Lajmet

Talibanët urdhërojnë mbylljen e shkollave për vajzat, vetëm disa orë pas hapjes

“Po, është e vërtetë”, tha zëdhënësi i talibanëve.

Published

4 years ago

March 23, 2022

UBT news

Sapo shkollat fillore dhe të mesme të larta për vajzat në Afganistan u hapën për një vit të ri akademik, talibanët urdhëruan mbylljen e tyre.

Një ekip televiziv po filmonte një mësim në një klasë në shkollën e mesme për vajza në Zarghona të Kabulit të mërkurën në mëngjes kur një mësues hyri dhe i urdhëroi nxënëset të shkonin në shtëpi.

Këto të fundit, të cilat po gëzoheshin për kthimin e tyre në shkollë për herë të parë që kur talibanët morën pushtetin gushtin e kaluar, mbyllën librat, paketuan gjërat dhe u larguan nga klasa të përlotura.

“Po, është e vërtetë”, tha zëdhënësi i talibanëve, Inamullah Samangani për AFP pa komentuar më tutje, duke konfirmuar raportet se vajzave në të gjithë vendin u ishte kërkuar të ktheheshin në shtëpi.

Asnjë zyrtar taliban nuk u arrit menjëherë për të shpjeguar arsyen e këtij vendimi.

“Ne nuk kemi të drejtë të komentojmë”, tha thjesht zëdhënësi i ministrisë së arsimit, Ahmad Aziz Rayan.

“Pashë nxënëset e mija të qanin dhe hezitonin të largoheshin nga klasa. Është shumë e dhimbshme të shohësh nxënësit e tu duke qarë”, tha Palwasha, një mësuese në shkollën e vajzave Omara Khan të kryeqytetit.

Deborah Lyons, Përfaqësuesja Speciale e OKB-së për Afganistanin, i ka përshkruar raportet për mbylljen e shkollave si “shqetësuese”.

“Nëse është e vërtetë, cila mund të jetë arsyeja?” pyeti ajo në Twitter.

Komuniteti ndërkombëtar e ka bërë të drejtën për arsimim për të gjithë, një pengesë në negociatat për ndihmën dhe njohjen e regjimit taliban.

“Ne nuk po i hapim shkollat për të kënaqur komunitetin ndërkombëtar, as për të fituar njohjen nga bota”, tha zëdhënësi Aziz Ahmad Rayan për AFP.

“Ne e bëjmë këtë si pjesë të përgjegjësisë sonë për të ofruar arsimim dhe mjedise arsimore për studentët tanë”, shtoi ai.

Talibanët kishin këmbëngulur se donin kohë për të siguruar që vajzat e moshës 12 deri në 19 vjeç do të mbaheshin të ndara nga djemtë dhe se shkollat do të funksiononin “sipas parimeve islame”.

Në prani të talibanëve, vajzat e intervistuara nga agjencia e lajmeve AFP kur shkollat u hapën thanë se ishin “të lumtura” që u kthyen në klasë dhe madje falënderuan talibanët.

Rreth orës 07:00, qindra studentë nxituan drejt hyrjes së shkollës së mesme për vajza në Zarghona, një nga institucionet më të mëdha të këtij lloji në kryeqytet.

“Kur mbërrita, pashë se dyert e shkollës të hapura dhe se të gjithë nxënësit po vinin, kjo më gëzoi shumë dhe më pas erdha të përshëndes mësuesit e mi”, tha Sadaf, një nxënëse 16-vjeçar në këtë shkollë të mesme.

“Ne menduam se mund të mos kemi ndonjë përparim për të ardhmen tonë. Për tetë muajt e fundit, ne kemi qenë në shtëpi dhe jemi përpjekur të studiojmë librat tanë. Shpresoj që me Emiratin Islamik (emri i regjimit taliban), mund të ketë më shumë zhvillim”, tha adoleshentja që dëshiron të bëhet mjeke.

Shkollat në provincat e tjera ishin hapur gjithashtu në mëngjes, si në Panchir (Verilindore), Kunduz (Veri) ose Herat (jugperëndim), përpara se të mbyllnin dyert./UBTNews/

Rajoni

Rektori Hajrizi viziton UniMarconi në Romë

Published

15 hours ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Lajmet

Bellingham dhe Foden rikthehen në kombëtaren e Anglisë

Published

1 day ago

November 7, 2025

UBT News

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Sport

Vdes në moshën 24 vjeçare lojtari i Cowboys, Marshawn Kneeland

Published

1 day ago

November 7, 2025

UBT News

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

Rajoni

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

1 day ago

November 7, 2025

Driton Iseni

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.