Lajmet

Talibanët: Gruaja e humb vlerën nëse burrat ia shohin fytyrën në publik

Sipas tij, studiuesit fetarë në Afganistan pajtohen se një grua duhet ta mbajë mbulesën kur të dalë jashtë shtëpisë.

Published

3 years ago

on

Gratë e humbin vlerën nëse burrat mund t’ua shohin fytyrat e pambuluara në publik, ka thënë zëdhënësi i Ministrisë së talibanëve për Vesin dhe Virtytin, Molvi Mohammad Sadiq Akif.

Sipas tij, studiuesit fetarë në Afganistan pajtohen se një grua duhet ta mbajë mbulesën kur të dalë jashtë shtëpisë.

Talibanët, të cilët e kanë marrë pushtetin në gusht të vitit 2021, kanë thënë se gratë janë fajtore pse u është ndaluar qasja në hapësira publike, sepse ato kanë dështuar që ta respektojnë siç duhet vendimin për vendosje të hixhabit.

Akif ka thënë të enjten për agjencinë e lajmeve Associated Press se, nëse fytyra e grave shfaqet në publik, ekziston mundësia e mëkatit.

“Është shumë keq të shohësh një grua pa hixhab dhe shkencëtarët fetarë, po ashtu, pajtohen që fytyra e gruas duhet të jetë e mbuluar”, ka thënë Akif.

“Nuk do të thotë se fytyra e tyre do të dëmtohet. Gruaja e ka vlerën e vet dhe ajo vlerë ulet kur burrat e shikojnë”.

Tim Winter, i cili është ligjërues për çështje fetare në Universitetin Cambridge, ka thënë se nuk ekziston asnjë obligim me shkrim në Islam për mbulesën në fytyrë.

Sipas tij, talibanët do ta kenë të vështirë që të gjejnë diçka në shkresat fetare që e mbështet interpretimin e tyre për hixhabin.

“Emri i tyre tregon se ata nuk janë ekspertë të lartë të fesë”, ka thënë ai për AP-në.

“Emri taliban do të thotë student”.

Kufizimet që u kanë vënë talibanët vajzave dhe grave në Afganistan kanë nxitur zemërim global, përfshirë edhe nga disa vende me shumicë myslimane.

Talibanët kanë thënë se raportimet për trajtimin e grave në Afganistan janë propagandë e organizatave ndërkombëtare.

Ata kanë thënë se i kanë forcuar të drejtat e grave, në linjë me parimet e Islamit./REL

Related Topics:
Continue Reading

Vendi

Mbi 100 gramë kokainë dhe marihuanë kapen në Vërmicë

Published

17 hours ago

on

June 19, 2026

By

Dogana e Kosovës, në bashkëpunim me Policinë e Kosovës, ka zbuluar dy raste të substancave narkotike gjatë kontrolleve në Pikën Kufitare të Vërmicës.

Në rastin e parë, gjatë kontrollit të një automjeti që po hynte në Kosovë, janë gjetur 104.90 gramë substancë e dyshuar si kokainë, e fshehur në çantën personale të një udhëtari.

Ndërkaq, në rastin e dytë janë zbuluar 5.53 gramë substancë e dyshuar si marihuanë, e fshehur në bagazhin e një automjeti. Gjatë kontrollit është gjetur edhe një thikë kuzhine e padeklaruar.

Rastet janë proceduar për hetime të mëtejshme nga autoritetet kompetente.

/A.K/

Continue Reading

Vendi

Mbyten dy vajza të mitura në Tale

Published

18 hours ago

on

June 19, 2026

By

Një ngjarje e rëndë ka ndodhur mesditën e sotme në plazhin e Tales, ku dy vajza të mitura, të moshës 11 dhe 9 vjeçe, janë mbytur në det.

Sipas njoftimit zyrtar të Policisë, tragjedia ka ndodhur rreth orës 12:50. Pas marrjes së informatës, zyrtarët policorë kanë dalë menjëherë në vendngjarje dhe, në bashkëpunim të ngushtë me pushuesit e tjerë, kanë bërë të mundur gjetjen dhe nxjerrjen e trupave të pajetë në breg.

“Në bashkëpunim me pushuesit, është bërë e mundur gjetja dhe nxjerrja e trupave të pajetë në breg“, thuhet në njoftimin e policisë.  /E.A/

Continue Reading

Vendi

Dyshime për cilësinë: Bllokohen mbi 1 mijë e 400 infuzione në Spitalin e Mitrovicës

Published

19 hours ago

on

June 19, 2026

By

Shërbimi Spitalor Klinik dhe Universitar i Kosovës (ShSKUK) ka njoftuar se ka bllokuar përkohësisht 1,432 njësi të një produkti mjekësor në Spitalin Rajonal “Sami Haxhibeqiri” në Mitrovicë, pas dyshimeve se ai mund të mos jetë brenda specifikave të kërkuara të cilësisë.

Bëhet fjalë për infuzionet e llojit Compound Sodium Lactate (500 ml). Alarmi u ngrit fillimisht nga farmacistja përgjegjëse e spitalit, gjë që vuri në lëvizje Inspektoratin Farmaceutik dhe Agjencinë e Kosovës për Produkte dhe Pajisje Medicinale (AKPPM).

Pas një inspektimi të dytë të kryer më 17 qershor, autoritetet urdhëruan bllokimin e menjëhershëm të këtij kontingjenti deri në pranimin e rezultateve nga analizat laboratorike. ShSKUK ka njoftuar opinionin publik se ky është një masë parandaluese dhe se mbetet e përkushtuar për të garantuar sigurinë e plotë të pacientëve dhe cilësinë e barnave nëpër spitalet publike. /E.A/

Continue Reading

Lajmet

KQZ gati për rezultatet përfundimtare: Përfundon rinumërimi i 185 vendvotimeve

Published

21 hours ago

on

June 19, 2026

By

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/

Continue Reading

Të kërkuara