Lajmet

Tasholli: Dhuna e policëve s’arsyetohet, vazhdimisht trajtohen se kur mund të përdoret forca

Published

4 years ago

February 10, 2021

Betim Gashi

Kohëve të fundit janë raportuar raste të shumta ku policët kanë ushtruar dhunë ndaj qytetarëve. Me këto raste nuk po pajtohet Shaban Tasholli, nënkryetar i Sindikatës së Policisë së Kosovës.

Tasholli në një intervistë për Ekonomia Online, ka thënë se pavarësisht çfarë vepre penale kryen qytetari në momentin kur ai dorëzohet në stacionin policor nuk mund të keqtrajtohet nga zyrtarët policorë.

“E kam parë atë skenë dhe ne jemi në mbrojtje të qytetarëve 24 orë, ai rast që e ka përdorë ai koleg e kanë gjykuar të gjitha instancat dhe është e papranueshme dhe duhet të merren masa ndaj tyre pavarësisht cilën shkalle e ka keqpërdorur. Pavarësisht veprës që e bënë qytetari kur dorëzohet në stacion më polici nuk ka të drejtë të shtron dhunë ndaj tij apo të vetëmbrohet. Po është i suspenduar sipas standardeve që i kemi ne edhe gjyqi është duke u marr me të”, deklaroi ai.

Mes tjerash ai ka shtuar se policët vazhdimisht trajnohen se si duhet të sillen me qytetarët dhe në cilat raste mund të përdoret forca.

“Së pari trajnimet që i bëjnë policët prej ditës së parë dhe ata e dinë saktë se ku mund ta përdorin forcën dhe çdo tejkalim i autorizimit zyrtar pavarësisht mënyrën kohën dhe vendin atëherë do të dënohen nga të gjitha organet tona. Ftojë qytetarët se nëse kanë asi raste ku polici kalon autorizimin zyrtar të denoncohen dhe të lajmërohen për sjelljen e policit ndaj atij qytetari. Por çka është evidente te ne është se ka një disiplinë të brendshme polici inspektohet nga shefi i ndërrimit, pastaj vjen drejtori dhe është inspektimi i brendshëm, janë standardet është inspektorati dhe të gjithë këto me rend e përcjellin policin për punën e tij të bërë”, ka thënë ai.

Mirëpo, ai ka përmendur raste ku polici është vetëmbrojtje, por i që i njëjti është dënuar. Ai më tej ka sqaruar se 12 zyrtarë policorë kanë vdekur si pasojë e infektimit me koronavirus.

“Kemi raste kur polici e përdor armën në vetëmbrojtje apo në mbrojtje të institucionit edhe aq merren masa ndaj tij që nuk mundesh me marr me mend, prapë polici ka hyrë në burg duke e mbrojtur kolegun e punës, dhe ai person që ka dal prej burgut kur në Kosovë nuk ka jetuar më. Polici nuk ka mbështetje aspak. Betejën e kanë humbur 12 policë nga Covidi, ndërsa të infektuar kemi afro 500. Tani orari është 8 orësh”, deklaroi ai.

Ndërsa sa i përket shtesave për policët, Tasholli thotë se ndaj tyre është bërë padrejtësi pasi që ata kanë kërkuar trajtim të barabartë si mjekët dhe mësimdhënësit.

“Sa i përket shtesave vërtet është bërë një padrejtësi ndaj policisë, kjo bisedë ka qenë me kryeministrin edhe me ministren e Financave, sepse në takimin që e kemi pasur ne kemi rënë dakord që të paguhemi si shëndetësia dhe ne kemi ndarje 1.6 milion ku paguhen 4 mijë policë, por tani edhe arsimin e përfshijnë në pako kur ne e dimë se si punon arsimi, ndërsa policët nuk kanë pasur 7 muaj pushim dhe nuk na japin përgjigje as kryeministri as ministrja e financave dhe as ministri i punëve të brendshme, dhe ne kemi paralajmëruar protesta mirëpo në këtë situatë që jemi tani nuk mundemi. Pakënaqësia jonë po mbetet në ajër ku nuk ka përgjegjësi nga shteti jonë. Ne kemi kërkuar shtesa prej 100 euro, kemi kërkuar 100 euro të paguhet krejt policia e Kosovës. Në bazë të asaj që po shihet fare, sepse tani janë zgjedhjet”, shtoi ai.

Bota

Singapori var trafikantin e drogës, ekzekutimi i tretë i tillë brenda një jave

Published

1 min ago

November 22, 2024

UBT NEWS

Më 22 nëntor 2024, Singapori ka kryer varjen e tretë të një trafikanti droge brenda një jave, duke theksuar përdorimin e dënimit me vdekje për krimet e lidhura me drogën. Rosman Abdullah, një qytetar 55-vjeçar nga Singapori, u ekzekutua për trafikimin e 57,43 gram heroina. Ekzekutimi u realizua në burgun Changi, pas një procesi të rregullt ligjor, ku Rosman ishte përfaqësuar nga këshilltarë ligjorë.

Ekspertët e Kombeve të Bashkuara dhe organizata të tilla si Amnesty International kritikuan ekzekutimin, duke theksuar shqetësime për paaftësinë intelektuale të Rosmanit dhe mungesën e ndihmës së nevojshme gjatë procesit të tij gjyqësor. Ata gjithashtu argumentuan se dënimi me vdekje nuk ka efektivitet në parandalimin e krimit dhe kërkuan që ekzekutimi të ndalohej.

Singapori, një qytet-shtet i njohur për ndjekjen e politikave strikte kundër drogës, është një nga vendet e pakta që përdorin dënimin me vdekje për krimet e drogës. Ligjet e vendit parashikojnë dënimin me vdekje për trafikimin e më shumë se 15 gram heroina, ndërkohë që qeveria mbështet këtë masë duke e cilësuar atë si një mjet parandalues për të mbrojtur shoqërinë nga abuzimi me drogën./Al Jazeera./

Bota

Biden: Vendimi i ICC për arrestimin e Netanyahu dhe Gallant është skandaloz

Published

4 mins ago

November 22, 2024

UBT NEWS

Presidenti amerikan Joe Biden ka reaguar ashpër ndaj urdhër-arrestimeve të lëshuara nga Gjykata Ndërkombëtare Penale (ICC) kundër kryeministrit izraelit Benjamin Netanyahu dhe ish-ministrit të mbrojtjes Yoav Gallant, për krime lufte të dyshuara në lidhje me konfliktin në Rripin e Gazës.

Vendimi i ICC-së, i miratuar nga një dhomë paragjyqësore në Hagë, erdhi pas kërkesës së kryeprokurorit të Gjykatës Ndërkombëtare, Karim Khan, në maj të këtij viti. Urdhër-arrestet përfshijnë Netanyahu dhe Gallantin, të cilët akuzohen për pjesëmarrje në veprime që kanë shkaktuar shkatërrim dhe vuajtje të mëdha në Gazë gjatë operacioneve ushtarake izraelite.

Në një deklaratë të lëshuar të enjten në mbrëmje, Biden e quajti këtë masë “skandaloze” dhe e kritikoi ashpër vendimin e ICC-së, duke theksuar se nuk kishte asnjë ekuivalencë mes Izraelit dhe Hamasit.

“Më lejoni të jem i qartë edhe një herë: Çfarëdo që mund të nënkuptojë ICC, nuk ka asnjë ekuivalencë, asnjë, midis Izraelit dhe Hamasit”, theksoi Biden, duke u angazhuar për mbështetje të pandërprerë për shtetin izraelit.

Biden shtoi gjithashtu se Shtetet e Bashkuara do të qëndrojnë gjithmonë pranë Izraelit dhe do të mbrojnë sigurinë e tij kundër çdo kërcënimi.

Ky reagim i Presidentit Biden pason tensionet e vazhdueshme ndërkombëtare lidhur me luftën në Gazë, ku vazhdon të kritikohet përdorimi i forcës nga Izraeli, ndërkohë që shumë vende dhe organizata ndërkombëtare kanë kërkuar hetime për mundësinë e krimeve të mundshme të luftës./UBTNews/

Lajmet

Kamberi ka përshëndetur ndarjen e fondit për Luginën nga buxheti i Kosovës

Published

12 mins ago

November 22, 2024

UBTnews

Deputeti shqiptar në Kuvendin e Serbisë, Shaip Kamberi ka përshëndetur ndarjen e 4 milion euro për Luginën nga Qeveria e Kosovës.

Kamberi tha se kjo ndarje buxhetore përkthehet në mbështetje konkrete dhe të prekshme për shqiptarët e Luginës.

“Parlamenti i Republikës së Kosovës ka marrë një vendim me peshë jetike për Luginën e Preshevës, një fond prej 4 milionë euro për vitin 2025, që përkthehet në mbështetje konkrete dhe të prekshme për shqiptarët e Luginës. Pas aprovimit në Qeveri e tashmë miratimi në lexim të dytë të Parlamentit për këtë fond nuk është thjesht një numër në letër. Është një mesazh i qartë dhe i fortë nga Kosova se shqiptarët e Luginës nuk janë dhe nuk do të jenë kurrë vetëm”, ka shkruar Kamberi.

Kamberi tha se këto mjete do të shkojnë aty ku preken përditë zemrat e njerëzve.

“Në arsim, për t’i dhënë fëmijëve tanë një dritare më të gjerë drejt së ardhmes; në kulturë, për të ruajtur dhe promovuar vlerat tona kombëtare; në sport, për të rritur shpresën dhe energjinë pozitive të rinisë; dhe në sektorë kyç që përmirësojnë jetesën e përditshme. Ky është një hap që shkon përtej politikës, përtej fjalëve, drejt veprës së mirëfilltë në shërbim të shqiptarëve dhe ruajtjes së identitetit kombëtar në këto troje”, tha ai.

Kamberi tha se Lugina është krenaria e përbashkët edhe më e fuqishme me Kosovën në këtë situatë të rëndë që sipas tij po u imponohet nga diskriminimi shtetërorë.

Të enjten, Kuvendi i Kosovës ka miratuar në lexim të dytë Projektligjin për ndarjet buxhetore për 2025, i cili kap shifrën 3.6 miliardë euro.

Pro buxhetit në lexim të dytë votuan 61 deputetë nga mazhoranca, ndërsa opozita nuk ishte e pranishme në sallë.

Lajmet

Komisioni për të Drejtat e Njeriut takohet sot me gratë greviste

Published

15 mins ago

November 22, 2024

UBTnews

Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione sot do ta mbajnë mbledhjen në ora 11:00.

Sipas njoftimit të Kuvendit, ko mbledhje do të vijoj vetëm me një pikë të rendit të ditës, ku anëtarët e këtij komisioni do të zhvillojnë takim me gratë greviste – punëtore teknike në Kuvendin e Kosovës.

Ndryshe punëtoret teknike të Kuvendit të Kosovës, të cilat kanë mbajtur grevë për tre muaj me kërkesën për rritjen e pagave dhe kushte më të mira pune, janë përballur me zëvendësim të menjëhershëm nga punëdhënësi.

Punëtoret teknike të cilat ishin rrëfyer për KosovaPress kanë thënë se kompania nuk i ka informuar ende punëtorët se a do u vazhdohet kontrata e punës, duke shtuar se nuk po u lejohet as në oborr të Kuvendit të qëndrojnë.

Punëtoret teknike të Kuvendit të Kosovës kanë kërkuar tash e tre muaj që të rriten pagat nga 275 euro në 550 euro.