Lajmet

Studiues, psikologë dhe profesionistë ndërkombëtarë bëhen bashkë në UBT për Konferencën Ndërkombëtare të Psikologjisë 2025

Published

6 months ago

on

UBT organizoi Konferencën Vjetore Ndërkombëtare të Psikologjisë, duke mbledhur ekspertë, studiues dhe profesionistë nga e gjithë bota për të diskutuar mbi risitë, sfidat dhe praktikat më të mira në fushën e shëndetit mendor dhe edukimit psikologjik.

Në këtë ngjarje, pjesëmarrësit kanë mundësinë të ndajnë studime shkencore, projekte praktike dhe analizë të rasteve nga Kosova dhe rajoni, duke theksuar rëndësinë e shëndetit mendor, qasjet inovative psikoterapeutike, dhe ndikimin e faktorëve social dhe familjar në mirëqenien psikologjike.

Fjalë përshëndetëse

Fatbardha Qehaja Osmani & Elona Krasniqi, Koordinatore të Konferencës
Keynote speakers: Eriola Qafzezi & Dorela Kacauni

Sesioni 1 – Psikologjia dhe Shëndeti Mendor

Kryesues: Denis Celcima | Bashkëkryesues: Valdrin Krasniqi

  • Meditation as part of the intervention in alleviating distress in the psychotherapy process of adults – Bilokurova Tetyana & Idrizi Ali
  • The mediating role of executive functions in reading fluency among 8–10-year-old children – Fatbardha Qehaja Osmani & Elma Berisha
  • Imperial Projects and Anti-Balkanization: A Formal Model of Countries’ Conquest and Unification in a Post-Hegemonic World – Ridvan Peshkopia
  • Resilience Among University Students: A Key Factor in Academic Success and Psychological Well-Being – Anita Sadikaj & Eglantina Kraja Bardhi
  • The relationship between lateralization of hemisphere and socio-scholarly competencies in 10-11 year old students – Qufli Osmani & Teuta Idrizi
  • Determinants of mental health and resilience processes in Kosovar individuals: a protocol study – Elona Krasniqi, Naim Fanaj & Sevin Mustafa

Sesioni 2 – Praktika dhe Qasje Inovative Psikoterapeutike

Kryesues: Fatbardha Qehaja Osmani | Bashkëkryesues: Violeta Zefi

  • Innovative Psychotherapeutic Approaches through NeuroSound and MentalTimer: Evidence from Clinical Practice in Kosovo – Dafina Prokshi
  • Victim Protection and Mental Health Inequality in Kosovo – Zana Sopjani
  • Health Behavior in Kosova: Analysis of Influencing Factors and Implications for Public Health – Eronita Parduzi & Emrush Thaqi
  • The Relationship Between Parenting Styles and Self-Esteem – Mirlindë Bilalli & Ermirë Bilalli
  • Cultivating a Safe Psychosocial Climate to Enhance Employee Well-Being in the Energy Sector – Valdrin Krasniqi
  • Burnout and Mental Wellbeing of Mental Health Workforce in Kosovo: A mediation analysis of resilience – Naim Fanaj
  • Domestic Violence and the Mental Health of Children and Adolescents: A Meta-Analysis of Invisible Trauma (2010–2025) – Adelina Ahmeti-Pronaj

Sesioni 3 – Edukimi dhe Zhvillimi i Aftësive Psikologjike

Kryesues: Elona Krasniqi | Bashkëkryesues: Anita Sadikaj

  • Psychostimulation on specific functions of the receptive emotional decoding competence in students aged 10–11 – Teuta Idrizi & Qufli Osmani
  • Socializing Math Equally? Exploring Gendered Assumptions in the Home Learning Environment – Besjanë Krasniqi, Susan Sonnenchein, Michele Stites, Emma Snyder
  • Self-efficacy and academic performance of students – Denis Celcima, Diana Sjediu Shala, Malsore Hetemi
  • The impact of parenting style on adolescents’ developmental assets – Violeta Zefi & Njomza Krasniqi
  • Anxiety among adolescents aged 15–18 in the city of Prizren – Besarta Sadriu & Kosovare Hamiti
  • Victimology as a Path to Understanding Mental Health: Supporting Victims in Kosovo – Zana Sopjani

Sesioni 4 – Shëndeti Mendor dhe Ankthi

Kryesues: Emrush Thaci | Bashkëkryesues: Besarta Sadriu

  • Anxiety as a consequence of bullying adolescents in Albania and Kosovo – Anita Sadikaj & Anora Kroj
  • The unexamined life in the age of anxiety: Philosophical counseling’s distinct utility for contemporary existential crisis – Megi Koçiaj
  • Analysis of indicators of loneliness and their relationship with physical activity levels in Kosovo – Kaltrina Rrafshi, Drenushë Krasniqi, Elona Sopa & Deniz Celcima

Workshop: Reflection on the main findings of the conference – Denis Celcima
Further studies to be explored in the domain of mental wellbeing – Fatbardha Qehaja Osmani & Elona Krasniqi

Konferenca IC–PSY 2025 thekson rëndësinë e shëndetit mendor, edukimit psikologjik dhe qasjeve inovative klinike, duke kontribuar në forcimin e dijes, hulumtimit dhe praktikave të bazuara në prova në Kosovë dhe rajon.

Related Topics:
Continue Reading

Vendi

PDK: Përpjekjet për zgjedhjen e presidentit në mënyrë jokushtetuese janë shqetësuese

Published

7 hours ago

on

April 28, 2026

By

Shefi i Grupit Parlamentar të Partisë Demokratike të Kosovës, Arian Tahiri, ka deklaruar se përpjekjet për vazhdimin e procesit të zgjedhjes së presidentit në mënyrë jokushtetuese janë shqetësuese për opozitën, përfshirë edhe PDK-në, si dhe për përfaqësues të shoqërisë civile.

Sipas tij, zgjedhja e presidentit është çështje me interes të përgjithshëm dhe nuk është dashur të trajtohet në mënyrë të njëanshme.

“Tendenca që kemi parë për të vazhduar zgjedhjen e presidentit në mënyrë jokushtetuese ka qenë shqetësuese jo vetëm për ne si PDK, por edhe për të gjitha subjektet opozitare, përfaqësuesit e shoqërisë civile dhe qytetarët”, deklaroi Tahiri.

Ai theksoi se opozita ka pasur një qasje konstruktive gjatë gjithë procesit, duke filluar nga konstituimi i institucioneve deri te votimi i marrëveshjeve ndërkombëtare.

“Nuk kemi dashur të jemi sonte në konferencë për këtë temë, por kjo ka qenë një situatë e imponuar, për të cilën kemi alarmuar vazhdimisht”, shtoi ai.

Continue Reading

Lajmet

Berisha: Bashkimi i opozitës do të zgjidhte krizën politike

Published

8 hours ago

on

April 28, 2026

By

Shefi i Grupit Parlamentar të AAK-së, Besnik Tahiri, ka deklaruar në një konferencë për media se partia e tij nuk do të bëhet pjesë e, siç e quajti ai, një procesi që po dëmton rendin kushtetues dhe po shndërrohet në një spektakël politik që ka zgjatur tash e katër muaj.

Sipas Tahirit, ky proces nuk përfaqëson një procedurë të mirëfilltë demokratike për zgjedhjen e presidentit, por një përpjekje për manipulim të opinionit publik. Ai theksoi se AAK-ja nuk do të marrë pjesë në atë që e cilësoi si “komplot ndaj shtetit”, në asnjë rrethanë.

Ndërkohë, deputeti i AAK-së, Bekë Berisha, u shpreh se nëse partia e tij do të kishte një rol më të madh në këtë proces, çështja do të mund të zgjidhej brenda një kohe shumë të shkurtër.

Berisha gjithashtu theksoi se bashkimi i opozitës do të ishte çelësi për tejkalimin e situatës aktuale. Sipas tij, kryeministri Albin Kurti po kontribuon në përçarje, ndërsa shtoi se ndalimi i kësaj përçarjeje do t’i hapte rrugë zhvillimit dhe përparimit të vendit.

Continue Reading

Vendi

Kurti fton LDK-në të propozojë kandidat, ofron mbështetje me nënshkrime; Hoxha gati të tërhiqet

Published

9 hours ago

on

April 28, 2026

By

Kryeministri Albin Kurti ka deklaruar se janë të gatshëm t’i japin LDK-së edhe 15 nënshkrime për cilindo kandidat që kjo parti propozon. Ai bëri të ditur se ka zhvilluar bisedë edhe me Hatixhe Hoxhën, e cila ka shprehur gatishmëri të tërhiqet nga kandidatura nëse LDK-ja del me një emër të saj.

Sipas Kurtit, kjo do të mundësonte një garë mes një kandidateje nga shoqëria civile, Feride Rushiti, dhe një kandidati apo kandidateje të LDK-së.

“Kam biseduar me Hatixhe Hoxhën. Ajo është pajtuar të tërhiqet nëse LDK-ja i siguron 15 nënshkrime për kandidaten e saj. LVV-ja do t’i shtojë edhe 15 nënshkrime, duke krijuar kështu mundësinë për një përballje mes një kandidati të shoqërisë civile dhe një kandidati të LDK-së. Sonte mund ta zgjedhim presidentin/en e Kosovës. Unë jam në zyrën e LVV-së pranë Kuvendit, ku LDK-ja mund t’i dorëzojë nënshkrimet. Edhe nëse kanë vetëm 13 apo 14, ne i plotësojmë. Nuk kemi asnjë pengesë për cilindo kandidat që propozon LDK-ja”, ka thënë Kurti.

Continue Reading

Lajmet

Tentimi i fundit për zgjedhjen e Presidentit sonte në orën 23:00

Published

9 hours ago

on

April 28, 2026

By

Seanca për zgjedhjen e Presidentit të Kosovës është shtyrë për në orën 23:00, pak para skadimit të afatit kushtetues të përcaktuar nga Gjykata Kushtetuese e Kosovës.

Kryetarja e Kuvendit, Albulena Haxhiu, njoftoi se deputetët do të mblidhen edhe një herë gjatë natës për një përpjekje të fundit për zgjedhjen e kreut të shtetit.

Seanca e sotme, sikurse edhe ato paraprake, është karakterizuar nga mungesa e partive opozitare, të cilat kanë bojkotuar procesin. Pas rifillimit të shkurtër të punimeve, Haxhiu e ndërpreu sërish seancën për shkak të mungesës së kuorumit të plotë, duke bërë të ditur se ajo do të vazhdojë në orën 23:00.

Në seancën e së hënës, ku morën pjesë vetëm deputetët e shumicës, u hodhën në votim dy kandidatet e propozuara nga Lëvizja Vetëvendosje: Feride Rushiti dhe Hatixhe Hoxha. Rushiti mori 63 vota në rundin e parë, ndërsa Hoxha nuk arriti të sigurojë asnjë votë; një votë rezultoi e pavlefshme.

Përfaqësues të opozitës dhe të shoqërisë civile kanë kundërshtuar procesin, duke vlerësuar se votimi pa pjesëmarrjen e plotë të deputetëve cenon rendin kushtetues.

Nëse Kuvendi dështon të zgjedhë presidentin deri në mesnatë, vendi pritet të shkojë në zgjedhje të reja.

Continue Reading

Të kërkuara