Sport

Sulmuesit e kombëtares Daku dhe Asani, dominojnë në kampionatet e tyre

Published

2 years ago

August 13, 2024

Betim Gashi

Mirlind Daku dhe Jasir Asani, sulmues të Kombëtares, kanë bërë një fundjavë të shkëlqyer duke ndihmuar skuadrat e tyre të arrijnë rezultate të rëndësishme dhe duke shënuar gola të bukur.

Mirlind Daku shënoi golin e barazimit për Rostov në ndeshjen e fundjavës ndaj Rubin Kazan, që përfundoi 1-1. Daku, i cili është shpallur njeriu i ndeshjes nga federata ruse dhe është zgjedhur si më i miri nga tifozët, ka bërë një nisje spektakolare të sezonit me 3 gola dhe 2 asiste në 4 ndeshje. Ai vazhdon të dëshmojë cilësitë e tij dhe të ndikojë në performancën e skuadrës së tij.

Ndërkohë, Jasir Asani kontribuoi në fitoren e Gwangjus ndaj Jeonbuk Motors, duke shënuar golin vendimtar në transfertë. Asani, i cili gjithashtu është shpallur si më i miri i ndeshjes, ka lënë pas problemet me klubin dhe është rikthyer në formën e tij më të mirë. Ky gol i jep 3 pikë shumë të rëndësishme skuadrës së tij dhe dëshmon rikthimin e tij të fuqishëm.

Të dy lojtarët janë pjesë e Kombëtares nën drejtimin e trajnerit Sylvinho dhe ishin gjithashtu pjesë e skuadrës në Euro2024. Me performancën e tyre të shkëlqyer, ka të ngjarë që të dy të ftohen në përfaqësimin e kombëtares për ndeshjet e Nations League në shtator ndaj Ukrainës dhe Gjeorgjisë./UBTNews/

Related Topics:Mirlind Daku Shqipëria Jasir Asani

Up Next

A do ta braktisë Vinicius Real Madridin për 1 miliard euro?

Don't Miss

Borussia Dortmund siguron Maximilian Beier për 30 milionë euro

Lajmet

Laura Fazliu fiton medaljen e argjendtë, Kosovën e çon në medaljen e pestë

Published

18 hours ago

August 29, 2026

UBTNews

Xhudistja kosovare Laura Fazliu ka fituar medaljen e argjendtë në kategorinë deri në 63 kilogramë, duke i siguruar Kosovës medaljen e pestë në këtë garë.

Fazliu arriti deri në finale, ku u përball me italianen Carlotta Avanzato, por u mposht në duelin për medaljen e artë dhe u desh të kënaqej me të argjendtën.

Kjo është medalja e katërt e Kosovës në xhudo dhe e pesta në total për vendin tonë.

Sport

Fatjona Kasapi i sjell Kosovës medaljen e dytë në “Taranto 2026”

Published

2 days ago

August 28, 2026

UBTNews

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Sport

Kosova pëson tjetër humbje të thellë në Lojërat Mesdhetare

Published

2 days ago

August 28, 2026

UBTNews

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L