Lajmet

Studim: Arsyet psikologjike përse njerëzit përfshihen në zënka!

Një studim amerikan i postuar në Business Insider, është munduar të zbuloi çfarë na shtyn drejt konfliktit.

Published

on

Zënkat nuk janë asnjëherë të këndshme. Pavarësisht se më kë jeni zënë, me partnerin, një mik, koleg apo një familjar, një zënkë e fortë mund t’ju lë me ndjesi të këqija për ditë të tëra.

Një studim amerikan i postuar në Business Insider, është munduar të zbuloi çfarë na shtyn drejt konfliktit edhe kur e dimë që në fund do të na mërzisë.

Këto janë 6 gjetje të botës së psikologjisë që ofrojnë disa përgjigje më pak të hasura rreth arsyes që na shtyn drejt konfrontimeve të forta.

Ju keni shumë pushtet, por ju mungon respekti

Një nga mënyrat se si studiuesit i shohin konfliktet ndër-personale është duke analizuar situatat që i krijuan ato fillimisht.

Dhjetëra studime kanë zbuluar se në vendin e punës njerëzit të cilëve u jepet shumë pushtet por që kanë status të ulët social, kanë tendencën të përfshihen në një numër të lartë konfliktesh. Vendosini të punojnë me dikë tjetër dhe një ‘cikël vicioz’ me ofendime dhe komente tendencioze kanë shumë mundësi të formohen dhe të çojnë në konflikt.

Ju nuk po flini mjaftueshëm

Nëse keni ndjekur ndopak shkencën e gjumit, atëherë e dini se nëse nuk flini mjaftueshëm kjo do të sjellë padyshim efekte negative në përditshmërinë tuaj. Është keq për shëndetin tuaj, për trurin si dhe aftësinë për t’i çuar gjërat deri në fund.

Por gjumi luan një rol të rëndësishëm edhe tek konfliktet, sigurisht, përveç stresit dhe ankthit që e përkeqësojnë konsiderueshëm situatën. Një studim i disa çifteve në një laborator, zbuloi se edhe kur vetëm njëri prej partnerëve nuk flinte mjaftueshëm, kjo shkaktonte situata që e bënin të pamundur zgjidhjen e problemeve, gjë që sigurisht rezultonte në zënka dhe konflikte.

Jeni më racional seç duhet

Çfarë thonë njerëzit në momentin që po debatojnë me dikë i cili nuk dëshiron të bëjë asnjë kompromis?

Bëhu i arsyeshëm. Bëhu racional.

Por me ç’duket, më tepër racionalitet seç duhet ju shtyn më tepër drejt konflikteve.

Studimet sugjerojnë se qeniet humane janë në shkallën e tyre më të arsyeshme në momentin që ata janë të përfshirë në debat, duke zgjedhur pozicionet që janë më të lehta për t’u mbrojtur dhe duke e menduar dhe zgjedhur mirë çdo fjalë që ata thonë. Por i njëjti racionalitet e bën më të vështirë që ata të marrim parasysh këndvështrimet e tjetrit pasi në ato momente, ne i përdorim mendjet tona si armë për ta mposhtur personin tjetër, gjë që shpesh mund të na e zbeh mprehtësinë dhe intuitën ndaj të vërtetës.

Jeni të vetë përfshirë

Të qenit i vetë-përfshirë e rrit probabilitetin që pas konflikteve të ndjeheni keq.

Një studim i 261 studentëve në Universitetin e Tajvanit, ekzaminoi raste kur ata kishin pasur konflikte me prindërit e tyre.

Studiuesit përdorën numrin e rasteve që studentët përdoren fjalën ‘ne’ si një matës që i ndante ata në dy grupe, në grupin që e mendonin veten dhe prindërit e tyre si një njësi e vetme dhe grupin tjetër që e mendonin veten dhe prindërit si dy njësi të ndara. Ata që përdoren fjalën ‘ne’ më shpesh, ishin ndjerë në mënyrë direkte më mirë në fund të konfliktit dhe kishin më tepër mundësi për të arritur në kompromis.

Ju nuk jeni mjaftueshëm ‘shpirtmirë’

Një faktor tejet i rëndësishëm i mënyrës së si i zgjidhim konfliktet është mënyra se si ne ndjehemi pas tyre, që përshinë ndjenjat e empatisë dhe dhembshurisë. Kjo tregon kapacitetin tuaj për të qenë i mirë ndaj vetës – duke marrë parasysh nevojat dhe dëshirat tuaja personale – por edhe ndaj të tjerëve dhe kushteve të tyre.

Njerëzit me vetë-dhembshuri të ulët nënshtrohen më thjesht dhe në moment konfrontimi, arrijnë direkt në “kompromise” duke u bazuar tërësisht në nevojat dhe dëshirat e personit tjetër. Në anën tjetër, njerëzit me vetë-dhembshuri të lartë kanë tendencën të arrijnë në kompromise më të mira dhe ta shohin situatën me më tepër racionalitet dhe më pak ngarkesë emocionale.

Ju nuk jeni autentik

Zënkat ndodhin. Edhe nëse ju do të ndërmerrnit të gjithë hapat paraprak në mënyrë që të gjendeni në harmoni perfekte me nevojat e vetes dhe të të tjerëve rreth jush, gjithsesi jeta do t’ju hasë me njerëz që nuk i ndërmarrin këto hapa dhe ndonjëherë do t’ju duhet të ngulni këmbë tek e juaja.

Mënyra për t’ia dalë në situata të tilla duke mos u ndjerë keq më vonë, është duke qenë vetvetja apo vetja juaj e vërtetë dhe autentike.

Studime të shumta kanë zbuluar se njerëzit të cilët nuk ndjehen sikur po i fshehin ndjenjat dhe besimet e tyre janë më të mbrojtur ndaj emocioneve negative pas një konflikti.

Ata mund ta mbyllin një konflikt pa u ndjerë keq më vonë. Por njerëzit të cilët nuk ndjehen autentik në veprimet e tyre kanë tendencë të bëjnë të kundërtën./Burimi: EuroNews

Continue Reading

Aktualitet

Trajnime praktike dhe certifikime ndërkombëtare në UBT, nga shtatori deri në nëntor

Published

on

UBT ka njoftuar nisjen e një cikli të gjerë trajnimesh profesionale dhe praktike për periudhën Shtator–Tetor–Nëntor 2025, të hapura për studentë, profesionistë dhe të gjithë të interesuarit për zhvillim të aftësive. Sipas njoftimit, çdo muaj do të hapen grupe të reja, duke ofruar fleksibilitet në orar dhe mundësi për t’iu përshtatur angazhimeve të pjesëmarrësve.

Programi mbulon fusha kyçe të menaxhimit të projekteve, IT-së, analizës së të dhënave dhe aftësive të buta, me fokus në standarde ndërkombëtare dhe punë praktike në laboratorë modernë të UBT-së.

Trajnimet e planifikuara:

  • PRINCE2 – 24 orë
  • ITIL Foundation – 24 orë
  • Analiza e të Dhënave me SPSS – 24 orë
  • MS Project – 18 orë
  • Hyrje në Programim – 30 orë
  • MS Excel i Avancuar – 24 orë
  • Marketingu Digjital – 24 orë
  • Shitja & Kujdesi ndaj Klientëve – 2 muaj
  • Instalues Elektrik – 3 muaj
  • Zhvillues i Aplikacioneve me AI – 2 vite

Trajnimet do të zhvillohen në kampuset e UBT-së në Prishtinë, Lipjan, Prizren, Ferizaj dhe Gjilan. Pjesëmarrësit përfitojnë nga ligjërues të certifikuar, mjedise laboratorike të avancuara, certifikatë pjesëmarrjeje dhe kompetence, si dhe mundësi certifikimi ndërkombëtar për programet PRINCE2 dhe ITIL.

Aplikimet kryhen online: APLIKO TANI!

Continue Reading

Aktualitet

Edhe pak vende të lira në programin Inxhinieri e Mekatronikës në UBT

Published

on

UBT njofton se kanë mbetur edhe pak vende të lira për programin Inxhinieri e Mekatronikës, një nga drejtimet më inovative dhe të kërkuara nga të rinjtë në fushën e inxhinierisë.

Ky program ndërthur mekanikën, elektroniken dhe teknologjinë digjitale, duke përgatitur studentët për të qenë pjesë e transformimit teknologjik në fushat e automatizimit, robotikës dhe sistemeve të mençura.

Studentët e këtij programi përfitojnë nga laboratorë të avancuar, ligjërues me eksperiencë ndërkombëtare dhe projekte praktike, duke ndërtuar kompetenca të plota për tregun e punës. Përmes këtij kombinimi, ata përgatiten të udhëheqin zhvillimet më moderne në industri dhe teknologji.

Aplikimet janë ende të hapura dhe mund të bëhen online në linkun: APLIKO TANI ONLINE!

Continue Reading

Aktualitet

Gjendet pa shenja jete një person në një banesë pranë burgut në Mitrovicën e Veriut

Published

on

Një person është gjetur pa shenja jete në një banesë në afërsi të Qendrës së Paraburgimit në Mitrovicën e Veriut. Lajmin e ka konfirmuar zëvendësdrejtori i policisë atje, Veton Elshani.

Siç tha ai, nuk dihet ende shkaku i vdekjes së këtij personi, mirëpo i ndjeri ka jetuar i vetëm dhe ishte përdorues i narkotikëve.

“Rreth orës 14:30, policia është njoftuar për një trup të pajetë që ndodhej në një banesë në afërsi të Qendrës së Paraburgimit në Mitrovicën e Veriut. Policia ka shkuar në vendin e ngjarjes dhe ka hasur në trupin e pajetë, ndërsa shkaqet e vdekjes do t’i mësojmë pasi që në vend të ngjarjes të vijë Mjekësia Ligjore. Personi ka jetuar i vetëm dhe ishte i njohur për policinë si përdorues narkotikësh”, tha Elshani

Continue Reading

Aktualitet

Kurti takon Komisionerin e Lartë të OSBE-së për Pakicat Kombëtare

Published

on

Kryeministri në detyrë i Kosovës, Albin Kurti ka takuar Komisionerin e Lartë të OSBE-së për Pakicat Kombëtare të cilin e falënderoi për angazhimin e gjatë të OSBE-së në Kosovë dhe theksoi përparimin e arritur në fushat e të drejtave të njeriut, demokratizimit dhe sigurisë.

Ai theksoi zhvillimin e vendit si një nga demokracitë më të avancuara në Ballkanin Perëndimor dhe përkushtimin ndaj rritjes ekonomike dhe mirëqenies sociale dhe sigurisë.

Më tej, kryeministri në detyrë Kurti nënvizoi kornizën kushtetuese dhe ligjore të Republikës së Kosovës që garanton të drejta dhe përfaqësim për komunitetet, përtej standardeve ndërkombëtare, duke theksuar nevojën që këto të drejta të shfrytëzohen për integrim.

Ai shprehu gatishmërinë e Qeverisë së Republikës së Kosovës për të forcuar bashkëpunimin me OSBE-në.

Continue Reading

Të kërkuara