Lajmet
Të famshmit që shkatërruan karrierën e tyre nga varësia e drogës
Pavarësisht se sa ju bëjnë përshtypje me talentin e tyre, ndonjëherë ju u drejtoheni këtyre individëve me zili për suksesin e tyre. Megjithatë, fama ka një anë të errët.
Varësia nga droga shkatërron jetën, duke ndikuar në marrëdhëniet, karrierën dhe mirëqenien mendore, emocionale dhe fizike të një personi. Askush nuk është i imunizuar nga joshja e këtyre “qetësuesve”. Megjithatë, përdoruesit e famshëm të drogës shpesh zbulojnë se karriera e tyre “ka paguar taksën” e fundit. Nga aktorët e deri tek figurat e tjera të famshme, karriera e këtyre yjeve u shkatërrua nga varësia e drogës.
Që nga koha e Charlie Chaplinit të famshmit e Hollywoodit kanë konsumuar substanca që ndryshojnë mendjen. Por pse personat e famshëm konsumojnë drogë? Teprica e të ardhurave dhe presioni i lartë në punë, kanë ndikuar që ata të kalojnë momente të vështira.
Aktorët që vazhdojnë përdorimin e drogës ndonjëherë e gjejnë veten të bllokuar, pasi regjisorët, studiot dhe aktorët e tjerë nuk dëshirojnë më të punojnë me ta. Edhe të famshmit e tjerë me probleme të drogës kanë shkatërruar karrierën.
Disa prej tyre janë:
- Charlie Sheen
Charlie Sheen ishte një nga yjet më të njohur në Hollywood. Mirëpo sukseset e tij po zbeheshin gjatë viteve 2000, kur atij filluan t’i referoheshin si një nga njerëzit më të famshëm që shkatërroi karrierën nga varësia ndaj drogës. Ai humbi edhe rolin e tij me pagë të majme në serialin “Two and a half man” dhe sipas burimeve, ai ende po përpiqet ta marrë veten nga e gjithë kjo.
- Judy Garland
Ylli i dashur i “Magjistarit të Oz” thuhet se u bë e varur nga pilulat dhe alkooli për të përballuar ngjitjen drejt famës dhe oraret intensive të xhirimeve. Për pjesën më të madhe të jetës së saj, ajo vazhdoi të luftonte me problemet e varësisë së drogës derisa vdiq tragjikisht nga mbidoza e barbiturateve.
- Whitney Houston
Një nga këngëtaret më të njohura të të gjitha kohërave, Whitney Houston, fatkeqësisht kaloi shumë kohë brenda dhe jashtë rehabilitimit, për shkak të varësisë së rëndë ndaj drogës. Vdekja e saj tragjike në vitin 2012 i shkurtoi karrierën e saj të mahnitshme të të kënduarit dhe aktrimit, dhe gjithashtu vuri në pah koston e lartë të abuzimit me substanca narkotike.
- DMX
DMX ishte në zë për betejën e tij ndaj substancave narkotike për vite me radhë. Fansat janë në dijeni për përpjekjet e tij që të ndalonte konsumimin e substancave narkotike, teksa titujt e revistave nganjëherë talleshin me përpjekjet e tij për t’u shëruar. Reperi dhe aktori i talentuar, i cili është vlerësuar si një nga më të mirët që ka prekur mikrofonin ndonjëherë, është ndarë nga jeta këtë vit nga mbidoza.
- Amanda Bynes
Në vitet e 90-ta u cilësua si njëra nga aktoret më të suksesshme. Në moshën 13-vjeçare, ajo kishte serialin e saj. Nga ajo kohë, Bynes shijoi jetën e një aktoreje tipike të re dhe të njohur. Megjithatë, mesa duket, abuzimi me substanca narkotike buronte nga çështje psikologjike që ajo kishte me trupin dhe imazhin e saj publik. Burimet pohojnë se ajo shpenzoi miliona në barna dhe forma të tjera të vetë-mjekimit.
- Britney Spears
Njihet si këngëtarja më e suksesshme e viteve 2000, me hite të shumta që dëgjohen sot e kësaj dite. Por shumë e kujtojnë “rënien” e këngëtares Britney në vitin 2007. Ishte raportuar se gjerësisht sjellja e saj e çrregullt dhe pamja jo e shëndetshme ishte shkaktuar nga abuzimi i substancave. Ajo filloi të shërohej, megjithatë ende nuk mund të ketë kontroll mbi pasuritë e saj, pasi që atë të drejtë e ka marrë babai i saj që nga koha kur ishte e varur nga droga.
Këto histori të njerëzve të famshëm mbi drogën janë shembuj pikëllues se si varësia ndaj drogës mund të “vjedhë” potencialin edhe të njerëzve më të talentuar. Sidoqoftë, shërimi është i mundur, dhe nuk keni pse të përballeni vetëm me të./UBTNews
(Arjeta Ibishi, studente në Media dhe Komunikim në UBT)
Lajmet
Gjobitja e investitorit për shembjen e rrugës në kryeqytet: Përparim Rama kërkon edhe heqjen e licencave
Kryetari i Prishtinës, Përparim Rama, ka bërë të ditur se janë ndërmarrë masa ndëshkimore ndaj përgjegjësve për shkatërrimin e rrugës “Don Shtjefën Kurti”.
Sipas të parit të komunës, investitori ka shpërfillur urdhrin paraprak për mbylljen e gropës në sektorët 4 dhe 5, çka ka çuar në shqiptimin e gjobave të majme.
Për këtë shkelje, kompania investuese është ndëshkuar me 30 mijë euro, ndërsa personi përgjegjës ligjor me 3 mijë euro të tjera. Përveç sanksioneve financiare, Rama ka kërkuar masa edhe ndaj stafit teknik që ka mbikëqyrur punimet.
“Deri më sot nuk janë prezantuar vendimet e inxhinierëve mbikëqyrës, prandaj kërkojmë nga Oda e Inxhinierëve të Republikës së Kosovës, inicimin e procedurave për tërheqjen e licencave të inxhinierëve mbikëqyrës”, ka deklaruar Rama.
Kryetari theksoi se mungesa e raporteve dhe vendimeve nga inxhinierët mbikëqyrës është e papranueshme, duke insistuar që Oda e Inxhinierëve të reagojë menjëherë për të sanksionuar profesionalisht ata që lejuan këtë dëmtim të infrastrukturës publike.
Stefano Gabbana largohet nga drejtimi i Dolce & Gabbana
Dardanet U19 gati për sfidat kualifikuese në Evropian
Ngushtica e bllokuar dhe fronti i Libanit rrezikojnë armëpushimin SHBA-Iran
Spalletti zgjat qëndrimin te Juventusi deri më 2028, e ardhmja e Zhegrovës në dyshim
Ndërron jetë Afrika Bambaataa, një nga themeluesit e hip-hopit, në moshën 68-vjeçare
Ralph Fiennes: “Do të doja të rikthehesha si Voldemort, por ajo kohë ka kaluar”
Baldini merr drejtimin e përkohshëm të Italisë pas dorëheqjes së Gattusos
Mbrëmje klasike në Prishtinë: Filharmonia e Kosovës ngjitet në skenë më 17 prill
Koncert solemn në Prishtinë për Shën Nënë Terezën dhe Kardinalin Ernest Simoni
-
Lajmet2 months agoUBT nderon Familjen Jashari me Dekoratën Jetësore të Nderit
-
Lajmet3 months agoProfesori i UBT-së, Kujtim Thaçi publikon artikull shkencor në revistën prestigjioze Frontiers in Immunology
-
Lajmet3 months agoStudentët e UBT-së në vizitë studimore në Presidencën e Republikës së Kosovës
-
Lajmet3 months agoProfesori i UBT-së, Naser Rugova, publikon studim shkencor mbi digjitalizimin e sistemit shëndetësor në Kosovë