Lajmet nga UBT

Suksesshëm UBT përmbyll një nga organizimet më madhështore të ceremonisë së gradimit të studentëve

Ceremonia e gradimit të studentët këtë vit ishte e ndarë në dy ditë për shkak të numrit të madh të studentëve.

Publikuar

UBT suksesshëm ka mbyllur pjesën e dytë të ceremonisë së gradimit të studentëve, me një organizim madhështor, në sallën “1 tetori” në Prishtinë, ku Kosovës i dha gjeneratën e nëntëmbëdhjetë të profesionistëve dhe ekspertëve të fushave të ndryshme të jetës.

Me emocione të veçanta, studentët e programeve: Farmaci, Infermieri, Teknik i Radiologjisë, Teknik i Anesteziologjisë, Inxhinieri e Agrikulturës dhe Mjedisit, Shkencat e Ushqimit dhe Bioteknologji, Juridik, Media dhe Komunikim, Menaxhment, Biznes dhe Ekonomi, Shkenca Politike, si dhe Politika Publike dhe Menaxhim, i dhanë fund një rrugëtimi të suksesshëm akademik në dy nivele të ndryshme të studimit: bachelor dhe master, duke treguar përkushtimin e tyre të lartë për dijen, shkencën, teknologjinë e inovacionin.

Për gjithë këtë arritje të studentëve në institucionin që udhëheq, Presidenti i UBT-së, Prof. Dr. Edmond Hajrizi, ka thënë se kjo ditë, njëjtë si ajo e javës së kaluar, shënon në kalendar një rrugëtim të veçantë dhe special për studentët dhe karrierën e tyre profesionale.

“Jemi këtu për shkak të studentëve tanë, absolventëve tanë, për shkak të suksesit që ju të nderuar absolventë keni arritur gjatë këtyre tre viteve. Është një kënaqësi e veçantë kur sheh të rinj dhe të reja në një momentum të madh për Kosovën, për faktin se ju tani keni edhe një kualitet shumë të madh, keni edhe një potencial shumë të madh, keni kompetencë shumë të lartë, dhe ju do të kontribuoni shumë në zhvillimin e vendit”, ka thënë Presidenti i UBT-së, Prof. Dr. Edmond Hajrizi.

Ish-studentja e UBT-së, Mirlindë Gashi, dhe ish-studenti i UBT-së, Drilon Osmani, në cilësinë e alumnit, theksuan mundësinë unike që ua ka ofruar UBT gjatë dhe pas studimeve akademike, si dhe rrugëtimin e tyre profesional në karrierë në profesionet ku ata zgjodhën për të vazhduar studimet akademike.

Në emër të studentëve të gjeneratës, studentja e Fakultetit Shkenca Politike në UBT, Krenare Lika, vlerësoi shumë kontributin e UBT-së në nxjerrjen e gjeneratave të reja, duke iu ndihmuar atyre jo vetëm gjatë studimeve por gjatë gjithë rrugëtimit të tyre në karrierë.

“Sot po i ndjejë të njëjtat emocione sikur në ditën e parë, emocione të larta, adrenalinë e lartë, mirëpo po e shoh që bashkë kemi arritur të përmbyllim një kapitull shumë të rëndësishëm për të filluar një kapitull edhe më të madh për ne”, ka thënë studentja Krenare Lipa.

Dita e dytë e ceremonisë së gradimit të studentëve u përcoll me betimin e studentit, të cilin e udhëhoqi studentja e Fakultetit Menaxhment, Biznes dhe Ekonomi, Ardijana Ahmetaj, duke u betuar të gjithë studentët njëzëri që me vetëdije dhe vullnet të plotë do t’i shërbejnë dhe do të japin kontributin në shkencës, edukim, e në vend.

Për argëtimin e studentëve është përkujdesur me disa pika muzikore studentja e Fakultetit Muzikë Moderne, Prodhimi Digjital dhe Menaxhimi, Agnesa Vishesella, përderisa dita e sotme kulmoi me momentin madhështor dhe të rëndësishëm për të gjithë studentët, atë të hedhjes së kapelave, si simbol i përfundimit të një periudhe plot përkushtim dhe sakrificë dedikuar dijes dhe avancimit akademik.

Ceremonia e gradimit të studentët këtë vit ishte e ndarë në dy ditë për shkak të numrit të madh të studentëve (dita e parë më 3 shtator dhe e dyta më 10 shtator 2022), duke përmbyllur kështu suksesshëm një nga organizimet më madhështore dhe më emocionuese të institucionit më të madh të arsimit të lartë në Kosovë, të UBT-së.

Lajmet nga UBT

Nesër, UBT do të mbajë mbledhje komemorative në nderim të veprës së profesorit dhe politologut, Dr. Belul Beqaj

Mbledhja komemorative mbahet në qendrën e UBT-së, në Prishtinë, duke filluar nga ora 12:00.

Publikuar

nga

Nën përkujdesjen e rektorit të UBT-së, Prof. Dr. Edmond Hajrizi, të hënën, më 26.09.2022, UBT do të mbajë mbledhje komemorative me rastin e ndarjes nga jeta të profesorit dhe politologut, Dr. Belul Beqaj.

Mbledhja komemorative mbahet në qendrën e UBT-së, në Prishtinë, duke filluar nga ora 12:00, për të nderuar jetën dhe veprën e shquar të profesorit Dr. Belul Beqaj.

Ju ftojmë të merrni pjesë për të bërë nderimet e fundit profesorit të UBT-së, Dr. Belul Beqaj, i cili kishte një veprimtari të gjerë në fushën e shkencave politike, sociologjisë politike e komunikimit politik.

Vazhdo të lexosh

Lajmet nga UBT

Ndahet nga jeta profesori i UBT-së, Dr. Belul Beqaj, rektori Hajrizi ngushëllon familjen Beqaj

Beqaj ishte autor i dhjetëra punimeve publicistike -shkencore.

Publikuar

nga

Është ndarë nga jeta profesori i UBT-së, Dr. Belul Beqaj, një prej profesionistëve dhe politologëve më të mirë që ka njohur vendi dhe rajoni.

Rektori i UBT-së, Prof. Dr. Edmond Hajrizi, i ka dërguar një telegram ngushëllimi familjes Beqaj, në të cilin ka vlerësuar lartë figurën e shquar të profesorit Beqaj.

Me dhimbje dhe pikëllim të thellë morëm lajmin për ndarjen nga jeta të profesorit Dr. Belul Beqaj. Një profesionist i jashtëzakonshëm dhe mbi të gjitha një njeri i mirë sot u nda nga jeta, dhe patjetër që për ne, stafin, studentët dhe gjithë Kosovën do të jetë një humbje e madhe. Profesori Beqaj ishte profesional në punë, i drejtë dhe i sinqertë në mendime e veprime, dhe kjo e ka bërë atë të veçantë nga gjithë të tjerët”, ka thënë rektori Hajrizi.

Dr. Belul Beqaj lindi në Prizren më 1957, ku i kreu shkollën fillore dhe gjimnazin. Ka diplomuar, magjistruar në Fakultetin e Shkencave Politike në Universitetin e Beogradit, përkatësisht në Fakultetin Juridik të Universitetit të Prishtinës, ndërsa ka doktoruar në fakultetin e Shkencave Politike të Universitetit publik të Maqedonisë. Ishte autor i dhjetëra punimeve publicistike -shkencore, si dhe pjesëmarrës në konferenca të shumta brenda dhe jashtë Kosovës.

Vazhdo të lexosh

Lajmet nga UBT

NJOFTIM: Provimi pranues i afatit të tretë në Fakultetin e Farmacisë në UBT, mbahet më datë 29 shtator

Provimi pranues do të mbahet në ora 10:00.

Publikuar

nga

Ka mbetur edhe pak kohë për t’u bërë pjesë e Fakultetit Farmaci në UBT, njërit prej institucioneve lider të arsimit të lartë në Kosovë, i cili posedon laboratorët më inovativ dhe më të sofistikuar të kohës moderne.

Afati i fundit për aplikim është data 28 shtator 2022, ndërkaq provimi pranues i afatit të tretë mbahet më 29 shtator 2022 në qendrën e UBT-së në Prishtinë, duke filluar nga ora 10:00.

Dokumentet e nevojshme për aplikim:

  • Diploma e shkollës së mesme;
  • Dëftesat e klasës 10, 11, 12, (13 aty ku aplikohet);
  • Certifikata e pikëve të testit të maturës shtetërore;
  • Certifikata/ekstrakti i lindjes, dhe
  • Kopja e letërnjoftimit.

Fakulteti i Farmacisë në UBT është programi që ofron ndërlidhjen e njohurive teorike dhe praktike të kësaj fushe me infrastrukturë dhe metodat më moderne të mësimdhënies, si dhe kurrikula e programit mësimor është e hartuar në atë mënyrë që të sigurojë zhvillimin e lëndëve themelore të degës së farmacisë.

Vazhdo të lexosh

Lajmet nga UBT

UBT vendos Kosovën në rrjetin e unionit ndërkombëtar të laboratorëve dhe ekspertëve RILEM

RILEM njihet si Unioni Ndërkombëtar i Laboratorëve dhe Ekspertëve në Materialet, Sistemet dhe Strukturat e Ndërtimit.

Publikuar

nga

Falë UBT-së dhe në mënyrë specifike Fakultetit të Inxhinierisë së Ndërtimit dhe Infrastrukturës, Kosova ka arritur edhe një sukses tjetër në arenën ndërkombëtare, duke u bërë kështu anëtar i Unionit Ndërkombëtar të Laboratorëve dhe Ekspertëve në Materiale, Sisteme dhe Strukturat e Ndërtimit Botëror (RILEM).

Me iniciativën dhe punën e prodekanit të Inxhinierisë së Ndërtimit dhe Infrastrukturës në UBT, Dr. Visar Krelani, si dhe mbështetjen e rektorit të UBT-së, Prof. Dr. Edmond Hajrizi dhe të drejtorit dhe dekanit Prof. Dr. Muhamet Ahmeti, tashmë emri i Kosovës renditet në listën e shteteve anëtare dhe kontribuuese në RILEM, që do të ofrojë kontributin dhe ndihmën në zhvillimin e fushës së ndërtimit dhe në mënyrë specifike të Komitetit Teknik (Technical Committee) 287 – CCS me udhëheqës: Miguel Ângelo Dias Azenha nga Universiteti i Minhos, Portugali dhe Fragkoulis Kanavaris nga “Queen’s University”, në Britaninë e Madhe.

RILEM njihet si Unioni Ndërkombëtar i Laboratorëve dhe Ekspertëve në Materialet, Sistemet dhe Strukturat e Ndërtimit, i cili është themeluar në qershor të vitit 1947, me qëllim të promovimit të bashkëpunimit shkencor në fushën e materialeve dhe strukturave të ndërtimit. Kuptimi i ri i akronimit RILEM (Réunion Internationale des Laboratoires et Experts des Matériaux, systèmes de construction et ouvrages), ka fokusin në promovimin e bashkëpunimit në shkallë ndërkombëtare me qasje të përgjithshme në njohuri të avancuara, si: të stimulojë drejtime të reja të kërkimit dhe hulumtimit, duke promovuar përsosmërinë në ndërtim, të promovojë ndërtim të qëndrueshëm dhe të sigurt dhe performanca të përmirësuara dhe përfitim në kosto për shoqërinë.

Misioni i unionit është të avancojë njohuritë shkencore me qasje të lirë në lidhje me materialet, sistemet dhe strukturat e ndërtimit dhe të inkurajojë transferimin dhe zbatimin e kësaj njohurie në mbarë botën.

Sa i përket temës specifike që merret me betonin e armuar Komiteti Teknik 287 – CCS në të cilin janë të përfshirë anëtarë nga: Amerika, Kina, Australia, Franca, Britania e Madhe, Austria, Italia, Portugalia, si dhe UBT nga Kosova, merret me analizën e gjerësisë së plasaritjeve të hershme dhe afatgjate në strukturat e betonit të armuar.

Vazhdimësia e investimit të UBT-së dhe udhëheqjes së tij në ndërkombëtarizim po ashtu ka ndikim të lartë pasi që tashmë konsiderohet partner i besueshëm në bazë të punës së tij në fushën e Inxhinierisë në përgjithësi dhe në Inxhinierinë e Ndërtimit në veçanti.

Vazhdo të lexosh

Të kërkuara