Lajmet

Tahiri: Albin Kurti po i bën favor Aleksandër Vuçiqit

Published

2 years ago

on

Shefi i Grupit Parlamentar të Aleancës për Ardhmërinë e Kosovës, Besnik Tahiri kritikoi kryeministrin Albin Kurti për mos-transparencë në procesin e dialogut. Ai tha se derisa Serbia po ndan informacione me Rusinë e Kinën, shefi i ekzekutivit të Kosovës nuk po e informon për zhvillimet e dialogut as Shqipërinë.

Në seancën plenare ku është ftuar kryeministri për raportim të takimit të fundit në Bruksel, Tahiri tha se Kurti po i bën favor presidentit të Serbisë, Aleksandër Vuçiq.

“Është për keqardhje që përmes këtij raportimi të vonuar sot mund të mësojmë për gjëra përmes të cilave, me dashje apo pa dashje Albin Kurti po i bën favor Aleksandër Vuçiqit duke mos shpalosur informacione dhe duke i mbajtur në raportin konfidencial. Sikur ky kryeministër t’i besonte vullnetit të sovranit dhe të popullit, kurrë nuk do të pranonte që informacionet vitale për Republikën e Kosovës të trajtuara në dialog të mbahen në konfidencë, larg qytetarëve, larg kuvendit pa përfshirjen e tyre dhe pa besimin e shumicës. Një qasje e tillë e papërgjegjshme nuk do të duhej ta kishte një kryeministër teknik, e lëre më një kryeministër i cili ka shumicën e popullit të Kosovës”, deklaroi ai.

Tahiri shtoi se për dallim nga presidenti i Serbisë, kryeministri Albin Kurti nuk ndan informacionet e dialogut me deputetët e as me Shqipërinë.

“Kosovës nuk i duhet që të mësojë për dialogun dhe për risitë e tyre nga informacionet që i marrim nga Serbia zyrtare, e as nga Vuçiqi, e as nga Beogradi. Sepse ne e dimë që edhe ata kur janë të hapur, e kur janë të mbyllur, ata angazhohen vetëm në një agjendë, atë të dëmtimit të interesave shtetformuese të Repiblikës së Kosovës. për Serbinë dhe për përfaqësuesit e saj konfidencialiteti mund të jetë taktizim, por për Kurtin mungesa e transparencës dhe përfshirjes së publikut, së kuvendit dhe akterëve të tjerë është arrogancë dhe është vazhdimësi e mashtrimit të tij që nga dita e parë kur ka ardhur në kuvend. Përderisa Vuçiq me shumë gjasë i ndan dhe i trajton informacionet edhe me Rusinë edhe me Kinën, kryeministri jonë as nuk i ndan me ne as me Shqipërinë amë”, shtoi ai.

Related Topics:
Continue Reading

Lajmet

Zhegrova ftohet për ndeshjen ndaj Dortmundit

Published

5 hours ago

on

September 16, 2025

By

Edon Zhegrova është ftuar nga trajneri i Juventusit, Igor Tudor, për ndeshjen ndaj Borussia Dortmundit.

Juve sonte nga ora 21:00 e pret Dortmundin në kuadër të xhiros së parë të fazës së ligës së Ligës së Kampionëve.

Edhe pse trajneri Tudor ditë më parë deklaroi se Zhegrova nuk do të luaj ndaj Dortmundit ai ka vendosur që ta ftojë reprezentuesin e Kosovës. Zhegrova mund të debutoj për “Zonjën e Vjetër”.

26-vjeçari nuk luajti xhiron e kaluar në Serie A në derbin që e fitoi Juventusi 4:3 ndaj Interit.

Zhegrova u transferua te Juve nga Lille për afro 16 milionë euro në ditën e fundit të afatit kalimtar veror, por nuk ka luajtur prej 14 dhjetorit të vitit të kaluar./S.K/EO/

Continue Reading

Aktualitet

UBT hap thirrjen për dorëzimin e abstrakteve për Konferencën Ndërkombëtare për Modë dhe për Dizajn të Integruar

Published

5 hours ago

on

September 16, 2025

By

UBT ka nisur pranimin e abstrakteve për dy prej konferencave më atraktive dhe bashkëkohore që zhvillohen në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion:

Të dyja konferencat janë peer-reviewed dhe ofrojnë një platformë shkencore e profesionale ku akademikë, studiues, studentë të programeve master e doktorale, si dhe ekspertë të industrisë, ndajnë njohuri dhe ide mbi zhvillimet më të fundit.

Datat kryesore:

Dorëzimi i abstrakteve: deri më 10 tetor 2025

Njoftimi për pranim: më 17 tetor 2025

Rishikimi shkencor (peer-reviewed): më 17 tetor 2025

Afati i hershëm i regjistrimit: deri më 17 tetor 2025

Afati i vonuar i regjistrimit: deri më 20 tetor 2025

Dorëzimi i punimit të plotë: deri më 14 nëntor 2025

Tema qendrore e këtij viti është “Resilience and Sustainability”, duke trajtuar mënyrat se si moda dhe dizajni ndërveprojnë me teknologjinë, kulturën, politikën dhe sfidat globale.

Fushat kryesore të IC-FAS (Fashion):

  • Fashion Activism dhe ndikimi i tij në politikë
  • Moda dhe Teknologjia
  • Dizajni i Modës dhe Edukimi
  • Vetëdija sociale në industrinë e modës
  • Nga ambicia në veprim (Ambition to Action)

Fushat kryesore të IC-ID (Integrated Design):

  • Ndërthurja e dizajnit grafik, teknologjisë dhe kulturës
  • Roli i teknologjisë në dizajn
  • AI, AR/VR dhe ndikimi i tyre në praktikat e dizajnit
  • Të ardhmen e branding dhe identitetit vizual
  • Moda në epokën e AI, identitetet virtuale dhe kriza klimatike
  • Dizajn i interierit të integruar me AI
  • Metaverse dhe hapësira virtuale
  • Materiale të zgjuara dhe hapësira reaguese
  • Dizajn qarkullues dhe i qëndrueshëm

Dorëzimi i punimeve: Punimet duhet të jenë origjinale, të papublikuara dhe jo në shqyrtim diku tjetër. Gjatësia maksimale është 6 faqe dhe punimet që nuk i përmbushin kriteret e formatimit nuk do të merren në konsideratë.

Continue Reading

Lajmet

Zyrtare: Loja Shqipëri-Serbi luhet në Leskovc

Published

6 hours ago

on

September 16, 2025

By

Zyrtarisht, më datë 11 tetor, ndeshja Serbia-Shqipëria, nuk do të luhet në Beograd në stadiumin “Rajko Mitiq”, sepse shtëpia e futbollit evropian UEFA, ka vendosur që kjo lojë të luhet në Leskovc në stadiumin “Duboçica”.

Fillimisht, kjo sfidë ishte planifikuar të zhvillohej në “Rajko Mitiq” në kryeqytetin serb, por për arsye organizative dhe të sigurisë, autoritetet kanë vendosur ndryshimin e stadiumit.

Kjo konsiderohet një nga ndeshjet më të rëndësishme jo vetëm për kualifikueset e Botërorit, por gjithashtu edhe për historinë.

Në vitin 2014, Shqipëria luante një ndeshje të madhe në Serbi, teksa ëndrra për një vend në Europianin e Francës sapo kishte nisur.

Kuqezinjtë përballeshin jo vetëm me skuadrën serbe, por me terrorin serb, me tifozerinë e cila në çdo moment bënte thirrje për vdekjen e shqiptarëve, apo edhe me vendimet për të mos lejuar jo vetëm tifozët shqiptarë, por as flamurin kuqezi në stadium. /S.K/EO/

Continue Reading

Aktualitet

UBT në hap me zhvillimin e qëndrueshëm në sektorin e ushqimit dhe agrikulturës

Published

7 hours ago

on

September 16, 2025

By

Prof. Dr. Emine Daci Zejnullahi, profesoreshë në Fakultetin e Shkencave të Ushqimit me Bioteknologji dhe në Fakultetin e Inxhinierisë së Agrikulturës dhe Mjedisit, në UBT, ka nënshkruar kontratën për zbatimin e projektit shkencor: “Përdorimi i mbetjeve agro-industriale të patates për zhvillimin e produkteve bioteknologjike të qëndrueshme në VIPA CHIPS – Zgjidhje për ekonomi qarkore dhe qëndrueshmëri industriale”, i financuar nga MAShTI në kuadër të projekteve shkencore 2025.

Ky projekt synon të mbështesë sektorin privat në menaxhimin e mbetjeve të industrisë ushqimore, duke i kthyer ato në produkte finale me vlerë, si dhe duke reduktuar ndikimin negativ në mjedis dhe duke sjellë përfitime ekonomike e sociale.

Zbatimi i projektit do të bëhet me përfshirjen e profesorëve të tjerë të departamentit dhe studentëve të nivelit Master, duke kontribuar në ngritjen e kapaciteteve kërkimore dhe në zhvillimin e qëndrueshëm të sektorit.

Continue Reading

Të kërkuara