Universi i UBT

Studenti nga Turqia, Musa Akyüz, po vazhdon studimet për një semestër në UBT

Akyüz zgjodhi që për një semestër të vijoj studimet në UBT.

Published

3 years ago

October 19, 2021

Betim Gashi

Studenti i programit Inxhinieri Kompjuterike në Bolu Abant İzzet Baysal University, Musa Akyüz, është duke shijuar aventurën semestrale në kuadër të programit Erasmus+, duke vazhduar studimet për një semestër në Fakultetin Shkenca Kompjuterike dhe Inxhinieri në UBT.

Ai zgjodhi që për një semestër të vijoj studimet në UBT, falë eksperiencave të mira që ka krijuar UBT vazhdimisht për studentët, si dhe për mundësitë e shumta që iu ka ofruar për të marrë praktikat më të njohura ndërkombëtare.

“Ndër institucionet që më janë ofruar për të studiuar, UBT ishtë institucioni i arsimit të lartë më prestigjioz, më modern, më i bukur dhe mbi të gjitha më cilësori”, ka thënë fillimisht Akyüz.

Kontributin e UBT-së në arritjet e tij akademike dhe jetësore e sheh si të rëndësishëm, marrë parasysh edhe faktin se do të njoh edhe një kulturë të re, në një shtet të vogël por me qytetarë dhe njerëz shumë të shoqërueshëm.

“Përfitimet e mia nga ky shkëmbim studentor, konkretisht nga UBT është mësimi i gjuhës dhe ndryshimi i mënyrës së jetesës. Për mua, mënyra më e mirë për të mësuar është zgjidhja e problemeve që do të na vijnë në jetën e zhvilluar jashtë vendit, duke përdorur një gjuhë të huaj”, ka thënë studenti i programit Inxhinieri Kompjuterike në Bolu Abant İzzet Baysal University, Musa Akyüz.

Musa i rekomandon të gjithë të rinjtë që të bëhen pjesë e shkëmbimeve studentore përmes programit Erasmus+, program i cili sipas tij do ua ndryshojë jetën e tyre.

Aktualitet

UBT organizon konferencën ‘Inovacioni dhe Mbrojtja e Pronësisë Intelektuale’

Published

12 hours ago

April 16, 2025

Albina Zeneli

Në vazhdën e organizimit të eventeve në UBT, ka filluar të mbahet edhe konferenca ‘Inovacioni dhe Mbrojtja e Pronësisë Intelektuale’.

Konferenca ka filluar me një fjalim hyrës nga Rektori i UBT-së, Prof. Dr. Edmond Hajrizi.

Pjesëmarrës në këtë konferencë janë edhe Zjarrta Osmani e cila është ushtruese e detyrës së Drejtorit nga Zyra për të Drejtat e Autorit, Ligjërues Avdi Krasniqi – Zv. Drejtor i Përgjithshëm si dhe Sadie Topojani që është Udhëheqëse e Sektorit të IP në Doganë dhe Ligjëruese në UBT.

Kjo ngjarje u organizua në bashkëpunim me Zyrën për të Drejtat e Autorit dhe Doganën e Kosovës, dhe synon të ofrojë një pasqyrë të rëndësishme mbi mbrojtjen ligjore të inovacioneve, dizajneve, patentave dhe të drejtave të autorit në sektorë të ndryshëm si teknologjia, inxhinieria dhe biznesi.

Agjenda ka përfshirë edhe pika të tjera si:

Prezantime nga përfaqësues të lartë të institucioneve relevante,
Diskutim të hapur dhe mundësi për rrjetëzim profesional,
Përmbyllje me përmbledhje të konkluzioneve kryesore.

/UBT News/

Aktualitet

Fillon konferenca për tranzicionin e energjisë në UBT

Published

13 hours ago

April 16, 2025

Albina Zeneli

Ka filluar konferenca ‘Tranzicioni i Energjisë; Implementimi i Politikave të Strategjisë së Energjisë, Digjitalizimi’, e organizuar nga UBT i cili po mbahet në Parkun Shkencor, Inovativ dhe Teknologjik të UBT-së në Lipjan.

Në këtë konferencë po merr pjesë Rektori i UBT-së, Prof. Dr. Edmond Hajrizi, ministrja e Ekonomisë, Artane Rizvanolli, kryesuesja e Komunitetit Nacional CIGRE, Pranvera Dobruna-Kryeziu dhe Ymer Fejzullahu, kryetar i Bordit të ZRRE.

Të ftuar të tjerë janë po ashtu ekspertë të fushës së energjisë elektrike në vend.

UBT News do të ju sjell informacionet kryesore të kësaj konference me rëndësi.

Vlen të përmendet se edhe studentët e UBT-së po e ndjekin këtë ngjarje.

Lajmet nga UBT

Konferenca ‘Tranzicioni i Energjisë; Implementimi i Politikave të Strategjisë së Energjisë’, Armend Ymeri flet për organizimin

Published

1 day ago

April 15, 2025

Albina Zeneli

Emisioni n’Ritëm në Campus Radio me autore dhe moderatore Albina Zeneli pati të ftuar Prof. Ass. Dr. Armend Ymeri i cili njëherësh është dhe Dekan i Fakultetit të Inxhinierisë së Energjisë në UBT.

Me të diskutuam për konferencën ‘Tranzicioni i Energjisë; Implementimi i Politikave të Strategjisë së Energjisë, Digjitalizimi’, ngjarje kjo që do të mbahet nesër me fillim nga ora 08:30 në Kampusin Inovativ të UBT-së në Lipjan.

“Kemi ftuar ekspertë të fushës që do të ndajnë përvojat e tyre me të pranishmit, do të jenë Pranvera Dobruna, Artane Rizvanolli, përfaqësues mga KEK, KOSTT dhe KEDS”, u shpreh Z. Ymeri.

Përndryshe, Dekani ka bërë thirrje që studentët të marrin pjesë sepse sipas tij i’a vlen dhe madje thekson se kuadrot e reja të UBT-së janë me fat për mundësitë që ofrohen.

Lajmet nga UBT

Studentët e Psikologjisë dëgjojnë rrëfimin e Ramadan Nishorit – Zëri i parë i një të mbijetuari të dhunës seksuale gjatë luftës

Published

2 days ago

April 14, 2025

UBTnews

Me rastin e Ditës Memoriale të të Mbijetuarve të Dhunës Seksuale gjatë luftës në Kosovë, studentët e vitit të parë dhe të tretë, të Fakultetit të Psikologjisë, nën mbikëqyrjen e Prof. Violeta Zefi, morën pjesë në një ngjarje të organizuar nga Qendra Kosovare për Rehabilitimin e të Mbijetuarve të Torturës.

Gjatë kësaj ngjarjeje, studentët e Fakultetit të Psikologjisë kishin mundësinë të dëgjonin historinë rrëqethëse të Ramadan Nishorit, një nga të mbijetuarit e dhunës seksuale gjatë luftës në Kosovë. Nishori, në një rrëfim në Ditën Memoriale të të Mbijetuarve të Dhunës Seksuale gjatë luftës, tha se ishte dhunuar nga policët serbë në vitin 1998, derisa po mbahej në stacionin policor në Drenas.

“Për drejtësinë. Për të vërtetën. Për shërimin tim dhe të gjithë atyre që vuajnë në heshtje.”, shprehet Ramadan Nishori, ndërsa u drejtohet me një thirrje të gjithë të mbijetuarve.

Kjo ngjarje e organizuar sot, më 14 prill, ishte një përvojë e thellë reflektimi dhe ndërgjegjësimi për studentët e UBT-së, duke theksuar rëndësinë e mbështetjes për të mbijetuarit e dhunës seksuale gjatë luftës në Kosovë.

Fjalimi i Ramadan Nishorit dhe gjithë përvoja e këtij aktiviteti ishin një mundësi për studentët që të kuptonin më thellë pasojat e dhunës seksuale dhe rëndësinë e rehabilitimit të të mbijetuarve.