Vdekja e sportistit 14-vjeçar, Diego De Vivo ka tronditur Napolin.

Sipas raportimeve të mediave lokale, i riu pësoi arrest kardiak, teksa ishte në shkollën e futbollit napolitan Cantera Napoli që ndodhet në lagjen San Pietro a Patierno.

Kur djali u ndje i sëmurë, stërvitja ditore me shokët e klasës nuk kishte filluar ende, derisa ndërhyrja e karabinierëve të njësisë operative dhe e një patrulle të lëvizshme nga zona e Napolit Stella ishte e menjëhershme.

Mediat në Itali raportojnë se djali vdiq në fushë para syve të prindërve të tij që sapo e kishin shoqëruar në stërvitje.

Pritet që Prokuroria Publike e Napolit të urdhërojë kryerjen e autopsisë.

Liverpooli pritet të pësojë transformim në skuadër këtë merkato vere. Disa prej liderëve të ekipit mund të largohen, ndërsa drejtuesit e klubit të kuq po punojnë që të sjellin në Anfilld emrat ideal që do ta mbajnë ekipin konkurrues edhe për sezonin e ardhshëm.

Ky sezon që po mbyllet mund t’a gjejë Liverpool-in me boshllëqe të shumta në skuadër, pasi disa prej yjeve të ekipit priten të largohen këtë verë nga Anfield.

I pari i cili duket se i ka thënë lamtumirë ‘të kuqve’ është mbrojtësi Trent Alexander-Arnold, që këtë verë 26-vjeçari përflitet se do të veshë fanellën e Real Madridit, si një lojtar i lirë, pasi kontrata e tij me klubin aktual përfundon këtë qershor.

Ndërkohë ‘hemorragjia’ brenda skuadrës nuk përfundon këtu. Edhe dy liderët e ekipit, sulmuesi Salah e mbrojtësi Van Dijk priten të jenë largime të bujshme nga Liverpool-i. E sikur të mos mjaftonte kjo, drejt largimit janë edhe Darwin Nunez, Diogo Jota dhe Luis Diaz.

Këto largime të mundshme nga skuadra tashmë kanë filluar të shqetësojnë tifozët e kuq, të cilët kërkojnë që ekipi i tyre i zemrës të jetë sa më konkurrues. Nga ana tjetër, drejtuesit e Liverpool-it po punojnë në hyrje, për të sjellë në Anfield emra cilësorë.

Lojtarë si sulmuesi i Newcastle Alexander Isak, mbrojtësit Milos Kerkez e Jeremie Frimpong, si dhe mesfushori Brighton, Carlos Baleba janë disa prej emrave që në këtë merkato vere mund të veshin fanellën e kuqe.

Trajneri Arne Slot po tenton të rifreskojë me emra të rinj. Kujtojmë që tekniku holandez mori drejtimin e skuadrës në fillimin e këtij edicioni dhe aktualisht është shumë pranë titullit në Premier League.

Prishtina është në finale të Ligës Unike. Skuadra basketbollistike nga kryeqyteti e ka mposhtur në gjysmëfinale Besëlidhjen e Shqipërisë.

Ndeshja në “Pallatin e Rinisë dhe Sportit” u mbyll me rezultat 81:67.

“Bardhekaltërit” do të përballet me skuadrën e Vëllaznimit, me këtë sfidë që do të luhet sot me fillim nga ora 20:00.