Lajmet

Subvencionimi i pajisjeve efiçiente për ngrohje, rol kyç në kursimin e energjisë elektrike

Familjet kosovare kanë konsumuar mesatarisht 4 për qind më pak energji elektrike krahasuar me vitin paraprak.

Published

2 years ago

on

Ministria e Ekonomisë ka lansuar thirrjen për subvencionimin e pajisjeve efiçiente për ngrohje. Ministrja Artane Rizvanolli deklaroi investimet në këtë masë janë kyçe për strategjinë për të rritur efiçiencën e energjisë në sektorin e banimit. Sipas saj, familjet që kanë investuar në këto pajisjeve vitin e kaluar, kanë kursyer mesatarisht 40 për qind në faturat e tyre të energjisë elektrike. Më tej, ajo u zotua se po investohet me shifër rekord prej 30 milionë euro për qytetarët në efiçiencë të energjisë elektrike.

Në vazhdimësi të këtyre masave, Rizvanolli bëri të ditur lansimin e thirrjes së tretë që subvencionon investimet në pajisje ngrohëse efiçiente.

“Sot po lansojmë thirrjen e tretë që subvencionon investimet në pajisje ngrohës efiçiente, si pompë termike, kondicionerë apo klimë të tipit inverterë me efiçiencë të lartë, kaldaja dhe stufa individuale me biomasë si druri e peleti. Investimet në këtë masë janë kyçe për strategjinë tonë për të rritur efiçiencën e energjisë në sektorin e banimit, duke qenë që një masë e madhe e energjisë nga familjet konsumohet pikërisht për ngrohje. Mirëpo, ky është edhe një hap shumë i rëndësishëm në përballje me krizën energjetike, si vitin e kaluar siç ka qenë masa edhe sivjet. Rezultatet preliminare që i kemi nga një mostër e përfituesve të vitit të kaluar tregojnë se familjet që kanë investuar në pajisje efiçiente vjet me ndihmën e subvencionit të Ministrisë së Ekonominë kanë kursyer mesatarisht 40 për qind në faturat e tyre të energjisë elektrike”, deklaroi Rizvanolli.

Sipas saj, vitin e kaluar familjet kosovare kanë konsumuar mesatarisht 4 për qind më pak energji elektrike krahasuar me vitin paraprak. Ministrja e Ekonomisë bëri të ditur se edhe për masën për izolimin e shtëpive, ka pasur më shumë se dy mijë aplikime.

Nga Zyra e BE-së në Kosovë, Alessandro Bianciardi tha se masat e reja do të mundësojnë kursimin e energjisë elektrike, ku shumë familje edhe në nevojë do të përfitojnë nga këto masa të Ministrisë së Ekonomisë.

“Ne konsiderojmë se duke pasur efiçiencë të energjisë dhe duke ngritur efiçiencën e energjisë është prioritet i lartë dhe i parë dhe kështu mendoj që kjo ka një rol kyç për të kursyer energjinë. Implementimi gjithashtu nga fondi i Bashkimit Evropian është një progres të mirë dhe se nga 200 mijë shtëpi kanë përfituar nga këto thirrje për efiçiencë të energjisë. Dhe mendoj se kemi ngritur thirrjet edhe sa i përket edhe pensionerët dhe prindërit vetushqyes. Dhe mendoj se kjo energji e Kosovës është e gatshme për renovimin në pikëpamje të kursimit të energjisë, që e kemi dëgjuar pak më herët nga Ministria e Ekonomisë, që janë 31 ndërtesa me skema sociale të cilat do të përfitojnë nga ky benefit”, u shpreh ai.

Më tej, ministrja Rizvanoli tha se këtë vit ka filluar impelemtinimi i programit të efiçiencës së energjisë në sektorin rezidencial, e cila kap shifrën prej 10 milionë euro.

“Faza e parë e programit ka filluar me lansimin e thirrjeve për pajisje shtëpiake efiçiente dhe sisteme diellore për ngrohjen e ujit. Thirrja për pajisje shtëpiake vazhdon të mbetet e hapur deri më 2 tetor dhe shfrytëzoj rastin të ju bëjë thirrje edhe një herë qytetarëve që të apikojnë në kuadër të kësaj thirrje. Në këtë thirrje mbështetje të veçantë, si dhe vitin e kaluar u kemi dhënë përfituesve të asistencës sociale edhe kategorisë 1 dhe kategorisë 2 dhe prindërve vetushqyes. Deri më tani në këtë skemë kemi pranuar 3600 aplikacione, prej të cilave mbi 360 nga prindërit vetushqyes dhe mbi 310 nga qytetarët që janë në mbështetje të skemës sociale. Për thirrjen për subvencionim të sistemit diellor për ngrohje të ujit, faza e parë është mbyllur me datën 17 shtator. Në këtë skemë kemi pranuar gjithsej 146 aplikime, të cilat janë duke u trajtuar nga komisioni përkatës i ministrisë për fazën e dytë. Pra, në një afat prej 35 ditëve kanë aplikuar 3750 qytetarë. Më shumë se 100 aplikime në ditë, që mendoj që tregon interesimin e qytetarëve dhe vetëdijësimin e madh të qytetarëve për të investuar në pajisje efiçiente”, theksoi ajo.

Ajo tha se investimet në programet e efiçiencës të energjisë, bëhen falë mbështetjes financiare të Komisionit Evropian, në kuadër të pakos emergjente për energji.

“Këtë vit për herë të parë, jam e lumtur të them që janë duke investuar për herë të parë shifër rekord prej 30 milionë euro investime në sektorin e banimit, pra për qytetarët, për familjet. Që është shuma më e madhe ndonjëherë e investuar në efiçiencë të energjisë në Kosovë. Dhe këtë mund ta bëjmë falë përkrahjes financiare të Bashkimit Evropian në Kosovë, për çfarë shfrytëzojë rastin t’i falenderojë edhe një herë për mbështetjen në kuadër të pakos emergjente për energji prej 75 milionë euro që është vlera më e lartë për kokë banori në rajon, të cilin ka premtuar Kosova nga kjo pako”, deklaroi Rizvanolli.

Ministrja e Ekonomisë tha se punojnë që të rrisin kapacitetin për furnizimin me energji elektrike, pasi janë duke punuar në modernizimin e turbinave të termocentralit “Kosova B”, ku tha se planifikohet të rrisin kapacitetin për 30 megavat në dy vitet e ardhshme.

Thirrja për subvencionim të pajisjes efiçiente të ngrohjes do të jetë e hapur në platformën “eKosova” nga sot.

Related Topics:
Continue Reading

Aktualitet

KEK thirrje bizneseve që kanë dalë në treg të hapur

Published

17 hours ago

on

June 3, 2025

By

Korporata Energjetike e Kosovës ka lëshuar një njoftim duke thënë se inkurajojnë të gjithë konsumatorët që ende nuk kanë siguruar furnizues të energjisë elektrike të lidhin kontrata komerciale me KEK.

“Korporata Energjetike e Kosovës (KEK sh.a.) inkurajon të gjithë konsumatorët që ende nuk kanë siguruar furnizues të energjisë elektrike, që të lidhin kontrata komerciale të drejtpërdrejta me KEK, për të siguruar furnizim të qëndrueshëm.”

KEK thotë se deri tani ka lidhur 15 marrëveshje komerciale.

“Sipas vendimit të Zyrës së Rregullatorit për Energji (ZRRE), KEK është e licencuar për furnizim në treg të hapur dhe deri më tani ka lidhur me sukses 15 marrëveshje komerciale, duke përfshirë edhe ndërmarrje publike strategjike.”

KEK ka listuar disa arsye se pse duhet të zgjidhet KEK’u si furnizues.

“Pse të zgjidhni furnizimin komercial direkt nga KEK?

·         Furnizimi nga Furnizuesi i Mundësisë së Fundit është një zgjidhje e përkohshme, me periudhë 60-ditore dhe çmime më të larta nga tregu.

·         Sipas udhëzimeve të ZRRE-së, konsumatorët që nuk zgjedhin furnizues kalojnë automatikisht te FMF për 60 ditë, ku çmimet janë më të larta se në tregun e lirë. Pas afatit, kontratat me furnizues të rregullt është e detyrueshme.

·         Marrëveshjet komerciale me KEK ofrojnë çmime konkurruese, furnizim të qëndrueshëm dhe transparencë.

·         KEK siguron furnizim referuar në çmimet e tregut të publikuara në bursën zyrtare të energjisë ALPEX.”

“Veproni tani! Lidhja e kontratës komerciale është hapi më i sigurt për të shmangur pasigurinë dhe kostot e larta të furnizimit përmes FMF-së.”

Continue Reading

Lajmet

​Osmani fton në takim partitë për dekretimin e datës së zgjedhjeve lokale

Published

19 hours ago

on

June 3, 2025

By

Presidentja e Republikës së Kosovës ka ftuar në takim partitë politike, ku pritet të diskutohet data e zgjedhjeve të reja lokale.

Këshilltari për media i presidentes Vjosa Osmani, Bekim Kupina bëri të ditur për KosovaPress se takimi do të mbahet të mërkurën.

“Në bazë të kompetencave kushtetuese, Presidentja Osmani ka ftuar subjektet politike në takim të mërkurën, më 4 qershor 2025, për konsultime për caktimin e datës së zgjedhjeve lokale. Menjëherë pas konsultimeve, Presidentja do të caktojë datën e zgjedhjeve”, ka thënë ai.

Ende nuk dihet ora se kur do të mbahet takimi.

Continue Reading

Lajmet

Global UBT Fest 2025 – Festivali veror i dijes po vjen së shpejti

Published

19 hours ago

on

June 3, 2025

By

Jeni të ftuar të bëheni pjesë e ngjarjes më të madhe dhe më emocionuese të verës në botën e dijes dhe inovacionit! Global UBT Fest 2025 është festivali veror i dijes që mbledh në një vend mbi 30 shkolla verore të ndryshme, me mbi 300 folës kombëtarë dhe ndërkombëtarë nga fusha të ndryshme të shkencës, teknologjisë, artit, kulturës dhe zhvillimit personal.

Ky festival unik zhvillohet gjatë gjithë muajit Korrik 2025, duke ju ofruar një program të pasur dhe shumëdimensional që synon të zgjojë kuriozitetin, të frymëzojë dhe të lidhë njerëz nga e gjithë bota.

Çfarë do të përjetoni në Global UBT Fest 2025?

  • Forume të dedikuara me diskutime dhe debate mbi temat më të rëndësishme dhe aktuale të kohës;
  • Punëtori praktike që ju japin mundësi të mësoni aftësi të reja dhe të zhvilloni potencialin tuaj në fusha të ndryshme;
  • Gara të ndryshme që sfidojnë kreativitetin dhe dijen tuaj, me mundësi për çmime dhe njohje;
  • Koncerte dhe aktivitete kulturore që sjellin argëtim dhe një atmosferë festive për të gjithë pjesëmarrësit;
  • Eksperienca unike që vetëm Global UBT Fest mund t’ju ofrojë — një mundësi për rrjetëzim, shkëmbim ideje dhe krijim lidhjesh të reja në një mjedis stimulues.

Ky festival është projektuar për të ofruar një eksperiencë gjithëpërfshirëse dhe të paharrueshme për çdo pjesëmarrës, qoftë student, profesionist apo thjesht një person që kërkon të zhvillojë veten dhe të zgjojë pasionin për dijen.

Regjistrimi është tashmë i hapur: REGJISTROHU TANI

Mos e humbisni shansin për t’u bërë pjesë e kësaj ngjarje të jashtëzakonshëm.

Për më shumë informacion dhe për të siguruar vendin tuaj, vizitoni: https://forms.office.com/e/kwSSxXfsq0

Bashkohuni me ne këtë verë në Global UBT Fest 2025 dhe përjetoni verën më të pasur me dije, inspirim dhe argëtim!

Continue Reading

Lajmet

Takimi i radhës me Dr. Tanja Tamminen: Studentët e UBT-së thellojnë njohuritë mbi sigurinë evropiane dhe diplomacinë ndërkombëtare

Published

19 hours ago

on

June 3, 2025

By

Në vazhdën e aktiviteteve ndërkombëtare akademike dhe angazhimit të UBT-së për të sjellë ekspertizë globale në auditorë, studentët e Studimeve të Sigurisë zhvilluan me sukses takimin e radhës me Dr. Tanja Tamminen, eksperte e njohur në fushën e politikës së jashtme dhe sigurisë së Bashkimit Evropian.

Ky takim u zhvillua si vazhdim i ligjëratës së mëparshme dhe dëshmon interesimin e ndërsjellë për thellimin e bashkëpunimit ndërmjet UBT-së dhe ekspertëve ndërkombëtarë. Temë qendrore e diskutimit ishte dinamika e përfshirjes së Bashkimit Evropian në misionet civile të menaxhimit të krizave, si dhe ndikimi i tyre në vendet e Ballkanit Perëndimor, përfshirë Kosovën.

Studentët patën mundësinë të ngrenë pyetje më të thelluara dhe të diskutojnë çështje praktike që lidhen me sfidat dhe rolin strategjik të BE-së në garantimin e sigurisë në rajonet me ndjeshmëri politike dhe institucionale. Diskutimi u pasurua me përvoja të drejtpërdrejta nga misionet EULEX në Kosovë dhe EUAM në Ukrainë, të cilat Dr. Tamminen i ndau me pjesëmarrësit me shumë transparencë dhe profesionalizëm.

Ky takim u mundësua falë përkushtimit të Profesor Naim Dedushaj, i cili ka luajtur një rol kyç në ndërtimin e urave të komunikimit me profesionistë të profilit të lartë në nivel evropian. Për më tepër, u diskutuan edhe hapa konkretë për praktika studentore në institucionet evropiane, duke hapur mundësi të reja për studentët që synojnë karrierë ndërkombëtare në fushën e diplomacisë dhe sigurisë.

Continue Reading

Të kërkuara