

Lajmet nga UBT
Studentët e UBT-së realizuan disa vizita studimore në Stamboll të Turqisë
Studentët bashkë me profesorët e këtyre dy programeve të studimit patën mundësi që të zhvillojnë takime të larta shtetërore.
Published
3 years agoon
By
Betim GashiStudentët e Fakultetit Juridik dhe Fakultetit Shkenca Politike në UBT, kanë realizuar disa vizita studimore në qytetin e bukur të Stambollit në Turqi.
Studentët në këtë vizitë studimore, të shoqëruar nga prodekani i Fakultetit Juridik, Mensur Morina, profesorët: Egzona Osmanaj, Sevdai Morina, Rrezarta Ajeti, Emrush Thaqi, si dhe koordinatoret e dy fakulteteve Ylberina Bajraktari dhe Samire Sadiku, patën mundësi që të përfitojnë eksperienca të reja nga vizitat nëpër vende dhe institucione të ndryshme.
Studentët bashkë me profesorët e këtyre dy programeve të studimit patën mundësi që të zhvillojnë takime të larta shtetërore, përfshirë takimin me kryetarin e Komunës së Üsküdar, Hilmi Türkmen, kryetarin e Komunës së Başakşehir, Yasin Kartogl, kryetarin e Komunës së Tuzlasë, Dr. Şadi Yazici, me nënkryetarin Iskender Karikaya.
Ndër të tjera në këtë vizitë studimore, studentët patën rastin që të takohen edhe me kryetarin e Këshillit Prokurorial, Haşim Özaydın, kryeprokurorin e shtetit, Vedat Yiğit, teksa u pritën në vizitë edhe nga instituti i mjeksisë ligjore nga zëvendës-kryetari i institutit, Dr. Mustafa Okudan, dhe profesori, Erol Kam.
Kjo vizitë studimore u vazhdua me mikpritjen që universiteti “Istanbul Ticaret” ia bëri studentëve të UBT-së, nga ku studentët dhe profesorët e UBT-së u mirëpritën nga rektori i këtij universiteti, prof. dr. Yucel Ugurlu, dekanja, prof. dr. Asuman Yilmaz, prodekanja, prof. dr. Nurhan Yaprak, si dhe kryetarin e departamentit civil, prof. dr. Sahin Akinci, me të cilët u diskutua edhe për thellimin nivelin e bashkëpunimit ndërmjet dy institucioneve të arsimit të lartë.
Universiteti “Istanbul Ticaret”, nuk ishte i vetmi institucion i arsimit të lartë që studentët patën mundësinë që të vizitojnë në Turqi, pasi që ata e vizituan edhe universitetin “Yildiz Teknik”, ku studentët për së afërmi panë teknoparkun e zhvilluar nga ky institucion i arsimit të lartë, si dhe universitetin “IBN Haldun”, ku mikpritës ishte rektori i këtij institucioni të arsimit të lartë, prof. dr. Atilla Arkan.









You may like
-
Laura e Argjendtë – UBT dhe Kosova përfaqësohet denjësisht në lojërat universitare botërore në Gjermani
-
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Regjistrimet në Shkollën Fillore të UBT-së vazhdojnë – Interesim i madh nga prindërit për një arsim inovativ dhe cilësor
Lajmet nga UBT
Vazhdojnë regjistrimet në Inxhinieri të Ndërtimit dhe Infrastrukturë, vetëm edhe pak vende të lira!
Published
2 days agoon
July 24, 2025By
UBTnews
Dekani i Fakultetit Inxhinieri e Ndërtimit dhe Infrastrukturë, prof. Dr. Visar Krelani ishte i ftuar në Podcastin e UBT Media. Ai prezantoi gjerësisht programin e këtij fakulteti, duke treguar për mundësitë e studimit dhe rëndësinë që ky program ka në vendin tonë.
“Duke ditur rëndësinë e kësaj fushe në Kosovë dhe interesimin e lartë, ekonomia jonë rreth 40 – 50 për qind është Inxhinieri e Ndërtimit, është ndërtimtari, infrastrukturë, ndërtime, rindërtime, kemi struktura, diga që do të ndërtohen dhe është kërkesë shumë e lartë për zhvillim të infrastrukturës. Qëllimi është që studentët tanë të kenë zgjedhje në një profesion të sigurt për punësim”, tha ai.
UBT numëron qindra partnerë ndërkombëtare, përmes të cilëve studentëve u krijohet mundësi të marrin pjesë në gara të ndryshme, shkëmbime studimore dhe hulumtime shkencore. Kosova është përfaqësuar vazhdimisht në vende të ndryshme të rajonit përmes studentëve të Fakultetit Inxhinieri e Ndërtimit dhe Infrastrukturë në UBT.
“UBT ka mbi 500 partnerë aktiv ndërkombëtarë, ndërkaq, si Inxhinieri e Ndërtimit dhe Infrastrukturës kemi partnerë jashtëzakonisht të rëndësishëm, siç është “Politecnico di Milano” në Milano të Italisë. Ne për momentin kemi studentë aktiv të nivelit bachelor dhe master në Valencia, të cilët po kryejnë një semestër në Politecnico të Valencias dhe në mbikëqyrjen e profesorëve atje dhe në UBT po realizojnë prova në laboratorë me studentë nga bota”, shtoi dekani Krelani.
Vendet e lira për regjistrim mbeten të kufizuara, prandaj, për të gjithë të interesuarit dr.Krelani bëri thirrje që të sigurojnë vendet e tyre në qendrën kryesore të regjistrimeve të UBT-së.
Fakulteti Inxhinieri e Ndërtimit dhe Infrastrukturë në UBT është themeluar në vitin 2013, dhe deri më tani radhitet në mesin e Fakulteteve më të suksesshme në këtë institucion.
Aktualitet
Laura e Argjendtë – UBT dhe Kosova përfaqësohet denjësisht në lojërat universitare botërore në Gjermani
Published
2 days agoon
July 24, 2025By
Driton Iseni
Një tjetër sukses i jashtëzakonshëm për sportin kosovar dhe për UBT. Studentja dhe xhudistja e njohur, Laura Fazliu, ka fituar medaljen e parë në historinë e Kosovës, atë të argjendtë, në Lojërat Universitare Botërore “FISU World University Games”, të mbajtura në Rhine-Ruhr, Gjermani.
Laura tregoi performancë mbresëlënëse në kategorinë e saj, duke e nisur garën në mënyrë të fuqishme:
Xhiroja e dytë – Mposhti Sofiia Bordinskykh nga Ukraina
Çerekfinalja – Triumfoi ndaj Viktoria Folgen nga Gjermania
Gjysmëfinalja – Shënoi fitore të madhe kundër Flavia Favorini nga Italia
UBT dhe mbarë Kosova janë krenarë me Laura Fazliun. Suksesi i saj është frymëzim për të gjithë studentët dhe të rinjtë që synojnë të arrijnë majat e suksesit në sport.
Lajmet nga UBT
Prof. Dr. Alfred Marleku publikon artikull shkencor në revistën prestigjioze “Security and Defence Quarterly”
Published
2 days agoon
July 24, 2025By
UBTnews
Prof. Dr. Alfred Marleku, profesor në Fakultetin e Shkencave Politike të UBT-së, ka publikuar artikullin e tij të fundit shkencor në revistën ndërkombëtare “Security and Defence Quarterly”, revistë kjo e cila botohet nga War Studies University, një ndër institucionet më të njohura akademike në fushën e sigurisë dhe mbrojtjes.
Artikulli, me titull “Public intelligence as a strategic tool: the role of real-time intelligence disclosure in the Ukraine War”, analizon rolin e intelegjencës publike si një instrument strategjik gjatë luftës Ukrainë-Rusi, duke treguar se publikimi i të dhënave në kohë reale nga ShBA-të dhe Mbretëria e Bashkuar ka qenë veçanërisht efektiv në kundërshtimin e dezinformimit rus dhe në forcimin e kohezionit diplomatik midis aleatëve perëndimor.
Sipas Marlekut, për dallim nga konfliktet e mëparshme, ku intelegjenca qëndronte brenda qarqeve të klasifikuara, lufta në Ukrainë shënoi një ndryshim të rëndësishëm, ku transparenca u shndërrua në një mjet publik të politikëbërjes strategjike.
Gjetjet e artikullit theksojnë gjithashtu ndikimin që ka pasur kjo qasje në formësimin e narrativave globale dhe në mobilizimin e mbështetjes ndërkombëtare. Megjithatë, Prof. Marleku nënvizon se, pavarësisht efektit të saj, vlera parandaluese e inteligjencës publike mbetet e diskutueshme, pasi ajo nuk arriti të ndaloj pushtimin rus të Ukrainës.
Ky publikim përbën një kontribut të rëndësishme në fushën e studimeve të sigurisë, diplomacisë dhe strategjisë moderne, duke sjell një analizë të thelluar të një fenomeni që po formëson mënyrën se si vendet komunikojën dhe reagojnë në kohë krizash ndërkombëtare.
Artikulli mund të lexohet në: https://securityanddefence.pl/Public-intelligence-as-a-strategic-tool-The-role-of-real-time-intelligence-disclosure,205566,0,2.html
Aktualitet
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
Published
3 days agoon
July 23, 2025By
Driton Iseni
Në një kohë kur sfidat shëndetësore globale po intensifikohen dhe sistemet e kujdesit shëndetësor kërkojnë qasje të integruara dhe të qëndrueshme, UBT ka akredituar me sukses programin Bachelor në Shëndet Publik dhe Shkenca Mjekësore (180 ECTS). Ky program trevjeçar synon përgatitjen e profesionistëve të aftë për të kontribuar në parandalimin, edukimin, planifikimin, menaxhimin dhe vlerësimin e ndërhyrjeve në shëndetin publik.
Program me përmbajtje unike dhe vlera praktike
Programi është konceptuar sipas standardeve evropiane të arsimit të lartë dhe përqafon një qasje praktike dhe multidisiplinare. Përmbajtja përfshin lëndë bazë si epidemiologjia, higjiena, shëndeti mendor dhe riprodhues, si dhe module të avancuara si menaxhimi i emergjencave, analizat e sistemeve shëndetësore, teknologjitë e informacionit në shëndetësi, etika dhe promovimi i shëndetit.
Studentët përfitojnë nga një kombinim i balancuar mes ligjëratave teorike, punës praktike në laboratorët modernë të UBT-së, dhe praktikave profesionale në institucione partnere si: Poliklinika Universitare e UBT, Spitali Universitar UNITED, QKUK, si dhe Instituti Kombëtar i Shëndetit Publik.
Rëndësia për shëndetin publik në Kosovë
Kosova përballet me sfida të mëdha në fushën e shëndetit publik, nga sëmundjet infektive e kronike deri te përballja me emergjenca dhe fatkeqësi natyrore. Ky program synon të formojë profesionistë që do të jenë në vijën e parë të përmirësimit të kujdesit shëndetësor parësor, edukimit shëndetësor në komunitet dhe monitorimit të rreziqeve shëndetësore.
Mundësi të gjera punësimi dhe zhvillimi profesional
Të diplomuarit nga ky program do të jenë të përgatitur për punësim në:
- Qendrat e Shëndetit Publik në nivel komunal dhe qendror;
- Institucionet e kujdesit parësor dhe preventiv;
- Ministrinë e Shëndetësisë, Ministrinë e Mjedisit dhe institucionet që monitorojnë faktorët e rrezikut;
- Agjencinë e Ushqimit dhe Veterinarisë, OJQ-të në fushën e shëndetit publik, si dhe në projekte të WHO, UNICEF, UNDP etj.;
- Qendrat e Promovimit të Shëndetit në shkolla, komunitete dhe institucione edukative.
Për më tepër, studentët kanë mundësi të vazhdojnë studimet në nivelin Master në Shëndet Publik dhe Menaxhim, Biokimi Klinike apo Shkenca Paramjekësore në UBT ose universitete ndërkombëtare.
Pse të zgjedhni UBT?
UBT është institucioni më i madh dhe më i ndërkombëtarizuar i arsimit të lartë në Kosovë, me mbi 12,500 studentë, 1,500 staf akademik dhe administrativ, si dhe bashkëpunim me mbi 500 universitete ndërkombëtare. Me një kampus modern mbi 15,000 m², laboratorë të teknologjisë së lartë, Poliklinikë Universitare me mbi 20 ambulanca funksionale dhe një Spital Universitar, UBT ofron kushte të avancuara për zhvillim profesional dhe akademik.
Përveç Shëndetit Publik, UBT ofron programe të akredituara në fusha të shumta të shkencave mjekësore, përfshirë: Farmacinë, Stomatologjinë, Radiologjinë dhe Biokiminë Mjekësore.

Dështimi i 53-të, deputetët mblidhen sonte prapë në orën 22:00

Zemaj: Nuk pres të ketë diçka as pas dy javësh

Limaj: S’po shoh ndonjë mundësi për ndryshim sot

Murati: Nuk është problem që të sigurohen votat për të tejkaluar këtë ngërç

Bogujevci: Presim që deputetët do të votojnë

Temperaturat e larta, Kuvendi nuk i lë mediat te hyrja kryesore

Zjarret në Shqipëri, gjatë 24 orëve janë evidentuar 29 vatra zjarri, 13 vatra ende aktive

Trump thotë ‘është mirë që jam në Skoci’, zbarkon për një udhëtim katër-ditor

Kurti bën homazhe pranë varrit të veprimtarit Adem Demaçi në shtatëvjetorin e vdekjes së tij
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore