Kronikë e zezë

Të arrestuarit për tentim-grabitjen në një argjendari në Prizren, Shala tregon si ndodhi e gjithë ngjarja

Të dy të plagosurit janë jashtë rrezikut për jetë.

Published

5 years ago

on

Tre persona të dyshuar janë arrestuar për tentim-grabitjen që ndodhi në një argjendari në Prizren, ku edhe mbetën të plagosur pronari bashkë me të birin. Të dy të plagosurit janë jashtë rrezikut për jetë. Kështu ka bërë të ditur në një konferencë për medie, kryeprokurori i Prokurorisë Themelore të Prizrenit, Admir Shala.

Shala ka treguar se tre të dyshuarit kanë qenë të armatosur me armë të gjata, ndërsa tre të ndaluarit siç thonë nga policia kanë të kaluar kriminale. Megjithëse ai tha se ende nuk mund të jepen motivet apo qëllimin e të dyshuarave.

“Ka qenë një tentim grabitje ku kanë marrë pjesë tre të dyshuar të cilët kanë qenë të armatosur me armë të gjata dhe të cilët kanë tentuar të bëjnë grabitje në një lokal të argjendarisë, mirëpo nuk kanë arritur për arsye se kanë hasur në rezistencë nga pronarët e lokalit, ku gjatë përleshjes mes tyre ka ardhur edhe deri tek shkrepja e armëve të zjarrit, ku si pasojë kanë të lënduar pronari dhe djali i tij të cilët janë jashtë rrezikut për jetë dhe janë duke u trajtuar në Spitalin Regjional të Prizrenit dhe në QKUK”, ka treguar Shala.

Shala ka treguar se si ndodhi e gjithë ngjarja, derisa ka shtuar edhe se ka kërkuar masën e paraburgimit për të dyshuarit.

“Të dyshuarit gjatë arratisjes kanë arritur që ta lënë veturën e tyre për arsye të panjohura dhe ta ndalin një veturë e cila ishte në qarkullim në ato momente dhe me forcë e detyrojnë shoferin e automjetit të largohen dhe më të njëjtin shkojnë në drejtim të lagjes Jaglanicë deri tek një pompë e benzinës, marrin benzinën dhe e kallin veturën me të cilën kishin ardhur ne Prizren, të njëjtit largohen në drejtim të Suharekës ku policia i është vënë në ndjekjeje dh gjatë ballafaqimit të një patrolle të stacioni policor në Suharekë me grabitësit ka pas edhe shkrepje me armë, pra të njëjtit kanë arritur të larohen në drejtim të autostradës. Policia nga ajo natë bashkë me prokurorinë e shtetit kanë siguruar të gjitha provat materiale nga vendi i ngjarjes si dhe ka bërë të gjitha përpjekjet maksimale duke punuar ditë e natë për të bërë identifikimin t ë dyshuarve dhe gjatë sigurimit të provave materiale kemi arritur të bëjmë identifikimin e disa personave të dyshuar dhe për momentin janë tre persona të arrestuar dy janë arrestuar sot dhe një tjetër mbrëmë. Për momentin Prokuroria Themelore në Prizren ka kërkuar që të caktohet masa e paraburgimit. Ne i sigurojmë qytetarët që jemi duke bërë përpjekje maksimale për ta zbardhur rastin”, tregoi Shala.

Drejtori i Policisë në Prizren, Faton Aliu tregoi se të dyshuarit kanë qenë edhe më parë në burg.

“Tre të dyshuarit dhe të ndaluarit janë nga rajoni i Prishtinës, të cilët në bazë të verifikimit dhe bazës së të dhënave që posedon Policia e Kosovës ata kanë të kaluar kriminale madje kanë të kaluar kriminale edhe për raste të cilët akuzohen dhe janë të ndaluar sot. Kanë qenë në burg dhe janë me precedentë kriminal dhe për momentin janë të ndaluar”, tregoi Aliu. 

Related Topics:
Continue Reading

Lajmet

Tre persona arrestohen për një rast të vjedhjes së rëndë në Mitrovicë

Published

1 day ago

on

September 11, 2026

By

Policia e Kosovës ka arrestuar tre persona të dyshuar për një rast të vjedhjes së rëndë në Mitrovicë.

Sipas raportit policor, më 10 shtator janë kontrolluar pesë shtëpi të personave të dyshuar në rrugën “Shala e Bajgorës”, ku janë gjetur dhe konfiskuar disa dëshmi që ndërlidhen me rastin.

Tre të dyshuarit janë arrestuar dhe, pas intervistimit, me vendim të prokurorit janë dërguar në mbajtje.

Rasti po trajtohet nga organet kompetente./A.K/

Continue Reading

Lajmet

Katër raste me narkotikë në Prishtinë, konfiskohen mbi 300 gramë marihuanë dhe kokainë

Published

1 day ago

on

September 11, 2026

By

Katër raste të lidhura me posedim të paautorizuar të substancave narkotike janë raportuar më 9 dhe 10 shtator në Prishtinë, sipas raportit të Policisë së Kosovës.

Në rrugën “Abdyl Frashëri”, gjatë kontrollit të dy personave që ndodheshin në një motoçikletë, policia ka gjetur dhe konfiskuar 11.99 gramë marihuanë, 0.93 gramë kokainë dhe një telefon. Pas intervistimit, njëri nga të dyshuarit është arrestuar dhe dërguar në mbajtje me vendim të prokurorit.

Në rrugën “Hekurudha”, gjatë kontrollit të një personi dhe automjetit të tij, janë gjetur 52.29 gramë marihuanë. I dyshuari është intervistuar dhe më pas është liruar në procedurë të rregullt.

Ndërkaq, në rrugën “Ramë Govori”, gjatë kontrollit në shtëpinë e një të dyshuari, policia ka konfiskuar 19 fishekë, substancë të dyshuar narkotike të llojit marihuanë, tri peshore digjitale, një telefon, para të gatshme dhe një pako me qese të vogla të zbrazura. Sipas raportit policor, sasia e marihuanës është raportuar në 252 gramë. I dyshuari është liruar në procedurë të rregullt me vendim të prokurorit.

Në rrugën “Holger Petersen”, gjatë kontrollit në shtëpinë e një shtetasi të huaj, është gjetur dhe konfiskuar 3.95 gramë marihuanë. I dyshuari është arrestuar dhe është dërguar në mbajtje me vendim të prokurorit.

Rastet janë duke u trajtuar nga organet kompetente./A.K/

Continue Reading

Lajmet

Tre raste me armë raportohen në Prishtinë, konfiskohen armë dhe municion

Published

1 day ago

on

September 11, 2026

By

Tre raste të ndryshme që lidhen me armë zjarri janë raportuar më 10 shtator në Prishtinë, sipas raportit të Policisë së Kosovës.

Në një rast, pas informatave të pranuara, policia ka kontrolluar tri lokacione që u përkasin tre të dyshuarve meshkuj kosovarë. Gjatë kontrolleve janë gjetur dhe konfiskuar një armë zjarri, municion i kalibrave të ndryshëm dhe një sasi e substancës së dyshuar narkotike. Me vendim të prokurorit, dy të dyshuar janë arrestuar dhe dërguar në mbajtje.

Ndërkaq, në rrugën “Muharrem Fejza”, pas disa të shtënave me armë zjarri, policia ka gjetur dhe konfiskuar dy gëzhoja, ndërsa nga një i dyshuar është konfiskuar një pistoletë. Gjatë përleshjes fizike, lëndime trupore ka pësuar një person. I dyshuari është arrestuar dhe dërguar në mbajtje me vendim të prokurorit.

Në rrugën “Qazim Pllana”, një i dyshuar dyshohet se ka shtënë me armë zjarri në ajër nga një motoçikletë në lëvizje dhe më pas është larguar në drejtim të panjohur. Në vendin e ngjarjes janë gjetur dhe konfiskuar katër gëzhoja, ndërsa rasti është duke u hetuar./A.K/

Continue Reading

Lajmet

Gjashtë raste të dhunës në familje raportohen në Kosovë

Published

1 day ago

on

September 11, 2026

By

Gjashtë raste të dhunës në familje janë raportuar më 10 shtator në Prishtinë, Fushë Kosovë, Graçanicë, Malishevë, Gjakovë dhe Mitrovicë të Jugut, sipas raportit të Policisë së Kosovës.

Në Prishtinë, një burrë kosovar është arrestuar nën dyshimin se ka ushtruar dhunë fizike dhe psikike ndaj një gruaje. Pas intervistimit të palëve, viktima, me pëlqimin e saj dhe me vendim të prokurorit, është dërguar në strehimore, ndërsa i dyshuari është liruar në procedurë të rregullt.

Në Fushë Kosovë janë raportuar dy raste. Në njërin rast, një burrë dyshohet se ka ushtruar dhunë fizike ndaj një gruaje, ndërsa rasti po hetohet në procedurë të rregullt. Në rastin tjetër, dy burra janë rrahur mes vete pas një mosmarrëveshjeje dhe kanë pësuar lëndime trupore. Të dy kanë marrë tretman mjekësor në QKUK dhe më pas janë arrestuar e dërguar në mbajtje.

Në Graçanicë, një grua dyshohet se ka ushtruar dhunë ndaj një gruaje tjetër, e cila ka pranuar tretman mjekësor dhe më pas është dërguar në strehimore. Rasti është duke u hetuar.

Në Malishevë, një grua dyshohet se ka ushtruar dhunë fizike ndaj një gruaje tjetër, e cila ka marrë tretman mjekësor. E dyshuara është arrestuar dhe më pas, me urdhër të prokurorit kujdestar, është liruar në procedurë të rregullt.

Në Gjakovë, një burrë dyshohet se ka ushtruar dhunë ndaj një burri tjetër. Gjatë kontrollit në shtëpinë e të dyshuarit, policia ka gjetur dhe konfiskuar një armë automatike AK-47 me tre karikatorë, një pistoletë, 45 fishekë dhe një boks të hekurit. I dyshuari është arrestuar dhe është dërguar në mbajtje me vendim të prokurorit.

Ndërkaq, në Mitrovicën e Jugut, një burrë dyshohet se ka ushtruar dhunë fizike dhe psikike ndaj një gruaje. I dyshuari ndodhet në kërkim policor, ndërsa rasti është në procedurë hetimore.

Sipas Policisë së Kosovës, rastet vazhdojnë të trajtohen nga organet kompetente./A.K/

Continue Reading

Të kërkuara