Lajmet
Tahiri: Kurti po e përfundon mandatin pa asnjë projekt zhvillimor
Shefi i Grupit parlamentar të Partisë Demokratike të Kosovës, Abelard Tahiri e ka quajtur të dështuar qeverisjen katërvjeçare të kryeministrit Albin Kurti.
Ai gjatë debatit parlamentar për katër vjet qeverisje tha se Kurti po e përfundon mandatin pa asnjë projekt zhvillimor, derisa fjalimin e tij e kualifikoi si prezantim që duhej bërë në nivel ministri apo sekretari.
“Kur e dëgjon Adnanin duke folur, thua a është ky në të njëjtin Grup parlamentar me Fitoren që ia jep 100 mijë euro vëllait dhe 100 mijë euro dajës. Po ashtu thua a është bashkë me këtë ministër të Mbrojtjes që e len ushtrinë pa bukë për shkak të kontratave të korruptuara dhe merr kërcënim nga komandanti i ushtrisë së Kosovës. Kur e sheh Adnanin duke folur për korrupsion thua a është bashkë në parti me Librunin që i ka falur mbi 10 milionë euro të dokumentuara oligarkëve në Kosovë. Për besë, pavarësisht se përgatitesh me fol diçka tjetër, këta të shtinë me shku te krimi i tyre…[Kryeministrin] e pamë më shumë si prezantues të statistika të prokurorisë dhe gjykatave dhe të ministrive. Por nuk e pamë si një kryeministër i cili po e lë Kosovën më mirë pas katër vjet qeverisje. Po e lë Kosovën pa asnjë projekt të tillë”, tha ai.
Ai tha se Kosova gjendet për herë të parë nën masa ndëshkuese të Bashkimit Evropian.
Ai shtoi se si pasojë e kësaj, Kosova ka mbetur pa përfituar asnjë fond të para anëtarësimit në BE.
“Vendin tonë po e lënë nën sanksione. Republika e Kosovës, përjashtimisht kontratat që i kanë nënshkruar ne BE-në para qershorit të vitit 2023. Prej qershorit të vitit 2023, BE-ja në Kosovë paguan paga vetëm për punëtorët e tyre. Përderisa Shqipërisë i janë ndarë 900 milionë euro deri në vitin 2025, fonde të para anëtarësimit, ne nga qershori i vitit 2023 e deri sot që po flasim të vetmen mjete që BE-ja i shpenzon në Kosovë janë pagat e stafit. Asgjë tjetër. Këtu e ka sjell subjektivitetin ndërkombëtarë kryeministri jonë. Më e dhimbshme se kjo është raporti me Shtetet e Bashkuara të Amerikës”, shtoi ai.
Në anën tjetër, ai theksoi se politika e jashtme ka dështuar nën qeverisjen e Kurtit.
Krahas kësaj, ai tha se kreu qeveritar ka rrezikuar edhe raportet me Shtetet e Bashkuara të Amerikës.
“Tash e dy vjet kur kemi një stagnim të këtij bashkëpunimi dhe kur kemi një relacion të dëmtuar me ShBA-në, ne kemi mbërritur në një situatë kur s’kemi as anëtarësime në organizata ndërkombëtare. S’po flas për shoqata, pasi ato që i tha kryeministri, s’kisha dashur t’i dëgjojë prej gojës së një kryeministri. S’je anëtarësuar në Interpol, UNESCO dhe të tjera”, shtoi ai.
Tahiri po ashtu përmendi edhe migrimin e qytetarëve që sipas tij ka ndodhur më së shumti gjatë qeverisjes Kurti.
“Për tri vite radhazi nga 50 mijë qytetarë e kanë lëshuar Kosovën…Fotografia më e dhimbshme që ka krijuar kjo qeverisje, e që nuk e kisha dashur asnjëherë është migrimi i qytetarëve tanë. Për këtë kryeministri Kurti nuk foli në asnjë moment…Fatkeqësisht, Kosova gjatë këtyre katër viteve është zvogëluar në popullsinë e saj”, përfundoi Kurti.
Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.
Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.
Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.
Rajoni
Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë
Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.
Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.
Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.
Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.
Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.
Dilema e perdeve: cilat i përshtaten më mirë ambientit tuaj?
Publikohet traileri i filmit biografik për Michael Jackson
5 gabime që bëjmë pas ngrënies së drekës
Hilary Duff rrëfen pse nuk u bë mentore për Selena Gomez dhe Demi Lovato
Plaçkitet shtëpia e yllit të Interit
5 ushqime që njerëzit konsumojnë që nga kohët e lashta
Mos e merrni stresin në shtëpi: Si të mos mendoni për punën në fundjavë?
Rektori Hajrizi viziton UniMarconi në Romë
Gaz Ejupi: “Reporting House, një pikë reference për historinë e Kosovës
-
Lajmet3 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 weeks agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni2 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën