Lajmet

Taksat e turizmit, edhe në këto shtete duhet të paguani për të hyrë që nga viti 2023

Disa vende të njohura po planifikojnë që nga viti 2023 të nisin së zbatuari taksa të turizmit.

Published

3 years ago

on

Numri i vizitorëve ka rënë qysh në nivelet para pandemisë këtë vit, duke i shqetësuar pikat turistike që humbën pas kufizimeve dhe mbylljeve si pasojë e COVID-19. Por ka edhe të atilla që janë të shqetësuara tashmë se problemet e mbiturizmit mund të kthehen. Si rezultat, këto vende i janë rikthyer zbatimit të taksës së turizmit në vitin 2022, ndërsa disa të tjera kanë plane që kjo të nisë së zbatuari vitin e ardhshëm.

Megjithatë ka edhe vende të tjera që tashmë kanë vendosur taksa turizmi, dhe nëse keni udhëtuar drejt atyre shteteve, ju mbase keni paguar diçka të tillë. Mund të mos e keni vënë re kurrë, pasi kjo llogaritet bashkë me biletat e linjës ajrore ose taksat që paguani në hotelin ku ju qëndroni.

Valencia do të vendosë një taksë turistike në vitin 2023

Valencia ka njoftuar se do të vendosë një taksë turistike për udhëtarët që qëndrojnë në të gjitha llojet e akomodimit në rajon, duke përfshirë hotelet, bujtinat, apartamentet dhe kampingjet. Taksa do të hyjë në fuqi në fund të vitit 2023 ose në fillim të vitit 2024.

Vizitorët do të duhet të paguajnë midis 50 cent dhe 2 € për natë në varësi të akomodimit të zgjedhur, deri në shtatë netë.

Autoritetet thonë se tarifa do të shkojë për zhvillimin e qëndrueshëm të sektorit të turizmit në rajon. Të ardhurat do të përdoren gjithashtu për të siguruar strehim më të përballueshëm për vendasit në pikat e nxehta të turizmit.

Tajlanda do të vendosë një taksë turistike në fund të vitit 2022

U raportua se Tajlanda prezantojë një tarifë turistike prej 300 baht (8 €) në fund të këtij viti.

Guvernatori i Autoritetit të Turizmit të Tajlandës i tha Reuters se një pjesë e tarifës do të “përdoret për t’u kujdesur për turistët” pasi ka pasur raste kur sigurimi shëndetësor nuk i mbulonte ata.

Po ashtu kjo taksë do të ndihmojë në financimin e zhvillimeve të mëtejshme të atraksioneve turistike, siç është Pallati i Madh në Bangkok.

Edhe Venecia do të vendosë një tarifë turistike në vitin 2023

Edhe Venecia së shpejti mund të fillojë së aplikuari të ashtuquajturat tarifa turistike për vizitorët që nga vera e vitit 2023 e tutje.

Gazeta italiane La Stampa raportoi gjatë muajit gusht se disa masa janë propozuar për të kontrolluar numrat e vizitorëve, si një sistem rezervimesh online. Por duhet të bëhen më shumë përpjekje për të frenuar numrat, përfshirë edhe përmes vendosjes së kësaj tarife për të hyrë në qytet. Tarifa e propozuar do të variojë midis 3 dhe 10 €, bazuar në sezon.

BE-ja do të implementojë tarifën turistike në vitin 2023

Deri në nëntor të vitit 2023, ata që nuk janë shtetas të BE-së, përfshirë amerikanët, australianët, britanikët dhe udhëtarët e tjerë nga jashtë zonës Shengen, do të duhet të plotësojnë një aplikim prej 7 € për të hyrë. Ata nën 18 ose mbi 70 nuk do të duhet të paguajnë për tarifë turistike.

Këto janë shtetet që tashmë duhet të paguani për të hyrë

Shumë vende kanë tashmë një tarifë turistike, për një sërë arsyesh. Ato janë: Austria, Belgjika, Butani, Bullgaria, Ishujt Karaibe, Kroacia, Republika Çeke, Franca, Gjermania, Greqia, Hungaria, Indonezia, Italia, Japonia, Malajzia, Zelanda e Re, Holanda, Portugalia, Sllovenia, Spanja, Zvicra dhe Shtetet e Bashkuara të Amerikës./UBTNews/

Related Topics:
Continue Reading

Vendi

Dhunë në familje në Prizren, gruaja dhe vajza e mitur sulmohen me thikë

Published

44 minutes ago

on

October 17, 2025

By

Një burrë nga Prizreni ka therur me thikë bashkëshorten dhe vajzën e tij të mitur mbrëmë pas mesnatës. Sipas njoftimit të Prokurorisë në Prizren të dy viktimat janë në gjendje të rëndë.

Prokuroria ka njoftuar se në vendngjarje e kanë arrestuar të dyshuarin.

Për rastin Policia është njoftuar të premten rreth orës 00:20 minuta.

“Patrulla policore iu është përgjigjur menjëherë thirrjes dhe me të arritur në vendin e ngjarjes, ka hasur një person të gjinisë femërore (bashkëshortja e të pandehurit) e cila ndodhej në rrugë me lëndime trupore dhe gjakderdhje të shkaktuara me mjet të mprehtë – thikë. Viktimës i është ofruar ndihma e parë nga zyrtarët policorë deri në ardhjen e ekipit të emergjencës mjekësore”, thuhet në njoftim.

Ndërkohë vajza e mitur thuhet se është gjetur në katin e fundit të ndërtesës.

“Po ashtu, në katin e fundit të ndërtesës është gjetur edhe viktima e dytë, vajza e mitur. Ajo po ashtu kishte lëndime trupore dhe gjakderdhje. Viktimës së mitur i është ofruar ndihma e parë dhe më pas, bashkë me nënën e saj, janë dërguar për trajtim në Spitalin Rajonal të Prizrenit. Sipas mjekëve, gjendja shëndetësore e të dy viktimave është e rëndë”, thuhet tutje në njoftim.

Në njoftim thuhet se në hyrje të banesës është identifikuar dhe arrestuar i pandehuri i cili është shoqëruar në stacionin policor.

“Prokurori kujdestar ka lëshuar aktvendim për ndalimin e të pandehurit në kohëzgjatje prej 48 orëve, për shkak të dyshimit të bazuar se i njëjti ka kryer veprat penale ‘Vrasja e rëndë në tentativë’ dhe ‘Mbajtja në pronësi, kontroll ose posedim të paautorizuar të armëve’, thuhet në njoftim.

Continue Reading

Lajmet

Motoçiklisti sulmon dy policë pas mosbindjes ndaj urdhrave në Vushtrri

Published

2 hours ago

on

October 17, 2025

By

Një incident ka ndodhur pasditen e së enjtes në rrugën “Mbretëresha Teutë” në Vushtrri, ku një qytetar ka sulmuar dy zyrtarë policorë pas refuzimit për t’u ndalur me motoçikletë.

Sipas Policisë së Kosovës, dje rreth orës 15:00, i dyshuari, duke drejtuar një motoçikletë, nuk ka respektuar urdhrat e zyrtarëve policorë për ndalim dhe gjatë tentativës për të ikur, ka goditur dy prej tyre.

Të lënduarit kanë pranuar tretman mjekësor, ndërsa i dyshuari është arrestuar në vendin e ngjarjes dhe me vendim të prokurorit është dërguar në mbajtje.

Rasti është cilësuar si “Sulm ndaj personit zyrtar” dhe do të trajtohet nga organet kompetente në përputhje me legjislacionin penal në fuqi.

“Rr. Mbretëresha Teutë, Vushtrri 16.10.2025 – 15:10. Është arrestuar i dyshuari mashkull kosovar, pasi që me motoçikletë nuk i është ndalur zyrtarëve policorë dhe më pas i ka goditur dy zyrtarë. Dy zyrtarë kanë pranuar tretman mjekësor”, thuhet në raportin 24 orësh të Policisë së Kosovës.

Më tej thuhet se me vendim të prokurorit, i dyshuari është dërguar në mbajtje./KP

Continue Reading

Lajmet

Zbulohet plantacion me 525 bimë kanabis në Podujevë

Published

2 hours ago

on

October 17, 2025

By

Një operacion policor në fshatin Zhiti të komunës së Podujevës ka çuar në zbulimin e tri plantacioneve të kultivuara me gjithsej 525 bimë narkotike të llojit kanabis-sativa.

Sipas informacioneve zyrtare, plantacionet janë zbuluar rreth orës 09:45 në një zonë pyjore të fshatit.

Pas evidentimit të tyre dhe marrjes së mostrave për analizë, me vendim të prokurorit të çështjes, bimët narkotike bashkë me mjetet e punës janë asgjësuar në vendin e ngjarjes.

Policia e Kosovës konfirmon se rasti është duke u hetuar intensivisht, ndërsa deri më tani nuk është bërë e ditur nëse ka persona të arrestuar në lidhje me rastin.

“Raportohet se në pyllin e fshatit janë gjetur tri plantacione të mbjella 525 bimë narkotike të llojit kanabis-sativa. Pas marrjes së mostrave me vendim të prokurorit bimët dhe mjetet e punës janë asgjësuar në vendin e ngjarjes. Rasti është duke u hetuar”, thuhet në njoftimin e policisë./EO

Continue Reading

Lajmet

Një i lënduar nga aksidenti në autostradën Prishtinë-Prizren

Published

2 hours ago

on

October 17, 2025

By

E përditësuar:

Një aksident i rëndë trafiku ka ndodhur sot në orët e mëngjesit në autostradën Prishtinë-Prizren.

Sipas policisë të përfshira ishin dy automjete, teksa një person ka kërkuar ndihmë mjekësore.

“Rreth orës 08:05, policia është njoftuar për një aksident trafiku. Njësia e trafikut (autostradës), njofton se në autostradën për Shqipëri, drejtimi Prishtinë-Prizren (km i 25), ka ndodhur aksident trafiku ku të përfshira kanë qenë dy automjete. Si pasojë e aksidentit, një person ka kërkuar ndihmë mjekësore”, thuhet në përgjigjje./KP

Continue Reading

Të kërkuara