Lajmet

Tahiri e quan “darkë të turpit” vizitën e Kurtit në Bruksel

Published

4 years ago

on

Ish-ministri i Drejtësisë dhe deputeti i Partisë Demokratike të Kosovës, Abelard Tahiri, i ka reaguar kryeministrit të Kosovës, Albin Kurtit, pasi ky i fundit në një konferencë për media ka folur se si të gjitha vendet e Ballkanit Perëndimor mund të ecin përpara duke eliminuar nga skena politike kriminelët e luftës.

Tahiri ka thënë se e gjithë bota e di se është Serbia ajo që ka kryer krime e gjenocid në Kosovës, derisa sipas tij, për kryeministrin Kurti, kriminelët  e luftës nuk e kanë adresën në Serbi por janë gjithandej nëpër Ballkanin Perëndimor.

“E gjithë bota e di se Serbia ka kryer krime në përmasa të gjenocidit edhe në Kosovë edhe në Bosnje, por për kryeministrin tonë, kriminelët e luftës nuk qenkan me adresë në Serbi. Ata qenkan të shpërndarë gjithandej në vendet e Ballkanit Perëndimor, aty ku bëjmë pjesë edhe ne. Ndonëse adresa e krimit dihet, sipas logjikës së kryeministrit Kurti i bie që përgjegjësia qenka e të gjithëve, edhe e jona”, ka shkruar Tahiri, raporton Express.

Ai thotë se mbrëmë Kurti me dekalratën e tij e ka legjitimuar historinë e trilluar nga Serbia që në vazhdimësi është përpjekur ta instalojë bashkë me argatët.

“Historinë e rrejshme që Serbia po përpiqet ta instalojë si të vërtetë bashkë me argatët e saj, Kurti mbrëmë e legjitimoi si të tillë, duke mos guxuar ta thotë hapur se krime ka bërë Serbia dhe kriminelët gjenden në Serbi, e jo në Ballkanin Perëndimor si tërësi”, ka vazhduar Tahiri.

Tahiri tutje ka thënë se Kurti për deficite të veta politike është në gjendje që heronjtë e Kosovës t’i shndërrojë në kriminelë luftë.

Ish-ministri thotë se Kurti duhet të flasë me emra e mbiemra se kush janë kriminelët e luftës në Kosovë të cilët i do jashtë institucioneve.

“Ne një herë jemi çliruar nga kriminelët, me 1999, atëherë kur Kosova u çlirua nga kryekrimineli Millosheviç. Të tjerë kriminelë që s’kanë dhënë llogari, i kemi kërkuar në Serbi, aty ku edhe gjenden. Por kryeministri do që t’i kërkojmë edhe në mesin tonë, sepse të tillë i do Serbia për veten e saj.

Kjo është fatkeqësia me të cilën përballemi sot, kur kemi një kryeministër që për deficitet e komplekset e veta politike është në gjendje që heronjtë tanë t’i shndërrojë në kriminelë potencialë.

Kështu na ka dashur edhe Serbia gjithmonë. Një vend që s’ka identitet dhe ku ata që i dalin asaj përballë, të njihen si kriminelë lufte, të mos gjenden as në institucione, as në jetën tonë politike e publike.

Ai sot duhet të tregojë me emër e mbiemër, kush qenkan kriminelët e luftës në mesin tonë, që i dashka jashtë institucioneve?

Duhet të japë llogari për këtë darkë turpi, ku në vend se të kërkonte llogari për 13 mijë civilë të vrarë dhe për 1650 të zhdukur, ai i përgjithësoi e i barazoi viktimat me kriminelët e vërtetë”, ka përfunduar Tahiri.

Related Topics:
Continue Reading

Aktualitet

​Sulmohet dhe kërcënohet me jetë drejtoresha e Arsimit në Gjakovë

Published

24 seconds ago

on

September 10, 2025

By

Në Gjakovë është sulmuar fizikisht dhe është kërcënuar me jetë, drejtoresha e Arsimit, Eranda Kumnova Baçi.

Personi që e ka sulmuar është një ish-punonjëse e çerdhes “Ganimete Terbeshi” e cila edhe me herët ka qenë disa herë e arrestuar për sulm ndaj drejtoreshës Kumnova-Baçi.

Kryesja e veprës është e diagnostikuar me sëmundje mendore.

Drejtoresha Kumnova-Baçi ka thënë se tash e sa kohe e ka të vështirësuar jetën personale dhe atë të zyrtarit publik pasi personi në fjalë e ka sulmuar disa herë në vendin e punës dhe në ambiente private raporton TV Syri.

“Iu bëj thirrje organeve përgjegjëse që përmes vendimeve të merituara gjyqësore të ma mundësojne lirshëm ushtrimin e funksionit te zyrtarit publik dhe të më sigurojnë lëvizjen e lirë për mua dhe familjen time”, ka shtuar Kumnova-Baçi./S.K/KP/TV Syri/

Continue Reading

Aktualitet

​Milanoviq reagon ndaj vizitës së ministrit izraelit në Zagreb

Published

3 minutes ago

on

September 10, 2025

By

Presidenti kroat, Zoran Milanoviq ka reaguar ndaj vizitës së ministrit të Jashtëm izraelit, Gideo Saar, në vendin e tij, duke e quajtur këtë vizitë fyese për Kroacinë.

Milanoviç kritikoi ashpër qeverinë e vendit të tij dhe pyeti përse është ftuar një anëtar i një qeverie e cila dëbon popullsinë e Gazës dhe kryen spastrim etnik.

“Pse u ftua ministri i Jashtëm izraelit në Zagreb dhe pse u takuan me të kryetari i Parlamentit kroat, kryeministri i Republikës së Kroacisë dhe ministri i Punëve të Jashtme i Republikës së Kroacisë? Në një kohë kur qeveria dhe ushtria izraelite po dëbojnë të gjithë popullsinë e qytetit të Gazës dhe po njoftojnë sulm ndaj atij qyteti me një milion banorë, takimi me një anëtar të së njëjtës qeveri në fakt është mbështetje e politikës së dhunës, spastrimit etnik dhe krimeve të luftës të Izraelit”, shkroi Milanoviç në Facebook.

“Në vend që të fillojë procesin e njohjes së shtetit palestinez si hapi i parë në arritjen e një zgjidhjeje me dy shtete dhe paqe të qëndrueshme në Lindjen e Mesme, qeveria e Republikës së Kroacisë mbështet zyrtarët e qeverisë izraelite të cilët janë pa mëdyshje pas politikës së luftës dhe dhunës”, tha Milanoviç.

Ndërkohë, kryediplomati izraelit Gideon Saar u takua me homologun e tij kroat Gordan Gërliq Radman gjatë vizitës së tij në Zagreb.

Në një konferencë të përbashkët për media me ministrin Gërliç, Saar pohoi se njohja e shtetit të Palestinës nuk do të kontribuonte në paqe apo siguri, por do të krijonte paqëndrueshmëri në rajon./S.K/KP/

Continue Reading

Lajmet

FFK i ankohet UEFA-s, pasi Federata Spanjolle iu referua Kosovës si “territor”

Published

5 minutes ago

on

September 10, 2025

By

Federata e Futbollit e Kosovës (FFK) ka paraqitur notë proteste ndaj UEFA-s dhe Federatës Spanjolle të Futbollit.

Kjo pasi në komunikimet zyrtare për ndeshjen kualifikuese të Evropianit 2027 për grupmoshat U21, Kosovë-Spanjë, Federata Spanjolle iu referua Kosovës si “territori i Kosovës”.

Presidenti i FFK-së, Agim Ademi, përmes një shkrese drejtuar presidentit të UEFA-s, Aleksandër Çeferin dhe atij të Federatës Spanjolle, Rafael Louzan, ka shprehur shqetësimin, duke theksuar se Kosova është anëtare e barabartë e familjes së futbollit evropian dhe botëror.

“Federata e Futbollit e Kosovës, përmes një shkrese të presidentit Agim Ademi drejtuar presidentit të UEFA-s, Aleksandër Çeferin dhe presidentit të RFEF-së, Rafael Louzan, ka paraqitur notë proteste ndaj veprimit të papranueshëm të Federatës Spanjolle të Futbollit”, thuhet në ankesë.

“Në komunikimet zyrtare për ndeshjen kualifikuese të Evropianit 2027, Kosovë U21 – Spanjë U21, kjo federatë iu referua Kosovës si “territori i Kosovës”, gjë që bie ndesh me rregullat dhe parimet e UEFA-s dhe FIFA-s”, shkruhet në njoftimin e FFK-së/S.K/EO/

 

Continue Reading

Lajmet

Kosova pëson nga Spanja në U21

Published

7 minutes ago

on

September 10, 2025

By

Kosova U21 ka humbur në shtëpi nga Spanja U21 në kualifikueset për Kupën e Botës.

Spanjollët kaluan në epërsi përmes Joel Roca-s në minutën e 11-të.

Mirëpo, 11 minuta më vonë Dardanët barazuan përmes  një supergoli të Arianit Hasanit.

Sidoqoftë, spanjollët u kthyen në epërsi në minutën e 70-të falë golit të Iker Bravos.Rezervisti Adrian Nino vulosi fitoren e Furisë së Kuqe në minutën e 95-të.

Pas dy xhirosh, Kosova ndodhet e katërta në grupin A me një pikë./S.K/EO/

Continue Reading

Të kërkuara