Teknologji

Studimi: Llogaria e Kim Kardashian dhe Kylie Jenner ‘i bëri njerëzit të ndihen keq për veten’

Pothuajse gjysma e përmbajtjes që njerëzit shohin në Instagram vjen nga të famshëm, thuhet në hulumtim.

Published

4 years ago

on

Sa më shumë që shihni personazhe të famshëm si Kim Kardashian, Kylie Jenner dhe Justin Bieber në Instagram, aq më shumë ka të ngjarë që të keni një imazh më të keq për veten, thotë një dokument kërkimor.

Hulumtimi i zbuluar nga Wall Street Journal (WSJ) këtë javë, zbuloi se njerëzit që ndoqën disa nga yjet më të mëdhenj në Instagram, përfshirë familjen Kardashian, Ariana Grande dhe Katy Perry përjetuan një krahasim më të madh negativ social, që do të thotë se ata e krahasojnë veten në mënyrë të pafavorshme me të famshmit, dhe imazhet që shohin.

Nga ana tjetër, ndjekësit e Will Smith, futbollisti brazilian Neymar dhe ylli i filmit Dwayne “The Rock” Johnson raportuan se ndjenin më pak krahasim social negativ, sipas zbulimeve të studiuesve të Facebook.

Pothuajse gjysma e përmbajtjes që njerëzit shohin në Instagram vjen nga të famshëm, thuhet në hulumtim.

Adoleshentët më të prekur

Hulumtimi, i titulluar “Social comparison on Instagram”, anketoi 100,000 njerëz në mars dhe prill të vitit 2020 në nëntë vende, përfshirë Shtetet e Bashkuara, Mbretërinë e Bashkuar, Francën dhe Gjermaninë.

Adoleshentët ishin më të prirur ndaj krahasimit social negativ sesa të rriturit, zbuloi kërkimi.

Në përgjithësi, gratë dhe vajzat adoleshente kishin më shumë gjasa të përjetonin krahasime negative sociale.

Një nxitës tjetër i fortë i krahasimit social negativ për përdoruesit e Instagram ishin postimet me pëlqime të vetëm një përdoruesi, si dhe selfie të redaktuara shumë dhe filtra zbukurues.

Raporti i hulumtimit gjithashtu jep një pasqyrë se si Facebook shpresonte të zgjidhte çështjen e krahasimit negativ social në Instagram.

Një seri sugjerimesh përfshin opsionin për të fshehur pëlqimet – të cilat kompania i zbatoi në fillim të këtij viti.

Studiuesit sugjeruan që kompania të punojë me të famshmit, ndjekësit e të cilëve përjetuan nivelet të larta të krahasimit negativ për të prodhuar “fushata realiteti” për të adresuar çështjen./UBTNews

Related Topics:
Continue Reading

Teknologji

Honda prezanton motorin e ri V6 dhe teknologjinë hibride të gjeneratës së ardhshme

Published

10 hours ago

on

November 8, 2025

By

Honda ka zbuluar teknologjitë kryesore të sistemeve të saj hibride të mëdha të gjeneratës së ardhshme, duke përfshirë motorin e ri V6 që përmbush standardet më të rrepta mjedisore, si dhe njësitë e përmirësuara të fuqisë dhe bateritë me efikasitet të lartë dhe kosto më të ulët.

Kompania synon të rrisë efikasitetin e karburantit me mbi 30% krahasuar me modelet aktuale me motorë me djegie të brendshme në të njëjtin segment.

Kombinimi i motorit V6 me sistemin e ri hibrid do të ofrojë drejtim më ekonomik dhe performancë të lartë, veçanërisht për automjetet e mëdha dhe të rënda.

Honda parashikon gjithashtu një përmirësim prej mbi 10% në përshpejtim, falë rritjes së efikasitetit të motorit, optimizimit të njësive të fuqisë dhe mbështetjes nga bateria.

Kjo teknologji pritet të debutojë më 2027 në modelet e mëdha të Hondës, fillimisht në tregun amerikan, me mundësi zgjerimi në Evropë. /A.Z/UBT News/

 

Continue Reading

Teknologji

Pse Google dëshiron t’ju pengojë të përdorni ChatGPT?

Published

1 day ago

on

November 7, 2025

By

Në përditësimin e fundit të shfletuesit Chrome, Google ka shtuar një buton të ri të quajtur “AI Mode”, i cili shfaqet direkt nën fushën e kërkimit në telefonat inteligjentë.

Ky opsion aktualisht është i disponueshëm për përdoruesit në SHBA në pajisjet iOS dhe Android, ndërsa Google planifikon ta zgjasë përhapjen globale në deri 160 vende në javët në vijim.

Butoni ndodhet mbi shkurtesat e faqeve më të vizituara, duke e bërë të lehtë qasjen për përdoruesit sapo të hapin një tab të ri.

Qëllimi është i qartë: Google synon që përdoruesit të klikojnë “AI Mode” para se të përdorin shërbime si ChatGPT ose Perplexity.

AI Mode ofron qasje të shpejtë në kërkimin me AI të Google e mbështet disa gjuhë. Në praktikë, kjo do të thotë se përdoruesit bëjnë pyetje dhe të marrin përgjigje, përmbledhje apo rekomandime pa pasur nevojë të hapin aplikacione të tjera.

Google ka prezantuar përmirësime të reja me “agentic AI”, që mundësojnë që AI Mode të rezervojë automatikisht bileta për ngjarje ose termine në sallonet e bukurisë. Ndërkohë, konkurenca nuk qëndron pasive – Perplexity po zhvillon shfletuesin e vet, Comet, ndërsa OpenAI po punon në Atlas, një shfletues me bazë AI që mund të ndryshojë mënyrën e përdorimit të internetit.

Përdoruesit e Chrome përfitojnë nga kjo veçori duke përditësuar shfletuesin; AI Mode duhet të shfaqet automatikisht kur hapin një tab të ri. /A.Z/UBT News/

Continue Reading

Teknologji

Italia bëhet vendi i parë i BE-së që miraton ligj gjithëpërfshirës për Inteligjencën Artificiale

Published

1 day ago

on

November 7, 2025

By

Italia ka bërë histori duke u bërë vendi i parë në Bashkimin Evropian që miraton një ligj të plotë për Inteligjencën Artificiale, vendosur rregulla të qarta dhe dënime të rrepta për abuzimet me teknologjinë.

Sipas ligjit të ri, përdorimi i AI për të krijuar ose shpërndarë përmbajtje të manipuluar, si “deepfakes”, mund të sjellë dënime nga 1 deri në 5 vjet burg. Masat bëhen edhe më të rënda nëse teknologjia përdoret për krime si mashtrimi, vjedhja e identitetit ose dëmtimi i reputacionit.

Ligji vendos rregulla për transparencën dhe mbikëqyrjen njerëzore në vendet e punës, për të siguruar që AI të mos dëmtojë proceset sociale dhe të drejtësisë. Kryeministrja Giorgia Meloni e konsideroi hap vendimtar për të ardhmen e Italisë dhe të BE-së.

“Qëllimi ynë është një inteligjencë artificiale e përqendruar te njeriu, transparente dhe e sigurt, që ruan privatësinë dhe sigurinë kibernetike, ndërsa nxit inovacionin”, tha ajo.

Një pikë kyçe e ligjit është mbrojtja e të miturve: fëmijët nën 14 vjeç nuk mund të përdorin AI pa miratimin e prindërve.

Ky ligj, i harmonizuar me Aktin Evropian për Inteligjencën Artificiale, pritet të shërbejë si model për vendet e tjera anëtare, duke vendosur Italinë në qendër të diskutimeve mbi përdorimin etik dhe të sigurt të teknologjisë. /A.Z/UBT News/

Continue Reading

Teknologji

WhatsApp teston “drynin” për siguri maksimale

Published

1 day ago

on

November 7, 2025

By

WhatsApp po përgatit një veçori të re, të quajtur përkohësisht “dryn”, që synon të ofrojë mbrojtje të avancuar për përdoruesit që mund të jenë në rrezik nga sulmet kibernetike a ndërhyrjet e programeve spiune Pegasus apo Graphite.

Sipas faqes së specializuar WaBetaInfo, funksioni është zbuluar në versionin beta 2.25.33.4 të aplikacionit për Android, dhe aktualisht ndodhet në fazën e testimit.

“Dryni” përfshin një kombinim të opsioneve të sigurisë dhe privatësisë, që aktivizohen automatikisht për të forcuar mbrojtjen e përdoruesit.

Këto përfshijnë:

Bllokimin e skedarëve mediatikë dhe bashkëngjitjeve nga dërgues të panjohur;

Çaktivizimin e pamjeve paraprake të lidhjeve në mesazhe;

Heshtjen e thirrjeve hyrëse nga persona që nuk janë në listën e kontakteve;

Kufizimin e shtimit në grupe vetëm nga kontaktet tuaja;

Njoftime automatike kur ndryshon kodi i sigurisë në një bisedë të enkriptuar nga fillimi në fund;

Aktivizimin e verifikimit me dy hapa;

Kufizimin e dukshmërisë së fotos së profilit, informacionit, statusit dhe datës së fundit të lidhjes vetëm për kontaktet;

Dhe madje fshehjen e adresës IP gjatë thirrjeve, duke i bërë ato të kalojnë përmes serverëve të WhatsApp-it.

Nëse zbatohet. kjo veçori do të rrisë ndjeshëm nivelin e mbrojtjes kundër kërcënimeve të mundshme, pa qenë nevoja që përdoruesit të ndryshojnë manualisht shumë cilësime të privatësisë.

Aktualisht, nuk dihet ende se kur WhatsApp do ta lëshojë këtë funksion për të gjithë përdoruesit, por pritet të jetë hap i rëndësishëm drejt sigurisë së avancuar në komunikimet digjitale. /A.Z/UBT News/

Continue Reading

Të kërkuara