbajtjes dimërore të rrugëve po vazhdojnë aktivitetet e tyre edhe në autoudhët e Kosovës. Në autoudhën A7 Morinë-Gjurgjicë, drejtimi Suharekë-Morinë dhe Suharekë-Gjurgjicë. po aplikohet shpërndarja e kripës, për të parandaluar çfarëdo lloj pengese e cila mund të shkaktohet si pasojë e mjegullës dhe temperaturave nën zero (-0)”, njofton Ministria e Infrastrukturës./UBTNews

Lajmet

Osmani në Sofje, takoi presidentin bullgar dhe mbretin e Jordanisë

Published

on

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

on

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

on

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

on

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara