Vendi

Tahiri: Një ndërmarrje e madhe kriminale mbrapa bllokimit të komisionit hetimor

Tahiri tha se është e domosdoshme formimi i komisionit hetimor për energjinë.

Published

4 years ago

on

Shefi i Grupit Parlamentar të Partisë Demokratike të Kosovës, Abelard Tahiri, e ka quajtur sekser të kryeministrit Albin Kurti, ambasadorin e Kosovës në Kroaci, Martin Berishaj.

Duke i quajtur skandaloze dyshimet për përfshirjen e ambasadorit Berishaj në një skandal financiar në blerjen e energjisë në Slloveni, Tahiri tha se është e domosdoshme formimi i komisionit hetimor për energjinë për të parë sa milionë euro i ka fituar kompania GEN nga buxheti i Kosovës në blerjen e energjisë.

“Del në pah se kjo kompani (GEN) gjatë periudhës dyvjeçare kur është vendosur një menaxhimet i ri nga Qeveria Kurti I dhe II kanë bashkëpunuar me këto kompani dhe kjo kompani, GEN, dega e saj në Serbi i ka shitur Kosovës energji elektrike dhe po ashtu ka blerë energji elektrike nga Kosova. Kjo është jashtëzakonisht skandaloze, pra ambasadori ynë shërben si një sekser i kryeministrit tonë mes tij dhe mafies serbe energjetike”, tha ai.

Në një konferencë për medie, ai tha se afera korruptive tregon se prapa bllokimit të komisionit hetimor është një ndërmarrje kriminale.

“Zbulimi i kësaj aferës mbrëmë në orët e vona dhe kur çdo orë po dalin dokumente të reja nga kjo aferë e bënë të domosdoshëm themelimin e komisionit hetimor. Ne duam me pa se sa për qind e këtyre mjeteve të ndara nga buxheti i Kosovës, taksa të Kosovës mbi 100 milionë euro ka përfituar kompania GEN me bazë në Serbi me të cilin ambasadori ynë shërben si këshilltar. A ka ndodhur që këto mjete të kthehen prapa në forma të ndryshme përmes kompanive që kanë ra në duart e njerëzve të pushtetit të Republikës së Kosovës. Ne shohim se bllokimi i komisionit hetimor qenka një ndërmarrje e madhe kriminale prapa këtij kundërshtimi”, shtoi ai.

Ai tha se do të jenë këmbëngulës në formimin e komisionit hetimor në seancën e javës së ardhshme. Andaj i bëri thirrje edhe mazhorancës që ta përkrahë të njëjtën.

Related Topics:
Continue Reading

Vendi

Prokuroria Themelore në Prishtinë jep detaje për përleshjen e armatosur në Podujevë

Published

11 hours ago

on

July 2, 2026

By

Prokuroria Themelore në Prishtinë ka dhënë detaje lidhur me përleshjen e armatosur që ka ndodhur sot rreth orës 13:40 në sheshin “Bulevardi i Dëshmorëve” në Podujevë.

Sipas njoftimit zyrtar, në ngjarje janë përfshirë tre persona, ndërsa si pasojë e të shtënave me armë zjarri janë plagosur tre prej tyre dhe një kalimtar i rastit.

Dyshohet se personat e përfshirë kanë lidhje familjare (nip dhe dajë), ndërsa motivi paraprak lidhet me një mosmarrëveshje mes tyre.

Menjëherë pas pranimit të informatës, prokurori kujdestar ka dalë në vendin e ngjarjes së bashku me Policinë e Kosovës, ku janë ndërmarrë veprimet e para hetimore për zbardhjen e rrethanave.

Të dyshuarit po hetohen për veprën penale “Vrasja e rëndë në tentativë”, ndërsa të lënduarit janë dërguar në QKUK për trajtim mjekësor.

Prokuroria Themelore në Prishtinë, në koordinim me Policinë e Kosovës, ka bërë të ditur se hetimet për rastin po vazhdojnë./A.K/

Continue Reading

Aktualitet

Të shtëna me armë zjarri në Podujevë, katër persona të plagosur

Published

12 hours ago

on

July 2, 2026

By

Lajm i përditësuar:

Katër persona kanë mbetur të plagosur si pasojë e të shtënave me armë zjarri që kanë ndodhur sot rreth orës 13:30 në Podujevë.

Lajmin e ka konfirmuar zëdhënësi i Policisë së Kosovës për rajonin e Prishtinës, Enisa Pllana për UBTnews, duke bërë të ditur se njësitet policore kanë dalë menjëherë në vendin e ngjarjes pas pranimit të informatës.

Sipas informacioneve të para, fillimisht u raportua për tre të lënduar, ndërsa së fundmi në Qendrën Universitare Klinike të Kosovës (QKUK) është dërguar për trajtim mjekësor edhe personi i katërt. Të gjithë të plagosurit po marrin ndihmën e nevojshme shëndetësore.

Aktualisht, njësitet e policisë po vazhdojnë med ndërmarrjen e veprimeve intensive operativo-hetimore në terren, me qëllim të identifikimit të personave të përfshirë dhe sqarimit të plotë të rrethanave të kësaj ngjarjeje. /E.A/

Continue Reading

Vendi

Të shtëna me armë në qendër të Podujevës, dyshohet për një të vdekur dhe dy të plagosur

Published

13 hours ago

on

July 2, 2026

By

Një ngjarje e rëndë ka ndodhur mesditën e sotme në qendër të Podujevës, ku sipas informacioneve fillestare raportohet për të shtëna me armë.

Sipas burimeve jozyrtare, tre persona dyshohet se janë plagosur, ndërsa njëri prej tyre raportohet se ka humbur jetën si pasojë e plagëve të marra.

Policia e Kosovës ende nuk e ka konfirmuar zyrtarisht rastin.

Lajmi do të përditësohet me informacione të reja./Kosovapress/

/A.K/

Continue Reading

Lajmet

Bogujevci përgëzon Operën e Kosovës pas premierës së veprave të Puccinit

Published

13 hours ago

on

July 2, 2026

By

Ministrja në detyrë e Kulturës, Rinisë dhe Sportit, Saranda Bogujevci, ka përgëzuar Operën e Kosovës pas premierës së suksesshme të veprave të Giacomo Puccinit, “Suor Angelica” dhe “Gianni Schicchi”, duke e cilësuar mbrëmjen si një ngjarje të veçantë artistike për publikun.

Bogujevci vlerësoi produksionin e realizuar nën drejtimin e maestros Jacopo Sipari di Pescasseroli dhe me regji të Luca Ramacciottit, si dhe interpretimin e solistëve, Korit dhe Orkestrës së Operës së Kosovës, të cilët, sipas saj, sollën në skenë një shfaqje të nivelit të lartë artistik.

Ajo theksoi se ky projekt dëshmon edhe një herë zhvillimin e vazhdueshëm të skenës operistike në Kosovë dhe përkushtimin e artistëve për të realizuar produksione cilësore.

Sipas ministres, premierat e dy veprave të Puccinit përbëjnë një kontribut të rëndësishëm në pasurimin e jetës kulturore dhe forcimin e skenës artistike në vend./A.K/

Continue Reading

Të kërkuara