Lajmet

​Tahiri: Dështuam ta dërgojmë Osmanin në Kushtetuese, s’nënshkroi LDK-ja

Tahiri tha se PDK-ja dhe AAK-ja ishin të gatshme ta dërgonin Osmanin në Kushtetuese, por jo edhe LDK-ja.

Published

2 years ago

on

Shefi i grupit parlamentar të PDK-së, Abelard Tahiri, ka thënë se si rezultat i mungesës së unifikimit të opozitës kanë dështuar të dërgojnë presidenten Vjosa Osmani në Gjykatën Kushtetuese, për mosdekretimin e kryeprokurorit Blerim Isufaj.

Në një deklaratë për media pas mbledhjes së Kryesisë së Kuvendit, Tahiri tha se PDK-ja dhe AAK-ja ishin të gatshme ta dërgonin Osmanin në Kushtetuese, por jo edhe LDK-ja.

“Siç dihet, ne grupet parlamentare kemi pasur dakordim që të punojmë në këtë rast dhe fatkeqësisht kemi dështuar ta dërgojmë në Gjykatën Kushtetuese presidenten Vjosa Osmani për çështjen e mosdekretimit të Blerim Isufajt si kryeprokuror të shtetit si rezultat i mosunifikimit të opozitës. Si grupe parlamentare, PDK dhe AAK kanë qenë të gatshme të nënshkruanin por jo edhe LDK. Osmani ka shpëtuar nga shkeljet që ka bërë”, tha ai.

Ai foi edhe për draft-statutin e Asociacionit, derisa shtoi se kryeministri Albin Kurti duhet të përgjigjet në pyetjen se pse krimineli serb, Milan Radojiçiq është lënë të largohet nga Kosova pas ngjarjes së 24 shtatorit.

“Mendoj se kryeministri i Republikës së Kosovës duhet t’i përgjigjet një pyetje qytetarëve të Kosovës. Në kohë reale, me 25 shtator, nga pamjet që i ka siguruar droni ata e kanë parë Radojiciqin në Manastirin e Banjskës. Pse është lënë të ikë një njeri që tashmë po përbëntë një kërcënim për sigurinë e vendit. Ai gjithashtu ka pasur fletarrest nga institucionet e vendit. Pra ai është i dyshuar për një sërë veprash penale dhe ai nuk është dashur të lejohet të ikë atë ditë. Para se të na tregojë kryeministri se cka po bën Radojiçiqi në Rashkë, ai duhet të na tregojë se pse e la me ikë Radojiçiqin”, tha ai.

Ai tha se është e turpshme se një kryekriminel si ai shpëtoi nga institucionet e sigurisë falë një vendimi politik të kryeministrit Kurti.

“Angazhimi i kryeministrit Kurti në procesin e dialogut e ka sjellë në tavolinë një draft jashtëzakonisht të dëmshëm e që është një pushtet paralel sepse për herë të parë po diskutojmë për kompetenca të asociacionit. Tashmë ky draft nuk po mohohet nga askush që është i pavërtetë. Aty shihet që po zbatohet neni 7 i Marrëveshjes së Ohrit, pra vetëmenaxhim për komunitetin serb në Kosovë. Në përmbajtje kjo është një republikë vetëqeverisë për serbët në Kosovë”, theksoi Tahiri.

Related Topics:
Continue Reading

Lajmet

Nga sot nis pushimi vjeshtor 2025/26

Published

18 minutes ago

on

October 29, 2025

By

Nxënësit e bankave shkollore në Kosovë për pak ditë do të shkëputen nga mësimi sepse nga sot ata janë në pushimin vjetor të paraparë me ligj.

Ndërkaq, sipas kalendarit zyrtarit, mësimi do të nisë sërish të hënën më datë 3 nëntor.

Njoftim

Sipas Kalendarit Zyrtar të Vitit Shkollor 2025/2026, pushimi vjeshtor për nxënësit e shkollave të Kosovës do të zgjasë nga data 29 tetor deri më 31 tetor 2025. Ky pushim tre-ditor u jep nxënësve një periudhë të shkurtër relaksi para se të vazhdojnë me pjesën e dytë të gjysmëvjetorit të parë. Pas përfundimit të pushimit, procesi mësimor do të rifillojë të hënën, më 3 nëntor 2025, në të gjitha institucionet arsimore të vendit.

/S.K/EO/

Continue Reading

Lajmet

Sot nis Forumi i Paqes në Paris, Kurti përfaqëson Kosovën

Published

1 hour ago

on

October 29, 2025

By

Sot fillon Forumi i Paqes të Parisit, ngjarja ndërkombëtare vjetore që mbahet në Paris, e krijuar për të promovuar bashkëpunimin global dhe qeverisjen shumëpalëshe përballë sfidave botërore.

Kryeministri në detyrë i Republikës së Kosovës, Albin Kurti, ka udhëtuar dje për në kryeqytetin e Francës, ku do të marrë pjesë në këtë forum me ftesë të Presidentit francez, Emmanuel Macron.

Gjatë qëndrimit në Paris, krahas pjesëmarrjes në Forumin e Paqes, kryeministri Kurti do të zhvillojë takime bilaterale në margjina të Forumit.

Ndërkaq, mbrëmë Kurti ishte i ftuar nderi në darkën e shtruar nga Qarku diplomatik i Parisit./S.K/EO/

Continue Reading

Lajmet

​Tri duele të zjarrta sot në Superligë

Published

1 hour ago

on

October 29, 2025

By

Xhiro e 11-të e Superligës së Kosovës në futboll do të vazhdojë edhe sot me tri ndeshje të tjera, ku vëmendja kryesore do të jetë në Podujevë tek lideri i tabelës, Prishtina, e cila viziton Llapin në stadiumin “Zahir Pajaziti”.

Në dy ndeshjet tjera, Drenica e pret Dritën kurse Ferizaj ballafaqohet me Prishtinën e Re.

Të tri ndeshjet nisin nga ora 13:00.

Ndërkaq, dje u zhvilluan dy ballafaqimet e para ku Ballkani deklasoi Malishevën me rezultat 5-0, kurse Dukagjini triumfoi ndaj Gjilanit me rezultat 2-0./S.K/KP/

 

 

Continue Reading

Lajmet

Sulmet izraelite vrasin 33 persona në Gaza

Published

1 hour ago

on

October 29, 2025

By

Të paktën 33 palestinezë u vranë në një valë sulmesh izraelite në Gaza, njoftojnë agjencia e Mbrojtjes Civile dhe spitalet e drejtuara nga Hamasi.

Izraeli kreu sulmet në përgjigje të asaj që tha se ishin shkelje nga Hamasi të marrëveshjes së armëpushimit të ndërmjetësuar nga SHBA-të, shkruan BBC.

Ministri i mbrojtjes i Izraelit akuzoi Hamasin për një sulm në Gazën jugore që vrau një ushtar izraelit të martën dhe për shkelje të kushteve për kthimin e trupave të pengjeve të vdekura.

Hamasi pretendoi se nuk kishte “asnjë lidhje” me sulmin dhe këmbënguli se ishte i përkushtuar ndaj marrëveshjes së armëpushimit.

Presidenti i SHBA-së Donald Trump mbajti qëndrimin se asgjë nuk do të rrezikonte armëpushimin, por shtoi se Izraeli duhet të kundërsulmojë kur ushtarët e tij të jenë në shënjestër./S.K/KP/BBC/

Continue Reading

Të kërkuara