Dronët e operuar nga Drejtoria Kryesore e Inteligjencës e Ministrisë së Mbrojtjes së Ukrainës (GUR) kryen një sulm ndaj rafinerisë së naftës Lukoil në Republikën ruse Komi, e cila ndodhet dy mijë kilometra nga kufiri ukrainas.

Informacioni u konfirmua nga burime në shërbimin e inteligjencës ukrainase, shkruan Ukrainska Pravda.

Objekti i synuar në Komi është thelbësor për furnizimin e forcave ruse me karburant dhe lubrifikantë.

Burimet e inteligjencës ukrainase zbuluan se dronët goditën një rezervuar për produktet e naftës.

Po ashtu, u dëmtua një njësi përpunimi gazi dhe kondensate gazi që përdoret për të prodhuar propan-butan dhe benzinë.

Turqia u trondit të dielën në mbrëmje nga një tërmet me magnitudë 6.1. ku sipas Agjencisë së Menaxhimit të Fatkeqësive dhe Emergjencave, tërmeti ishte i përqendruar në rrethin Sindirgi të provincës Balikesir, në Turqinë perëndimore.

Agjencisë së Menaxhimit të Fatkeqësive dhe Emergjencave gjithashtu tregoi se tërmeti ishte në një thellësi prej 11 kilometrash.

Ministri i Brendshëm i Turqisë, Ali Yerlikaya, tha se në vlerësimet paraprake, nuk ishin raportuar viktima, por një ndërtesë u shemb në Sindirgi, raporton Anadollu.

Volodymyr Zelensky nuk u emërua si pjesëmarrës në samitin e Alaskës midis Donald Trump dhe Vladimir Putin, por Shtëpia e Bardhë nuk e ka përjashtuar plotësisht përfshirjen e kreut të Ukrainës në disa takime, thanë për CNN dy burime të njohura me çështjen.

Një zyrtar i Shtëpisë së Bardhë theksoi se çdo gjë që përfshin Zelensky ka të ngjarë të ndodhë pas takimit Trump-Putin.

Samiti është përgatitur shumë shpejt dhe detajet janë ende në ndryshim e sipër.

Një zyrtar i Shtëpisë së Bardhë tha se Trump mbeti “i hapur për një samit trepalësh me të dy udhëheqësit”, por se “Shtëpia e Bardhë po planifikon takimin dypalësh të kërkuar nga Putin”.

I pyetur nga gazetarët për detaje mbi konturat e një marrëveshjeje, Trump la të kuptohej të premten se ajo mund të përfshinte disa shkëmbime territoresh.

Presidenti i Ukrainës, Volodymyr Zelensky, tha në një video-adresim pas njoftimit të presidentit Trump për t’u takuar me Putin, se Ukraina është e gatshme të punojë së bashku me Trump, por hodhi poshtë idenë e çdo lëshimi territorial.

Putin ka kërkuar që Kievi të heqë dorë nga i gjithë rajoni lindor i Donbasit, të cilin Rusia e ka pushtuar pjesërisht. Fati i dy rajoneve të tjera që kanë qenë në shënjestër të Moskës Kherson dhe Zaporizhzhia, të cilat Rusia i ka pushtuar pjesërisht nuk është ende i qartë.

Liderët evropianë kanë shprehur shqetësim për mundësinë e lëshimit të territorit nga Ukraina, të nxitojnë të marrin më shumë detaje se çfarë do të përfshijë një armëpushim.

Për të zbutur disa nga këto shqetësime, zëvendëspresidenti amerikan JD Vance thirri takimin njëorësh të shtunën me sekretarin e Jashtëm britanik David Lammy dhe zyrtarë evropianë dhe ukrainas për të paraqitur pikëpamjen e SHBA-së për negociatat, si dhe kuptimin e zyrtarëve amerikanë për qëndrimin e Rusisë.

Një zyrtar amerikan tha për CNN se u bë përparim i konsiderueshëm, por është ende e paqartë nëse ka mbështetje evropiane apo ukrainase përpara takimit kritik të së premtes.

Një zjarr i madh shpërtheu në Parkun Kombëtar të Vezuvit në Terzigno, një komunë në Napoli, ku bombarduesit e ujit Canadair po kryejnë operacione ajrore për të shuar zjarrin në zonën pyjore.

Për momentin, flakët që kanë shpërthyer qe nga dita e premte, mbeten larg qendrave të banuara, por situata është ende jashtëzakonisht kritike duke pasur parasysh gjerësinë e zonës së përfshirë, raporton ANSA.

Situata e zjarrit në Vezuv është duke u përmirësuar pak, tha Francesco Ranieri, kryetar i bashkisë së Terzignos (Napoli), i cili po ndjek operacionet e shuarjes së zjarreve në zonë.

“Sot do të jetë një ditë vendimtare. Unë besoj shumë në forcat e mrekullueshme që janë vënë në vend”.

Zyra e prokurorit të Nolas (Napoli), ka hapur një dosje mbi zjarrin që ka shkatërruar qindra hektarë bimësi në Vezuv. Sipas asaj që është mësuar, për momentin hipotezat e krimit nuk janë përcaktuar, në pritje të raportit që do të paraqitet nga karabinierët pyjorë, dhe as nuk ka të dyshuar.