Universi i UBT

Studentja e Psikologjisë në UBT, Anila Shala, punësohet në KTV

Ajo u punësua në cilësinë e autores së Programit Fluturues të Fëmijëve.

Published

on

Studentja e Fakultetit të Psikologjisë në UBT, Anila Shala, pas angazhimit të saj dhe punës së suksesshme me profesionistët në UBT është punësuar në televizionin Kohavision (KTV), në cilësinë e autores së Programit Fluturues të Fëmijëve.

Anila, çdo javë përgatitë rubrika të ndryshme për fëmijë, duke sjellur tema atraktive dhe materiale të mbushura me aventura, lojëra dhe aktivitete argëtuese, të cilat janë praktike dhe të dashura për fëmijët.

Duke qenë pjesë e Fakultetit të Psikologjisë, ajo ka theksuar se niveli i studimeve në UBT, angazhimi dhe profesionistët e fushës së Psikologjisë i kanë ndihmuar që ajo të formohet edhe më shumë profesionalisht në fushën e psikologjisë.

“UBT më ka ofruar hapat e parë dhe shumë të fuqishëm të fillimit të studimeve akademike, përmes të cilëve jo vetëm se kam ndërtuar një bazë të mirë për profesionin që synoj, por njohuritë e fituara janë duke më ndihmuar edhe në punën e tanishme, duke më lehtësuar punën time me fëmijë dhe ndihmuar në ndërtimin e raporteve shumë të mira me ta”, ka thënë studentja e Fakultetit të Psikologjisë në UBT, Anila Shala.

Stafi profesional, kurrikula moderne, mundësitë për zhvillimin e studentëve dhe të rinjve e studimet atraktive, janë disa prej elementeve që Anila i ka veçuar për studimet akademike në UBT.

“Ka shumë arsye të cilat i bëjnë të veçanta studimet në UBT, duke filluar nga programi dhe lëndët që përmban ai, lëndë këto adekuate të nevojshme dhe atraktive, stafi profesional dhe i avancuar të cilët kryejnë punën me një pasion të pashoq, si dhe mundësitë e shumta të studentëve për t’u zhvilluar në karrierën profesionale”, ka thënë ajo.

Fakulteti i Psikologjisë në UBT, ju ofron studentëve mundësi të shumta të zhvillimit të tyre në karrierë, përmes profesionistëve më të mirë që ka vendi, në zhvillimin e mëtutjeshëm në fusha të ndryshme që përfshijnë teoritë bazike dhe të avancuara të psikologjisë.

Lajmet nga UBT

UBT International Smart Schools diplomon nxënësit e brezit të ri teknologjik – Ceremonia mbahet këtë të shtunë në Parkun Shkencor

Published

on

By

Një ngjarje e veçantë do të shënojë fundin e një kapitulli dhe fillimin e një të riu për maturantët e UBT International Smart Schools, të cilët këtë të shtunë do të diplomohen në një ceremoni solemne të organizuar në ambientet moderne të Parkut Shkencor, Inovativ dhe Teknologjik të UBT-së në Lipjan.

Ceremonia do të nisë në ora 18:00 dhe pritet të mbledhë nxënës, prindër, mësimdhënës dhe përfaqësues të institucioneve, duke e kthyer këtë ngjarje jo vetëm në një festë akademike, por edhe në një dëshmi të përkushtimit të UBT-së ndaj cilësisë së arsimit dhe zhvillimit të brezit të ri.

Ky moment i rëndësishëm shënon përfundimin e një faze të rëndësishme në rrugëtimin edukativ të nxënësve dhe nisjen e aventurave të reja akademike e profesionale. UBT International Smart Schools, si pjesë e sistemit arsimor të UBT-së, njihet për qasjen inovative në mësimdhënie, ndërkombëtarizimin e kurrikulës dhe përgatitjen e nxënësve për tregun global të dijes dhe punës.

Për të gjithë të interesuarit, organizatorët kanë bërë të ditur se të pranishmit janë të mirëseardhur të marrin pjesë në këtë ceremoni dhe të ndajnë nga afër emocionet dhe sukseset e maturantëve të këtij viti.

Continue Reading

Lajmet nga UBT

Profesorët e UBT-së prezantuan projektin COWEB në takimin “Cluster” të organizuar nga Erasmus Plus Kosova

Published

on

By

Profesorët e UBT-së, Prof. Gonxhe Beqiri dhe Prof. Engelbert Zefaj, morën pjesë në takimin “Cluster” të organizuar nga Erasmus Plus Kosova në Prishtinë. Ata përfaqësuan projektin COWEB, një iniciativë e financuar nga programi Erasmus Plus, e cila synon zhvillimin dhe fuqizimin e kapaciteteve akademike dhe profesionale në Kosovë.

Takimi kishte për qëllim mbledhjen e përfaqësuesve të institucioneve të arsimit të lartë në Kosovë që janë përfituese të projekteve të Erasmus Plus, duke krijuar një platformë për diskutim mbi sfidat, përvojat dhe mësimet e nxjerra gjatë zbatimit të këtyre projekteve. Qëllimi kryesor ishte përmirësimi dhe koordinimi i përpjekjeve në fushën e arsimit të lartë në vend.

Në këtë ngjarje, përveç përfaqësuesve të institucioneve akademike, morën pjesë edhe përfaqësues të Erasmus Plus Kosova, Ministrisë së Drejtësisë, si dhe agjencive shtetërore si Agjencia Tatimore e Kosovës (ATK) dhe Dogana e Kosovës. Ky bashkëpunim multisektorial kontribuoi në shkëmbimin e praktikave më të mira dhe ideve inovative për avancimin e arsimit dhe zhvillimit institucional.

Profesorët Beqiri dhe Zefaj prezantuan progresin e arritur dhe aktivitetet kryesore të projektit COWEB deri më tani, duke theksuar rëndësinë e bashkëpunimit ndërkombëtar dhe ndikimin pozitiv të këtij projekti në ngritjen e kapaciteteve në fushën akademike dhe profesionale. Ata nënvizuan se angazhimi i UBT-së në projekte të tilla është dëshmi e përkushtimit të universitetit për promovimin e cilësisë dhe inovacionit në arsimin e lartë.

Continue Reading

Lajmet nga UBT

Studentët e programit Inxhinieri e Ndërtimit dhe Infrastrukturë në UBT realizojnë vizitë studimore në kuadër të moduleve “Mekanika e Dherave” dhe “Siguria në Punë”

Published

on

By

Studentët e vitit të dytë të programit Bachelor në Inxhinieri e Ndërtimit dhe Infrastrukturë në UBT realizuan një vizitë studimore shumë domethënëse. Kjo vizitë ishte pjesë e moduleve të rëndësishme “Mekanika e Dherave” dhe “Siguria në Punë”, të cilat zhvillohen gjatë semestrit veror.

Vizita studimore u organizua me një marshutë të planifikuar në mënyrë që studentët të kenë mundësinë të eksplorojnë dhe të mësojnë në terren, duke filluar nga Parku Shkencor, Inovativ dhe Teknologjik i UBT-së, në Lipjan, duke kaluar përmes Istogut dhe duke u kthyer në kampusin fillestar. Kjo lëvizje u realizua për të ofruar një eksperiencë gjithëpërfshirëse praktike, duke i ekspozuar studentët ndaj kushteve dhe sfidave reale në fushën e ndërtimtarisë dhe infrastrukturës.

Gjatë vizitës, studentët patën mundësinë të aplikojnë njohuritë e fituara në klasë në situata konkrete në terren, duke kuptuar më mirë aspektet teorike të mekanikës së dherave dhe rëndësinë e masave të sigurisë në vendin e punës. Kjo përvojë praktike theksoi nevojën për respektimin rigoroz të standardeve të sigurisë dhe menaxhimin efektiv të riskut në sektorin e ndërtimit.

Moduli “Mekanika e Dherave” u fokusua në studimin e sjelljes mekanike të dheut dhe materialeve të tjera ndërtimore në kushtet reale, ndërsa moduli “Siguria në Punë” adresoi praktikat dhe rregulloret që sigurojnë mbrojtjen e punonjësve gjatë kryerjes së aktiviteteve në ndërtim.

Kjo vizitë studimore është një shembull i qartë i modelit arsimor të integruar me praktikën, që programi Inxhinieri e Ndërtimit dhe Infrastrukturë në UBT promovon me përkushtim. Përmes aktiviteteve të tilla, studentët fitojnë aftësi të nevojshme për t’u bërë profesionistë të përgatitur mirë, të cilët mund të përballojnë sfidat e tregut dhe të kontribuojnë në zhvillimin e sektorit të ndërtimit në Kosovë dhe rajon.

Continue Reading

Lajmet nga UBT

Studentët e vitit të tretë në Menaxhment, Biznes dhe Ekonomi në UBT përfundojnë me sukses trajnimin praktik “Micro Business Game”

Published

on

By

Studentët e vitit të tretë në programin Menaxhment, Biznes dhe Ekonomi (MBE) në UBT kanë përfunduar me sukses trajnimin intensiv “Micro Business Game”, një iniciativë e dizajnuar për të zhvilluar aftësitë praktike dhe njohuritë e nevojshme në menaxhimin e bizneseve të vogla dhe startup-eve.

Ky trajnim, i cili u mbajt në dy sesione paralele me mbështetjen e organizatës gjermane German Sparkassenstiftung, përmbante një program të pasur teorik dhe praktik. Studentët patën mundësinë të punojnë në simulime reale të menaxhimit të biznesit, duke përfshirë fusha të rëndësishme si:

  • Menaxhimi financiar: Menaxhimi i buxhetit, kontrolli i fluksit të parasë dhe vendimmarrja për investime strategjike.
  • Menaxhimi i operacioneve: Organizimi i inventarit, optimizimi i proceseve të prodhimit dhe menaxhimi i zinxhirit të furnizimit.
  • Marketingu dhe shitjet: Krijimi i fushatave të marketingut, përcaktimi i politikave të çmimeve dhe strategjitë e shitjes.
  • Shërbimi ndaj klientit: Menaxhimi i kërkesave dhe ankesave për të përmirësuar përvojën e klientit.
  • Burimet njerëzore: Procesi i rekrutimit, trajnimit dhe menaxhimit të stafit për performancë optimale.
  • Trajnimi “Micro Business Game” është pjesë e përpjekjeve të vazhdueshme të programit MBE për të përgatitur studentët me aftësi të avancuara praktike që do t’i ndihmojnë ata të përballen me sfidat e tregut të punës dhe të zhvillojnë karriera të suksesshme në fushën e biznesit dhe sipërmarrjes.Ky trajnim u realizua nga trajnerët e kualifikuar Arta Mulliqi, Ardian Uka, Mentor Shaqiri dhe Kujtim Zylfijaj, të cilët udhëhoqën studentët nëpërmjet një procesi interaktiv dhe sfidues.

    Përmes këtij programi, UBT konfirmon angazhimin e tij për të ofruar një edukim cilësor, i cili kombinon njohuritë teorike me përvojën praktike, duke u mundësuar studentëve të zhvillojnë aftësi të nevojshme për menaxhimin efikas dhe inovativ të biznesit.

Continue Reading

Të kërkuara